سؤال في قيادة السيارة الدفع الخلفي

[نص دنيا]

السلام عليكم

سؤال يحتاج لجواب ويكون خبييير شووي في الدفع الخلفي :banana:
أدري تبي تقولون عليمي ماا يعرف يسوق لكن مو مشكله :D

1 تخيل معك لومينا أس أس وواقف عند أشار وفجئه دست على البنزين لأخر شي طبعا السيارة دفع خلفي رااح يختل توازنها من الخلف و يتغير أتجهها انا كسواااق كيف اقدر اخلي السيارة تمشي عدل بدون ما يختل التوازن اقصد بدون ما اصدم اللي يمين ويساري :D

2 - تخيل برضو تسوق لومينا دفع خلفي وماسك المسار الوسطي وتبي تنتقل للمسار اللي يمين ومع لفت الدرقسون دعست على البنزين رااح يختل التوازن ااناا وشلووون أخلي السيارة تدخل للمسار بدون اي مشااكل

وشكرا لكم

نص دنيا

[الكبريت]

السلام عليكم

شوف اذا تبغى ايجابة واحد يعتقد انه سويق فبيقولك :

اذا قمت بالسياره وسحبت ارفع رجلك عن البنزين وعدل الطاره ومن ذا الكلام والخرابيط

بس اذا تبغى ايجابة واحد خبره سواقه وعاش في الطريق مزبوط فبيقولك :

ان السالفه تحتاج فقط خبره يعني يوم ورا يوم حتتعلم انت بنفسك كيف تمسك السياره وماتخليها يختل التوازنها

وماحد يقدر يعلمك قد ما تتقدر انت تعلم نفسك

وطبعا مع الايام حتتعلم من اغلاطك وتصححها وتصير أحسن سويق

والسالفه تحتاج تعود فقط



السايق الماهر مايقول انا احسن سويق السايق الماهر هوه اللي يطور سواقته كل يوم .

[lumina]

كلام أخوي الكبريت صحيح ..

تبا تمسك السيارة بحيث مايختل وزنها .. تعود على السيارة و إعرف قياساتها يعني يوم تشوف شباب يدخل الدوارات عرض يعني Drift تقول كيف يسويها .. تعلم من أغلاطه و متعود على السيارة و عارف قياساتها وعارف كيف تتصرف السيارة يوم يدعس بها دعسه كامله .. والله يبعد عنك الشر.

[Lorinser300E]

في حاجه يسمونها أوبيزت لوك يعني القفل العكسي بالعربي وهذا معناه انك او السياره لحالها تحرك الدركسون عكس إتجاه إنحراف السياره لين تمشي في خط مستقيم يعني مثلا:

انت عندك سياره دفع خلفي فالنقل لومينا
وانت داش لفه عل يمينك وداعس البانزين
السياره راح تتحرك مؤخرتها للخارج أو يسموه بالعنجليزي oversteer

مثل ماهو موضح بهذي الصوره http://www.modernracer.com/tips/frontwheeldriveoversteer2.jpg

انت في هذي الحاله تحرك الدركسون للجهه العكسيه للفه ( اوبيزت لوك ) مثل ماهو موضح في الصوره ان اللفه يمين و هو يلف الدركسون شمال


وفي حاجه ثاني انا لاحظتها لما سقت لومينا ( مع انها دفع خلفي ) ان فيها شويه understeer

و الاندر ستير هو
نفرض مثلا ان عندك سياره دفع امامي وانت جاي تدش لفه من جهة اليمين وانت داعس بنزين الزياره ما راح تلف راح تمشي سيدا وتصدم في الجدار او تطيح من كبري :D

مثل ماهو موضح في هذي الصورهhttp://www.bosch.co.jp/jp/esp/images/understeer.gif

هذا الي عندي و إن شاء الله إذا في معلومات زياده غيري ممكن يفيدك

http://home.pon.net/hunnicutt/images/understeer.GIF http://home.pon.net/hunnicutt/images/oversteer.GIF

[sayedco]

على فكرة : حركة القفل العكسي اللي شرحها الأخ لورينسر الله يعطيه ألف خير مفيدة جداً

و لو عندك مساحة كبيرة تجرب فيها ممكن تستفيد أو الدوارات مثلاً

و بتلاحظ إنك مثلاً إذا لفيت يمين و ظليت مايل الدركسون لليمين (في حالة إن السيارة منفلتة طبعاً) بتشوف ما تقدر تلف إلا إذا السيارة خففت سرعتها إلى السرعة اللي السيارة ما تنزلق على الأرض

لكن بالحركة هاذي إنته و في حالة الإنزلاق تقدر تعدل وضع السيارة (لكن ركز على إنك بسرعة كبيرة مو سرعات عادية و تسوي الحركة بتروح يسار و إنته ما تدري)

بس مثل ما قالوا الشباب بالخبرة حتى بدون ما أحد يعطيك معلومات تقدر تعرف

بس المهم حاسب لا تدش الدوار عكسي :D لول

[Lorinser300E]

على العموم understeer هذا مشهور في السيارات الدفع الأمامي يعني تقريبا كل السيارات الدفع الأمامي فيها هذا المشكله ( إلا بعض السيارات المتقدمه ;)
يعني معضم السيارات الموجوده في المنطقه فيها هذي المشكله

وبالنسبه للoversteer لو كانت سيارات الدفع الأمامي فيها هذي الحركه بشكل بسيط تعتبر ميزه لها

[مؤيد اف1]

اشوف تعلمو الرجال درفتنج :D

[الماني]

الله يستر... حركات حلوة بس ما انصحكم بيها!

http://www.meggala.com/driftpicsassort/1driftyellow.jpg

http://allabout.co.jp/auto/autosupply/closeup/CU20030414/drift.jpg

تحياتي...

[bashar_255]

جرب ذي بالقير الأوتو :D

ادخل الدوار على الهداوة على قير ثاني لو ثالث يعني على سرعة 40 كذا فضي القير و لف الدركسون شوي يمين و ادعس بنزين بقوة و اشبك القير و انت تلف الدركسون على اليسار و دبل للدعس على خفيف و السيارة تفتر بك على الدوار بالراحة :D

أي اختلال بالدعسة انا ما لي شغل :D

[sayedco]

اشوف تعلمو الرجال درفتنج


اي والله هاي اللي صاير :]

[ERT]

سوق سوق الين ما تتعود فيها تتأقلم ... سويت كم من درفت على جولف تدرون شو طلعلي oil display !!

بس صعب كنت وشوي بدعم الرصيف لووول صعب ... بجرب على كابرس الوالد اكيد بتطلع حلوه

في الدرفت لوول صابونه

[نص دنيا]

السلام عليكم

وشكرا للجميع

واشوفكم أتفقتو على أني لازم أتعود على بعض الحركات الخفيفه علشان أتعرف على المواقف اللي تصير واعرف اتصرف معها . . . ااناا ماا عندي اي مشكله اجيب سرعة 260 كيلو وادخل بين السيارة بدون اي مشااكل لأني تعودت وتعودت على المواقف اللي تصير علشان كذا أعرف اتصرف وبدون اي مشااكل بأذن الله لكن مشكلتي أول ماا اسمع صوت الكفرات بدت تصرخ لا شعوري امسك الفراامل :D وهو أكبر غلط . . اتفقتو بعد على انو اذا السيارة اختل التوازن اترك الدركسون لحد ما يتعدل وعدها أمسك الدركسون ولا انو وش رئيكم .

نص دنيا

[سدرك]

الله يعينك

[sayedco]

واشوفكم أتفقتو على أني لازم أتعود على بعض الحركات الخفيفه علشان أتعرف على المواقف اللي تصير واعرف اتصرف معها . . . ااناا ماا عندي اي مشكله اجيب سرعة 260 كيلو وادخل بين السيارة بدون اي مشااكل لأني تعودت وتعودت على المواقف اللي تصير علشان كذا أعرف اتصرف وبدون اي مشااكل بأذن الله لكن مشكلتي أول ماا اسمع صوت الكفرات بدت تصرخ لا شعوري امسك الفراامل وهو أكبر غلط . . اتفقتو بعد على انو اذا السيارة اختل التوازن اترك الدركسون لحد ما يتعدل وعدها أمسك الدركسون ولا انو وش رئيكم .


أخوي لا يكون شجعناك على الدرفت أخاف تكنسل لنا روحك :D

بالنسبة للدركسون مو تخليه و تتركه لما يتعادل يعني مادري شلون بس إنته جرب و شوف اللي يناسب في مكان خالي من السيارات

و مثل ما قالوا أهم شي مو إنه بالكلمات و الشرح ، الخبرة تكفي و التجارب الكثيرة

على فكرة الكابريس في الدرفت ينزلق مثل الصابونة >>> عليها عزم غير طبيعي

[SmLo]

خخخخخخخخخخ

ما شاء الله ما قصرو الشباب...........ودرفتنج كمان

[mr_z]

شباب ترى الدرفتنج رياضه استهلاكيه
يعني اللي يمارسها يحتاج ميزانيه وقطع غيار
مثلا الكفرات والمساعدات قد تنتهي او تتضرر
عدا عن ذلك ليس لها اماكن
فلا تمارسوها مهما بدت لكم