View Full Version : سؤال عن ال Z350
كرافت
01-07-2005, 02:37 AM
سلام عليكم
مدري لو فيه احد منكم جرب النيسان زد 350 من موديل 2003 وفوق
انا بخاطري اشتريها بس ما ادري لو فيه احد جربها او عنده ملاحظات عنها او راي فيها يرد علي هنا
ومشكورين شباب
TOP-SECRET
01-07-2005, 03:44 AM
والله انا ماشريتها اخوي
بس كتجربه السياره روعه وماعليها كلام وقويه جدا
واذا تبي احد من الاعضاء اعتقد العضو C6 عنده 350 زي تقدر تاخذ كل التفاصيل منه
هلا بيك اخوي
انا معي Z350 موديل 2004
السيارة لاخوي الكبير لاكن مايستخدمها ودايم معي
السيارة جميلة بالفعل سريعة جداً تقتل منافسيها امثال الكابرس واللومينا SS
جربت مع كابرس كانت الفزة لصالحي
ملفتة للانضار بالفعل حجمها صغير وانسيابية بالفعل شكلها جميل جداً ومتناسق لابعد الحدود
صرفيت البنزين معقولة ومريحة جداً ماتصرف كثير طيبة واقتصادية لاكن حط في بالك مع الدعس المستمر راح يتغيير الوضع....
عيوبها:
نضام التعليق رياضي بحت قاسي كانك راكب سيارات فورملا على السرعات العالية مع المطبات السيارة تهتزة تطمر
التكييف:
باليل ماشاء الله ماتقدر تشغلةى على رقم 2 راح تجمد وسط السيارة
لاكن بالضهر لما تكون درجة الحرارة 50 او مايقاربها لابد تشغل المكييف على الماكسMAX
على اساس تلحق وتبرد السيارة
وهذي عادة بسيارات نيسان التكييف ليس بكفائة تويوتا
كان واحد من العيال معة زد وقدر الله وصار علية حادث ولما طلع بها على الوكالة السيارة طولت كثير على اساس قطع الغيار تجي طلبية من الخارج وهذا الشي من ردائة الوكيل...
العيب الاكبر لايمكن تجاهلة
العزل الصوتي داخل السيارة صفر وزعجة كثير على السرعات العالية يعني انا مو مقتنع اني اسافر فيها بالمررررة
لانها مزعجة كثير بسبب قربها من الارض صوت الارض والكفرات داخل السيارة
انا ممكن امتلك السيارة واول حاجة افعلها اني اطلب عوازل داخلية للسيارة لتفادي الازعاج الخارجي (بالفعل لايطاق)
انا انبهرت من هذا الشي...
واي شي انا حاضر
red_RPM
02-07-2005, 01:14 AM
السلام عليكم
السياره ماعليها إخلاف
بس موديل 2006 راح يكون فيه بعض التعديلات الخارجيه البسيطه
تحياتي
السلام عليكم
السياره ماعليها إخلاف
بس موديل 2006 راح يكون فيه بعض التعديلات الخارجيه البسيطه
تحياتي
التغيرات راح تكون باشمعات الامامية (التغيير داخلي فقط)
والخلفية راح تكون بنضام LED :-)
مؤيد اف1
02-07-2005, 04:32 AM
خذ لك لومينا كوبيه جير عادي وان شاء الله راح تدعي لي :D
كل شي فيها اوكي والمكيف 100% والعزل جيد..انما قاسيه كأي سياره رياضيه :p
واعتقد انها ارخص رغم مميزاتها :-)
red_RPM
02-07-2005, 07:13 AM
بعض صور ال2006
حصلتها في منتدي أجنبي
http://www.s2ki.com/forums/index.php?showtopic=298432
اول شي حسب ميزانيتك
ثاني شي الاخ بنز ماشاء الله ماقصر اعطاك العلم كله بس احب اضيف شي الي هو اهم شي تلاحظوا في السيارة القير تسمع في صوت (زي كأنك بتطحن شي) هذا لمن تكون واقف وحاط القير على الN (طبعا قير عادي)
الشي الثاني حرارة غير طبيعية تدخل من جهة رجل السواق من المكينة طبعا ويقولوا هذا العيب عدلوا في ال2005
باختصار السيارة ممتازة وصدقني ماحتندم ابدا انك اشتريتها حت العيوب هذي لاتذكر وبعدين حط في بالك انك راكب سيارة رياضية مو لكزس او مرسيدس ولا حتى بي ام
(طبعا احلى شي تلاحظه في السيارة الhandling والعزم)
king GT-R
02-07-2005, 10:16 PM
شباب كثيرين يشكروا في السيارة ويقولوا انها من أفضل السيارات الرياضية
TOP-SECRET
03-07-2005, 12:20 AM
وترى عندك الموستنق الجديد 2005 كخيار ثاني وارخص لو بغيت
خذ لك لومينا كوبيه جير عادي وان شاء الله راح تدعي لي :D
كل شي فيها اوكي والمكيف 100% والعزل جيد..انما قاسيه كأي سياره رياضيه :p
واعتقد انها ارخص رغم مميزاتها :-)
لومينا كوبية مااشتريها ببلاش سيارة مملة بكل المقييس
الجير بكس تعبان يبي لك توضيب كل شهر مع تغيير الزيت :knight:
لووووووووووووووووووووووووووووول
للاسف اخوي ماكو وجة مقارنة بين اللومينا كوبية والسيدان والزد
وعلى طاري اللومينا اس اس الكوبيه القير عادي ترى مرة تعبان السيدان الاتوماتيك يروح عليه والله العظيم ياشباب واحد من الشباب عنده واحد من اصحابه من اول الناس الي اشتروها (تذكرون لما جابوها جدة جابوا خمس سيارات بس) والله الولد باعها وهي ما كملت 7000 كيلو حتى (من زود القهر)
الشبابي
03-07-2005, 11:58 AM
اخوي كرفات ...
السيارة كسيارة رياضية ممتازة جداااااااااا .... والتسارع فيها ممتاز واستهلاكها كذلك ...
ومن ناحية الثبات فالنوعية اللي عندنا وهي Track ايديشن في امريكا ثباتها عالي جدا وتدخل السلالوم تيست بسرعة 68.9 على ما اذكر وهذا الرقم مماثل للام 3 ....
ونظام الفرامل بحد ذاته ميزة وهو من نوع بريمبو والنظام لوحدة يصل الى 6000 دولار ، طبعا الفرق شاسع من ناحية الثبات والفرملة بينها وبين اللومينا ..وكذلك المكيف في الزد افضل ولايغرك انا معاي مكسيما وصاحبي لومينا ومكيفي اقوى من اللي عنده ومع التظليل العازل الحراري تصير 100 % خصوصا بعد ما سمحوا فيه الان ...
اللومينا الجير العادي قد قلت كثير انها اضعف من الاوتو لكن ما احد صدق وكلام الاخ c6 اثبت كلامي خصوصا ان عندي مجلة انجليزية جربوا اللومينا العادي مع الزد العادي والزد يطلع بفرق كبير لكن مع الاوتو بصعوبة يطلع ... واللومينا اريح واوسع عموما ...
اخوكم الشبابي
كرافت
04-07-2005, 01:16 AM
مشكورين شباب
انا ما اقتنع الا بالسيارات اليابانيه ما فيها مشاكل زي الالمانى والامريكي
صح قطعها غاليه بس ما يخالف
لو فيه سوبرا هنا بالسوق كان شريت
بس ما يخالف نجرب الزد
انا الحين ادور بالمعارض زي من 2003 بس ما راح اشتري مستعمله الا لو نظيفه مرررررررررره
بس لو لقيت بالمعارض ما يمنع اسوي تيست درايف
مشكورييييييييين
بنز اضفتك عالمسنجر
مع اني ماجربتها...
بس سيارة رياضية ناجحة درجة اولى..
واخوي في خيار اخر.. بنت عمتها الانفنتي الكوبي ماخذه وايد من الزد وحلوة واكثر فخامة بس مادري بخصوص القوة...
بالنهاية Go Head مثل ماتفضلوا الاخوان بالراي...
لاتنسى السلفر احلى لون اشوف عليها...
SLR
مؤيد اف1
04-07-2005, 05:53 PM
لومينا كوبية مااشتريها ببلاش سيارة مملة بكل المقييس
الجير بكس تعبان يبي لك توضيب كل شهر مع تغيير الزيت :knight:
لووووووووووووووووووووووووووووول
للاسف اخوي ماكو وجة مقارنة بين اللومينا كوبية والسيدان والزد
أما صاروخ :D
مؤيد اف1
04-07-2005, 05:55 PM
وعلى طاري اللومينا اس اس الكوبيه القير عادي ترى مرة تعبان السيدان الاتوماتيك يروح عليه والله العظيم ياشباب واحد من الشباب عنده واحد من اصحابه من اول الناس الي اشتروها (تذكرون لما جابوها جدة جابوا خمس سيارات بس) والله الولد باعها وهي ما كملت 7000 كيلو حتى (من زود القهر)
قصدك الاس :D 5 تعاشيق
والي ياخذ جير عادي المفروض واحد حريف مو توه يسوق جير عادي..شي طبيعي في هالحاله الاوتو يطلع عليه :sleep:
شباب سوالف :sss:
مؤيد اف1
04-07-2005, 06:04 PM
اخوي كرفات ...
السيارة كسيارة رياضية ممتازة جداااااااااا .... والتسارع فيها ممتاز واستهلاكها كذلك ...
ومن ناحية الثبات فالنوعية اللي عندنا وهي Track ايديشن في امريكا ثباتها عالي جدا وتدخل السلالوم تيست بسرعة 68.9 على ما اذكر وهذا الرقم مماثل للام 3 ....
ونظام الفرامل بحد ذاته ميزة وهو من نوع بريمبو والنظام لوحدة يصل الى 6000 دولار ، طبعا الفرق شاسع من ناحية الثبات والفرملة بينها وبين اللومينا ..وكذلك المكيف في الزد افضل ولايغرك انا معاي مكسيما وصاحبي لومينا ومكيفي اقوى من اللي عنده ومع التظليل العازل الحراري تصير 100 % خصوصا بعد ما سمحوا فيه الان ...
اللومينا الجير العادي قد قلت كثير انها اضعف من الاوتو لكن ما احد صدق وكلام الاخ c6 اثبت كلامي خصوصا ان عندي مجلة انجليزية جربوا اللومينا العادي مع الزد العادي والزد يطلع بفرق كبير لكن مع الاوتو بصعوبة يطلع ... واللومينا اريح واوسع عموما ...
اخوكم الشبابي
هذي بكم سعرها :think:
على فكره اللومينا كوبيه 2005 عليها فرامل PBR اذا احد يعرفها.. :cool:
بالنسبه لمكيف اللومينا والله ان يدي اذا احطها فوق الدركسون تثلج وتتحجر :D
وبالنسبه للجير عادي فهو جير عادي :D
يعني الزد من رايي لو بيتفوق على اللومينا يمكن في الثبات بس الاصدار الي قلت عنه مو الي عندنا..الي عندنا مااعتقد راح يفرق كثير عن اللومينا