View Full Version : ورشة بن سليم لدبي ( تيربو)
TUPAC
21-01-2005, 04:33 PM
بسم الله الرحمن الرحيم
هلا شباب وش الاخبار ---- من يوم جيت من دبي من الاجازه
وانا هناك سمعت عن ورشة اسمها ورشة بن سليم - وهي ورشة للتلغيم --- يوم رحت عندهم الشهادة لله شكلهم فاهمين -- قالولي انهم يقدرون يحطونلي تيربو كت لسيارتي ب 37000 درهم . مع العلك ان سيارتي sc430 ----- والغريب انه قاللي ان قوه سيارتي مو 300 حصان :confused:
قاللي القوه الفعليه هو 201 حصان بس :confused: :confused:
والله بغيت اصيح عندهم و قلبتها نياحه --- المهم قاللي انه لو حطلي التيربو كت راح تكون قوتها 440 حصان و البوست 6-7 --- بصراحه مدري وش البوست؟؟؟؟؟؟
نوع التيربو اللي راح يحطه gerrett اذا تعرفونه.
الحين معقوله هذي اسعار التيربو كت ؟؟؟؟؟؟ مو غاااالي . ------ والزين انهم يعطون ضمان 120000 كيلو او 6 شهور.
ورشة محمد بن سليم معروفة انها من افضل الورشات الموجودة في الخليج
صح انه شغلهم غالي شوي لكن مثل ما يقولون الغالي سعره فيه
و الاهم من هذا كله بتشتري راحة البال , لأنهم يضمنون شغلهم, و يعطونك اوراق لإدارة التسجيل بالسماح بتسجيل السيارة في المرور على اساس انها سيارة مزودة.
هذا الي اعرفه, و اتمنى من EL_3agrab و Crower يفيدونا اكثر
EL_3grab
21-01-2005, 05:31 PM
هلا الغالي ..
أول شي ..
قوة السيارة دووم عند المكينه غير عند توايرها الخلفيه ..
يعني عادي تضيع 30 حصان من المكينة للدفريشن الخلفي ..
مع سوء الأستخدام سواء للمكينة ولا القير .. وعدم الأهتمام بتبديل قطع الغيار .. اللي تحتاج تبديل لكل فتره .. تزيد القوة الضايعه .. وما أستغرب أذا وصلت 100 حصان ..
..
ثانيا .. لا تنسى أنه سيارتك 8 سلندر .. يعني شغل التيربو سنجل .. صعب عليها ويبالها دراسه وتخطيط للتيربو مانيفولد .. والأنتر كولر ومن عقبها الأنتيك ..
علشان جه طالع عليك السعر مرتفع ..
..
ورشة بن سليم .. يوم بتزود عندها .. بتلاقي رخصة التزويد .. يعني لا شرطة ولا موقف ولا هم يحزنون .. وثانيا بتلاقي ضمان 6 شهور كامله .. الصراحة اكبر الكراجات العالمية ما تسوي جه ..
..
يا حبذا لو سألته شو بيسوي بالضبط .. هل بيعدل بالمكينه ولا بس كت تيربو ..
يعني بيغير من ستروك المكينه ولا بيخليه نفسه ..
ولا تنسى .. خذ راحتك بالأسأله ولا تخجل ..
وتأكد أنك بين أيادي أمينه .. وشغل 100% ومضمون بدون خرابات .. بس شوي غالي ..
وتحياتي لك ..
وحاضرين لأي أستفسار .. :p
cruiser2000
21-01-2005, 06:42 PM
السلام عليكم ورحمة الله وبركاته
اخوي العقرب
بغيت استفسر عن الجراج
قلت ان الجراج يعطيك اوراق لتسجيل السيارة في المرور
هل هذه الأوراق بس حق سيارات ذات رقم دبي "يعني مرور دبي"
ولا أي سيارة
يعني اذا بغيت ازود الكيا مالتي بيعطوني اوراق عشان اسجلها في مرور العين؟
وانا اعرف ان جراج بن سليم غالي وشغله مضمون 100%
البوست هو الضغط وهو الهواء الذي يضغطه التربو على المحرك و هو معطيك قياسه ب(PSI)
TOP-SECRET
22-01-2005, 01:11 AM
كم حجم التيربو الغالي
وهل هذا السعر يتكفل الكمبيوتر والتركيب
ولا من غير كمبيوتر وشغل ايد؟
واعتقد انه القوه الناتجه من التيربو جيده حتى لو كانت سيارتك 300 حصان
140 حصان زياده شي مب سهل
بس تريث الغالي
يمكن تحصل خيارات افضل
جرب روح كراج الكويتي او كراج بن دلموك واسألهم عن الكامات مع كمبيوتر كامل كم بتكلفك اذا فيه
حق سيارتك
ويمكن تحصل شي زين
TUPAC
22-01-2005, 02:30 AM
تسلمون شباب على الردود
بس عندي استفسار ابلله -- انا يوم سأل المسؤول الامريكي هناك قاللي ان التيربو ما راح يأثر على السيارة حتى لو الاستخدام يومي او ان شا الله بمسك خط فيها ---- هذا صحيح ولا عيارة ؟؟؟؟؟
وشي ثاني مره غريب قاللي --- قاللي ان بنزيننا اللي بالسعودية مرررره سئ لابعد الحدود و راح ياثر على التيربو -- فقاللي راح اعمللك tuner يحل المشكله --- بصراحه انا هزيت راسي و سويت نفسي فاهم ولا ادري وين الله حاطني --- وش التونر -- وش يفيد ؟؟؟
و تسلمون
big block
22-01-2005, 03:08 AM
عفواً شباب وين جراج بن سليم بالظبط؟؟؟
EL_3grab
22-01-2005, 04:03 AM
cruiser2000 ..
ما فرقت حبوب .. سواء عيمان ولا دبي .. ولا أي مكان ..
وبيعطونك أوراق تقدر تسجلها بمرور العين .. :p
TOP-SECRET ..
السعر كامل هذا .. بن سليم يركبلك كل شي .. كمبيوتر ولا التيربو والبيبات .. ويضبطلك الكمبيوتر .. ويعدل كل .. اللي بيخلك في أمان ..
.. وثانيا بس بن سليم يعطي تصريح تزويد .. الكراجات الباقيه لا .. وبن سليم شغل مهندسين .. بيني وبينك ما أقدر أقارنه ويا باقي الكراجات ..
TUPAC ..
أكيد .. لأنهم فاهمين في شغلتهم عدل .. ويعرفون شو يسووون .. والكلام صحيح ..
يوم قالك بيسوي tuner .. يعني بيعدل في الكمبيوتر .. وشغل التيربو على البنزين اللي بتستخدمه بالسعوديه .. التونر . نفس ما قلتلك تعديل .. في كمبيوتر السيارة يخليلها تمشي حالها على البترول الخايس .. يعني برمجه ..
big block ..
ولا أدريبه .. بس عندك الأتصالات ..181 .. كراج بن سليم بدبي ..
تحياتي:banana:
TOP-SECRET
22-01-2005, 03:26 PM
زين غانم ماتدري شو نوع الكمبويتر الي دوم يركبه بن سليم
موتيك
هالتك
ابكسي
اي نوع فيهم؟
مع اني اتوقع الهالتك
لان سعره وسط
وبرمجته مب صعبه وايد نفس الابكسي
============
اخوي توباك فعلا البنزين في السعوديه سيء يعني الرصاص فيه كثير على ما اعتقد
كم الاوكتين عندكم حق افضل انواع البنزين في السعوديه؟:think:
وترى كلامه صحيح وترى اكثر الشباب ماخذين فكره غلط عن التيربو واول مايسمع كلمة تيربو
ولا سوبر ولا كامات يعني شي قوي بالمكينه يقول تخبط السياره
وهذا كلام خطأ
وبالتوفيق اخوي
EL_3grab
22-01-2005, 04:36 PM
والله الغالي مادريبه ..
وثانيا أنته قريت موضوع الضبط المروري بمافيا ... أنه بن سليم ياب مبرمج موتيك من أستراليا يشتغل عنده ..
فاة ما اعرف شو نوع الكمبيوتر اللي يشتغلون عليه ..
بس أقولك أنه برمجتهم صحيحه وبدون أخطاء .. وهذا أهم عن الكمبيوتر نفسه .. (كيفيه البرمجه)
وتحياتي
TOP-SECRET
22-01-2005, 04:43 PM
معروف الغالي من زمان اي واحد يبا يركب كمبيوتر يروح عند بن سليم ولا لا يروح
بس الي حبيت اعرفه شو نوع الكمبيوتر بالضبط لان يمكن يركب له كمبيوتر برمجته صعبه
او مايكون مفعوله كبير في المحرك
يعني الحين عندك الهالتك مب نفس الموتيك لو ركبته على الستيشن
وهذا هو القصد
بس انا كلمة بوحسن وقالي ان الي يركبونه هالتك طول الوقت:)
تحياتي
فـهـد
22-01-2005, 04:49 PM
السعر مناسب بالنسبه لشغل بن سليم.
انا شفت شغلهم بالتيربو والصراحه يستاهل, مره حصلت عندهم نيسان باترول 2004 توهم مخلصين من تركيب التيربو.
التيربو مكانه في المكينه مو واضح و كل شي صاير كأنه شغل المصنع.
واعتقد ان السعر الي عطاك راح يشمل تيربو, هيدرز, مواصير الاقزوز الى ماقبل الدبات, مواصير الانتيك, انتركولر كبير, بخاخات, طرمبة بنزين, بلو اوف فالف, ويست قيت, وكل ملحقات التيربو, كمبيوتر مستقل (موتيك-هالتيك), تركيب, برمجه على الداينو مع قياس القوه, والضمان.
لو تحسب كل هذا بتلاحظ ان السعر قريب من الي قالك عنه.
هذي القطع الي دايم يشملها نظام التيربو الكامل, بس انت حاول تاخذ منهم قائمه بكل القطع والأشياء الي راح يشمله التيربو بالسعر الي قالك عنه.
قوة سيارتك 201 حصان, هو يقصد على الكفرات بقياس الداينو الي عندهم, والداينو حقهم يعطي ارقام قليله, لأنه يسوي حمل على السياره, انا جربت سيارتي عندهم وجابت 213 حصان بالداينو الي عندهم الي هو داينو دايناميك, وعلى داينو جيت جابت 226 حصان.
بس الي يشغل الداينو يقدر يعطيك الحسبه عشان تعرف قوة السياره على الحذاف, الي الوكاله تستعمله.
الاوكتين في بنزين السعوديه 95 رون, ويعادل 93 رون + مون
واذا عزمت تركب التيربو او بغيت تقيس سيارتك على الداينو, استعمل البنزين العادي في الامارات الي هو 95 اوكتين, لانه قريب من بنزين السعوديه.
رد مقتبس من big block
عفواً شباب وين جراج بن سليم بالظبط؟؟؟
خلف مرسيدس قرقاش على طريق دبي - الشارقه.
HaKeM
22-01-2005, 07:10 PM
والله سعره ممتاز اذا كان الشغل يشمل الي قال عليه اخونا فهد
ورشة بن سليم معروفة في الخليج
أخويTUPAC \السيارة تقدر تستخدمها استخدام يومي بأنك تخلي ضغط التيربو على أقل شي
أبغى رقم ورشة بن سليم مين عنده الرقم؟
:)
فـهـد
22-01-2005, 07:25 PM
رد مقتبس من HaKeM
أبغى رقم ورشة بن سليم مين عنده الرقم؟
:)
042621155
TUPAC
22-01-2005, 07:33 PM
مدير الورشه اسمه روبرت برايان
تليفون: 2621155-4-971
email: bspturbo@emirates.net.ae
واذا تبون اي شي عن المحل لو اعرف ما راح اقصر معكم
السلام عليكم
وش رايك تنزل LT1
ارخص لك بكثير واقوى لك باكثر :banana:
وتراه تركب 100 % وعندي صور لها على سوبرا بعد فاكيد تركب في سيارتك
تحياتي
محمد
EL_3grab
23-01-2005, 12:51 PM
حرام سيارته يديدة ..
وثانيا LT1 جديمه ..
أشوف ما يرضى باقل عن LS6 ... :D
رد مقتبس من EL_3grab
حرام سيارته يديدة ..
وثانيا LT1 جديمه ..
أشوف ما يرضى باقل عن LS6 ... :D
ولا تزعل LS6
http://ccwf.cc.utexas.edu/~utlucas/media/final%20report%20333t/ls6.jpg
وتعزل الضفيرة الاصليه والكمبيوتر الاصلى
ومتى ماخلصت من السيارة ونويت تبيعها رجع مكينة الوكالة ويادار مادخلك شر :p
على مااظن لكراسى المكينة adapter او شي زي كذا ماله داعي تقص وتولف
طيب والقير كيف ينفع القير الاصلى مع تحويل او شي زي كذا على مكينة ال LS6
اشوف النياسين يركبون مكاين ال LT1 على قير الوكالة الاتماتيك بطريقة ما
تحياتي
محمد
EL_3grab
23-01-2005, 03:12 PM
جوابك في ردك ..
آدابتر ..
عندي موقع ضايع بين 600 موقع .. يسوي آدابتر لكل شي .. سواء للقير ولا Egine swaps .. وأي أدابتر أنته تطلبه منه .. يصممولك أياه من الصفر ..
وطبعا هذا كله يستوي بمكينة CNC .. عقبالنا وحدة :D