مساعدة :: لكزس ، BMW ، مرسيدس ؟؟؟

[MuGeN]

السلام عليكم ورحمة الله وبركاته


كيف حالكم شباب سوالف ...


بدون مقدمات زايدة :D ... الي عنده خلفيات عن أسعار ال BMW الفئة السابعة ( 730 ، 735 ، 745 ) مع الفروق بينها ... أقصد ال IL ...


و إذا قارننا بين المرسيدس S و اللكزس LS430 و ال BMW الفئة السابعة ... ما هو الخيار الأفضل في ::

1- الإعتمادية ..
2- المواصفات ..
3- الصيانة ..
4- الراحة ..
5- صرفية البنزين ..
6- العزل الصوتي ..
7- الوكيل علماً بإنني سعودي :D ..


أتمنى الي عنده معلومة أو خبر أو تجربة لأحد هذي السيارات لا يبخل علينا ... :)


تحياتي للجميع ...

[المميز]

بسم الله الرحمن الرحيم
السلام عليكم ورحمة الله وبركاته

بالنسبة للموديلات الحديثة

لم أعرف قصدك بالنسبة للأعتمادية ولكن اعتمد على الله أولاً...

أما بالنسبة للمواصفات أعتقد أن الألماني أكيد أوفر مواصفات من الياباني وأظن ماتخفاك هالنقطة فالنصيب الأوفر منها للبي ام دبليو ثم مرسيدس ثم لكزس واللكزس فيه شبه من مواصفات المرسيدس
وما يؤيد كلامي عن البي ام كمواصفات هي المواصفات الحديثة التالية وستجدها في جميع أنواع الفئة السابعة وهي:
1- اي درايف وهو كمبيوتر خاص بالسيارة وفيه أوامر كثيرة ومعلومات عن السيارة والصيانة والتنبيهات والخ ....
2- القير في الدركسون وهو سهل الإستخدام ليس مثل قير الأمريكي بل أنه أشبه باللمس...
3- لايوجد بريك هاند (جلنط بلهجتنا السعودية) .. بل أنه عبارة عن زر...
4- تشغيل السيارة عبارة عن ريموت (كرت) تدخله في مكانه وتضغط فرامل وتضعط الزر ...
بالإضافة الى المواصفات الفخمة التي تعودنا عليها مثل زينون حساسات وستارة tv ونافيقيشن ووو .. الخ...

بالنسبة للصيانة ففيها تفصيل .... بالنسبة للكزس أو الياباني قليل أعطال صحيح .... لكن حتى البي ام أو المرسيدس لها أماكن غير الوكالة يشتغلون مثل الوكالة إذا لم يكن أفضل لكثرة مايجيهم من سيارات...
وبصراحة أقل أعطال اللكزس بدون شك لكن أنا كتجربة بي ام واستخدام حشمة ولله الحمد أعتبرها عمليه مثل اللكزس أو أفضل ....

بالنسبة للراحة من رأيي بي ام ...

بالنسبة لصرفية البنزين لا أعلم عن اللكزس لكن بالنسبة للبي ام والمرسيدس أرى أن صرفية البنزين للبي ام أقل بكثير من المرسيدس من خلال تجربه سفر بين بي ام 2002 735ومرسيدس 300 موديل 98...

العزل الصوتي بي ام ومرسيدس

الوكيل بالنسبة للناغي عمل عرض ممتاز جدا وهو 5 سنوات صيانة ماعليك سوى البنزين وهو يغير لك الزيت ووووو أشياء أخرى وأنت استفسر بنفسك...

ارجوا من الله أني قد أفدتك ولو بشي يسير

على العموم توكل على الله وصل الإستخارة عند كل اقبال على شراء سيارة...ز
وأنا بالنسبة لي أفضل البي ام دبليو ثم المرسيدس نوعا ما...

[سنـاري]

باختصار

لو كنت مكانك

راح احصر اختياراتي بين المرسيدس و اللكزس

و حسب ميزانيتي راح اقرر

لكن غالبا المرسيدس


سناري

:p

[SLR]

الكزس تويوتا ورزه احسها...

البي ام والمرسيدس يستاهلون تحط فلوسك عليهم لانهم سيايير المانيه وجاثمه وبلا شك سيارات فاخره..

ونا مريت بالمرحله هذي قبل حبي للمرسيدس..

واخترت المرسيدس...

Mercedes Benz


SLR

[حبوب بوظبي]

انا طبعا أكييييييد ... أأيد مرسيدس
ولكن لا تنسى أخوي ان شكلها راح يتغير بعد سنه تقريبا :rolleyes:
فلذلك انا لا انصح بالـS ولكن لم لا تفكر فالـE
... E350 ... و أدفع حدود 30 الف زياده للوكيل .... ويخلونها شكل E55 ...
طبعا لا تنسى السقف الزجاجي و الشكل الأكثر من رائع و القير بسبع سرعات .... و ... و .... و

بالنسبه للإعتماديه ... لكسز ... مرسيدس ....ثم... بي ام
بالنسبه للصيانه ... مرسيدس ... لكسز ... بي ام


صلي استخاره ...و إنشالله ربي يوفقك

[MuGeN]

السلام عليكم ورحمة الله وبركاته

أخوي المميز ... أشكرك على إبدائك رأيك ...

بالنسبة للإعتمادية أقصد ... هل هي سيارة إستخدام ولا بس دلع و توقيف على باب البيت ؟

و كيف على الأعطال ؟؟ .. يعني مثلاً ال BMW الفئة السابعة لو مطرت و أنا كنت أمشي هل ممكن يتعطل علي شي من إلكترونيات السيارة ؟؟ .. و مشاكل الكهرباء كيف ؟ ...

و نسيت نقطة ... هل أضمن إن كل هالإلكترونيات و الموصفات بتدوم معاي سنتين أو ثلاث أو أربع سنوات ؟ ...

و الأسعار عندك خبر عنها ؟

و شاكر لك ردك الجميل ...


أخوي سناري ...

ما قلت لي ليش حصرت :) ؟ ..

أنا وياك فيها ... بس أنا ما جربت ال BMW أو حتى أعرف عن مشاكله ... بس أشوفه منتشر عندنا ... و شكله جميل و مواصفاته حلوة مقابل سعره :p

و مشكور على ردك أخوي ...


أخوي SLR ...

صحيح اللكزس خاصة 2004 شكله رائع ... بس بالنسبة لسعره ما اشوف فيه ذيك المواصفات يعني للحين مافيه شاشة :blink: ...

على كلامك أقدر أبني إن ال BMW و المرسيدس هم الأفضل .. أنا يهمني ال BMW ... إذا تعرف شي عنه ... أي شي ...


تحياتي لكل من شارك و لكل من قرأ ...

[MuGeN]

رد مقتبس من حبوب بوظبي
انا طبعا أكييييييد ... أأيد مرسيدس
ولكن لا تنسى أخوي ان شكلها راح يتغير بعد سنه تقريبا :rolleyes:
فلذلك انا لا انصح بالـS ولكن لم لا تفكر فالـE
... E350 ... و أدفع حدود 30 الف زياده للوكيل .... ويخلونها شكل E55 ...
طبعا لا تنسى السقف الزجاجي و الشكل الأكثر من رائع و القير بسبع سرعات .... و ... و .... و

بالنسبه للإعتماديه ... لكسز ... مرسيدس ....ثم... بي ام
بالنسبه للصيانه ... مرسيدس ... لكسز ... بي ام


صلي استخاره ...و إنشالله ربي يوفقك

هلا أخوي ...

ال E تعجبني ... بس إنها سيارة شبابية أكثر ... و حجمها صغير مقارنة بال S ... ولا كان ما ترددت :) ...

أنا مهتم حالياً لل BMW و اللكزس ... و المرسيدس ... له حديث آخر :D

مشكور على الرد ...

[الشبابي]

اخوي بالاعتمادية مهنا احسن من لكزس ..
العزل الصوتي الافضل في العالم ... خصوصا لما تعرف ان الانسيابية 025 على مقياس سي اكس ..
ووكيلها الافضل ومريحة جدا لكن عيبها تتغير كل 3 سنين ...
المرسيدس بيتغير وانت ماتبي الاي .. البي ام يجيب الصداع .........كل يومين ولا ثلاثة تدخله الوكاله واسعاره ناررررررررررررر ... واحد من اصحابي خربت عليه التكاية الخلفية لأنها كهربائية غيرها بأكثر من 7000 الاف ريال .... ماهو معقول .. جنون ...
انصحك خذ لك سيارة رخيصة مريحة وخل الباقي بجيبك .. ونصيحة خذ لك كابريس رويال مري جدا وكبير وقيمته 120 الف ريال وقطعة متوفرة وواسع ومن الخلف يجي هيدروليك وموازن للحمولة ...














اخوكم الشبابي

[CL-Class]

تبي شوري ......... شل البي ام من راسك دامك رجال تبي تاخذ سيارة وترتاح من مشاكل الصيانة...... لان البي ام شوي مدلع ومايتحمل ..... وماراح يتحمله
إلا اللي يعشقه .
المرسيدس بيتغير شكله بالكثير بعد سنة ونص ومواصفاته هو والبي ام بنفس المستوى وكل له مايميزه
اللكزس حلو ومواصفات الـ2004 جدا حلوة ومايفرق كثير عن الألماني مع اضافة الشاشة ويمسك سعره أكثر حال اعادة البيع ماراح تخاف ..
وبالنسبة للعزل الصوتي ..اللكزس رقم واحد ..
بالنسبة للعزوم اذا انت رجال راعي دعس فاللكزس 430 بنفس قوة 745 وبنفس قوة S500 تقريبا
ويجي وراهم 735 ويجي S350 وبعده 730

اذا انت مالك ميول معين وانت في السعودية وميزانيتك لحد معين فخلك على اللكزس
اذا بتاخذ بي ام فل أوبشن 745IL راح يوصل للـ 340 ألف والمرسيدس S500 بنفس السعر برضو
أما اللكزس بنفس مواصفات الألمانيات وبـ 245 ألف ........ فأنت وذوقك
وبعد سنتين لو فكرت تبيعها راح يكون البي ام والمرسيدس يجيبلك 200 ألف واللكزس 180 ألف ... وشوف خسارتك كم راح تكون في البي ام والمرسيدس حوالي 140 ألف بينما خسارتك في اللكزس 70 ألف تقريبا .....
أما اذا انت رجال مايهمك تغيير شكل ورجال راح تاخذها فترة طويلة فخذ مرسيدس لأنه مخدوم من حيث الصيانة والقطع والتشاليح أكثر منهم كلهم... ورزه وفخامه وهيبتك ماراح تضيع مهما دار الزمن على السيارة

[المميز]

[QUOTE]رد مقتبس من الشبابي
.. البي ام يجيب الصداع .........كل يومين ولا ثلاثة تدخله الوكاله واسعاره ناررررررررررررر ... واحد من اصحابي خربت عليه التكاية الخلفية لأنها كهربائية غيرها بأكثر من 7000 الاف ريال .... ماهو معقول .. جنون ...
=============
ما عليش أخوي بس الواحد يتكلم بواقعية أفضل .... كل 3 أيام تخرب ليه دباب ... أنا كان معي بي 98 نظيف جدا ألماني استمر معي 9 أشهر بلا أية مشكلة ولله الحمد والفضل وسافرت عليها من الرياض الى الطائف الى جدة ومن جدة الى الرياض في عز الحر والشمس مع تشغيل المكيف ... بس كان فيه صوت من الشكمان من أول ماشريتها وما صلحته لانه كان بسيط ... ومن ثم اشتريت 99 اندفيجوال وسافرت عليها الطائف ثم الى مكة ثم الى الرياض ولا مشكلة ولله الحمد...
والآن البي ام منتشر عندنا بالرياض...
أنا لا أقول للأخ أشتر بي ام والله هي رغبته الشخصية... وممكن أنصحه في البي ام ولايتوفق ... لكن أقول نتكلم بواقيعة شوي كل 3 أيام يخرب لالالا ... تفائل خير... صحيح قطع الغيار غالية ... لكن فيه ناس تبيع القطع أرخص بواجد من الوكاله... وأيضا يوجد ورش جيدة في الصيانة...
أنا أعرف واحد الآن معه 735 قصير موديل 2002 وصار معه من شهرين وماشاء الله سافر عليه لمكه والدمام والحمد لله نظيف وصرفية البنزين والله مقنعة جدا بالنسبة للفخم...

الأسعار التقريبية للبي ام

بي ام مستعمل 2002 نوع 735i ألماني = 155000 - 160000 ريال
بي ام مستعمل 2002 نوع 745i ألماني = 165000 - 180000 ريال
بي ام مستعمل 2003 نوع 735i ألماني = 160000 - 170000 ريال
بي ام مستعمل 2002 نوع 745LI ألماني = 205000 - 215000 ريال
بي ام مستعمل 2002 نوع 745LI أمريكي = 180000 ريال ولا أنصح فيه...
بي ام جديد 2005 نوع 730i سعودي = 235000 ريال مع ضمان 5 سنوات ماعليك سوى البنزين حق السيارة خلال هالسنوات...
بي ام جديد 2005 نوع 730iL سعودي = 270000 ريال مع ضمان 5 سنوات ماعليك سوى البنزين حق السيارة خلال هالسنوات...
بي ام جديد 2005 نوع 735iL سعودي = 290000 ريال - 305000 ريال مع ضمان 5 سنوات ماعليك سوى البنزين حق السيارة خلال هالسنوات...
بي ام جديد 2005 نوع 745iL سعودي = 340000 ريال - 360000 ريال مع ضمان 5 سنوات ماعليك سوى البنزين حق السيارة خلال هالسنوات...
بي ام جديد 2005 نوع 760iL سعودي = 430000 ريال - 460000 ريال أو 520000 ريال مع ضمان 5 سنوات ماعليك سوى البنزين حق السيارة خلال هالسنوات...
والأسعار تقريبية جدا ممكن يزيد شي قليل أو ينقص قليلا ...

س1/ هل تتوقـــع من السيـــارات اللي ذكــرنا أسعارها العالية أنها تخرب من 3 أيام كما قال أخونا... الله أعلم
س2/ودي تحدد لي رغبتك أو كم حدك في السيارة لكي أفيدك أكثر؟

نصيحتي كما قال لي بعض الأخوان اذا تبي بي ام عملي اذا 6 سلندر خذ 730 واذا تبي 8 سلندر خذ 735 وقد قرأت أن 745 أكثر مشاكل نوعا ما...
أكرر الإستخارة قبل كل شي واحذر من الأغاني فهي سبب كل مشكلة والله العظيم...وهي طريق مظلم نهايته ندامة...
والله أعلم,,,

[abumhdi]

المميز .. صدق انت مميز ..

مشكوور جداً ع التوضيح والإفادة ..

:cool: