سوالف للجميع - شباب ميزانيه 200 الف ريال وش تجيب سياره مميزه !!

STS4ever

30-11-2004, 12:05 PM

صباح الخير

شباب قررت احيل الكاديلاك للتقاعد لاني طفشت منها اول سياره تبقى معاي 3 سنوات فلذلك قررت اشتري موتر وميزانيتي 200 الف وتوصل لـ 250 اذا يستاهل الموتر
انا فكرت في الهمر H2 والى الان مصمم عليه بس اللي مخليني متردد مشيه صراحه رايح فيها يعني قومه 0 الى 100 في 9 ثواني وش اصلح فيها ؟؟!!

ياشباب ساعدوني محتار ماادري وش اخذ ولا ابي لكزس430 او بي ام745 او مرسيدسs لانها كلها منتشره ابي سياره قليل نشوفها ولايهم فورويل او سبورت بس تكون سياره فخمه وتستاهل 200 الف او حدود هالسعر وعلى الصيف انشاء الله بكون شريت بس ساعدوووني

مشكورين مقدما

سلام

MAX 2002

30-11-2004, 01:06 PM

السلام عليكم ورحمة الله وبركاته

اصبر شهرين وخذلك GS430 نازله شكل جديد طبعا ومكينة جباااااااااره وفخامه جناااااان (لكزس )

انا امس سألت عنها في معرض السيارات قالي الــ 430 راح تكون بــ 200 الف ريال

وهذا رأيي و الرأي الاخير لك ...

cruiser2000

30-11-2004, 01:07 PM

السلام عليكم ورحمة الله وبركاته

شرايك لو تصبر الين ما ينزل الهمر اتش 3

شكلة حلوو

انا هذا رأيي

Dr cars

30-11-2004, 01:17 PM

إذا تريد سيارة قليلة الإنتشار ممكن أودي A8...ممكن CLS الجديد

cadyman

30-11-2004, 02:14 PM

انتظر شوي راح تنزل STS الجديده كلياً
صراحه السياره روعه ومميزه

BENZ

30-11-2004, 03:00 PM

اذا انت من النوع اللى مايقدر شعور الاخرين :help: اشتري مرسيدس CLS كت بودي AMG

وشوف كيف راح تكون مميز

سيارة سيدان بستايل كوبية وعزم :banana:

انا مثلك ميزانيتي 250 الف وكان بودي اجيب مرسيدس

S_500 2003 2004

والولد قالي سيارة مستعملة لا

والان حولت على اللكزس 430 سعرها 260 الف:shock2:

ومعها ضمان لمدة ثلاث سنوات او 100000 كيلو متر وطول فترة الضمان تشييك مجاني:banana: على كل شي
يعني تحط السيارة وتجي تستلمها بعدها بيوم ولكزس اكيد راح يوفرون لك سيارة بديلة

يستثنى من الضمان التواير :laugh: وربلت المساحات

corvette indiana police

30-11-2004, 03:03 PM

لكزس SC430 :banana:

TOP-SECRET

30-11-2004, 03:09 PM

250 الـف

M3
BMW 545 I
E500
S350
بورش كايينS
LEXUS LS430
LEXUS CS430
Z350 سياره روعه ورخيصه (145 الف)
اسكاليد (215 الف) الباقي ركب فيها جنوط:D
رنج روفر فل اوبشن
او انك تصبر شوي وراح تنزل
GS430 رووعه
انفينتي فورويل ماعرف حجمه بصراحه بس سعره 260 الف

انا انصحك انك ماتخرج من السيارات المذكوره لان ماراح تحصل افضل منهم

:)

تحياتي

قلق و رجه

30-11-2004, 03:15 PM

شف عندك خيارات واجد
الهمر فيه نوع 550 حصان سبور شارج ويجي علية ضمان
وفية عندك البي ام 540 فخامة وقوة وراحة
وعندك كدلك اس تي اس الجديد اصبر شوي وتراه خيالي خاصتا الاسود

ونصيحة لا تضيع فلوسك في ياباني

abu_nasser

30-11-2004, 03:25 PM

دام عندك المبلغ كاش أسمع كلامي و خذ السيارة اقساط و المبلغ أفتح لك فيه مشروع (محل)

و سدد اقساط السيارة من ارباح المحل

و بكذا تكون ضربة عصفورين بحجر واحد , منها تكون فتحت محل لك و يصير عندك سيارة :) مو أحسن ؟

و معليش لاني طلعت عن الموضوع

STS4ever

30-11-2004, 04:33 PM

اخوي ماكس والله GS430 حلو بس بصراحه فئته مو راقيه مره وصراحه حده 150 بس 200 اشوفها كثيره فيه والناس اذواق والف شكر على ردك

كروزر H3 من الصور شكله صغير وبعد كانه من سيارات Jeep الامريكيه فماادري احس H2 احسن

دكتور سيارات والله A8 حلوو مره بس يقولون فوق 300 للفل اوبشن و CLS اكيد فوق 300 وانا ياخذ فل اوبشن ولا مااخذ لان احس السياره ناقصه اذا مو فل

كادي مان خلاص كفايه كدلكين ورى بعض اقوم الحقهم بالثالث :D بس بعد هالمره ابي سياره فئتها اعلى من الكاديلاك وبعد بحاول اخلي موتري معي ماابيعه بس اذا زادت قيمة السياره الجديده عن 230 اكيد ببيعه عشان الكااش :)

اخوي بنز اكيد سعره فوق 300 وهذا يتعدى ميزانيتي بكثيير وفكره S سواء مستعمل ولا جديد والله اشوف انك تشيلها من راسك لان الديره مليانه منها وبصراحه ملينا منها واللكزس والله يستاااهل من جد بس اذا ماتفكر في سالفه انتشاره فعلى طوول طلعه صراحه ابداع

كورفيت انديانا والله فكره حلو بس مو داخله راسي مره

توب سيكرت M3 ؟؟؟ بتاكد اليوم كم اسعاره وبعد بيتغير شكله بيتغير قريب او لا لانه ابداااااع M3
والباقي صراحه سيارات حلوه بس مو على اللي ابيه والانفنيتي FX حلو مرررره وبحاول اسال عليه وعلى M5 وبشوف كم اسعارهم والف شكر على الاقتراحات

قلق ورجه الهمر هو السياره الوحيده اللي داخله راسي من جد وامنيتي من زمان واتوقع في النهايه مابشتري الا هو مع جنوط 26 وشويه قطع افتر ماركت واحلى همر ومشكور على النصيحه الاخيره بس اللكزس LS430 طالع كانه مو ياباني اما الباقي اكيييد في بدائل افضل منه
بالنسبه للهمر المعدل من الشركه اول شي اتوقع الجميح مايعرفه :D والشي الثاني اكيد سعره فوق 300 وهذي صعبه علي بس بعد الفرق مو كبير يعني 7.5 من 0 الى 100 وانا متعود على الكاديلاك ماادري كيف بتعود على الهمر

مشكووور يابو ناصر ولي تجربه في فتح مطعم قبل فتره والاكيد اني ماراح اكررها :D << بدون فضايح

ومشكورييين ياشباب على التفاعل وعلى اقتراحاتكم الجميله اللي بفكر فيها بجد وبااشوف وش يطلع معاي والف شكر مره ثانيه

سلام

RED Chevy

30-11-2004, 04:59 PM

النسبة لك مادري شاقول بس المبلغ في سييار كثيرة وممتاز تقدر تحصلها بهالسعر وارخص بعد...

الهمر 100% لكن يعيبه مشيه في الشارع ثقيل...

عندك الفلكس طوارق إنتشار قليل جداً وشكل راقي وفخامته فوق الحدود يعني موتر يغرد خارج السرب:o وأنصحك فيه بشدة خصوصاً إن سهر الفل ألأوبشم مابيتجاوز اللمت تبعك:cool:

كورفت C6 قريب ينزل:black: 400 حصان :cool:

كادي STS وهذي طلقة ماظن بتحصل موتر بمواصفاتها وسعرها وأنصحك بشدة فيها عشان تجيب هاتريك STS:D سعر الفل أوبشن فورويل 220 مع كل اللي تتمناه بسيارة:)

بورش كايان فل أوبشن 6 سلندر ب210 لكن التسارع يكون 9 وشوي:glasses:

أودي A4 كشف سعره 180 وشكله قمة الروعه وباقي المبلغ طلبه ببدي كت من ABT:D

هذي اللي آنا أنصح فيه بنسبة فوق 90% وعندك خيارات ثانية حلوة مثل الSRX والزد والإنفنتي Q45 بس الجيب لا تفكر فيه سعره فوق ال250:eek:

الشبابي

30-11-2004, 05:00 PM

اخوي اس تي اس ...
الله يعينك .. انا فكرت اشتري سيارة ب 120 ولقيت سيارات كثيرة ومن ثم اعجب الوالد بالكليزلر 300 سي ورفعها الى 140 الف ريال ومن ثم اعجب بالسي تي اس و الان يفكر فيها ومحتار بينها وبين الطوارق النص فل ب 160 ....... من 100 الى 150 الف ريال تصير عندك خيارات كثيرة جدا وكل وحدة احسن من الثانية فمابالك بفئة ال 200 الف ؟؟؟ بتصير عندك خيارات كثيرة جدا ...
اذا تبي سيارة متميزة بالحيل صعب تلاقي بنتلي او السيارات الغالية مرة الا ممكن تلاقي مازيراتي لانها رخيصة مرة بالمعارض تلاقيها حول 130 الف ريال ...
او ممكن تاخذ لك اودي استعمال الماني فل كامل للمحرك الصغير بتلاقيها رخيصة بحدود 160 الف ريال والباقي ركب عليها كت اوتينجر وبتصير مميز ...

اخوكم الشبابي

STS4ever

30-11-2004, 06:39 PM

من جد حيره بس شكله خلاص بقرر على الهمر وعلى الصيف او بعده بفتره بطلع واحد يا H2 او H3 اذا طلع تمام بعد مانشوفه عالطبيعه والله يستر ! :think:

الكورفيت روعه ماعليه كلام بس مشكلته راكبين
STS والله حلو بس اذا بطلع بزود شوي واخذ 430 بس لا هذا ولا ذاك وودي بعد اغير عن السيدان الى SUV او سبورت

ياهلا بالشبابي الكرايزلر حلووو وخلك من السي تي اس وطلع 300 ام روووووووعه بمعنى الكلمه

ومشكورييييييين على الردود

سلام

Qatif_Altima_Hks

30-11-2004, 07:09 PM

بدون تفاهم gtr r34 اذا انت تبي سياره اسبورت:D

STS4ever

30-11-2004, 07:24 PM

:D :D

مشكوور على مرورك

مؤيد اف1

30-11-2004, 09:20 PM

خذ مرسيديس ..الهمر شفاط ينزين لانه ثقيييييي :D

عاشق التضبيط

01-12-2004, 03:26 AM

هلا بدر كيف حالك

اشلوون خلاص هانت عليك الكدلك ؟ افا بس افا

المهم تبي نصيحتي خذ لك موستنج 2005 شكل مميز بقوه واظمن لك بتكون مميز على الاقل 3 سنوات وسعره ما اتوقع يعدي 150 والخمسين الباقيه خذ لك كراون فكتوريا عشان تودي الاهل فيها :D
وبالتوفيق ان شاءالله بسيارتك المستقبليه والله يعينك على الحيره

Dentist

01-12-2004, 03:57 AM

أشوفكم نسيتوا سيارة توها نازله وفخمه ومميزة بمعنى الكلمة ومو منتشرة بشوارعنا

وش رايك في هالتحفة

http://memimage.cardomain.net/member_images/2/web/710000-710999/710548_3_full.jpg

http://memimage.cardomain.net/member_images/4/web/700000-700999/700548_3_full.jpg

أو بهاللون بعد أحلى واحلى :OO:

http://memimage.cardomain.net/member_images/9/web/645000-645999/645278_1_full.jpg

مع أحلى تعديل ماراح تعدي الـ200 ألف
وتمتع فيها

الهمر ممتاز ,, بس احس انك ببتعذب معاه اذا مشاويرك واجد
سمعت عن الـH2 مشاكل في المقصات والمساعدات مع المشي المتواصل على السيارة !

عندك سيارات حلوة ومميزة غيرهم بعد

FX45

http://www.fedrelandsvennen.no/amcar/eurowall/bilder/fx45.jpg

تحفة انفنيتي .. جديده وفخمة ومميزة وقليل انتشارها
وفي نفس الوقت بتكسب عملانية الياباني وراحة بالك

بالنسبة للـBMW 540 ما أشوف انها مميزة وفئتها صغيرة شوي وبالسعر اللي بتدفعه في الفل اوبشن بتطلع لك افضل منها بكثير

والمرسيدس S كلامك منطقي وانا معاك ,, شوارعنا مليانه منه وفي نفس الوقت بميزانيتك مالك الا مستعمل

هذا رأيي وأتمنى لك التوفيق في اختيارك

تحياتي

Porsche GT2

01-12-2004, 04:02 AM

GS430 الجديدة بدون أي نقاش :D

سيارة تجمع كل شي فخامة ومواصفات وتصميم جميل وقوة والأهم من ذلك جودة اللكزس .. والشكل اذا شريتها الحين راح تظل مميزة لسنوات طويلة مثل الحالية ما تغير شكلها الا بعد 7 سنوات

انصحك تنتظر شوي لين تنزل و جربها واحكم بنفسك ..

FSM

01-12-2004, 04:52 AM

ابعدددددددددددددد عن الهمر 1000 كيلو ,,,:help: :help: :help:

ولا تاخذ الا BMW مرسيدس ... لكزس ........... وبس

وشوف لك M3 ...

تقرييبا... 250 الف :corsair:

BENZ

01-12-2004, 05:23 AM

اخو قلبي بعض الناس يقولك اذا تبي تشتري سيارة لاتشتير احد!!! لان واحد يقولك كويسة وواحد يقولك بايخة يشوهون صورتها براسك

وانا راح اقولك سالفة اخوي مع الهمر H2 موديل2004 فل اوبشن اشتراها وباعها بعد شهر ونصف الشهر !!!:shock2: ممكن حدة مشي عليها 1500كيلو متر خربت علية بالخط وهو نازل الشرقية

من الرياض الى الاحساء تصرف تانكي كامل توصل الاحساء على الخط الاحمر ونظام بريكات اسوا منة ماكو وجودة رديئة لابعد الحدود

لاكن وربي شهادة حق ملفت نظر بشكل غير طبيعي انا اخذتة افتر علية وربي رجال بنات انهبلو وش هذي المدرعة اللى بشوراع !!!!

وانا كنت واقف بأشارة واحد مر علي وهو يناضر فيني بقوة اشوي والرجال يضرب في عمود الاشارة :shock2: وربي ماكذبت عليكم..

لاكن ماقدر يستحمل اعطالة وكان البديل بورش كايين تيربو:glasses2: صاروخ ارض ارض

Third Eye

01-12-2004, 11:04 AM

هلا

وش رايك في الــ EXT

لون أسود او سكري أووووووه

وجنوط 22 كلااااااام وسعرها على الميزانية

Third Eye

01-12-2004, 11:18 AM

أو

جي أس 430

أو

FX

تحياتي

Ammaretor

01-12-2004, 11:41 AM

بسم الله الرحمن الرحيم

و الله يا اخى ما اعرف الاسعار عندكم

بس انا ؤاى بي امك دابليو 645 شكلها خرافى بس شوف سعرها كام

و عندك الزد 4 بردوا ما عليه كلام فى الشكل

و لو الاسعار اكبر من ميزانيتك

استنى الموستنج جى تى :black:

تحياتى للجميع

until the end

01-12-2004, 11:56 AM

السلام عليكم ورحمة الله وبركاته
فــــــــــــــــــايبر وبس واذا ما بغيت سياره سبورت
خذلك همر H2 لكن مو داخله عقلي

abumhdi

01-12-2004, 12:00 PM

ادا كنت تود اسبورت

CORVETTE C5 2003

ادا كنت تود القوة والفخامة

BMW M5

ادا كنت تود الاناقة والتميز

كراسلر 300C 2004 أو مرسيدس CLS

والله الموفق ،،

SKYLINE GTR

01-12-2004, 12:37 PM

ارشح لك الانفنيتي Q45 او FX45

DraGGeR

01-12-2004, 12:51 PM

أخوي وش رأيك بال Jaguar S type R??

سيارة بقوة 390 حصان و حلوة؟؟

تحياتي

الشبابي

01-12-2004, 01:19 PM

اخوي اس تي اس ...
ال300 سي روعة بس لازم انتظر 6 شهور عشان استلمها لأنها بالطلب والمصنع عليه زحمة كبيرة هذا عندنا بالسعودية وبدول الخليج من 4 الى 5 اشهر والبحرين قفلوا الطلب ... يعني ماتقدر تطلب من البحرين لأنها فل .......
عدا ان وكيلها جدا سئ وقطع غيارها غير متوفرة ...
شكلي راجع للكابريس ....

اخوكم الشبابي

STS4ever

01-12-2004, 03:28 PM

ياهلا والله بالسمي :D كيفك انشاء الله تمام
والله الموستنق مايحتاج بس سالين ولا ماينفع وصراحه في بدائل افضل لو فكرت فيه وودي في سبورت رفاهيه وبعد فورويل او سيدان رفاهيه فخمه ويكون بعد شي يستاهل قيمته << شروط تعجيز
بس اتوقع خلاص مصمم على الهمر باللي فيه :D
وخلنا نشوفك على الماسنجر مو 24 ساعه بالخارج :)

اهلين Dentist الكرايزلر حلو بس فئته متوسطه مو فخمه والانفنيتي والله حلو ومميز لانه باقي مانزل الاسواق بس ينزل بتشوف الشوارع متروسه منه زيه زي الباثفايندر لانه ياباني :) ومشكور على الرد

Porsche GT2 حلوه GS بس ماتشوف حقها 140 بالكثير :)

FSM ليش ابعد عنه ؟؟ M3 فكرت فيه وشلته من راسي

BENZ من جد لان الناس اذواق وصعب تلاقي شي يرضي الناس كلها ويرضيك في البدايه وصرفيه البنزين عادي ماتهمني بس ليش تعطل على اخوك وش صار فيه ؟ ودام انك سقته وش رايك فيه من ناحية التحكم وسرعة استجابته اذا دعست وبعد المواصفات اللي فيه واذا لاحظت شي ناقص فيه وغيره من الملاحظات ترى من زمان ادور واحد مجربه فتره طويله

Third Eye الونيت طلعه من السالفه لو سمحت :D

Ammaretor اهلين يسعدة الباشا ازيك وازاي الحته كلها والله 645 قميله اوي بس دي سعرها قامد شويه يعني فوء التلتميه الف ودا مايصحش عشان المبلغ قامد اوي ومش مستعد احطه في عربيه وكمان ابويه حيديني بالشلوت ومش حيوافء

until the end الفايبر حلو بس ماينفع ابد حق الاستعمال والدواره ولو سبق وركبت واحد بتعرف وش اقصد صراحه متعب من جد وماتتحمل تتمشى فيه ساعتين ورى بعض :)

abumhdi شكرا لك على الرد اخوي وM5 غالي

SKYLINE GTR مشكور على الرد Q45 مايسوى كله باثفايندر عليه شويه تعديل

DraGGeR روووعه وحلوووه والسعر احلا واحلا :)

الشبابي اصبر خمس شهور وتاخذ موتر احسن من الكابرس وطقتها

الخلاصه : خلاص همر مع جنوط 26 وشويه قطع النيكل اللي تركب على الدعاميات وشويه قطع افتر ماركت وخلاص وسعر حلو اذا جيت ابيع لانه على مااشوف ماسك قيمته في السوق ولا باخسر كثير وانا ابيه 3 سنوات او 4 بالكثير وببيع فلذلك خلاص على الصيف انشاء الله هذا او بعد الصيف حسب المشاغل والدراسه بطلع H2 او H3 والله يوفق للي فيه الخير

والف الف الف شكر لكل من رد على الموضوع

سلام

BENZ

01-12-2004, 05:19 PM

نضام سمعي boss قوي جداً تكييف منفصل للسائق والراكب (نفس تحكم السوبر بان)

من سلبيات تحكم المكييف ماكو تحكم منفصل للراكب الخلفي سيارة بحجم الهمر مشكلة كبيرة

اللى خلف يبي يطول يعني انت لابد تطول على السيارة كلها

انا جربتها وكان لها اقل من اسبوع من طلعت من الوكالة المساحات وحدة كويسة والثانية توسخ الزجاج

نظام البريكات سيي لابعد الحدود نفس السوبر بان القديم موديل 95 تسارعها مقارنتاً بحجمها قوي

صرفية البنزين خل ايدك على جيبك على طول شاشة بطبلون ممكن برمجتها على اللغة العربية:laugh:

مواد صنع الديكور الداخلي رخيصة ورديئة

والخراب اللى صادف اخوي وهو بالخط هو انة طلع صوت من الماكينة طقطقة بعد السرعة 80

ولو اني اعرف ان لك نية على الهمر كلمتك تشترية لونة ذهبي ومن داخل بيج جلد وفتح سقف

روعة صراحتاً

واذا انت ناوي على همر معزم ومصمم انصحك تزور معارض الرياض وجدة وحتي الدمام والخبر

تلاقية ماشي 1000 وسعرة حلو بالمرة حرام تشتري وكالة وممكن مايعجبك ماتقدر تبيعة وقتها

موتر اخوي نفس هذا اللون مو هو:laugh:
http://drr.cc/files/pic/slx10/h3.jpg

بنسبة لي اقوي الالون لان اللون الاسود يخفي ملامح السيارة

EL_3grab

01-12-2004, 05:57 PM

شوف الطوارق ..

جيمتها فيها والله ..

وجودتها روووعه ..

GoldMan

01-12-2004, 06:10 PM

أخوي STS4ever ,,

أحس انك ماشاء الله ودك بالهمر (HUMMER ) ,,

بس أحس من كلام بعض الشباب ان فيها عيوب او ما تصلح يعني ما هي حقت كرف ,,

مع انك تحس انك ملك وكلن يطالع فيك وانت ماشي ,,,

نصيحتي لك عشان تبدل الشك باليقين ,, استأجر السيارة من محلات الأجار زي(( المفتاح)) اعتقد
انك بتحصل السيارة عنده وجربها ,,وان شاء الله الله يوفقك فيها ,,اذا شريتها ,,

--------------------------------------------------------------------------------------------------

مع اني اول ما قريت الموضوع كنت بقولك خذ اللكزس LS430 أو أودي A6 2005 ,,,, متغيره كثير

وعلى فكرة انا شفت عن الأودي A6 برنامج على قناة ابو ظبي مع مدير مبيعات الشركة في الشرق الأوسط ,, وسألته المذيعه انت قلت ان الأودي هي أفضل سيارة سيدان وسبورت في نفس الوقت ,,
وكان جوابه وبكل ثقة بالأيجاب ,,,
,,, وشفتها بالعرض اللي حاطينه ما شاء الله سيارة محترمة ,,, قوة مكينة ومواصفات لا يعلى عليها ,, ومهي موجوده كثير في الشوارع ,, يعني راح تكون مميز وهي بقوة 260 حصان ,,

تحياتي ,,

الشرقاوي

01-12-2004, 07:32 PM

السلام عليكم ورحمة الله وبركاته

زي ماقالو الاخوان عندك الجي اس الجديد او السي ال اس

STS4ever

01-12-2004, 10:39 PM

اخوي BENZ انا كنت ناوي وكاله بس لو اخذ مستعمل مثلا 2004 او 2003 ماشي قليل واخلي المبلغ الباقي للتضبيط والله افضل من اقطها مره وحده وبعدين يبغالي مبلغ ثاني حتى اركب الجنوط والقطع اللي ناوي عليها فانا بدور في المعارض واشوف وبصراحه ناوي على الاسود او الصخري او العودي بس مفضل الاسود ولو انه متعبني من جد في الكاديلاك لازم كل يوم غسيل بس افضل لون برايي

العقرب الطوارق حلو والفل اوبشن منه بـ 240 يعني يضبط لي على الميزانيه بس مو مميز مرررره مثل الهمر وانا ابي سياره تلفت الانظار بقدر الهمر لان في البيت سيارات ثانيه عاديه واقدر استخدمها بس ابي هذا حق الطلعات والمجمعات :laugh: :laugh:

GoldMan والله من جد متعلق فيه واكيد باخذه انشاء الله والعيوب والله ماادري بس همر وش تتوقع ؟ اكيد مصمم للكرف واكيد بتطلع مشاكل بس زيه زي اي سياره وهذي الناحيه عاديه عندي
ومن جد تحس انك راكب سياره راقيه ومتطوره وخشنه وجميله وووو وانا اللي ابيه هذا والباقي سيارات عاديه ولا تلفت انظار كل الاذواق زي الهمر وزي ماقلت اذا ابي مشاوير او شي في سيارات في البيت غيره وهذا حق الطلعات وغيره

مشكور اخوي الشرقاوي على الرد بس رديت على الشباب من قبل :D

ومشكورين ياشباب

EL_3grab

02-12-2004, 12:50 AM

أعرف شو بيميزك ..

دش موقعي وشوف الصفحة الثانيه .. وبعد في تون تيربو للمكينة توصلك لين 550 حصان :shock2:

http://www.cardomain.com/memberpage/711290

Crower

02-12-2004, 02:57 AM

كان عندي الهمر... بعته من فترة (راجع كان اعلان البيع في سوالف)
مميزاتها: مريحة للخط, قوته معقولة, صيانته و الاسكاليد و اليوكون وحدة مافي فرق بينهم, مميز لاقصى الحدود و يحسسك بالهيبة و انته تسوقه.
عيوبه: ان كنت عارف استعمال اليوكون تراه نفس الشي بالضبط, المواد الداخلية مثل اليوكون بالضبط, سعره غالي مقارنة بالاسعار في امريكا ( فول اوبشن وكالة ما يطلع لك 215000 درهم و الشحن 4000 درهم)
الزبدة ان كنت ناوي على كشخه و هيبة انصحك فيه و خصوصا ان كان عندك سيارة ثانية تستعملها يوميا, لازم تتعود على سواقته فترة الا ان كنت راعي فورويل ما يباله وقت, ان كنت ناوي على استعمال لمده 3-4 سنين و استعمال يومي يعني سيارتك الوحيده لا تشتريه لان عندك اختيارات افضل.

STS4ever

02-12-2004, 12:43 PM

ماشاء الله اخوي العقرب موترك مايحتاج حد يمدحه :banana: :banana:

Crower ياهلالا والله تو نور الموضوع اخوي ماابيه كسياره رئيسيه لان زي ماقلت فيه غيره في البيت عشان كذا اتوقع ينفع لي بقوه وفعلا قطعه زيه زي الاسكاليد والجمس 8100
طيب لما استعملته مالاحظت فيه مشاكل او عيوب او شي مفروض يكون فيه ومو متوفر فيه ؟ وبكم بعته وكم موديله ؟ وفي واحد من الشباب يقدر يجيب سيارات من امريكا يعني لو اخذ 2003 مثلا استعمال امريكي تنصحني فيه ؟ لان كنت ناوي وكاله بس بقعد نص سنه او سنه تقريبا بدون مااعدل فيه حتى يتوفر لي مبلغ ثاني لاكن لو اخذ مستعمل او استخدام امريكي بيبقى كثير للتضبيط
ومشكور على الرد اخوي

سلام

AU (TT) DI

02-12-2004, 02:54 PM

السلام عليكم ورحمة الله وبركاته

أهلين :)

بالنسبه للهمر حتى العايله بالبيت منهبلين عليه :D

بس تبي الجد إنت قلت بتقعد ثلاث سنوات ويمكن أرع على الموتر

خليك منقي شوي

تتوقع تقدر مثلا تروح عليه من الرياض للشرقيه بويك إند :headshak: NO WAY

ثانيا فعلا من داخله المواد المستخدمه رخيصه جدااااااااا :damp:

صدقني السيارات السبور على رغم روعتها بس تشعر بإرهاق عليها بكثرة الفرفره :shock2:

شلون عاد الهمر !!!!!

لو سمحت بحط لك إيملي وأن بغيت أكلم لك واحد بوكالة AUDI

فيه أودي A8 لكن محركها 6 سلندر

قيمتها قبل فتره كانت 260 الف ريال

نفس مواصفات ال A 8 من ناحية الشكل الخارجي والداخلي فقط المحرك هو الي يختلف

الوااان خياليه وقليلة الوجود :banana:

فخاااامه مطلقة قيااااده مذهله والله العظيم وأنا مجرب

مهما قعدت عندك تشعر بمتعة كل ما سقتها ولا يركب أحد معاك إلا يطيح وجهه من فخامة المقصورة الداخليه

إن حبيت أخوي أكلم لك واحد بالوكالة جربها مانت خسران شي :think:

test drive

التجربه هي الحسم

ثانيا عندك البورش كايين فئة S قيمته على ما أذكر 270 الف

:help: :eek:

وين الألماني ووين الأمريكي ولا الياباني فرق السما عن الأرض

لا تنسى أودي صيانة مجانية ثلاث سنوات شامله قطع الغياااار :glasses2:

وأسف على الإطالة

b_tt_b@hotmail.com

:)

STS4ever

02-12-2004, 03:39 PM

هلا اخوي AU (TT) DI

والله اخوي اللي اشوفه انه عادي ممكن امسك فيه خطوط بالعكس ممكن في الخطوط راحة سياقته افضل من المدينه وماادري عن جودة المواد بس اللي اشوفه ان تصميمه راقي جدا وفخم ومع كذا ماراح اخليه على طبيعته لازم احط لمسات عليه وفعلا السيارات السوبر سبورت متعبه بس هذا تعليقه غير واتوقع انه في راحة السوبر لان نظام تعليقه اصلا مو سبورت
الاودي والله روعه بس سياره رسميه بقوه ومااشوفها مناسبه الحين لعمري يعني متوسط اعمار اللي يبون هالفئه من 35 وانت طالع وانا توي بالـ 20 :laugh: والبورش كايين نفس الحكايه خخخخخخخ احس اني عقدت الشباب كل ماقترحوا سياره رجعت للهمر بس خلالاص مافي امل قررت على الهمر واللي فيها فيها :D والف الف الف شكر لك اخوي وباقي من الحين الى اخر السنه ماتدري يمكن اغير فكرتي عن الهمر بس مااتوقع اغير :D
والف شكر لك مره ثانيه

سلام

STS4ever

02-12-2004, 04:09 PM

الى هالمستوى اللي ناوي اوصله بالتضبيط

http://memimage.cardomain.net/member_images/2/web/626000-626999/626902_6_full.jpg
http://memimage.cardomain.net/member_images/2/web/626000-626999/626902_3_full.jpg

:help: :help: :cry1:

Imaj

02-12-2004, 08:52 PM

شوف حبيبي... خذ لك STS2005 فل أوبشن V8 دفع رباعي.. تبريد مقاعد، أبواب تفتح من بعد و تشغيل المحرك من بعد

STS4ever

03-12-2004, 03:56 AM

هلا Imaj اكييييد الكدلك حلو وجودته هي اللي تحببك فيه وبعد مميزات رفاهيه فوق ماتتوقعها وسياره مميزه وحلوه بس اخذ كدلك مره ثالثه والله مشكله يعني كاني ماغيرت شي :D

على العموم خلاص قررت على الهمر وبحاول اقنع الوالد اطلعه الحين مع انه موافق على الصيف بس الحين لا :OO:

والله يوفق للي فيه الخير

سلام

مؤيد اف1

03-12-2004, 05:20 PM

الهمر من رأيي راح تمل منه من حجمه الكبير..انا اوصيك بالكدلك الجديد :D

AU (TT) DI

03-12-2004, 06:50 PM

السلام عليكم ورحمة الله وبركاته

:) :)

STS4ever

تصدق عااااااااااد والله إقتنعت بوجهة نظرك وتفهمتها :)

يالله عشان خاطرك ماني غاصبك :D :blink:

لوووووووووووووووووووووول

:D :D

قل آمين :blink:

الله يوفقك ويرزقك بهمر جديد عاجلا غير آجل يارب ويسهل لك تعديله بأكثر من الي تتمناه

وما ذلك على الله بعزيز :)

فعلا كل إنسان له قناعاته الشخصية وأنا أحترم قناعتك وأأيدك عليها :eek: :rolleyes:

توكل على الله وإستخير قبل أي شي تراك تسأل الله أعلم مني ومن كل الي بتسألهم سبحانه:)

والله يوفقك دنيا وآخره

:cool: :cool: