تغيير لوحات السيارات في أبوظبي (صور) !

[uae speed]

مراحب ..

اللوحات الصادرة من ابوظبي تم تغييرها .. وصارت تشبه أرقام دبي (تقريباً) ..!
مع بعض الاختلافات ..

http://www.w6w.com/w6w.php?pic=87625

سالفة الرمز ما عجبتني .. المفروض يحطون حروف مثل دبي ..
لأن الارقام من 1 الى 10 بتنتهي بعد عدة سنوات .. اما الحروف فهي 26 حرف !
اذا اخذنا بعين الاعتبار النمو الكبير في اعداد السيارة الصادرة من ابوظبي !
المفروض يفكرون للمستقبل ..

-------------

شباب الامارات :

سمعتوا عن سالفة توحيد أرقام السيارات في الامارات كلها ؟
انا سمعت ان الارقام في كل الامارات بتصير موحده .. !
وبشكل واحد ..

لكن مرور دبي رفضوا هذا التغيير لأنهم غيروا الارقام أكثر من مرة في دبي ..
اول شي حطوا صورة برج العرب .. مع كود اللوحة او الرمز الصغير ..
وبعدين حطوا كود او رموز كبيره .. وشلو برج العرب .. مثل ( 12345 دبي 2 )
والحين استقروا على الحروف الانجليزية .. وهي الاجمل بنظري .. :) مثل (12345 دبي A )

شرايكم ؟

[Crower]

السالفه قديمه
ارقام بوظبي كلها بتصير باللون الاحمر مع كود لكل لون ( الازرق مثلا 2 و الرصاصي 4 و بهالطريقه) و عن التوحيد ماعرف بس اعتقد في مثل هالفكره مطروحه.. و ارقام بوظبي الجديده كانت المفروض تنزل من اسبوعين بس تأجلت و اعتقد المفروض ينزلون بعد العيد

[uae speed]

هلا crower ..
أنا مستغرب من الرموز .. شوف الصورة اللي حطيتها .. بتلقى الرمز رقم 8 !!
( متى وصلوا 8 ) ؟؟ :D :D
يعني ما بقى غير 9 و وخلاص ..
ما اعتقد انهم بيضيفون 10 و 11 الخ ....

اما انهم يصغرون الرمز او يغيرونه للحروف الاجنبيه ..
ومشكور على ردك :)

[زورو الامارات]

السلام عليكم ورحمة الله وبركاته



ماعندهم سالفه المرور في دبي كل يوم مطلعين لنا لوحات بشكل تقول ياهل يتدرب على الرسم كل شوي راي


اشوفهم استقروا على كود الحروف بس بعد ما اظنهم يطولون فيه


تخطيط في مرور دبي ماشي واكبر دليل شوف الزحمه في دبي مب قادرين يحلونها يحطون لك كم شرطي يزيغون فيهم الهنود


:( :( :(

[durango]

يالله عقبال عندنا....



بدل اللوحات دي.. (ه ب ل 001 )







EMO

[الأنصاري]

القديمه احلى ((وجهت نظر))

هذة الوحه اتخيلها على تكاسي صعب اتخيلها على سيارات كشخه

[s_sfs]

القديمه احلى ((وجهت نظر))

هذة الوحه اتخيلها على تكاسي صعب اتخيلها على سيارات كشخه

[AMG]

على اعتبار إننا دولة وحدة المفروض أرقامنا تكون موحدة أيضا :headshak:

[زورو الامارات]

رد مقتبس من AMG
على اعتبار إننا دولة وحدة المفروض أرقامنا تكون موحدة أيضا :headshak:



هم فكروا فيها بس اذا عندك حوالي المليون سياره بتحفظ رقم ولا رقم شاصي ؟


السعوديه كانت ارقامهم تبدأ من صفر الى ان وصلوا في الشرقيه 3 ملايين 500 الف حسب ما اعتقد

وبعدين غيروا نظام الارقام

صعبه هالامور احنا ماعندنا قانون تجاري موحد ولا استثماري تبغي قانون مرور وارقام

صعبه كيف بعدين بتستوي الواسطات واصحاب الارقام الي اشتروها بالملايين شو بيكون مصيرهم ؟


اقول هات لك شاهي وتعال نشرب السالفه مطوله :)

[حبوب بوظبي]

:) :)
سمعت هالخبر من قبل ... بس توقعتهم يتأخرووون شوي ... يعني كم شهر

مادام السافه كذي ... انا ما بدخل المنتدى اسبوعين
برووووووووووووح اشوف كل الواسطات اللي اعرفها ... إنشالله نحصللنا كمن رقم ... ثلاثي ...ولا حتى رباعي مرتب :D :D :D

هم عرضوا علي رقم 1 بس انا رفضت :sleep:
باخذلي رقم 55 عشان اركبه على سيارة المستقبل E55 :think: :D :D :D :D :D :D :D

[tornado]

مب شي لو غيروا الارقام .. لان الارقام الحاليه حلوه ..

الله يعينا حزتها الارقام الحلوه مالها سوق :cry1:

[Dr cars]

شكله معقول بس الأفضل أنه يستخدموا حروف منعا لللبس

[CRX]

هلا وغلا

ما اقول الا الله يعينكم

:headshak:

[ابداع2004]

الصراحه نفس المشكله اللي نعانيها في السعوديه ويمكن انتم اهون من لواحينا اللي انا شخصيا ماني مقتنع فيها حروف مالهاداعي ولااساس لا واكثرمن كذا الارقام الثلاثه مصيبه

بس على فكرة لوايح الاخوان الكويتيه فأنا اشيد بها وياليت الدول تسوي مثلها

تحياتي محمد الهاجري

[لون الليل]

ارقاااااااام باااااااااااااااااااااااايخه وسخيييييييييييفه

شو ناويين ينفصلون عن الامارات الباجيه ؟؟؟ ما كتبوا ( أ ع م ) :D على الارقام اليديدة

ارقااااام مول مب شي ... انا ابا ازرق عشان فرش سيارتي ازرق شو اسوي الحينه يومهم سووه احمر :laugh: :laugh:


على العموم ان شاء الله يطلع الخبر مب صج :help: :help: :help:

[TOP-SECRET]

رد مقتبس من الأنصاري
القديمه احلى ((وجهت نظر))

هذة الوحه اتخيلها على تكاسي صعب اتخيلها على سيارات كشخه