ناقل الحركة الاوتوماتيكي

[cap_SS]

انا حبيت اطرح الموضوع واحط بعض النقاط المؤدية الى ضعفه او خرابه والي عنده اضافة او وجهة نضر اخرى يضيفها
1-عدم السرعة بأستمرار داخل الحي لان السرعة تكون ماهي ثابتة وهذه تؤدي الى ارتفاع الحرارة في ناقل السرعة وبالتالي احتراق الكلتشات.
2-عدم التفحيط بأستمرار او لمدة طويلة.
3-معايرة الزيت وأصلاح اي تهريب او نقصان في كمية الزيت لأنه يؤدي الى الاحتكاك وتآكل التروس.
4-وقوف السيارة تماما عند تغييرالوضع من الامام الى الخلف والعكس.
5-تسخين المحرك قبل المشي.
6-استخدام الزيت الاصلي والمعتمد من قبل الشركة المصنعة للسيارة.


والسلام

[ALTIMA]

بسم الله الرحمن الرحيم

مشكور أخوي على المعلومات
المفيدة للمتعليمن السواقة

تحياتي:rolleyes:

[®Lumina ss 2002]

مشكور ع النصائح الطيبه ... تسلم:p

[الارهابي]

العدو اللدود للقير الاوتو هو الحراره :D


بعدين في شي غالبيه القيور الاوتو حتى المعدله و اللي تتخصص للدراق ريس ممكن يعدمها

في حاله ان السواق يسخن كفرات سيارته طبعا يحطوا له ماي و المكان اللي يسخنوا فيه يسموه water box

السياره بتكون تفحط و بعد لحظات تلاقي السواق يخلي السياره تمشي
طبعا السياره تفحط على الماي لكن لما تطلعها من الماي بيكون الاحتكاك اقوى بين السلك الساخن و الصبيه ( الاسفلت ) و بتوقف الكفرات عن التفحيط او تقل سرعتها بشكل سريع

هذا الشي اذا صار في النمره الثانيه من معظم القيور الاوتو يعدم القير عدام :D
لذلك اما انك ما توقف تفحيط الا في النمره الاولى
او لما تبغا توقف من التفحيط او التسخين تخليها تكمل سيدا شوي بعدين توقفها



كل قير و انتوا بخير

و تذكروا

سنتوب بيعطيك جوانح
:eek: :D

[STS4ever]

اخوي الارهابي وشلون اعرف حرارة الجير ؟ والاحظ اذا قمت 3 او اربع قومات ورى بعض وجيت ابي اقوم احس السياره كانها تقوم في الثاني بس مجرد ماامشي فيها نص ساعه على مهل يرجع مشيها الطبيعي فهذا طبيعي ولا معناته القير يسخن مع القومات والقير قرب يودع ؟

مشكور مقدما :D

[الارهابي]

يبيعوا transmission temp gauge

و انصحك تركب مبرد زيت للقير و يكون افضل لو تجي عليه مروحه تبريد صغيره

طبعا مع الحراره تقدر تقول انه يصير فيه slippage و تعاشيقه ما تكون اوكيه

[cap_SS]

رد مقتبس من الارهابي
يبيعوا transmission temp gauge

و انصحك تركب مبرد زيت للقير و يكون افضل لو تجي عليه مروحه تبريد صغيره

طبعا مع الحراره تقدر تقول انه يصير فيه slippage و تعاشيقه ما تكون اوكيه
اغلب السيارات يجي فيها مبرد وهو ماصور ممدودة من القير الى الراديتر مثل الكابرس بجميع موديلاته وفي بعض السيارات مافيها مبرد مثل الهوندا تلاقيها بعض الاوقات ادا دعست بنزين ما يرجع نمرة او ينط من الاول الى الرابع بس بعد ما تطفي السيارة وتخليها تبرد يرجع طبيعي وهدا دائما يصير عندي في الهوندا
ومشكورين شباب على الردود:cool:

[CL-Class]

أهم أهم أهم شي المحافظة تغيير الزيت والفلتر بشكل دوري ومعايرته اذا نقص

[الارهابي]

رد مقتبس من cap_SS
اغلب السيارات يجي فيها مبرد وهو ماصور ممدودة من القير الى الراديتر مثل الكابرس بجميع موديلاته وفي بعض السيارات مافيها مبرد مثل الهوندا تلاقيها بعض الاوقات ادا دعست بنزين ما يرجع نمرة او ينط من الاول الى الرابع بس بعد ما تطفي السيارة وتخليها تبرد يرجع طبيعي وهدا دائما يصير عندي في الهوندا
ومشكورين شباب على الردود:cool:

عمرك شفت رديتر مفكوك من جهه المبرد ؟
المبردات الاصليه اغلبها صغيره جدا جدا جدا
لكن تعتبر كافيه للقياده العاديه