من يعرف عنها ومن جربها

[@elmalghoom@]

شباب سوالف وبالخصوص جيرانه السعوديين.حبيت أستفسر عن سعر
سياره منتشره عند شبابكم بقوه وحبيت أعرف معلومات عنها مثل.

1- السعر

2- التحمل

3- الحراره

4- برودة المكيف (وقت الظهر)

5- المميزات والعيوب بشكل عام

السياره هي هيونداي إلنترا 2004 كاملة المواصفات(محرك2.0-جلد-فتحة سقف-كاسيت+سيدى+مبدل أقراص-فرامل ABS+EBD-جنوط ألومنيوم-كشافات)

وبغيت أعرف شلون قومتها مقارنتاً مع الكورلا

ملاحظه مهمه.
أرجو أن الكلام يكون من خلال خبره بالسياره يعني موشغل تخمين وفلان وعلان قالولي.

وأكون ممنون للجميع وأسف علي الإطاله.شكراااااااااااااااا

[مجنون سيارات]

@elmalghoom@

اختيارك حلو عندنا وحده موديل 2001

مكينتها 2.0

ألي عندنا قيرها عادي ودرايش كهرباء وجنط حديد

1- سعرها 38 ألي عندنا
2-صار لها ثلاث سنين عندنا ومشاء الله قويه
3- الحراره لاتخاف منها إلى النص او اقل من النص بشوي
4-والله المكيف حلو بارد
5- عيوبها سعرها يطيح اذا نويت تبيعها

[@elmalghoom@]

تشكر على ردك السريع
بس 38 ألف أعتقد أنه سعر المواصفات العاديه مو الفل كامل.
المواصفات إللي أنا ذكرتها سعرها 5800 دينار بالبحرين

[مجنون سيارات]

ايه صحيح

بس انا اعطيتك سعر السياره ألي عندنا حتى لو تلاحظ في الرد ألي فوق
----------------------------
1- سعرها 38 ألي عندنا
----------------------------
اقصد فيها سيارتنا:)

على فكره المواصفات ألي ذكرتها انت متوفره عندكم بالبحرين ؟؟
او انك ما خذها من كتلوج السياره ؟؟
لان في بعض الوكلاء ما يجيب بعض المواصفات

[@elmalghoom@]

:Sad2:

[@elmalghoom@]

المواصفات إللي ذكرتها مومتوفره حالياً بس لوطلبتها راح توصل مع الدفعه
الجايه.وسبق أن كان بالوكاله نفس المواصفات بس المحرك 1.6 وبدون جلد وباعوها ب4700 دينار

[@elmalghoom@]

:blink:

[666]

هلا هلا

ياحلو

السياره تمام ماعليها كلام .. مكيفها ابرد من الشبح :D
عمليه و قطعها رخيصه و متوفره .. تتحمل مشاوير وكرف لين ما تشبع :D .. من ناحية التحمل في الصدمات طبعا السياره هونداي و رخيصه يعني لا تترجى منها هيكل قوي .. هيكلها على قد حجمها و سعرها ..

من عيوبها .. انا اللي شفتها اقل نوع من الالنترا تجي نوافذ ومرايات كهرباء .. ولكن السكان ( الدركسون ) ما ينزل ولا يرتفع .. يعني ثابت مكانه و الكرسي نفس الشي ما يرتفع ولا ينزل:D بس

اذا انت ناوي على وحده الله يبارك لك فيها .. و الحين اعتقد مستمر العرض عليها ضمان 5 سنوات .. يعني اكرفها على المطبات و عادي غير كل شي على الضمان :D


تحياتي

[560SEL]

واحد من اصدقائي معه وحدة .. وانا كنت وياه يوم يشتريها ..
مكينتها 1.6 .. نوافذ كهرب .. وقير اوتوماتك بسعر 36000 ريال

اكون صريح معك .. السيارة بايخة بكل ماتحويه الكلمة من معنى ..
القير يطول في التعشيقة .. وسيئة جدا جدا على الخطوط .. اذا وصلت سرعة 120 صوت المكينة عاااااالي .. كأنك حاط المكينة على رجليك

بالمناسبة .. قطع غيارها نااااااااااااار .. السوناتا والاكسنت ارخص منها من حيث قطع الغيار ..

:headshak:

الكورولا عمتها .. ولا فيه مقارنة بينهم ..

والقرار لك .. ومبروك مقدما .. هيونداي ولا غيرها



سلاااام

[@elmalghoom@]

رد مقتبس من 560SEL
واحد من اصدقائي معه وحدة .. وانا كنت وياه يوم يشتريها ..
مكينتها 1.6 .. نوافذ كهرب .. وقير اوتوماتك بسعر 36000 ريال

اكون صريح معك .. السيارة بايخة بكل ماتحويه الكلمة من معنى ..
القير يطول في التعشيقة .. وسيئة جدا جدا على الخطوط .. اذا وصلت سرعة 120 صوت المكينة عاااااالي .. كأنك حاط المكينة على رجليك

بالمناسبة .. قطع غيارها نااااااااااااار .. السوناتا والاكسنت ارخص منها من حيث قطع الغيار ..

:headshak:

الكورولا عمتها .. ولا فيه مقارنة بينهم ..

والقرار لك .. ومبروك مقدما .. هيونداي ولا غيرها



سلاااام


أولاً مشكور على مشاركتك وإبداء رأيك

ثانياً السياره إللي أنا تكلمت عنها 2.0 واللي أنت ركبتها 1.6 وفي بينهم
مكينه في النص 1.8 يعني أعتقد الفرق كبير حتي أني أذكر أن مره واحد من الشباب ذكر أن قومتها أقوى من الكورلا.

ثالثاً ياريت تقوللي شنو الشي البايخ فيها لأني بصراحه أشوفها سياره حلوه من جميع النواحي بس للأسف ماعرف واحد عنده الموديل الجديد علشان أخذ رأيه.

رابعاً ترى الكورلا تجربتي معاها زفت ولله الحمد
وإذا فتحت معاك موضوع نقاط ظعفها ماراح نخلص

وبالأخير شاكر لك مشاركتك أنت وباقي الأعضاء :p

[GTO MR]

اذا ارتفعت عليك الحرارة بالسيارة

فقط ركب مروحة وبتشوف الفرق :)


بالتوفيق

[RED Chevy]

السيارة مابي أهربك منها لكن هونداي;)

بالإردن التكسي اللي كنا نتعامل معه كان عنده وحدة...

مشي زوين راحة مافي فخامة مافي..

بهالسعر تحصل لك شيختها وشيخة الياباني خل هالشي ببالك...

تاخذ موتر زين حتى لو مستعمل ومليان مشاكل ولا موتر يديد ماتستانس فيه...

هالشي صادنا يوم خذنا الفلكس...

أول أيام تستانس بها وتعجبك لكن كلها 3 سنين وتطفش منها وتطلع مشاكلها...
شوف هذي فلكس وألماني وذابحتنا;)

طني موبايلك على ارسايل الخاصة وآنا أتفاهم معاك هناك>>>وراء الكواليس:D

[560SEL]

رد مقتبس من @elmalghoom@
أولاً مشكور على مشاركتك وإبداء رأيك

ثانياً السياره إللي أنا تكلمت عنها 2.0 واللي أنت ركبتها 1.6 وفي بينهم
مكينه في النص 1.8 يعني أعتقد الفرق كبير حتي أني أذكر أن مره واحد من الشباب ذكر أن قومتها أقوى من الكورلا.

ثالثاً ياريت تقوللي شنو الشي البايخ فيها لأني بصراحه أشوفها سياره حلوه من جميع النواحي بس للأسف ماعرف واحد عنده الموديل الجديد علشان أخذ رأيه.

رابعاً ترى الكورلا تجربتي معاها زفت ولله الحمد
وإذا فتحت معاك موضوع نقاط ظعفها ماراح نخلص

وبالأخير شاكر لك مشاركتك أنت وباقي الأعضاء :p

اكيد ان 2 لتر بتكون افضل .. مدري وش اقولك .. لكن انا كنت عارف انك بترد هذا الرد ..
على العموم ..
هي مجرد نصيحة لوجه الله ... اذا مصر على هيونداي .. خذ سوناتا ( بس انتظر الموديل الجديد )
حاول قدر الامكان تشيل الالنترا من خياراتك ..

والخيار اولا واخيرا لك .. وحنا لنا الجزر :laugh:




سلاااام

[666]

أكيد الكرولا عمّتها .. لكن الكرولا تقدر تقول فئه ثانيه اعلى من الألنترا شوي ..

صحيح عندك عيب في الالنترا الكراسي غير مريحه للمشاوير البعيده ..


ولكن السياره حق كرف ماعليها كلام ..



طيب أخوي @elmalghoom@ ممكن تذكر لنا اسعر بعض قطع غيارها المرتفعه مقارنة بغيرها اذا عندك علم بالاسعار ؟

اذا احد عنده معلومات بعد عن قطع غيار الالنترا لا يبخل علينا ..


اخوي اذا جربت الالنترا ولا عجبتك .. خذ لك كرولا الشكل الاخير يعني 2001 مستعمله أو جديده ترى هي أفضل اختيار وما راح تندم .

[ALS]

السلام عليكم ورحمة الله وبركاته

هلا اخوي كيف الحال؟.......

ترى انا ماشارك كثير لانشغالي.........بس عشان عندي خبرة بالسيارة هذي حبيت افيدك........

حنا عندنا 2 النترا موديل 2001 و 2002 .....1.6 و 2.0.....

طبعا عندنا في السعودية ماتجي بالمواصفات الي انت قلت عليها .......بس اذا تجي عندك شي حلو ......بس السعر احسه كثير شوي يعني بالسعر هذا يفتح لك مجال لاختيارات اكثر.....

بالنسبة للسيارة صراحة انا انصحك بيها.....يعني شكلها حلو.....تتحمل...مكيفها باااااارد... في عز الحر لو تحط المروحة على 3 تكفيك.......وبعد شوي تحطها على 2........يعني المكيف ممتاز جدا .....السيارة اقوى من منافساتها....خاصة بالنسبة لـ 2.0 مثل الي تبيها.........ماحد راح يكلمك......يعني لاكرولا ولا صني ولا سيفيك ولا كل السيارات الي في فئتها ......

وغير كذا السيارة تتحمل كرف على كيف كيفك........

من مشاكلها انه البدي ضعيف......يعني لو تطلع وتلقى فيه مثل الدقة في اي مكان لاتحط في بالك انه احد دقها .........لا هي لحالها مثل الماكسيما......

بخصوص قطع الغيار والله ماعندي فكرة........لانه نوديهم للوكالة صيانة عادية على الضمان........لانه مافي مشاكل ظهرت فيها انها تحتاج الى قطع معينة او شي زي كذا........

المهم اخوي اذا عندك اي استفسار معين عنها اسألني وانا ان شاءالله راح اجاوبك عليه...........




مع تحياتي...........


ALS

[i.s.g]

واحد من اصحابي عنده نفس السيارة و مرتاح منها كثير