نيــسان ولمرض المزمن

[فاهم]

السلام عليكم ورحمة الله وبركاته

بسم الله الرحمن الرحيم

صباح الخير على شباب سوالف اعضاء وزوار

اليوم بتطرق لموضوع معروف لبعض الشباب ومشكله انعرفت فيها نيسان وصارت من مميزاتها!

الي اهو القـــير الثالــــــث

هذا هو مرض نيسان المزمن ولذي لم تعالجه منذ القدم؟؟

ندش بالتفاصيل

طبعا معروف انه نيسان بالقير الاول وثاني هب ريح وفزه مشهود لها بالقوه؟

بس يوصل الموتر حق التبديل الثالث خلاص راحت عليك القومه؟


انا ماحطيت الموضوع الى لانه امس سوينا تجربه على سيارات نيسان
وثبتنا هذا المرض وبصمنا عليه بعد..

تمت التجربه على انواع متعدده من السيارات
ونتيجه كانت انه سيارات نيسان بالقير الاول وثاني قدام ولمه تبدل على الثالث تصير ورا
انا ما ادري ليش هل مشكله صايره هل ممكن سننون الترس الثالث فيها شي؟

المشكله موجود في مكسيما 94 1000000%
وتمت التجربه بين مكسيما 94 وكمارو مغبر 92:D

وكانت النتيجه المكسيما متقدمه بالقير الاول وثاني لمه بدلت ثالث السياره حيل حيل طاح عزمها لدرجت انه الكمارو طافها طوفت قهر معنه ان الكمارو مغبر ومكسر :D
وتجربه الثانيه نفس المكسيما وشروكي مديل 90 ونفس النتيجه بس كان في فرق صغير :damp:
وثالثه بين مكسيما 99 وكامري 2001
وهم نفس النتيجه
انا ما ادري ليش القير الثالث بالتعاسه هذي
ونا بحكم اني املك باترول 4800 هم اعاني من المشكله هذي بعد.
يعني المكسيما 94 ولباترول 2002
يعني 8 سنين ولحد الحين موجوده المشكله
اما بالنسبه الى الزد هم فيه المشكله بعد
لاكن الزد ست تباديل ونا سمعت التبديل السادس يغني عن تعاست القير الثالث
انزين اوكى ظبطوا القير الثالث بعدين حطوا ست ولا اربع بعد كافي!

المهم يا جامعه الي عنده حل حق هل مرض يعطينه لانه الصراحه شي يفشل
ممكن التبترونك يغطي على المشكله هذي شوي بالتماتيك بس هم ضعيف الغيار الثالــــــــث
تحياتي
فاهم

[oil_HKS_lio]

اول مره اسمع بهاذا الكلام مع ان جربنا الزد التون

zx300TwinTurbo
في الثالث يقرص

[فاهم]

oil_HKS_lio

هلا والله

التون يمكن ماتحس فيها لانه تيربو

لاكن جرب السفاري ولمكسيما وشوف جربهم مع سياره ثانيه مو تجرب بروحك اكيد ما راح تحس:D
اما بالقومه راح تشوف الفرق خاصتا اذا كانت السياره الي تقاومها قريبه من مستوى سيارتك
تحياتي

[فاهم]

oil_HKS_lio

وعلى فكره

الشخص الثاني الي يعرف هذا المرض وخبير فيه ولي اهو الي خلاني الاحظه بعد اخونا روح الامارات انشالله بس يشوف الموضوع ويرد
تحياتي :)

[mill_955]

حتى انا حسيت بالمشكله هذي بالباثفندر والمشكله تقدر تحسها بوضح واغلب سيارات نيسان تقريبا يجي فيها هذي المشكله من يوم ماتشتريها

السياره عندي بالاول والثاني تطلع على سيارات كثيره لكن بالثالث :headshak:

وفعلا ابي حل لهذي المشكله

[الأنصاري]

كلامك صحيح اخوي هذة المشكلة موجدة في الباترول والمكسيما وهي انه النمرة الثالثة تقتل السيارة

والغريب ان الاندكروزر اقوى نمره فيه هي النمرة الثالثة لذلك دايما 4800 مايقدر يجيب الكروزر في الخط

وحتى على مستوى الكامريات والأكوردات فالنمرة الثالث ضعيفة في المكسيمة

ولكن في القومات القضية مختلفة شوف 4800 يفز فزة قوية والمكسيما قومتها تحرج سيارات كثير اقوى منها حتى سيارة نيسان الجديدة تيتان عليها قومة جبارة في 7 ثواني 0-100 يعني تحرج صوالين رغم ان وزن السيارة 3 طن تقريبا

اعتقد ان نيسان تدرس هذة المشكلة حيث انك تلاحظ ان سيارات الجير الأوتو صارت تيجي 5 نمر وفي سيارات ايضا 6 نمر وحتى الجير العادي ايضا 6 نمر ((في بعض الطرازات))

[King 4x4]

أخوي مشكله النيسان الباترول بالرابع.

من أفشل ما يكون.

أول ما تعشق ثالث تشوف الريس فوق الرقم 3.

واذا جيت تعشق رابع تشوف الريس عند رقم 2 ونص :anger:

ومعروفه الباترول قوته و كامل عزمه بين رقمي الريس الثلاث الى الخمسه و النص.

لدرجه اني أخلي سيارات كثير يطلعون علي أول و ثاني.

وثالث تشوفني جنبهم أقول لهم باي باي :laugh:

[الشبابي]

كلامك غريب يا اخوي فاهم ...
هو النيسان خفيف وفي القومة تبان خفته ...
والسيارات الجديدة للنيسان تلاقي نمرها 5 او 6 سرعات سواء عايدي او توماتيك يعني نمرها قصيرة وقوية بالخط ....









اخوكم الشبابي

[فاهم]

mill_955

هلا والله مشكور على الرد وفعلا المشكله قائمه وشكلها مطوله :headshak:

بوعبود


هلا والله بوعبود ومشكور على الرد بالنسبه حق الباترول ولاند صحيح اللاند يقرب عند الباترول بس الباترول لمه يوصل 140 يروح عن اللاند ولا شرايك :) بالنسبه حق النمر الخمس ولا اللست مامنها فايده اهم شي الثالث لانه موقعه حيل مهم

:help:

King 4x4

هلا والله صحيح الرابع تعبان بعد الدليل انه في ناس لمه تقاوم بالتبرونك يبدل ثالث بعدين خامس على طول مايخلي القير على الرابع لانه تعبان بس صدقني القير الثالث اضعف من الرابع ولاحظ وشوف :)

الشبابي

هلا والله انا معاك القومه بالول وثاني ماكو احلى منها وحيل قويه لدرجت انه الاكس فايف اطلع عليه بفرق بسيط بالول وثاني اما لمه اوصل الثالث امسك بريك اشرفلي يعني لو القير الثالث يتحسن بتشوف قوه غير طبيعيه المشكله هذي موجوده ترا المشكله الي ملاحضها قليل مو واجد وشكرا:)

[DodgE]

ياخوي اذا تتكلم عن الاوتو

كل السيارات تقريبا الي قيرها اوتو بالثالث تخق

تحياتي

[W351]

السلام عليكم ورحمة الله وبركاته

انا با النسبه لي العكس تماما كانت عندنا مكسيما 92 وفي اي قومه

بس تعطيها ثالث سلم على اللي انت قايم معه وان شاء الله اني

صادق با الثالث تسحب الى 180 , وعندي خويي عنده 99 ما شاء الله

والكل يشهد على مستواها ومره كنت قايم معه بموستنج اول ثاني

فرقت عنه يمكن سيارتين ولما عطاها ثالث :shock2: ما شاء الله تقول

ضارب غاز الله يعطيه خيرها ويكفيه شرها وقدم علي با الثالث رفرف

تقريبا وهذا اللي انا شفته. (الموستنج اللي كان عندي نشيط وبشهادة

الشباب )

[روح الامارات]

رد مقتبس من فاهم
oil_HKS_lio

وعلى فكره

الشخص الثاني الي يعرف هذا المرض وخبير فيه ولي اهو الي خلاني الاحظه بعد اخونا روح الامارات انشالله بس يشوف الموضوع ويرد
تحياتي :)

اعتز بشهادتك اخوي فاهم شكرا لك


تذكر مرة خبرتك ان النيسان تاخذه اول 20000 كم يكون ماشاء الله عليه هب ريح في كل القيور حتى الثالث لكن مع الاستخدام والوقت تحصله بدا يخور في الثالث وهم في الرابع لكن حتى ان بعض الشباب عدنا شو يسوون اذا القير كان في الرابع على سرعة 160 على طول يغيرونه للنمرة الخامسه لانه احسن واقوى من الرابع تلقاه بسرعه وصل للسرعه المطلوبه :corsair:
وهذا اللى مب عاجبني في النيسان ليومك هذا ان قومته ماشاء الله عليها لكن في الخط وعلى هاي القوه يضعف هنه القهر :mad: :mad:
والعكس في الكروزر مثل ماقال اخوي بو عبود الكروزر قير واحد وثنين تعبان حيل لانه ثقيل لكن من الغيار الثالث ماعليه زود صراحه .
لو لاحظتوا شباب ان بعض فئات النيسان تكون القومه لصالحها اكثر من الخط بنسبه كبيره اما السبب اعتقد انه من مشكلة نظام الvtc على النيسان الجديد مايشتغل ها النظام الا قير واحد وثنين وخمسه بس (على مسؤولية وكيل نيسان ):D :D هذا الكلام :D مثل ماخبرني

صدقني يافاهم لو عدلو بس نظام الفتك وخلوه على كل القيور يشتغل مابيوقف شي جدامه (لكن اكيد شربية البترول بتكون عاليه في ها الحاله):think:

والسموحه على الاطالة

[BMW540I]

كل سياره ولها عيب بس مو كل النيسان .. انا امجرب وماوجهت المشكله هذي .. يمكن اتأثر سبت انها قديمه

[HaKeM]

أنا جبرت بأفلون 2003 مع ماكسيما 2003 قير عادي لكنها جديدة أعتقد ماشيه أقل من 20 ألف كيلو لمن عشق الثالث طلع عليا وماشاء الله صاروخ بفرق كبير

أعتقد هذي المشكلة في النيسان الأوتو أو الي مشيت كثير

تحياتي

[فاهم]

DodgE

هلا والله بس الي انا شفته وجربته انه النيسان ينقمت مره وحده مو بس يخنق بالثالث :OO:

W351

هلا والله شرايك بالمكسيما القديمه احنى عندنا 94 يطير والله مشالله عليه بس مثل ماقلت اول وثاني انا قدام اما الثالث تعيس لبعد الحدود والله مادري عن الي عندكم يمكن مشالله نشيط اما سالفت الثالث بالنيسان صدقني موجوده ونا متأكد ميه بالميه وتحياتي

روح الامارات

هلا والله زييييين يبا شفناك وينك انت لاحس ولا خبر تذكر يوم تقولي انك كل ماتقاوم نيسان اول وثاني اهو قدام بعدين لمه يبدل ثالث اطوفه بالكروزر انا جربت كلامك وفعلا طلعت المشكله موجوده وحيل واضحه لكن الظاهر كلامك صح كل ما صارت السياره قديمه كل ما تبين المشكله هذي
بعدين انا بقولك وبقول حق الشباب تجربه صارت بعد يمكن احد شافها
مره كنت اتقاوم مع باترول نفس الي عندي بس انا تماتيك او اهوا عادي المهم اول ثاني اهو جدام بشوي لمه بدل ثالث فرط معاه القير ما قام يبدل وقوم انا ومسك بريك اقوله شفيك؟ يقول ما ادري مالقم القير جربناها اكثر من مره هم الثالث مايبدل يعلق معاه ويطلع صوت جنزير قوي قيييييق
الهم بعدها بساعه ولا اجرب مع باترول ثاني مال ولد جيرانا هم قير عادي وهم نفس السالفه صارت اول ثاني يبدل عادي اما الثالث مايبدل يعلق معاه هذا دليل انه الثالث فيه شي وتجربه هذي وكل التجارب انا شايفهم بعيني والله يعني محد قالي ولا شي
بعدين سالفت الفتك اول مره اسمعها والله ما ادري عنها بس صدقني ياروح الامارات قير نيسان فيه عيب مصنعي ونسب فيه مو متناسقه نمره ضعيفه ونمره قويه على العموم شكرا على ردك يالغالي



:)

BMW540I

هلا والله اكيد كل سياره فيها عيب تميزها عن الثانيه انزين الباترول الي عندي 2002 يعني توه صارله سنتين ونص عندي. اول ماشريته ونا احس انه الثلث ضعيف مو مثل ربعه الاول وثاني بس الله وعلم يمكن سياراتنا فيها شي



:D

حاكم العدل


هلا والله .والله ما ادري يمكن فعلا السبب الاوتو القديم بس صدقني الثالث بسيارات نيسان فيه شي مو طبيعي

:D

[Super SS]

كلامك صح جربناها بماكسيما اوتو 2002 كان ماشي 14000

مع لوميناLS 2003 كان ماشي 3000 جديد


قومة كانت النتيجة


التعشيقة الاولى
الماكسيما --
اللوميــــــنا --

التعشيقة الثانية
الماكسيما -----
اللوميــــــنا -----

التعشيقة الثالثة
الماكسيما ----------
اللوميــــــنا -----------

التعشيقة الاخيرة
الماكسيما --------------
اللوميــــــنا ------------------


وتمت اعادة التجربة 5 مرات للتأكد

اسف للأطالة لكن احببت الافادة




الامير الفارس
ملاك070

[560SEL]

السلام عليكم ورحمة الله وبركاته

و الله كلام غريب جدا

اذا كنت تقصد الجير الاوتو فأنا ما عندي أي فكره عنه

لكن اذا كنت تقصد الجير العادي فأنا أعترض و بقوه على كلامك لأن أعرف واحد معه مكسيما 97 جير عادي ما شاء الله عزمها حريقه على الاول و الثاني و الثالث و الرابع و الخامس لدرجه ان كابرس LTZ 2001 ما قدرت تطوفه و القومه كانت من 0 الى 170



تحياتي

[فاهم]

ملاك070

هلا والله مشكور على الرد وعلى التجربه هذي الي صح توظح كلامي وشكرا

560SEL


هلا والله صدقني موجوده بس انا الاحظ انها مو بكل السيارات الله وعلم الاوتو المشكله فيه اكثر من العادي هم موجوده بالعادي بس الاوتو اكثر وشكرا

[فاهم]

ملاك070

هلا والله مشكور على الرد وعلى التجربه هذي الي صح توظح كلامي وشكرا

560SEL


هلا والله صدقني موجوده بس انا الاحظ انها مو بكل السيارات الله وعلم الاوتو المشكله فيه اكثر من العادي هم موجوده بالعادي بس الاوتو اكثر وشكرا