هل استطيع تركيب مكيف تويوتا على سيارة باثفايندر؟

[Crackjas]

السلام عليكم ورحمة الله وبركاته
والله انا اشتقت اروح للسكراب وجربت جودة تكييف تويوتا من الكامري الذي يملكها والدي الذي لا يعلى عليه
واتمنى من خبراء تكييف السيارات يجاوبون على سؤالي
هل استطيع تبديل ثلاجة التكييف للباثفايندر بثلاجة برادو او اي سيارة من تويوتا؟:confused:
هل يؤثر ذلك على نظام التكييف في سيارتي او على المحرك
علما بأن سيارتي باثفايندر 2000

[RED Chevy]

عادي ومافيها شي إحنا بورشتنا نركب كمبرسير كرسيدا على مرسيدسات وشفرات:D

[الأنصاري]

والله اخوي كل شئ يسير بس يعتمد على حجم الكمبريسور واذا كان الفني الي بركبلك المكيف فنان فاعتقد ماراح تكون في اي مشاكل

انا اعرف ان مكيفات النيسان ممتازة

على العموم كل مكيفات التويوتا ثلجية وبرودتها عالية خاصة الاند

[STS4ever]

غريب مكيف الباثفايندر اكثر من رووعه ؟؟!!!

[mill_955]

رد مقتبس من STS4ever
غريب مكيف الباثفايندر اكثر من رووعه ؟؟!!!

مكيف الباثفندر اكثر من روعه :confused:

[STS4ever]

باااارد يعني تكييفه ممتاااز جدا وهو زي الباترول تمااام

[Crackjas]

شوفها روعتها لما تشغلها الظهر وقت القايلة :cool:
كأنك واقف بوجه تنين غضبان عليك:help:
وجو الكويت بالصيف لا يعلى عليه ...تحس كأنك قاعد بجنيف:p

[mill_955]

اخوي STS4ever

سوري انا كنت امدح المكيف ماكنت اذمه :D

لكن انا مستغرب من كلام Crackjas

سوء تفاهم :cool:

[Crackjas]

رد مقتبس من RED Chevy
عادي ومافيها شي إحنا بورشتنا نركب كمبرسير كرسيدا على مرسيدسات وشفرات:D

ممكن تعطينا سعر الكمبريسر مع التركيب:D

[SKYLINE GTR]

مكيفات النيسان ممتازة والكل يشهد لها

احتمال ان المكيف اللي عندك فيه مشكلة

[SL500]

انا هنا بس احب اضيف معلومة سمعتها وهي نصيحة مررررررة روعة من واحد مجرب
وهي انهم يحطون مروحة المرسيدس بدلا من المروحة الموجودة بداخل سيارات الكابريس لزيادة جودة التبريد

هذا والله أعلم:cool:

[kin porch]

اذا انت من سكان جدة عندك ورشة الروضة بجانب شركة الاتصالات (المركز الرئيسي)
بصراحة شغلهم ممتاز

[Crackjas]

انا من الكويت:D

[kin porch]

حياك وين ما كنت:)

[RED Chevy]

رد مقتبس من Crackjas
انا من الكويت:D

وآنا من البحرين ها ناوي تيي نركب لك:D

بس ترى الشويخ عندكم مايحتاج خذ لفة على الطاير وأكيد بتحصل اللي يعجبك:rolleyes:

[A7medo]

عادي تقدر اتركب

بس ما اعتقد كمبرسر التويتا بيركب على النيسان .

فا اعتقد يبيلك اتفصل ( بريكت ) حق الكمبرسر .

انت روح وسأل وانشاء الله اتحصل الي تبغي .

[loolicpolic]

فكرة جميلة..


أنا شفت كمبروسور تويوتا كورولا راكب على تويوتا كورونا.. وكان عادي


تحياتي..:banana:

[القرن الجديد]

مكيفات النيسان حلوة جدا جدا وثلج


بس اعتقد اخوي عند خلل في المكيف


واذا ماكان عندك خلل


غير الثرمستات حقت المكيف راح يكون ثلاجة (مجمد )

الثرمستات = توقيت شبكة الكمبروسور وفصلتة عند درجة معينة

[Crackjas]

الله يحييكم ومشكورين على الردود
بس انا من اول ما شريت السيارة عرفت انه مكيفها ما ينفع حق جونا الحلو
حتى صاحبي عنده مكسيما ناوي يغير مكيفه لمكيف تويوتا
انا بروح للشويخ وان شاء الله اردلكم خبر:D
سلام