خل نشوف رايكم بالسوق العالمي وتوقعاتكم المستقبليه

[RED Chevy]

بسم الله الرحمن الرحيم


السلام عليكم ورحمة الله وبركاته


كل يوم ناط لكم بموضوع وكل واحد فرق السما والأرض عن الثاني:D بس عادي لازم نسوي شوية تغير بالقسم:glasses2:

موضوعنا اليوم نبي نتكلم عن مراكز الشركات الكبرى في العالم وخل نحصرها بال3 الأولى وهي بالترتيب:

1-GM.

( اللي تحتوي شفروليه--جمس--كدلك--هولدن--أوبل-ساب--دايو-- وتملك من السوزكي وشوية شركات غير)
2- تويوتا.

( الي تحتوي تويوتا--لكزس--هينو للشاحنات--ديهاستو--والماركات اللي تتبعها بأسامي مختلفة مثل السيون في أمريكا وغيرهم)
3- فورد.

( اللي تحتوي فورد--لنكن--ميركوري--أوستن مارتن--جاغوار--لاندروفر وتعاون موسع مع المازدا مع إمتلاك كمية من أسهمها)...


الوضع في السوق لي السنة الفايتة كان ثابت لمدة طويلة جداً، GM محتكرة المركز الأول من عقود وكانت بعدها فورد ونفس الشي إحتكرت المركز الثاني لكن طاح منها السنة لصالح تويوتا اللي كانت تتقدم بكل قوة ولا تزال تتقدم...

مبيعات فورد إنخفضت في أمريكا بنسبة 4% و4.4% في أوروبا وككل في العالم كانت نسبة الإنخفاض 3.6% وباعوا 6.72 مليون سيارة مقابل 6.78 مليون لتويوتا ونشوف النسبة مب كبيرة هي كلها 600 ألف سيارة..
تويوتا كانت الزيادة في مبيعاتها 10% وشي أكثر من ممتاز إنها تزيد مبيعاتها بهالشكل:banana: بس إستغربت إن إنتاج تويوتا خارج اليابان يمثل بس 38% يعني آنا كنت متوقع أكثر بكثير خاصة من مصانع الكامري في إستراليا وأعتقد ماتتصدر لغير الخليج وإستراليا:think:

جنرال موترز صحيح كانت في تراجع لآخر 3 سنين بس كان % مدري زاد أو نقص السنة ماشفنا أراقم ليلحين بزيادة أو نقصان وباعوا حوالي 8 ملايين وشوي مو متأكد من الرقم....


أحين نبي رايكم ومن تتوقعون يوصل لققمة ومن ينزل ومن تتوقعون من برى مثل الVAG أو الدلمر كرايسلر وووووو عطونا رايكم ولي رجعة بقوم الحين بشوف الفورملا:D

[الشبابي]

موضوع جميل ..
بالنسبة لفورد اتوقع ان مبيعاتها سوف تعاود الارتفاع لأن موديلاتها الجديدة ممتازة ومبيعاتها عموما في اوروبا ممتازة وهم مهتمين بالسوق الاوروبي اكثر من شفر واغلب سياراتهم هناك نظام اوروبي ...

بالنسبة للشفر فأعتقد بتنزل مبيعاته من ناحية السيارات العادية كثير ، اما البيك اب والسيارات الرياضية فأتوقع لها الزيادة ...

بالنسبة لتويوتا فتطورهم سريع جدا ومبيعاتهم عالية لكن تحتاج شوية وقت عشان تصير الاول مع العلم ان هذا مو صعب عليه خلال 10 سنين حتى اذكر انه لما صار انكماش في السوق العالمي قبل سنة ولا ثنتين اظطرت كل الشركات تقلل انتاجها ما عدا تويوتا زادت انتاجها 5% لتعوض النقص في السوق على حساب الشركات الاخرى ...

غير الثلاثة الكبار لا اعتقد احد ينافس ، من ناحية ديملر كليزلر ما اعتقد ينافسون لأن مبيعات مرسيدس ممتازة اما كليزلر ممتازة داخل السوق الامريكي فقط ....

ممكن بعد 10 الى 15 سنة تنافس نيسان ورينو على المراكز الثلاثة الاولى اذا مشوا مثل ماهم ...

ولا اعتقد ان سيارات تويوتا في الخارج تمثل 38 % .. لأن امريكا وهي اكثر دولة يباع فيها التويوتا تمثل مبيعات السيارات 40% من العالم ككل وبالتالي اعتقد ان النسبة اكبر بكثير ... ممكن يكون مبيعاتها في اليابان 38 % من التي تباع في باقي العالم ...











اخوكم الشبابي

[RED Chevy]

رد مقتبس من الشبابي
موضوع جميل ..
بالنسبة لفورد اتوقع ان مبيعاتها سوف تعاود الارتفاع لأن موديلاتها الجديدة ممتازة ومبيعاتها عموما في اوروبا ممتازة وهم مهتمين بالسوق الاوروبي اكثر من شفر واغلب سياراتهم هناك نظام اوروبي ...

بالنسبة للشفر فأعتقد بتنزل مبيعاته من ناحية السيارات العادية كثير ، اما البيك اب والسيارات الرياضية فأتوقع لها الزيادة ...

بالنسبة لتويوتا فتطورهم سريع جدا ومبيعاتهم عالية لكن تحتاج شوية وقت عشان تصير الاول مع العلم ان هذا مو صعب عليه خلال 10 سنين حتى اذكر انه لما صار انكماش في السوق العالمي قبل سنة ولا ثنتين اظطرت كل الشركات تقلل انتاجها ما عدا تويوتا زادت انتاجها 5% لتعوض النقص في السوق على حساب الشركات الاخرى ...

غير الثلاثة الكبار لا اعتقد احد ينافس ، من ناحية ديملر كليزلر ما اعتقد ينافسون لأن مبيعات مرسيدس ممتازة اما كليزلر ممتازة داخل السوق الامريكي فقط ....

ممكن بعد 10 الى 15 سنة تنافس نيسان ورينو على المراكز الثلاثة الاولى اذا مشوا مثل ماهم ...

ولا اعتقد ان سيارات تويوتا في الخارج تمثل 38 % .. لأن امريكا وهي اكثر دولة يباع فيها التويوتا تمثل مبيعات السيارات 40% من العالم ككل وبالتالي اعتقد ان النسبة اكبر بكثير ... ممكن يكون مبيعاتها في اليابان 38 % من التي تباع في باقي العالم ...



اخوكم الشبابي

هلا الشبابي:
ردك جميل ومنطقي، فورد ممكن تعود للإرتفاع لكن إذا واصلت هالسياسة لا، شوف gm حذفوا الأولدز وشروا شركات وباعوا شركات ويعني بإختصار عندهم سياسة تسويقية يعرفون كل سوق ومتطلباته:rolleyes:

فورد نشوف موديلات حلوة لكن ليش تتراجع في مبيعاتها مع إحتكار الf150 للسوق الأمريكية نجاح الكروون فيك في الخليك وأمريكا؟

سبب تراجع فورد مو تراجع لكن تقدم تويوتا والفورد واقفة أو متراجعة بشكل أصح الفورد مانزلوا شي اللي وااااااااو وكسر السوق...
تويوتا رايي مثلك تحتاج على الأقل 8 سنين عشان تتفوق على GM وماندري وش بيصير في هال8 أو 10 سنين ويمكن تتقدم GM من جديد وتويوتا تعود للخلف أو تتقدم تويتا أكثر وتخسر GM أكثر كل شي وارد وبصراحة آنا أتمنى الGM تخسر( عشان ترخص الأسعار:D )

وننتظر ردود الباقي:)

[الفجر mtr البعيد]

1- بسبب سياسة هيكلة الشركات الي تحت جناحها اتوقع راح ترجع للصداره وخير دليل الكاديلك وطبعا هذا من دون مانغفل قوة شركة مثل
الTOYOTA واتوقع راح تصير منافسه شرسه بين هذي الشركتين.
2- الTOYOTA شركه كبيره لدرجه انها تقدر براس المال الضخم الي عندها تقدر تشتري شركة الGMما تدرون يمكن بكرة تشتري الGMوتطلع سياره اسمها كامرس:D
***ملاحظه للشركتين***
عند الGM والTOYOTA سياسات تسويقيه تروج لللأداء الرياضي وهذا نشوفه عند طرازات متعددة من الشركتين وطبعا الاقتصادية في الوقود

3-اما الFORD ماراح تتقدم على الشركتين المذكورتين سابقاً بسهوله
نتيجة ان مثل ماذكر اخوي الشبابي ان تركيزهم على السوق الاوربي
بالعربي تبون مختصر مفيد صح:laugh:
1-GM>>>>>>
2-TOYOTA >>>>>
3-FORD>>>>
وخير ختام سلام

[RED Chevy]

هلا إخوي الفجر:
بعد كلامك منطقي جداً وأشوف حالياً تقدم كدلك كبير ويمشون بخطوات ثابتة مثل تويوتا ولاننسى إن في تعاون بين GM وتويوتا في أكثر من سيارة وآخر شي بياخذون شاصي اللومينا للأفالون:D

تويوتا أعتقد بتكون الند الأكبر لGM بالفترة الجاية ومابتكون سهلة:rolleyes:

ومثل ماقال الشبابي فوق نيسان-رينو جاية بقوة ويمكن تحتل مراكز الصدارة في العقد الجاي:rolleyes:

[الفجر mtr البعيد]

والله كلشي جايز والمنافسه على اشدها من كل الاطراف

[RED Chevy]

هلا إخوي الفجر..فعلاً المنافسة ضاربة التوب وذي كله في مصلحتنا إحنا الزباين:D خلهم يتراقعون أهم شي نحصل شي حلو ورخيص ومن أفضل الخامات:D

[الشبابي]

فعلا المنافسه على اشدها ...
ونتمنى الاسعار تنقص لأن كل الشركات ارتفعت اسعارها كثير ...
تخيلوا لومينا كانت ب 94 الف صارت ب101 الف ريال
الماكسيما بـ 90 صارت بـ 97 الف ....نااااااااااااااار ....
المرسيدس كان يبدا من 190 صار من 225 .........











اخوكم الشبابي

[RED Chevy]

هلا بالشبابي:
أكيد إنت شوف الكابرس إحنا خذناه من الجميح ب12000 وفي قطر يقول حمد الSS ب12500 يعني زيادة 1000 دينار وهم رايحين يزيدون وآخرتها البورش المبجلة خل يخسرون شوي وتشوف أسعارهم كيف تنزل:D

[الشبابي]

ريد شيفي ...
صدقني بورش مو صاحيين واسعارهم بتصير خياليه فهم رفعوا الاسعار واليورو مرتفع ومنافسه السيارات الاخرى صارت اقوى ولا يوجد لها اية قطع واعتقد الناس راح تتوجه للأف اكس 45 والاس ار اكس والرنج الستورمر الرياضي والحاجات الثانية على حساب البورش ...









اخوكم الشبابي

[RED Chevy]

نفس كلامي والأهل كانوا مخططين على واحد قريب بس خايفين من 3 اشياء، مشاكله والوكيل الزفت(مجربينه)وتغير الشكل، ويرفعون السعر بعد أضمن لك سوقه بيطيح ويرجعون الناس للشغل العدل خصوصاً الSRX/FX45 بنفس قوة الكايان S يعني بتشوفهم بعديم مثل الكوامري:D

[RED Chevy]

معقولة بس 2 يشاركون بس الشبابي والفجر:damp: شالسالفة ترى أوقف ماأكتب لكم شي:D

[RED Chevy]

رد مقتبس من RED Chevy
معقولة بس 2 يشاركون بس الشبابي والفجر:damp: شالسالفة ترى أوقف ماأكتب لكم شي:D

أكرر تهديدي:D

[الشبابي]

ياريد مشي حالك يمكن الشباب مو فاضيين ولاعندهم مشاغل ...



















اخوكم الشبابي

[RED Chevy]

رد مقتبس من الشبابي
ياريد مشي حالك يمكن الشباب مو فاضيين ولاعندهم مشاغل ...




اخوكم الشبابي

لا والله تلاقيهم يردون على موضوع قومة لومنيا شي هاللون لكن تفكير وتوقعات إنسى:D

نصبر ونشوف يمكن حد يتبرع ويرد:D

[الفجر mtr البعيد]

red chevy ردد ياليل ما اطولك:D

[RED Chevy]

ياااااااااااااااااااااااااااااا ليييييييييييييييييييييييييييييل ماااااااااااااااااااااا أطوووووووووووووووووووووووولك:D

[R32]

مبيعات فورد إنخفضت في أمريكا بنسبة 4% و4.4% في أوروبا وككل في العالم كانت نسبة الإنخفاض 3.6% وباعوا 6.72 مليون سيارة مقابل 6.78 مليون لتويوتا ونشوف النسبة مب كبيرة هي كلها 600 ألف سيارة..

==================

تصحيح


Toyota says Ford is still No. 2

By Alan Ohnsman / Bloomberg News

Toyota Motor Co.p., Asia’s largest automaker, didn’t pass Ford Motor Co. in total car and truck sales in 2003 if its sales are calculated on the same basis, Toyota President Fujio Cho said.

Toyota said in January that it sold 6.78 million vehicles worldwide last year, including those of subsidiaries Hino Motors Ltd. and Daihatsu Motor Co., exceeding Ford’s 6.72 million. Last week, the Japanese company announced a modified total of 6.49 million, excluding sales of joint ventures in China and Indonesia.

“If you use exactly the same basis for comparison, Ford is the No. 2 carmaker,” Cho told reporters at a briefing in San Francisco. “The numbers Ford announced were the unit sales based upon financial results at the closure of the books for the fiscal year. Using the same base for calculation, according to that, it is clear Ford is the No. 2.”

Toyota, which plans to raise its global market share to 15 percent within a decade from more than 10 percent now, has said it has no specific goal of beating Ford or General Motors Corp., the world’s largest automaker, by sales. Still, 15 percent market share would push the Toyota City, Japan-based company’s sales beyond that of General Motors, which now makes more than 14 percent of vehicles purchased worldwide.

Ford’s sales number is calculated on a wholesale basis, representing sales to dealers and distributors. Toyota has said its initial number was retail, or registered vehicle sales, while its second number was wholesale.

Cho and General Motors Chief Executive Richard Wagoner were in San Francisco to mark the 20th anniversary of the automakers’ jointly owned New United Motor Manufacturing Inc. plant. The factory in Fremont, California, operated from 1963 to 1982 as a General Motors facility and reopened in 1984 as an equal partnership between the two carmakers.

Toyota’s U.S. sales operations are based in Torrance, Calif. The company’s U.S. shares, which have gained 36 percent in the past year, fell $1.45 to $66.55 in New York Stock Exchange composite trading.

[RED Chevy]

إخوي الخبر نزل ونفوه ومن ثم تأكد وكل المجلات تتكلم عن تقدم تويوتا;) والأرقام كفاية:banana:

[زورو الامارات]

بسم الله الرحمن الرحيم

السلام عليكم ورحمة الله وبركاته



والله شوفوا المستقبل بالتأكيد للسيارات اليابانيه والالمانيه

الكوريون في الطريق ولكن بعد 10 سنوات اتوقع انهم بينافسون بشكل كبير ويصبحون قوه مثل اليابانيين

الامريكان اعتمادهم على سوقهم المحلي وحكومتهم تدعمهم وهذا شي من حقهم

المستقبل يقول تويوتا تتقدم بخطى ثابته نحو المقدمه
حسب تصريحات مدراء تويوتا انهم غير مهتمين بهذا الشي وهذا كلام غير صحيح ويدل على تحفظهم الشديد في التصريحات

لكن تويوتا بدأت تكتسح في اوروبا بمبيعات وصلت ال 14% من السيارات هناك هذا اذا ماكنت انا غلطان

مبيعات تويوتا في السوق اليابانيه تمثل 48% من مجموع المبيعات وهذا رقم ليس بالسهل ابدا


السيارات الالمانيه والاوروبيه عموما تواجه انخفاض في المبيعات والسبب اليورو القوي جدا والمرتفع بشكل مستمر كل مازادت قيمه العمله قلت الصادرات


اتوقع عوده نيسان للمنافسه خلال 3 سنوات مع طرازات جديده
هوندا محتاره فليس لديها جديد تنافس عليه بعد اهتزاز عرش الاكورد في امريكا لصالح الكامري


اتوقع حدوث تحالفات كبيره على مستوى القارات خصوصا في اوروبا

وكل شي يحدث على حساب الامريكان وصناعتهم التي اصبحت في خطر





تحياتي للكل

[RED Chevy]

رد مقتبس من زورو الامارات
بسم الله الرحمن الرحيم

السلام عليكم ورحمة الله وبركاته



والله شوفوا المستقبل بالتأكيد للسيارات اليابانيه والالمانيه

الكوريون في الطريق ولكن بعد 10 سنوات اتوقع انهم بينافسون بشكل كبير ويصبحون قوه مثل اليابانيين

الامريكان اعتمادهم على سوقهم المحلي وحكومتهم تدعمهم وهذا شي من حقهم

المستقبل يقول تويوتا تتقدم بخطى ثابته نحو المقدمه
حسب تصريحات مدراء تويوتا انهم غير مهتمين بهذا الشي وهذا كلام غير صحيح ويدل على تحفظهم الشديد في التصريحات

لكن تويوتا بدأت تكتسح في اوروبا بمبيعات وصلت ال 14% من السيارات هناك هذا اذا ماكنت انا غلطان

مبيعات تويوتا في السوق اليابانيه تمثل 48% من مجموع المبيعات وهذا رقم ليس بالسهل ابدا


السيارات الالمانيه والاوروبيه عموما تواجه انخفاض في المبيعات والسبب اليورو القوي جدا والمرتفع بشكل مستمر كل مازادت قيمه العمله قلت الصادرات


اتوقع عوده نيسان للمنافسه خلال 3 سنوات مع طرازات جديده
هوندا محتاره فليس لديها جديد تنافس عليه بعد اهتزاز عرش الاكورد في امريكا لصالح الكامري


اتوقع حدوث تحالفات كبيره على مستوى القارات خصوصا في اوروبا

وكل شي يحدث على حساب الامريكان وصناعتهم التي اصبحت في خطر





تحياتي للكل

هلا فيك مشرفنا ومشكور على ردك، وكلامك صحيح، والألمان( مدري عن الباقي بس مرسيدس) قال يورغن مدري شنو( مو شرمب:D ) إنهم بيصدرون سياراتهم بالدولار لتفادي إرتفاع أسعارها، يعني ممكن نشوف الفترة الجاية إنخفاض:banana:

مبيعات تويوتا ماكلة الأخضر واليابس في اليابان:D وفي أوروبا الرقم صحيح أو مقارب له مايروح بعيد:cool:

والأمريكان كانوا في تهديد كبير لي قبل معرض الإمارات، إبتدوا يومشون الطريق الصحيح ولو نشوف الكونسبتات عند فورد وgm وكرايسلر نشوف شي يعد بمستقبل ومنافسة قوية والله أعلم:rolleyes:

[القرن الجديد]

اتوقع بعد 5 - 10 سنوات من الان

1- تويوتا

2- فورد

3- جي ام

4- نيسان

5- هيونداي & كيا (على قول مسؤول مبيعات هيونداي)


والله اعلم

[RED Chevy]

هلا فيك إخوي القرن الجديد:)
بس ماتوقع gm تنزل للثالث لأنها بدت تمشي صح وفورد مو على الدرب الصحيح:cool: ممكن تويوتا تتفوق وتصير الأولى وGMالثانية بس الثالثة ماظن:rolleyes: ومشكور على إبداء رايك ومشاركتك معانا:p

[RED Chevy]

UP ومابهدكم لين ماتردون:D

[Super SS]

1- جي ام

2- تويوتا

3- فورد

وخير الكلام ماقل ودل

[RED Chevy]

هلا بالملاك ومشكور على ردك وننتظر ونشوف وصدقت خير الكام ماقل ودل:D لكن بهالموضوع يمكن تفصيل حتى لو قل:rolleyes:
وألف شكر على ردك ومشاركتك يالطيب:)

[X_RaYs]

والله من ناحيتي أتوقع استمرار جنرال موتورزفي الصداره لسنوات عديده قدام والسبب سياستهم التسويقيه .. صح انها ماتعجبني بس لازم الواحد يعترف انها ذكيه .. هذا أولا

رابعا :D
اتوقع تراجع مبيعات شركة تويوتا مقابل تصاعد مبيعات نيسان في الخمس سنوات الجايه

الشركات الكوريه .. خاصه كيا وهيونداي مااتوقع انها راح تغير فشي ( مع احترامي ) .. مبيعاتها ثابته وراح تظل ثابته

بالنسبه للألمان .. أتوقع مستقبل حلو لمجموعة فولكس فاغن في السنوات الجايه خاصه ان كثير من سياراتها راح تتغير كليا قريبا جدا مثل الباسات ولأودي A6 والبورا والجولف .. هذا غير السيارات الجديده اللي طرحتها قبل فتره مثل الطوارق والفايتون والأودي A8 الجديده

نفس الكلام ينطبق على BMW وتصاميمهم الجديده اللي اشوفها حققت نجاح باهر رغم الانتقادات ( الغريبه ) من اكثر من طرف

اخيرا دايملر كرايسلر أشوف مستقبلها مجهول صراحه .. وانا من ناحيتي ماكنت مؤيد فكرة اندماج الشركتين اساسا !!

وبس :p

[RED Chevy]

X_RaYs : :D :D :banana:

عجبني أولاً:D وكلامك منطقي جداً، إحنا نصبر ونشوف لكن وين فورد:D

[X_RaYs]

ذكرتني بفورد ..

صراحه تصاميهم القادمه كلها حلوه .. وخاصه الموستينج والـF150 وغيرها كثير ..

اتوقع لها تقدم في المبيعات خاصه بعد حالة ( الخمول ) اللي مرت فيها في السنوات الاخيره :think:

على فكره .. ماعندك خبر عن الشكل الجديد للينكولن LS !!?

[RED Chevy]

آنا محتار بمصيرها ساعات أحس إنها بتنزل وساعات أحس بترجع الثاني لكن الأغلب بتحافظ على المركز الثالث لي أجل قريب:rolleyes:

واللنكن مافي شي عنه بس أكيد مع الجاغ S خل نقول على 2006 تشوف الجديد في شوارعنا:cool: