عملية تلبيس الكراسي ((شرح-صور))

[الأنصاري]

هذة عملية تلبيس الكراسي الي سويتها حق سيارتي ممكن يستفيد منها الأعضاء حاليا او مستقبلا

طبعا اذا سيارتك جديدة وتبي تحافظ عليها لازم تقوم بعملية تلبيس الكراسي سواء بالتلبيس الجاهز او الفصيل

الصراحة التلبيس الجاهز يخرب منظر السيارة الداخلي ولكن طبعا يحمي بس انا فضلت اني افصل وما اشتري تلبيسة جاهزة ومثل ما بتشوفون في الصور الكراسي صارت احلى من كراسي الوكالة وصار في تناسق لوني بين السقف والأجزاء السفلية من السيارة

التلبيس الجاهز يكلف حلو 200 ريال
اما التلبيس التفصيل الى انا قمت به ثلاث صفوف كراسي +التكاية+الطبلون كلفني 550 ريال

وهذة الصور والناس تتفنن في التفصيل والتحديد بس انا سويتة ساده واترككم مع الصور

جميع الحقوق محفوظة لمنتدى سوالف والكاتب بوعبود
:D
http://www.arab7.com/up/file/1081687078.jpg
http://www.arab7.com/up/file/1081687138.jpg
http://www.arab7.com/up/file/1081687199.jpg
http://www.arab7.com/up/file/1081687256.jpg
http://www.arab7.com/up/file/1081687342.jpg

[DraGGeR]

أخوي بو عبود

هاذي من جد تلبيسة؟؟؟

وين فصلتها و كم يوم أخدت؟؟

الصراحة حلوة جدا

و تسلم على المعلومات و الصور

تحياتي

[MuGeN]

بصراحة شغل عدل و نظيف .. :)

[BLACK-ICE]

وين الشرح؟:sleep:

[أمير أبوظبي]

رد مقتبس من MuGeN
بصراحة شغل عدل و نظيف .. :)

[الأنصاري]

DraGGeR اي اخوي تلبيسة:D :D بالنسبة للوقت انا من قطر سواها لي محل اسمع المعاضيد الكروزر عدنا مقاساتة محفوظة لذلك انت تقولة يفصل وبعد يومين تركبها خلال ساعتين


MuGeN
أمير أبوظبي
مشكورين

BLACK-ICE
القصة مايبيلها شرح يشلون الكراسي ويركبون التلبيسة عليها ويرجعون الكراسي:D

[RED Chevy]

رد مقتبس من MuGeN
بصراحة شغل عدل و نظيف .. :)

[السائق المثالي]

شغل حلو والله ومميز يابوعبود
مشكور على الصور الحلوة والطيبة

[TOP-SECRET]

:p يعطيك العافيه بوعبود على الموضوع بس مافيه الوان ثانيه :( يخي انا ادور تلبيس ابيض جلد حق الكروزر :anger: بس ماحصلت ماتدري وين احصل :mad: بس ليش ملبس التكايه يخي :damp: ليش ماخليتها على طبيعتها احلا :p والدفتر الي جدام التكايه مال محاظره العربي؟ :eek:

:banana:

بعدين شيل العلم الي معلقه ترى قص ويهنا هالنادي اليوم :eek: لاتنسى تعطي فهود بلوك اليوم ترى بيقطعنا على الماسنجر :eek:

[HaKeM]

ماشاء الله الشغل مره نظيف

بصراحة ماشفت تلبيس خارج الوكالة بهذي النظافة

تحياتي

[عاشق التضبيط]

ماشالله شغل حلو

بس كان ودي اشوف الشغل الي قبل _(الوكاله) عشان اشوف الفرق

[SL500]

رد مقتبس من شبابي
شغل حلو والله ومميز يابوعبود
مشكور على الصور الحلوة والطيبة

[until the end]

ماشاء الله تلبيس حلو مره
اما بالمحافضه على المقاعد اتوقع المركز الاول بيكون الي ؟
تصدكون لو كلتلكم شفت مقاعد السياره مره وحده
يوم استلمتها من الوكاله :D
اخوي يعطيك خيرها او يكفيك شرها

[الأنصاري]

شبابي مشكور اخوي على مشاركتك
حبيبي حمد كل الألوان موجودة بس انت امر وتدلل :D :D والتكاية الحين صارت اريح ومرتفعة وبخصوص الفترة ما شاء الله ايش هذة الذاكرة :eek: :eek: انا شلت العلم بعد المباراة على طول وفهود خلاص سويناله بلوك

حاكم العدل مشكور اخوي كلامك اسعدني
عاشق التضبيط خساره ماصورت السيارة من الداخل قبل ما البسها
SL500 شكرا على مرورك
until the end هههه سبقتني اكيد مشتاق حق فرش الوكالة
:D

[الأنصاري]

هذة صورة قديمة لكراسي الوكالة بس خسارة الكراسي مو مبينة
http://www.arab7.com/up/file/1081790523.jpg

[TOP-SECRET]

احلا مافي الصوره الاخير علم نادي الريان :cool: بعدين شيل الفروه مال اول :o كانك بتان راعي شيول لوووووول :eek:

[الأنصاري]

رد مقتبس من TOYOTA - OBAS
احلا مافي الصوره الاخير علم نادي الريان :cool: بعدين شيل الفروه مال اول :o كانك بتان راعي شيول لوووووول :eek:

ياخي هذة الفروة تحمي من الشمس والغبار :D :D يعني البتان اذكية

والله يعين الريالن الفرصة الأخيرة يوم الجمعة:think: :think:

وسلم على الشباب وخاصة فهود

[عين الفهد]

أول شيئ نبارك للسد
وهاردلك للريان

أنا (ســـــــــــــــداوي) حتى النخاع :banana:

وحاط الشعار على المرايه :eek:

وبالنسبه للتلبيس شغل حلو ومضبووووووووووووط
TOYOTA - OBAS ممكن تراسلني وطلبك موجود

وبالتوفيق بالجامعه يابوعبود وتسلم على الموضوع


أخوكم

[TOP-SECRET]

رد مقتبس من عين الفهد

TOYOTA - OBAS ممكن تراسلني وطلبك موجود



هلا والله اخوي عين الفهد والله يستاهلون نادي السد الفوز في المباراه الاخيره
:eek: امان سلام صاده شد عظلي من كثر التشوت :eek:

ويالغالي هذا ايميلي hamad121_qa@hotmail.com

للأسف ماعرف ارسل ايميلات في المنتدى :( بس تقدر تضيفني على المسنجر يكون لنا الشرف انتعرف فيك اكثر يالغالي ;)

[M5]

بو عبود

اذا ماعليك كلفة وبدون أمر عليك .. ممكن أعرف من وين اشتريت المسجل ؟؟ واش نوعه ؟


تكفى لاتقولي إن اللاندكروزر يجي من بلده بالمسجل هذا ؟؟!!!



شكراً على الشرح :cool:

[الأنصاري]

رد مقتبس من M5
بو عبود

اذا ماعليك كلفة وبدون أمر عليك .. ممكن أعرف من وين اشتريت المسجل ؟؟ واش نوعه ؟


تكفى لاتقولي إن اللاندكروزر يجي من بلده بالمسجل هذا ؟؟!!!



شكراً على الشرح :cool:

طبعا شد بلدة خخخخ:D :D

اخوي المسجل JVC وهذا المسجل يجي مع ريموت وفيه MP3 والحمد لله ممتاز جدا وصوتة قوي مرة الفوليوم يوصل 50 وفية كل التقنيات والخرابيط هذة واحلى شئ ان جاي مع ديكور سياراتي المسجل اشتريتة يوم زرت الإمارات وسعرة حول 780 درهم او ريال بس طلع علي مع التركيب 1000 ريال طبعا السبب ان الاندكروزر 2003 الفتحة فية اوسع من القديم فلازم تشتري قطعه تحوط المسجل ب70 ريال والتركيب 100 ريال واحسب انت

http://www.arab7.com/up/file/1081948949.jpg

[M5]

أخي الكريم بو عبود

أشكرك على تفضلك بالاجابه ،، لكن أنا أقصد هل السيارة تجي بدون مسجل ؟؟ والا غيرت مسجلها الأصلي بمسجل JVC

اللي لقيته أنا نفس اللي راكب عندك ويجي منه لون أسود .. وأفكر أركبه عندي في السيارة لأن المسجل اللي عندي نوعه سوني والصوت فيه مش ولابد وأزراره صغيره جداً واستخدامه صعب .
على العموم أشكرك مرة أخرى



على فكرة ،،
ترى الأسعار عندنا أغلى من عندكم بكثير :confused:

[الأنصاري]

لا اخوي انا شايل مسجل الوكالة ومركب هذا المسجل وانصحك فية سعرة ممتاز ومواصفاتة كثيرة

بس مادري عن اسعارة عندكم

والله الموفق