من منكم شاف هوندا NSX في حياته يعني بعيونه حقيقه؟

[GTO97MR]

السلام عليكم ورحمة الله وبركاته

من منكم شاف هوندا NSX في حياته يعني بعيونه حقيقه؟

ها السيـارة مو بس نادرة .. الســيارات منقرضه !!

في حياتي كامل ماشفت NSX في البحـرين !!!

شفت وحده في صوره في الكويت بس !!

ما ادري ليش السبب .. الهوندا الجديد NSX سعرها 33 الف دينار

او حوالي 330 الف ريال سعودي !! ..

هذه صورتين حق Honda NSX Type R
http://fast-autos.net/honda/02nsxr2.jpg

http://fast-autos.net/honda/02nsxr3.jpg

انا اتوقع انها ماتجي الخليج :damp:

[GTO97MR]

عـلى فكرة هذي الســيارة جبارة وتقدر على Nissan Skyline GTR 34

وعلى Mitsubishi GTO ..

[GTO97MR]

هـذه Acura NSX موديل 2002

http://fast-autos.net/acura/02nsx10.jpg

http://fast-autos.net/acura/02nsx15.jpg

http://fast-autos.net/acura/02nsx5.jpg

http://fast-autos.net/acura/02nsx14.jpg

http://fast-autos.net/acura/02nsx17.jpg

الى 60 ميل في 4.9 والى 100 ميل في 11.7

[silver]

شفت وحده في البحرين لونها احمر عند واحد اجنبي ... تفاجئة إن السيارة سقفها منخفض جداً
سقف السيارة بالكاد واصل إلى خاصرته ... (يمكن لأنه طويل:) ) لكني تفاجئة أكثر يوم شفته راكب داخل السيارة ... تفكر كيف قدر إنه يحشر نفسه في داخلها :p

[Net Master]

ولد خالي كان عنده وحدة في جدة قعدت اسبوع معاه وعلى التشليح

[MuGeN]

شفت وحدة في الدمام قبل 6 سنوات تقريباً بس ماني متأكد .. كان لونها أبيض ..

Net Master :: وش معنى كلامك :help:

[RED Chevy]

بيبي تبي تشوفها روح الحلبة بكره وتحصلك وحدة، آنا اليوم شفت تندرا رقمه 1010 وشفت جيب التويوتا الكبير سيكيوا وأكورد وارد أمريكا وبلاوي غيره وكلهم لوحات بحرينية جرب خذ لفة في الباراكت وبتحصل.:rolleyes:

[DOHC VTEC]

انا شفت وحده في الدمام قبل فتره بس الحين اختفت

ويمكن قليل مانشوفها لانه غاليه اشويه

[king_stratus]

رد مقتبس من DOHC VTEC
انا شفت وحده في الدمام قبل فتره بس الحين اختفت

ويمكن قليل مانشوفها لانه غاليه اشويه

انا بعد هده شفتها واختفت بس ماعتقد مديل جديد



;)

[king_prelude]

أنا شفت وحدة في الدمام لونها فضي وموديلها 91 ومن بعيد والسيارة غنية عن التعريف :think:

[BLACK-ICE]

شفت وحدة بكورنيش الدمام العام الماضي بالعيد

[TOP-SECRET]

انا ماشفت ولا وحده :p

[MuGeN]

شبااب كلنا شفنا نفس السيارة يعني :D

برليود : كان لونها أبيض متأكد .. لأن وقفت جنبنا .. موديلها زي ما قلت أتوقع 91 :D . و ما اتوقع في غيرها

[Lumina_ss_Coupe]

انا من قبل سنتين يمكن شفت وحده لونها ازرق عليها لوحات البحرين


:banana: :banana: :banana:

[دانيال]

أنا مره شفت وحده لونها رصاصي عند سعودي

بصراحة سيارة صحيح قوية لما أقول قوية يعني قوية تفوق

مستواها على انها 280 حصان يعني أطلقاتها قوية مره

انا ما اتوقعتها كذا قلت حالها من حال ZX300 TT او لومينا SS

بس مافيه مقارنه لما مشى مع لومينا SS ما كأن اللومينا ضاغط

حده :blink: يمشي عنه يرورح بقوه :eek:

أما سعرها غالي جدا حقيقة يعني آخد بقيمتها بورش أحسن

وهذا هو الي حاصل ما يآخذها الا الرغبان :rolleyes:

[mill_955]

انا شفت ثنتين في جده

وحده لونها ازرق قديمه شوي يعني موديل 96 - 97 تقريبا

والثانيه من الشكل الاخير لونها ابيض اتوقع موديلها 2002 - 2003

زي هذي بس لونها ابيض

http://fast-autos.net/acura/02nsx15.jpg

[CoRolla_04]

شفت وحده في كرنيش الدمان لونه فضي قبل كم شهر

[الشبابي]

رد مقتبس من mill_955
انا شفت ثنتين في جده

وحده لونها ازرق قديمه شوي يعني موديل 96 - 97 تقريبا

والثانيه من الشكل الاخير لونها ابيض اتوقع موديلها 2002 - 2003

زي هذي بس لونها ابيض

http://fast-autos.net/acura/02nsx15.jpg

انا شفتها ويا mill_955 .........

[M5]

رد مقتبس من Net Master
ولد خالي كان عنده وحدة في جدة قعدت اسبوع معاه وعلى التشليح

ولد خالك هذا هو صاحب اللوتس الحمراء اللي طلع ريحة مكاين الـ F-Body ؟؟ :think:

[CL 600]

السيارة هذي موجودة عند شركة هوندا فرع طريق المدينة بجدة ..

وهي ملك لـ هاشم عبدالله هاشم .. نائب رئيس الشركة ..

وهنا صورة للسيارة ..

http://www.arab3.com/gold/images/Apr04/majed_sg_image_00096.jpg


وهذه صورة أخرى ..

http://www.arab3.com/gold/images/Apr04/majed_sg_image_00099.jpg


وهذه صورة مع سيارة أخيه محمد عبدالله هاشم ( رئيس الشركة ) ..

http://www.arab3.com/gold/images/Apr04/majed_sg_image_00095.jpg

وهذه صورة للـ S2000 ..

http://www.arab3.com/gold/images/Apr04/majed_sg_image_00093.jpg




تحياتي لكم ,,
ماجد

[CoRolla_04]

شباب ممكن احد يعطينا مواصفات السياره

[oil_HKS_lio]

انا شفت وحده الفضيه في كورنيش الدمام اكثر من مره شبعت من كثر ماشوفها وشفت لها قومه مع كورفت موديله كذا من 92 الى 95 وقدم الnsx مسافه مو هينه على طووووووووول كئنه واقف راعي الكورفت وشفت وحده سوده بعد بس اجدد من الفضيه كذا موديل 96 او 97

[180B]

يوم او ترك اشوف وحده طالعه من المنطقة الدبلوماسية ونه راد من الشغل لونه حمره وساعات لين آروح وكالة (البايونير ) اشوف واقفه وحده مجابله الوكاله لونها خضر مالت واحد يشتغل اهناك على ما اظن وذا تبون سيارات واردين من برع تعالو عند المدرسه الفرنسية في البسيتين وبتشوفون السيارات الواردين من برع عاد مب كل يووووووووم حتى انه امئذي امريكي عنده دفندر 90 تيربو ديذل سبورة ( فور سيل ) ابيه يبيعه لكنه مب راضي :anger:
:anger:

[CRX]

هلا و غلا
انا بعد شفت وحده فضيه عند الشارع الاول بالدمام قبل اكتر من سنه وعند واحد سعودي لابس نظاره بس شكلها مو نظيف الى هناك يعني

[180B]

كنت رايح افتر على الوكالات على العاده وقلت حق الشباب خل نروح وكالة الهوندا وسالت عن السياره من عقب المعايره طبعا يزعم باشتري اكورد عاد المهم كان الموظف وسمه عبدالغني سلمان يقول انه في السنتين إلي راحو جابو ثلاث سيارات البحرين وحده لونها حمر حق شيخ وثنتين لونهم أسود وحده حق شيخ ووحده حق واحد امريكي ودارلي عنده في الكاتلوجات اصورهم بس ما حصله وقالي انه من كم سنه جابو وحده وعرضوها كم يوم وشرتها السوق الحرة البحرين وفاز فيها واحد كويتي وسعرها كان حوالي مثل ماقال الاخ GTO97MR 32 إلى 33 الف دينار بحريني:banana:

وكان يقول انه في البحرين كم وحده يشوفهم يجيبونها حق السيرفس .


وصلى الله على أحمد وعلى آله وصحبه وسلم .

[Net Master]

رد مقتبس من M5
ولد خالك هذا هو صاحب اللوتس الحمراء اللي طلع ريحة مكاين الـ F-Body ؟؟ :think:
مظبوط يا ايمن

[future king GT-R]

في عمان ماشفت وله وحده حسب اعتقادي ماتنباع في الوكاله

البورش اكثر منها

[Wild CRX]

رد مقتبس من king_prelude
أنا شفت وحدة في الدمام لونها فضي وموديلها 91 ومن بعيد والسيارة غنية عن التعريف :think:




































































:cool: