استفسار عن سباق البحرين للفورومولا

[ACCORD-V6]

السلام عليكم ورحمة الله وبركاته

عندي سؤال عن سباق البحرين
هو يوم الاحد
لكن متى سيبدأ بالتحديد
الساعه كم سيبدأ

وهل هناك غير الا اي ار تي ستنقل السباق فضائيا
يعني هل تلفزيون البحرين سينقله فضائيا



وشكرا

[jawad442]

ههههههههههههههههههههههههههههههههههههههههههههه
انت تسال البحرينييين ؟؟


والله هذه مو بلد المواطن ممنوع عليه يدخل شنو هذه القوانيين




ماقول الا الشكوه الى اااه

:anger: :anger: :confused:

[RED Chevy]

والله آنا بدع عندي ذي الإستفسار من القنوات اللي تنقل، آنا طلعت لي تذكرة ليوم الأحد بس وباقي الأيام بشوفه بالبيت، الريس بكره يبتدي من 1 لي 5 والسبت والأحد من 2 لي 5 بس القنوات اللي أعرفه artوالبحرين الأرضيه( ماتطلع عندي) فنبي نعرف من القنوات الناقلة يلا ياشباب اللي يعرف يقول.:help:

[oil_HKS_lio]

هم انا بعد ابغا اشوف الافتتاح في التلفزيون يمكن الجزيره الرياضيه تجيبها مثل ماجابت الدوري الاسباني:D المشفر

[مؤيد اف1]

الجمعه والسبت تجارب حره ورسميه لتحديد مركز الانطلاق.. والاحد السباق..


بالنسبه للنقل صعبه تنقلها محطه فضائيه ماهي مشفره..

[RED Chevy]

مؤيد قناة البحرين الأرضية بتنقل السباق ومو مشرفة لكن ماتطلع عندي.:cry:

[ACCORD-V6]

jawad442
يمكن يبغون يفتحون مجال للاجانب لتنشيط السياحه




RED Chevy
مكشور حبيبي
لكن البحرين الارضيه
ماتطلع الا في البحرين:D :D





oil_HKS_lio
مااتوقع




مؤيد اف1
شكرا على ردك




RED Chevy
قناة البحرين ارضيه
يعني ماحد يقدر يشوفها غير اللي في البحرين


مشكورين على ردودكم
واللي فهمته انه مالك الا ART

[مؤيد اف1]

انا قلت فضائيه مو ارضيه:D

[RED Chevy]

اليوم عسزت ماتم سيم ماحطيته ماطلعت لي القناة اللي عليها التجارب، المهم يقولون اليوم كان ممل، وبكلرة آنا رايح ( حصلت تذكرة الVIP( وبحاول أصور لكم شي يمكن نصيد صاروخ أو 2 وعلى فكرة القاعدة الأمريكية قشعوها عن بكرة أبيها من المطار وحطوا مكانها طيارات الوفود وذي أكثر شي فرحت منه إفتكينا منهم الله لايعودهم.:rolleyes:

[مؤيد اف1]

عادتا تكون التجارب ممله لان الناس ماتدري ويش صاير:laugh: الاحد يكون حلو لانه السباق:D

[mustang cobra]

بسم الله الرحمن الرحيم

كم قيمة تذكرة الدخول؟

[مؤيد اف1]

سيطرة فيراري على التجارب الرسميه :D

1- مايكل شوماخر فيراري

2- روبنز باريكيلو فيراري

3- خوان بابلو مونتويا ويليامز بي ام دبليو

4- رالف شوماخر ويليامز بي ام دبليو

5- تاكوما ساتو بار هوندا

6- جنسون باتون بار هوندا

هذا ال6 الاوائل في الانطلاق في السباق :banana:

[RED Chevy]

ماشاء الله مؤيد فكيتني منهم والله كان شي عجيب وماتحس إنك بالبحرين والتقرير مدري يمكن أنزله اليوم أو بكرة وماقلت من الأخير كسر خاطري والله.:)

[ACCORD-V6]

مؤيد اف 1
ريد تشيفي

مشكورين على ردودكم

[beast2001]

السلام عليكم ورحمة الله وبركاته

هلا بشباب سوالف;)

ابشركم ان في قناة على القمر هوتبيرد اسمها RTL (مفتوحة بدون تشفير) راح تنقل السباق والقناة سبق و نقلت التجارب الحرة و الرسمية كلها:D

على فكرة انا صار لي حدود 4 سنوات وانا اشاهد الفورملاون على هذي المحطة

مشاهدة ممتعة للسباق الساعة 1 ونص ظهرا

[jawad442]

ياشباب حتى ارضيه ماتنقلهااااااااااااااااااااااا

[oil_HKS_lio]

والله كريم

[عاشق التضبيط]

مشكور ياbeast2001 انا سجلتها بس ماشفتها الين الحين مافضيت اشوفها

احد يبغى الشريط؟ :laugh:

[oil_HKS_lio]

انا شفت ثلاث وحده مشفره والثانيه دعيات والثالثه يجبون دعيات سيارات مره وبرامج ولا طلع شي !!!!!!!!:Sad2: :cry:

[مؤيد اف1]

السباق كان تقريبا عادي مافيه شي مميز:think:

وهذا ملخص احداث السباق 40 ميجا (http://homepage.ntlworld.com/h.cason/Videos/2004%20Bahrain%20GP.avi)

[oil_HKS_lio]

مشكور مؤيد جالس احمله الحين واذا فيه زياده حطهم

[ACCORD-V6]

هلا فيكم

مشكورين على ردودكم

لكن دخلت يوم الاحد الظهر وللاسف المنتدى مافتح معي حاولت ورحت مقهى وكل شي ماقدر


قناة عين التابعه للART
نقلت السباق بدون تشفير مع التحليل بعد السباق
وشفته عليها


اللي فاته ان شاء الله السنه الجايه

عموما السباق كان رائع بصراحه
فراري احتكرت المركز الاول

لكن شفنا ابداع من بار هوندا والرينو


والمرسيدس للاسف طلعوا كل السياراتين
بي ام طلعت وحده
والثانيه مركز متأخر

[Lumina LS]

اقول شبااااااااااااااااااب .. صدقوني والله انهم عرضوا علي تذاكر مجانية .. بس انا رفضت اني اروح ..

اروح هناك وش اسوي .. يقولون انه يوم السباق كان كله مسخرة في مصخرة .. وانتوا عارفين ليه طبعا



انا حبيت اداخلكم بس

[RED Chevy]

والله زين قناة تنقل بدون تشفير يوم اليمعه عيزت أدور ماحصلت السنة الياية إذا مارحت التجارب بشوفها على نفس القناة ومشكور ياأكورد على الموضوع والفراري والهوندا أثبتوا جدارتهم.
Lumina LS :ينون إذا مارحت فاتك نص عمرك وأي مسخرة قصدك التتنظيم أحسن من ممتاز والسباق ولاأحلى.

[مؤيد اف1]

رد مقتبس من ACCORD-V6
هلا فيكم

مشكورين على ردودكم

لكن دخلت يوم الاحد الظهر وللاسف المنتدى مافتح معي حاولت ورحت مقهى وكل شي ماقدر


قناة عين التابعه للART
نقلت السباق بدون تشفير مع التحليل بعد السباق
وشفته عليها


اللي فاته ان شاء الله السنه الجايه

عموما السباق كان رائع بصراحه
فراري احتكرت المركز الاول

لكن شفنا ابداع من بار هوندا والرينو


والمرسيدس للاسف طلعوا كل السياراتين
بي ام طلعت وحده
والثانيه مركز متأخر


شباب في خطا تقعو فيه واحب اصلحه ..مافي سياره اسمها مرسيديس ولا بي ام دبليو..ويليامز بي ام دبليو..هذا الفريق لفرانك ويليامز وسماه على اسمه وشركتة هي الي تسوي كل شي في السياره ماعدا المحركات يشتريها من بي ام دبليو..لول كان يشتري محركات رينو..والمكلارين مرسيديس تبع شركة مكلارين الي تسوي الشاصي اما الحركات تجي من مرسيديس بالنسبه للمحرك فهو ثاني اهم شي بعد الشاصي والكفرات يعني حتى لو المحرك ضعيف تقدر تعود الضغف في الانسيابيه الثبات وتسهيل قياده السياره والفرامل..واشياء كثيره ماابي ادخل فيها..بس عندي سؤال ليكم!! الحين سيارة مكلارين اف 1 الي تنباع محركاها بي ام دبليو هل تسموها بي ام دبليو ام مكلارين اف ون؟الجواب مكلارين اف 1 وهذا ينطبق على سيارات الفورمولا1 ..وسلامتكم :banana:

[RED Chevy]

أهلين مؤيد، شي عادي بس إحنا ماخذينها هاللون على الأقرب لنا وأتذكر الوليامس كانوا قبل وليامس رينو على ماظن وشي طبيعي وآنا عن نفسي أعرفهم بس خلنا كمبتدئين في هالعالم الروعه نشوف الأقرب لنا بس ماقلت إن الفراري هي فراري من محرك وشاصي، الرينو بعد نفس الشي ومشكور على توضيحك ويلا نبي تتحفنا بمواضيع عن الفورملا وبلاويها، إلا شفت أمس الوليامس شلون فصخ التاير عن البدي شكله شي مو هين خبرنا عنه إذا شفته.:rolleyes: :)

[مؤيد اف1]

انا ماقلت شي عن الفيراري والرينو لانه شي معروف :D وهذي الشركات لايمكن تاخذ شي من شركات سيارات ثانيه لانها تبي تنمي سمعتها عن طريق الفورمولا1 ..تدري ان لما تحترق المكينه في البحرين غير ماتحترق في امريكا ولا المانيا للمرسيديس او فيراري لان هذ الشي ياثر تاثير كبير جدا على المبيعات بشكل ماتتصوره لان الفورمولا1 يقدمو فيه الشركات احسن ماعندهم بدون حواجز التكلفه..فلو فشلت الشركه يعني هي مو بالقوه الي هي فيه في السوق..هذا تفكير الغرب :banana:

[RED Chevy]

رد مقتبس من مؤيد اف1
انا ماقلت شي عن الفيراري والرينو لانه شي معروف :D وهذي الشركات لايمكن تاخذ شي من شركات سيارات ثانيه لانها تبي تنمي سمعتها عن طريق الفورمولا1 ..تدري ان لما تحترق المكينه في البحرين غير ماتحترق في امريكا ولا المانيا للمرسيديس او فيراري لان هذ الشي ياثر تاثير كبير جدا على المبيعات بشكل ماتتصوره لان الفورمولا1 يقدمو فيه الشركات احسن ماعندهم بدون حواجز التكلفه..فلو فشلت الشركه يعني هي مو بالقوه الي هي فيه في السوق..هذا تفكير الغرب :banana:
راي ورايك سيم سيم وترى المكلارين آنا ما أمل عليها كلش وهذي مثل ماقلت يأثر على الشركة ويبين للناس إن البنز ماتعرف تصنع محرك عدل وحتى التويوتا والهوندا ماواجهتهم مشاكل لاتظن العرب متخلفين لي هالدرجة( هو صحيح التفكير قافل شوي لكن بدى ينفتح)