وين أفضل مكان لتصليح المرسيدس في قطر؟

[loolicpolic]

شباب قطر،

وين أفضل مكان لتصليح المرسيدس في قطر؟


تحياتي..

[الأنصاري]

مممممم ما اعرف اوصفه لك صوب محلات الزينة والوجبة الشهيبة عند الدوار في واحد اسمه كهرابائي المعمورة على ما اعتقد في واحد باكستاني اسمه محمد افضل هذا كان شغال في وكالة المرسدس وحافظ وعارف المرسدس مثل اسمه حتى يوم تروحلة بتلاقية يصلج المرسدس والبي ام والكزس

واذا الخراب بسيط في واحد بنغالي في فريج بن محمود يعرف حق المرسدس بشكل جيد اسم المحل حراء والبنغالي شنكر

[علي عبدالله]

افضل مكان لتصليح المرسيدس (وهو مشهور جدا بين اصحاب المرسيدس )
هو كهربائي المعمورة ..(وصاحبه واحد باكستاني اسمه محمد افضل )
موقعه في نهاية شارع محلات زينة السيارات ..(صوب دوار الفولكس واجن)
:cool: وهذا اشهر واحد لتصليح المرسيدس ..وانا تعاملت معاه كثير
وشغله نظيف ..وعنده خبرة كبيرة في المرسيدس والبي ام بالذات
..وهذي صورة للموقع ممكن تساعدك ..

http://ali101.jeeran.com/lhlhl.jpg
والله يوفق :)

[علي عبدالله]

الظاهر انا وبوعبود جاوبنا في نفس الوقت :D
معنى هذا الشي ان محمد افضل فعلا مشهور ..مثل ماقلت :p

[الأنصاري]

خخخخخخ سبحان الله الصراحة انا عرفتة من ولد عمتي كان عندة مرسدس قديم دايما يصلحة مناك بعدن صار عندة واحد احدث وبعد اي خراب يصلحة هناك

سبحان الله يا محاسن الصدف ((لازم نشوفك اليوم راعي البيج))

[loolicpolic]

إخواني بوعبود و راعي البيج..

شخباركم؟ إن شاء الله زينين..

أنا بصراحه وديت السياره على الصناعيه، عند محل اسمه أوتسبورت حق واحد قبرصي، علشان يشوف المشكله" كتير نصحوني فيه".. وبصراحه خلالي السياره خرده :shock2:

أنا رايحله لأنو السنتر لوك ما عاد يفتح لا بالريموت ولا بالمفتاح.. والأبواب الشفط بعد ما تنشفط..

قالي يبيلها شغل وايد ولازم أسيب السياره عنده و يمكن تكلف حوالي 2000 ريال كتقدير أولي :shock2:

على العموم، إنتو سامعين عنا ذي أوتوسبورت؟؟؟

أنا بشوف كهربائي المعموره وش بقول بعد..

تحياتي..

[علي عبدالله]

رد مقتبس من loolicpolic
إخواني بوعبود و راعي البيج..

شخباركم؟ إن شاء الله زينين..

أنا بصراحه وديت السياره على الصناعيه، عند محل اسمه أوتسبورت حق واحد قبرصي، علشان يشوف المشكله" كتير نصحوني فيه".. وبصراحه خلالي السياره خرده :shock2:

أنا رايحله لأنو السنتر لوك ما عاد يفتح لا بالريموت ولا بالمفتاح.. والأبواب الشفط بعد ما تنشفط..

قالي يبيلها شغل وايد ولازم أسيب السياره عنده و يمكن تكلف حوالي 2000 ريال كتقدير أولي :shock2:

على العموم، إنتو سامعين عنا ذي أوتوسبورت؟؟؟

أنا بشوف كهربائي المعموره وش بقول بعد..

تحياتي..



اخوي هذي بالفعل صدفة قوية
لاني توني مصلح هذي المشكله في سيارتي ..(الريموت صار مايشتغل والسنترلوك وقف)
صلحت المشكله عند محمد افضل ...وكلفني 500 ريال بالضبط
وانا متأكد تماما .(توني مصلحه من شهر واحد فقط ):D

[loolicpolic]

والله يا راعي البيج إنها فعلا صدفه قويه..

أنا إن شاء الله بودي السياره عند محمد أفضل بكره عشان يشوفها، بس كم يوم خليتها عنده ولا خليتها كم ساعه..

طيب، إنت سيارتك الأبواب فيها شفط؟ أعتقد إي.. لأنو القبرصي قالي إنو في ليكيج فيهم ما يخلي يد الشنطه تطلع ولا الشنطه تنشفط، بس الباب الي يمب السواق هو الي ينشفط!!

يقدر محمد أفضل يصلح الشفط؟

تحياتي..

[TOP-SECRET]

مثل ماقالو الشباب هذا مشهور عندنا في قطر لتصليح المشاكل في المرسيدس :o محمد افضل :banana: :banana:

[عين الفهد]

شباب عندي كلمه بخصوص تصليح السيارات اللي تحمل تقنيات عاليه....


(( اعط الخباز خبزه ولو اكل نصفه )) :confused:

يعني وباختصار صلحوا عند الوكاله بالنسبه للمرسيدس وبصراحه ناسها متفهمين وتعاملهم جداً ممتاز وانا معاني من اخطاء الكراجات كثير ومشكورين

[loolicpolic]

على العمومـ ما في نصيب أصلح السياره الآن.. محمد أفضل مسافر!! وبيرد يوم الخميس

تحياتي..:(