View Full Version : ماهي طريقة عمل وتشغيل مكيف ((كمبروسور)) السيارة ؟
بسم الله الرحمن الرحيم
السلام عليكم ورحمة الله وبركاته
احبابي الكرام .....
استرى انتباهي قبل قليل وانا اهم بتشغيل مكيف السيارة ....
فخطر على بالي ....سؤال بالنسبة لي فقد كان يحتاج الى جواب ...
ماهي طريقة عمل وتشغيل مكيف ((كمبروسور)) السيارة ....
مع العلم اني احببت ان اتفلسف قليلاً فعملت لنفسي تجربة بسيطة جدا .....
في البداية ..السيارة كانت تقف تحت الشمس ..وعند تشغيل السيارة والمكيف لاحظت ان برودة المكيف جدا سيئة ....حتى وبعد ان قطعت مسافة وانا امشي بالسيارة لكي يبرد المكيف الا اني تفاجأت انه لازال سيء ...
فاوقفت السيارة جانباً واوقفتها ووضعت رجلي على دواسة الوقود ..حتى وصلت دورات المحرك الى 1800دورة تقريبا ..فلاحظت ان المكيف بدء يستعيد عافيته ويعمل بالوجة المطلوب :)
سؤالي هنا او استفساري وتساؤلاتي الغريبة ...
بما ان مكيف المنزل كهربائي ومكيف السيارة ميكانيكي فمالفرق بينهما؟
ومالافضل ؟:think:
وسوؤال اخر هل قوة انضغاط او دورات الكمبروسور لها دور في جودة التبريد من عدمها؟
يعني بالاصح وبالعربي ....
ليش مكيفات السيارات اليابانية افضل من الاوروبي بشكل عاااااااااام ....
ودمتم :glasses2:
((موضوع خاص بمناسبة قدوم فصل الصيف المنعش لنا طبعاًًً !!!
سلام
A7medo
11-03-2004, 04:38 PM
أنا بقول الي أعرفه ولو كان مو أكييد صح
أول شي الي أعرفه أنه يستخدم غاز الفيرون
أو بعدين يقوم الكمبريسور بضغط الغاز عن طريق سير موصل ببكرة الكرنك
بعدين يدخل الغاز داخل كويلات أظن اسمونه كوندينسير ومع ضغط الغاز بقوة فتصير الكويلات باردة
بعد ما اتصير باردة في اختراع اجي في هذه المرحلة بتسليط هواء على الكوندينسر في الوقت الي اتكون باردة فيدخل الهواء الى الكوندينسر ويخرج من الجهة الأخرى بعد ذلك يروح الى الفتحات الى موجودة داخل السيارة
انشاء الله فهمتون قصدي
ولا تعتبرون بهذا الكلام لأنه هذا شي أنا أستنتجته بنفسي ولا أدري اذا كان صح ولا غلط
أنشاء الله أحد من الشباب الفاهمين في هذه المواضيع يفيدون .
RED Chevy
11-03-2004, 04:45 PM
هلا ماجد:
آنا إخوي يعرف ذي الشي بالتفصيل ونوع الغازات وكل شي( عندنا في الورشه نصل مكيفات بس آنا مالي شغل بالكهرب والمكينايكا كثير) لين شفته بحاول أفيدك وفي نوعين من اتلغاز السلندر الأزرق اللي للسيارات الجديده( يحمي الأوزون) الأبيض وهو للسيارات العاديه وأرخص بكثير، هو الكمبريسر يشتغل عن طريق السير اللي يلفه ويعيد تدوير الغاز اللي فيه وإّا كان في تسريب مايبرد وفي أجهزة تكشف التسريب،والكندنسر آنا سمعت عنه بس مادري مال شنو وتقريباً رايي مثل أحمد.
الشبابي
11-03-2004, 08:50 PM
موضوع حلو ومختلف ...
اخوي ماجد ...
انا لاحظت عندي بالمكس انه اذا شغلت السيارة وهي باردة ومشيت على طول بدون ما اسخنها يا خذ المكيف له نص دقيقة ثم يبرد لكن اذا حميت السيارة يبرد على طول وخلال المشوار اللي اروحه الاقي ان السيارة باردة جدا خصوصا اني اضع عازل حراري .....
اخوكم الشبابي
السلام عليكم ورحمة الله وبركاته
انا بدش عرظ بالموضوع شوي
الشبابي
عازل حراري؟
ممكن تقولي شنو هذا وجم سعره :OO:
الأنصاري
12-03-2004, 02:41 AM
انا الي اعرفة ان تقنية المكيف في الأمريكي تختلف عن الياباني اغلب سيارات اليابانية خاصة التويوتا والمتسوبيشي مبدعين في هذة الشغلة خاصة ان مكيفاتهم بارة في جميع الحالات ((واقف ماشي))
اما الأمريكي مثل الفورد تجد ان بارد لو السيارة تكون ماشية وكل ماسرعت كل مازاد زادت البرودة حتى لو تعديت 120 تجدة صار بارد جدا جدا
ما اعرف السبب اكيد في فرق في التقنيات
الفجر mtr البعيد
12-03-2004, 10:23 AM
السلام عليكم ورحمة الله وبركاته
اخوي S8 موضوعك حلو وراح اجاوب عن استفساراتك بالي اقدر عليه
وحسب الي فهمته من موضوعك ان عندك سؤالين
بس قبل ما اجاوب عن تساؤلاتك احب اعطيك فكره عن مبدء التكييف
هالحين انت جرب تاخذ عطر ورشه على يدك شراح تحس فيه
طبعا راح تحس ببروده ليش ؟ انا اقولك ليش لأن العطر تبخر بسرعه
نتيجة سرعة التبخر صار عندنا بروده هالحين عرفت المبدء؟
اذا عرفت المبدء رد في نفس الموضوع عشان اكمل الشرح في وقت لاحق لأني مشغول شوي
باي
الشبابي
12-03-2004, 02:00 PM
اخوي فاهم ...
العازل الحراري له انوع افضلها واشهرها عندنا بالسعودية :-
1/ في كول . ( اول شئ نزل في السوق ) .
2/ جونسون . ( ثاني واحد وهذا انا مركبه وممتاز للغاية ) .
3/ جلاستيك . ( جربت مع واحد حلو ) .
4/ زيبارت . اسمه مشهور عند اهل الرياض لكن لم اجربه .
واللي اعرفه بالنسبة للأسعار ان في كول قيمته للسيارة مثل الماكسيما تقريبا 3000 الاف ريال ، اما الشركات الاخرى فتقريبا مابين 1200 الى 1500 ريال ، ونصيحة مجرب جونسون هو الافضل .... وفي كول صار فيه تلاعب كثير ....
المميزات : -
1/ تخيل احيانا تكون ماشي بالظهر وتلاحظ ان خدك حار بسبب الشمس حتى لو كان مكيفك بارد وهذي الحركة تجيب الصداع ولا حظها انت ... طبعا التظليل يشيل الحركة هذي بالاضافة الى انه يخفت النور اللي يجيك من الخلف ويريح عيونك في النظر .
2/ اكثر امان بحيث ان القزاز يصير اقوى بكثير ويستحمل الحجر اللي يجي على اقزاز ....
3/ يعطي السيارة شوية خصوصية ومنظر ....
4/ طبعا الميزة الاساسة يخفض الحرارة بنسبة عالية داخل السيارة الى درجة بحيث يصير معدل البرودة اعلى من معدل دخول الحرارة فتبرد السيارة بسرعة فتظطر غالبا الى اغلاق المكيف .....
اخوكم الشبابي
مطر العين
13-03-2004, 06:20 AM
ز
شكرا شباب ....
ولي رجعه ان شاء الله :rolleyes:
اخوي الشبابي
اسف وسمحلي لاني تأخرت بالرد شوي
ومشكور طال عمرك وماتقصر بس جنه غالي شوي انا عبالي رخيص وشي عادي
بس طلع مو سهل:OO: