على غرار موضوع ولد الخبر كم مجرب للكوري وكم مجرب للشفر

[RED Chevy]

بسم الله الرحمن الرحيم

السلام عليكم ورحمة الله وبركاته

كيف الأحوال شباب، هذي موضوع عشان تشوفون بس إن كل سياره لها عيوب ومميزات الشباب هني يقولون الكوري مافي مثله وأحسن من الأمريكي والياباني ووصلت للألماني وتفضلوا هذي كم واحد ماعطين رايهم في الهونداي والدايو والشفر:
1- بعد كذا غلطت غلطةالعمر في منتصف عام 99 وشريت دايو (ليجانزا) كامل المواصفات موديل 2000، شريتها بـ60 ألف ريال. بصراحه، ما ادري كيف تهورت وأخذتها، سيارة سئة جداً، لعبوا علي بالجلد والفتحة والسي دي ومراتب الكهرب، بس القوة ما عندك أحد، ومن ثاني شهر على ورش الصيانة لحد ما كرهت السيارة وندمت على شرائها. اذا تذكرت الحين اني شريت كوري اضحك على نفسي. المهم اني بعتها بـ 39000 ريال بعد استعمال 7 أشهر فقط، لاحظوا الخسارة 21000 ريال.
_____________________
2-
سقت: هونداي آكسنت: من أغبى ما يكون في الطريق وتحوص أكثر من الإيكو .( وناس تقول أثبت من الياباني والألماني)
;)
____________________
4-انت تقصد المستعمل ؟؟؟ جديد على ماظن كان سعره في حدود الستين الف ريال اذا ماخاب ظني... وطبعا اذا كان مستعمل بيطيح سعره كفايه انه كوري ثم صراحه احسن مافيه المكينه بس ... السيارة بشكل عام سيئة جدا جدا لابعد الحدود سواء م ناحية الشكل او تحمل السيارة .. تشتريها جديده وبعد اسبوع تتردد على الورشات ...
وغير ذلك اسمها ماله داعي ...تخيل يسألك واحد يقول وش معك سيارة
____________________
وهذي مجربين الشفر:

انا يا شباب حاولت أبيع الأوميغا لكن ماجابت لي سعر ففكرت اني اعطيها للجميح والجميح يشوف كم تسوى ....... ..... وبعد كذا أدفع الفرق وآخذ لومينا LTZ 2004 فل كامل من الجميح نفسه ............. وش رايكم هل تؤيدوا هذي الفكرة .. وأنا تقدروا تقولوا اني ما أسافر إلا ثلاث أو أربع مرات بالسنة غير كذا ما أسافر مسافات طويلة ........ ............ هل تشوفو ان اللومينا LTZ بديل طيب للاوميغا في قوتها وعزمها وفخخخخخخخامتها .. أهم شي الفخامة
____________________

انا كابرس 2004 LS وكانت مريحه صراحه وفخمه
وقويه وما بالك SS
وانصح الشباب بهذي السياره واللومينا SS

____________________
معانا كابرس موديل 2000 وبرضوا سيارة رائعه وحلوة وانا ناوي ان شاء الله اطلع لومينا بإذن الله.


طبعاً الموضوع عشان نبين إختللاف وجهة النظر ومانكون من طرف واحد وأرجو من المشرفين حذف الموضوع عقب يومين.

1-

[Dreams_Maker]

انت مفروض من تسمع كلمة "الكوري افضل من الالماني"..

إغسل ايدك من الناقشه معاهم...

ريح بالك بس وانا اخوك


قال ايش..كوري




:D

[TOP-SECRET]

رد مقتبس من Dreams_Maker
إغسل ايدك من الناقشه معاهم...
:D

:)

[ACCORD-V6]

بالنسبه للدايو فهي عادية جدا وقد تكون اسوأ الكوريات
وبعدين انا ارف واحد معه دايو له سنه وكم شهر وماغير الا اشياء استهلاكيه

وانا اعرف ناااااااااااااس واجدين معهم لومينا وكابريس يلعنون ويسبون فيها

وانا اعرف ناس معهم سوناتا ويمدحونها
واحد معه سوناتا موديل 99 ماغير فيها الا الزيت والفحمات وماشيه اكثر من مأتين الف200000

وانا من ناحيتي افضل شراء اكسنت على سيارات اخرى في فئتها

وانا اقولكم الهيونداي تطورت تطور مذهل وتنافس منافسه كبيره
الامريكي انحدررررررر مستواه واقصد بالامريكي خصوصا شفروليه
الفورد ماعليها شوي

الالماني والياباني محافظين على مستواهم بل يتطورون

فلذلك يمكننا ان نقول ان الكوري افضل من الامريكي
وينافس الياباني

لكن مازالوا في البدايه
يعني يحتاجون على الاقل عشر سنوات لكسب ناس اكثر وتطور اكبر


انا مستعجل ولاكتبت كل اللي ودي اقوله
واسف على الاطاله

[RED Chevy]

أهلين شباب:

Dreams_Maker /TOYOTA - OBAS : هني مربط الفرس المناقشه ماتفيد لكن نصبر لي بكره ونشوف ومشكورين على ردودكم.

ACCORD-V6 : هلا فيك إخوي، مثل ماإنت تعرف ناس تشتكي من الأمريكي أعرف ناس تشتكي من الياباني( صديق إخوي عنده أكورد مثلك وأحين بيبيعها وياخذ لومينا SS وكان عنده كابرس من قبل وسيارته 2003 ومافيها مشاكل) ومثلاً الهوندا أكيد تعرف مشكلة نظام التبريد( الرديتر وتوابعه) إصبر كم سنه وشوف اللي بيجيك منه، آنا ماتكلم ضد الهوندا بالعكس إحنا عندنا أكوردين ومرتاحين منهم غير مشكلة الماي في القديمه وجيرها إخترب من أول شهرين:think: وطبعاً كان إستخدامها دلع لآخر درجه بس كل موتر ممكن تصير فيه مشاكل، إنتوا تقولون الأمريكي فيه وإحنا نقول الياباني والكوري فيه العين بالعين والسن بالسن والبادي أظلم، وجرب إدخل منتدى السيارات شوف الناس تمدح في الأمريكي والكوري والألماني والياباني بدون تحيز وسب ولعن في الماركه اللي مايبونها أ, مايحبونها.

[RED Chevy]

تفضلوا هذي التكمله:

والله أنا ما أندمت الا على الكاش اللى ضيعته على الخايسه الله لا يردها طبعاً الكل عارف سالفتي ويا السوناتا موديل 97 6 سلندر ايرباج فرامل ABS فتحة سقف كراسي جلد سستم صوتي رائع جداً تكيف الكتروني تثبيت سرعة خشب في الكنسول الأمامي رموت كنترول وانذار ضد السرقة وخذتها كأش من الوكيل بعُمان 5800 ريال عماني ما علينا كنت أول واحد اشتراء هذي السيارة أول ما نزلت طبعاً الكل كان حاط عينه عليها وبدينا أول مسلسل حادث محترم وهي ما عدت ال 8000 كيلو واحد قبلها ب10 دقايق يقولي احلاء ما فيها جنوطها ودخلك بعد برصيف بسرعة 120كم الحمدلله السيارة ما تضرر فيها شئ من البدي الا العواكس والسبرنجات والجنوط والتواير كل شئ بسيارة من تحت تكسر وبعدها بسنة 3 مرات غيرت الجير وهي تحت الضمان اما البريك الله لا يوريكم اشلون زبالة زبالة زبالة تقول راكب موستنج لما تدوس البريك وانت ماشئ فوق ال 180 كم اما رساوتها ياعيني تلعب فيك لعب من وراء ولا البترول تقول راكب جمس سوبربان بلاعة بانزين أما الصبغة تقول مغشوشة دهنتها مرتين من أول ما شريتها سيارة عمرها سنتين البويه تتقشر لحالها يا عيني من سيارة واخرتها اخر يومين معاي كنت المع التواير الا يجني واحد الله تواير سيارتك حلوة وكنت في البلد بشرقية ولما رجعت مسقط طول الطريق ماشي فوق ال 200 وطريق مسافة 400 كم وصلت مسقط بديت امشي قانوني الا اشوف السيارة مو طبيعية رحت لمحل تواير يقولي الهندي اربع تواير ارميهم بزبالة كلهم فيهم ورم يا عيني على العين
في نفس اليوم بليل كنت اتمشي بسيارة نفسها الا واتفاجأ بتحويلة حلو ادوس ابريك انسا حبيبي وتسحب السيارة سحبه حلوة الحمد لله ما تضررت السيارة ولكنى في اليوم التالي حلفت بان ابيعها وما تم وياي وبلفعل بعتها بس بكم من سنيتن كان سرها عند الوكيل 5800 ريال ولما جيت ابيعها جابت لي 1400 ريال عماني وبس
سمحوا لي طولت وايد بس لما افتح سالفة هذي السيارة الله لا يردها انقهر قهر وافتح في الكلام تقول مرسدس فاتح بالخط
واللحين عمري وحياتي النيسان باترول سفاري وسبع تنعام موتر من قال موتر
______________________

بس تمشيك اول 3شهور بعدين تقول ياليتني ماشريتها لانه خرابات الكوري كثيييييييير اسأل مجرب وخذ نصيحه مني
يعني خلصت السيارات مافي الا هيا .الماكسيما مو تفرشخ اهل اهلها بس تعطيها60 عامود هاذا اذا ماعطتها 100 عامود
وانا اعطيك نصيحه انك ماتشتري اي سياره كوريه (ابعد عن الكوري ياعمري وغنيلو)
______________________


وإنتظر ردود شباب الكوري.

[oil_HKS_lio]

RED Chevy ماعليك انت جالس تنفخ في جربه مشقوقه اجل عمرك سمعت كوري احسن من الماني هممممممش

[RED Chevy]

والله ياشباب لو الجربه مقضوضه على الأقل نحاول نسدها إنت ماتعرف شيصيدني لما يجي يقول السوناتا أحسن من الS-CLASS يعني بالعقل تقارن كوري بفخامة وراحة وثبات البنز إحنا كان عندنا 500 موديل 87 لكن موتر ماله مثيل في الياباني لو يخيروني بين مرسيدس نظيف موديل 85 وأي سياره كوريه 2004 آخذ البنز بدون كلام مو كوريه لو يجيبون لي كامري شيوخ آخذ البنز ولا آخذها يقارن لك شيخة السيارات بسياره من تحت مستوى المقارنه بمراحل ويقولون الكوري مافيه مشاكل المشاكل في القديم ، معليه إنت عندك هونداي وماصار عندك مشاكل كثير غيرك صادتهم، قالوا اللومينا والكابرس سويت موضوع ومحد قال عنده مشكله في الثبات ومكينه والجير وكل اللي أعرفهم مايشتكون منها غير صديق إخوي كان عنده SS كانت المكينه تسرب آيل وتبدلت على الضمان، اليوم الصبح شفت واحد من ربع إخوي كان مطلع اللومينا SS من أول إسبوع نزلت البحرين وهي عنده تمام التمام يعني كملت 4 سنين وماشتكى، خلنا منه إحنا في نفس اليوم اللي إستلمنا فيه الكابرس واحد من فريجنا مستلم لومينا في نفس اليوم شوف هذي البحرين، الأمريكي مبيعاته تزيد يوم بعد يوم ويقولون مشاكل خلها على الله بس:headshak:

[محمد دريهم]

انا الى الحين من خلال جميع الشكاوي..مالقيت احد يشتكي من الهيونداي..



واحد سوا حادث طيب..وش علينا فيه هو غشيم:D ...يعني هذا شي ماله دخل بالسياره...


والثاني يقول الهونداي غبيه..طيب هذا رأي شخصي..


وبعدين الموديلات المذكوره اغلبها قديمه..يعني ..لكن الامريكي المشاكل تجيه وهو توه بقراطيسه...


هههههههههه وبعدين واحد كاتب ابغا اشتري لومينا 2004..طيب وش يدل عليه هذا؟؟مايدل على شي..يعني باقي ماستعمل السياره...



يعني كل الامثله في صالح الهونداي اللي جبتها؟؟





اخوي ريد تشيفي مشكور على مجهودك...لكن صدقني ..هذا الامثله يمكن انت تعبت وجلست تبحث عنها الين جبتها...وحتى مافيها اي رد يسب الهونداي ابدا.؟؟؟؟



وفيها مثال على واحد عنده كابرس...هذا ممكن نعتبره ...لكن احنا علينا من الاغلبيه...




اخوي ريد تشيفي..

ممكن سؤال وتجاوبني ارجوك بدون اي تحيز..

ايها اكثر استهلاكا للقطع السياره الامريكيه ..ام اليابانيه..ارجوك بكل صراحه..


ولنتخيل مثلا الكامري او اللومينا..

من حيث قماشات الفرامل...والبواجي...الخخخخخ...

وايها اكثر اعطالا...

[RED Chevy]

هلا ولد الخبر ذي الرد اللي كنت أنتظره:D

خلنا نبتدي حبه حبه، أول شي قط شفت سياره موديل 99 السقف ينزل والصبغ يطير ومايتم ليت في السياره ماحترق والمسجل يبند على كيفه( هذي بكل فخر الكامري مالتنا:D ) إحنا اللومينا مالت نسيبي مفلوته في الشمس وماتعرف شي إسمه ظلال ومديل 94 وشي إسمه عنايه مافيه وماشاء الله عليها ماقالت شي بس تبديل واتر بامب قبل كم سبوع، هذي وهي رايحه راده ومن البحرين لي السعوديه ( بإختصار السياره مو راحمينها) وخلنا من ذي، أحين اللي قال أكبر غلطه إني شريت دايو واللي متحسف إنه شرى سوناتا، هذي مو كفايه يعني شتبي يقولون وآنا صدقني مو متعني ومدور هذذي الردود آنا كنت فاضي ومحد رد رد جديد فتميت ألف شوي وحصلت ذي الردود وكوبي بيست :D بس أحين إنت لما جيت وحطيت موضوع عن الكابرس واللومينا واحد قال الديكور الداخلي إختفى( حشى السياره مسكونه) شي طبيعي آنا ماقلت الأمريكي مافيه مشاكل لكن موبالشكل اللي إنت متصوره، وخلني أرد على سؤالك بعدين نكمل:

ج1( ليش مدرسه): بدون تحيز وعن تجاربنا( أكوردين/ كامريين/SIR/أنتيجرتين وبس) من خلال هذولي الإستهلاك في الهوندا ممتاز بالنسبه لياباني لكن تعال لمغاطي الرديتر كل شهرين نبدلها وكل يوم نصب ماي في الدريتر( المشكله ماتنحل) والكامري كل إسبوعين لازم تبدل واحد من الليتات ياجدام ياورى ياداخل.
الشطر الثاني ومن خلال تجربه( SS96/كوابرس 82-88 يمكن 7 أو أكثر/ لومينا 94/ كمورو94/موستنجين88/ رنجلر/الرويال) الشفر قطعه إنساها حتى لو إختربت يمشي( يمكن قريت قصة الدفريشن مال الSS) الأمريكي تستمر فيه القطع ضعف المده في الياباني وناسين شي إسمه شوزات وآيل وصب ماي كل يوم بصراحه إحنا الأمريكي مو مهتمين في فحصه وغير يمشي مثل الحمار ( لا إله إلا الله عليهم بس).
الألماني( بولو/500/أوميجا) والألماني يحتاج رعايه أكثر من الثنين القبلين البنز أهملناه كم يوم المكينه راحت وركبنا 560.

طبعا‌ مو كل المواتر اللي فوق عندنا أغلبهم بعناهم الصافي أحين( كامري/أكوردين/بولو/كابرسين/لومينا/أوميجا) طبعاً ولله الحمد مرتاحين منهم كلهم بس الكامري لك عليها من داخل الكابرس القديم مال إخوي أرتب وتحس أجدد منها، وإحنا عندنا كراج كهربا والتصليح أكثر شي عندنا لكن كلمة واحد مو متحيز الأمريكي القطع تدوم أكثر من الياباني( البولو ماتدوم كلش عمرها قصييييييييير) وفي اليابني الهوندا الأفضل ومو حاطين أي خيار ياباني للسياره الجايه أمريكي/ألماني بس.

[محمد دريهم]

مشكور اخوي ريد تشيفي...

لكن بالمثل كل واحد يقدر يجيب امثله........


والله يخليلكم سياراتكم...................


لكن انا يوم تلكمت عن السيارات الكوريه ..تلكمت عن واقع تجربتي شخصيا...يعني ابديت رأيي وهذا اظنه شي طبيعي...


ويوم تكلمت عن الامريكيه هذا من واقع بعض الزملاء والله...


لكن تبقا مسألة قناعات...ويمكن زملائي استعمالهم سيء الله اعلم..


ومشكور اخوي

[RED Chevy]

لا يارجال شوف موضوعي اللي تكلموا فيه شبابنا عن مشاكل الكابرس واللومينا، محد قال القير طق علي ومحد قال الديكور إختفى ووووو الشباب عندهم شغلات بسيطه وماتعتبر مشاكل، ومثل ماقلت بالمثال مثل، لكن إحنا لو ناخذها بالعقل هل ممكن شركه مثل الشفر باعت 11000 كابرس( بس كابرس) في 2003 يكونو كلهم أو 70% منهم فيهم مشاكل بالجير والمكينه مستحيل، إحنا الربع وياي واحد عندهم كابرس SS2003 وماقال عندهم أي مشكله صديق إخوي مطلع لومينا من أول سبوع نزلوا وهي الحمد لله ماشيه تمام عنده وآنا ملاحظ الناس بدت تشتري الكابرس واللومينا بشكل غير طبيعي، إنتشارهم عندنا صار أكثر من الفورد بمراحل لوتجيب الكوابرس بس يجون نص الفوردات اللي في البحرين كلهم، معارفنا كثير وكلهم عندهم شفرات وربع إخوي رايحين ياخذون في الشفر واحد منهم عنده أكورد V62003 ماكملت سنه وأحين بيبيعها وحجز لومينا SS وهو كان عنده كابرس من قبل آنا لما أتكلم عن الشفر أتكلم من الواقع اللي أشوفه تصدق حتى مدرسينا عندهم لومينا SS ( المفروض عاقلين) بالمقابل الكوري رخيص وشكله حلو( تقليد الكبار) ويوفر مميزات كثير لكن أبيك تجي البحرين وتعد لي كم سوناتا تشوف في الشارع مابتشوف أكثر من 3 إلا إذا رحت الوكاله:D السورينتو إنتشر بس مو مثل التريل بليزر التريل إنتشر بشكل رهيب وآنا توقعت له الفشل مثل البليزر الفاشل لكن ذي ضرب والوكاله مو ملحقه وتصدق من شهر 10 ولي يومك والكابرس رويال مو موجود تبي تحجز وحنا جبناه من الجميح لأنا ماكنا قادرين ننطر زود.

[infiniti]

رد شيفي الله يقطع بليسك :laugh:

لومينا 94 تسميها سياره ؟؟:D

تصدق جلست عند باب البيت سنة و سنتين بالورشه كل يوم خربانه هذي من تجربه شخصيه بحته اسواء سياره صنعتها جنرال موتر على الاطلاق.
طرمبة البنزين كل سته شهور تغيرها مع البواجي و القماشات اصلا صرت ما اغير القماشات الا اذا طفت السياره على طول اوديها الورشه و اروح اشتري بواجي و قماشات وفلتر بنزين و طرمبة بنزين و على الطريق طرمبة ماي عشان ماتخرب مره ثانيه .
الدينمو هذا لوحده تغير 6 مرات في 3 سنوات و سعره 795 ريال عند الجميح و تصدق ان موظفين الجميح اللي شارع الملك سعود صارو يعرفوني اول ما ادخل يقولون لي مافي دينمو بس طرمبة ماي موجوده و طرمبة بنزين طلبيه من جده !!! وربي تعبت من كثر ما اصلح هذي السياره .

طيب اسمع هذي السالفه .
الصباح قبل ما اطلع من البيت قلت خلني اشيك على الماء قبل ما امشي و بالصدفه لقيت الراديتر فاضي المهم عبيت مويه ولا فيه فايده كل ما اعبي مويه الراديتر ما يمتلي قلت يمكن السياره خلطت ماي و زيت سحبت عيار الزيت لقيت لونه صاير حليب يعني السياره خلطت طفيت السياره و شلتها على سطحه( المزيد لنقل السياره اتصل عليهم و يرسلون سطحه يعرفون البيت:D وربي من جد اتكلم )
المهم وديتها عند ورشه هدف بالخضريه عند محمود السوري قلت له السالفه قالي السياره خلطت و لازم توظب المكينة فتحوا المكينة و بداء محمود السوري يدور من وين هرب الماي على داخل المكينة تصدق انه عجز يلقى اي مكان فيه تهريب طيب من وين خلطت ماي و زيت ؟؟؟؟
والله شي يحير رحت شريت طقم قازقيت و جلد بلوف و طقم شنابر و رجعوا المكينة و شغلت السياره و بعدها باسبوع انكسر علي القزوز الداخلي يعني لازم تنزل المكينة مره ثانيه عشان تغير القزوز و حلفت اني ما ادفع فيها ريال واحد و على طول على المعارض و اول سومه من اول شريطي 17 الف ريال و مسكته من ايده شوي وابوس رجوله تكفى اشترها و بعتها مع العلم اني ماخذها 73الف ريال.

لاحظ اني اتكلم عن 94

[RED Chevy]

ههههه والله ضحكتني ماوديتوها لشيخ يقرى عليها يمكن فيها جني:laugh: لا لا لا هذي موطبيعيه ومستحيل أحد ماعطها عين:D شوف كم جني داش فيها الحمد لله اللي عندنا ماشيه تمام إنت شكنت تسوي فيها لايكون تهد ويامكسيمات:D الصراحه صج خليتني أضحك آنا قلت إنفنتي يعني داخل علي بقوه وبيعطيني رد مفصل وبيخليني أتعب وآنا أرد عليه بس الحمد لله جات سليمه الحمد لله اللي عندنا ماشيه تمام وصدقني البانيت ماينفتح إلا لين ماشتغلت فيها صوت ماصوت تمشي المره ماتقول لا إله إلا الله عليها بس لايصيدها مثل مجنونتكم.

[RED Chevy]

باقول لك شوف موضوع الرويال بتحصل مالتنا واقفه وهي جايبينها من أمريكا يعني موديل 95 بالخليج إنتوا نفس الشكل أو المربعه.

[infiniti]

94 و 95 اعتقد مافيهم فرق كبير بالشكل اللي عندي كانت عندي سطباتها الخلفيه طويله مشبوكه.

[القرن الجديد]

والله مستعجل

بس


اي سيارة مصدومة خصوصا اذا كانت الصدمة قوية خلاص السيارة راحت فيها


بس سبق ان فتحنا هالمواضيع بس ابقول شي في نفسي

1- الشركات هذي غالبا (راس مالية )في دول كفار فلن نستفيد شي من مناصرتها

2- اهم شي لايكون فيه بغضاء بين الاعضاء

3- الاخلاق الاخلاق الاخلاق

4 - ا ي شيء يقال يثبت ويترك التعصب الاعمى

وانا معي سوناتا (سوسو) ولا قالت اي شي ولها اكثر من 3 سنوات (ماشاء الله )

هيونداي :banana:

[RED Chevy]

هلا إخوي القرن الجديد، كلامك صح بس إنت قط ركبت سياره صانعها مسلم أو دوله مسلمه( مافي غير البروتن) وبرجع بعدين أحين بطلع لكن مثل ماقلت أهم شي الأخلاق والتفاهم بين الشباب والحمد للع موجود هالشي عندنا أحين وبرجع بعدين.

[MuGeN]

شفت الكلام اللي إنكتب عن اللومينا :D ?

هذا نفس السالفة !!

يمكن تكون الدفعة نفسها سيئة :) .. و يمكن يكون الإستخدام فيه غلط ..

[محمد دريهم]

خخخخخخ...اخوي ريد تشيفي...


اتوقع الموضوع بيقلب عليك هههههه....يعني هذا مثال حي جابه اخونا انفينيتي,,,



اخوي ريد تشيفي..احنا ما قلنا ان الكوري يوصل للالماني...لكن نقول انه تطور عن ما قبل...


هذي الفكره اللي كنت ابغا اوصلها...وان الجوده اصبحت افضل...ونادرا ماتلقى احد يشتكي منه..



بعكس الامريكي وتحديدا الشفر...اللي الناس بدت تتذمر منه بعكس ماكان قبل..



وشكرا

[RED Chevy]

هلا شباب:

MuGeN : نتكلم عن الفان يارجال:D

ولد الخبر : مثال حي بس مات:D إحنا عندنا بعد بس مافي مشاكل;) الكوري تحسن أوكيه بس لاتقول ماوصتوه للبنز نسيت مقارنة s8 ويا الشبح:glasses2: وعلى العموم الموضوع ماقلب ولاشي نقاش ومافي ضرر تبادل وجهات النظر وكل واحد يبدي رايه صح;)

القرن الجديد : هلا القرن الجديد نكمل:
موشرط السياره لي صادتها صدمه قويه راحت، آنا شفت سيارات مستحيل تصدق إنها تمشي عقب الحادث اللي صادها، الM5 مال صديق إخوي سدح إشاره ( يعني لصقها في الأرض) وكان بينقلب يعني الموتر من تحت مافيه شي صاحي المكينه والقير تبطلوا وتكنسل خذه واحد وصلحه أحين يمشي مثل قبل ويمشي( ماتقدر تثقول صاده حادث) وسيارات كثير غيره وإحنا مجربين ولو كان الحادث شنو والسياره قويه بتستحمل آنا شايف بيتل من تحت رايحه واللي فيها ماصادهم شي اللومينا مال صديق إخوي إنقلب وطلع الرجال بدون شمخ وإخوي مدخلها الوكاله عشان التصليح وماشيه تمام.

[CAMARO_350z]

تروح يمين تروح يسار



تطلع فوق تنزل تحت



ما اليك الى الشفر

[RED Chevy]

صح لسانك حتى لوتطير مالك غيره:D

[القرن الجديد]

رد مقتبس من RED Chevy
هلا شباب:

MuGeN :

القرن الجديد : هلا القرن الجديد نكمل:
موشرط السياره لي صادتها صدمه قويه راحت، آنا شفت سيارات مستحيل تصدق إنها تمشي عقب الحادث اللي صادها، الM5 مال صديق إخوي سدح إشاره ( يعني لصقها في الأرض) وكان بينقلب يعني الموتر من تحت مافيه شي صاحي المكينه والقير تبطلوا وتكنسل خذه واحد وصلحه أحين يمشي مثل قبل ويمشي( ماتقدر تثقول صاده حادث) وسيارات كثير غيره وإحنا مجربين ولو كان الحادث شنو والسياره قويه بتستحمل آنا شايف بيتل من تحت رايحه واللي فيها ماصادهم شي اللومينا مال صديق إخوي إنقلب وطلع الرجال بدون شمخ وإخوي مدخلها الوكاله عشان التصليح وماشيه تمام.


شف اخوي
السيارات تختلف في الحجم والفئة
يعني صدمة بـ كراون فكتوريا غير الصدمة بـ اكسنت

والورشة الي صلحت السيارة تختلف عن الثانية



سين ؟
هل السوناتا صلحتها في الوكالة

[محمد دريهم]

السلام عليكم..


مع الصباح طفشان..وقلت احوص بالنت شوي...

لقيت موضوع...اسمه ...سياره وندمت على شرائها..بجيب شواهد..

اول شاهد..يمدح الهونداي..

(انا الصراحه ماندمت على ولاسياره كانت عندي

انا كان عندي سياره تيرسل وبعتها

وبعدين سوناتا 2003 وفرطت فيها


والحين عندي كامري 2004 واقول ان السوناتا احسن منه


اللي كرهت عيشتي يوم ابوي شرا جيب بليزر 92 وكان خرباتها كثير

خاصتا ان المكينه ايسوزو

وما بردت حرتي منها الا يوم انقلبت ابها وراحت تشليح)>>>


وهذا شاهد اخر يسب الماليبو,,(ماليبو وأنتم بكرامة ..

سيارة من أسوأ السيارات .. اللي أعجبني فيها شيئين .. رساوتها وقومة مكينتها .. أما الباقي سيء للغاية .. خسرت فيها آلاف .. وفي النهاية لا نتيجة .. الخراب في المكينة ولا فيه أمل يتصلح .. واللي يرفع ضغطك زيادة .. تشتريها بـ 50000 جديدة وتبيعها بعد سنة بـ 20000 كمبلغ ممتاز .. وإلا ما تجيب القيمة هذي ..

أيضا .. عانيت مع الوكالة معاناة ما بعدها معاناة .. أكلوا فلوسي ولا نتيجة الله لا يربحهم ..

الحمد لله .. كانت تجربة وعديناها وأخذنا درس من الأمريكي ومن وكالتها الخايسة ..)<<<<

[img]http://www.uploadxfiles.com/u/04/02/18491156-Image(47)%20copy.jpg[\img\]

[سردال]

نقاط سريعة ومهمة:

1) من يقول أن هيونداي أفضل سيارة في العالم فهو حر في رأيه، وكذلك من يقول بأن مرسيدس أفضل سيارة في العالم فهو حر أيضاً.

2) لا يجب على أي شخص أن يغضب لمجرد أن شخصاً ما قال رأياً يخالف رأيه، لا بد من تقبل الآراء وبدون أي مشاعر سلبية.

3) لا يجب على أي شخص إلزام الآخرين بوجهة نظره، إعرض وجهة نظرك مرة واحدة فقط وإذا لزم الأمر كرر وجهة نظرك ثم كفى!

4) تجاربكم الشخصية على السيارات لا يمكن اعتبارها حكماً نهائياً عليها لأن كل سيارة تمت تجربتها من قبل أشخاص عدة وفريق يمدحها والآخر يذمها وكل فريق على حق، لكن لا يمكن لأي فريق أن يدعي أنه يحتكر الحق لوحده.


جميع النقاط التي كتبتها أخي صاحب الموضوع يمكن الرد عليها وبردود منطقية، لا أريد الإطالة لكن أريد فقط أن نتجاوز مرحلة الاختلاف على أمور بسيطة لنصل إلى مستوى أفضل من المواضيع :)

[RED Chevy]

هلا فيكم شباب:

القرن الجديد : منقوووووووووووووووووووول.

ولد الخبر : أكوي إنت جبت أمثله قبل وآنا رديت عليك بأمثله لا لشي بس كل واحد له وجهة نظر ويطرحها ومثل ماإنت تقدر تجيب أمثله آنا أقدر أجيب بس أبيك تقى الهدف من موضوعي الهدف سلمك الله تبين وجهة نظر الكل، وإن كل السيارات فيها مشاكل سواء كانت بنز أو تاتا وآنا شايف هالأيام ناس تعظم في الهونداي وتوصيله لمستوى سيارات مستحيل يوصل لها.


سردال : حياك الله إخوي وكلامك صح مافي داعي إن الواحد يعصب بس آنا ماشفت رد غلط الحمد لله في إحترام بينا ومهما كان حديد مايفرق بينا لاهونداي ولاشفر أهم شي العلاقه تكون جيده بين الكل.