ممنوع رفع المواضيع القديمه ويجب اختصار التواقيع

[زورو الامارات]

بسم الله الرحمن الرحيم

السلام عليكم ورحمة الله وبركاته


من الآن وصاعداً ممنوع رفع المواضيع القديمه خصوصا التي مضى عليها اكثر من اسبوعين

وكذلك على الجميع الاختصار في تواقيعهم الى الشكل المعقول بدلا من 15 سطر الامر الذي يؤدي الى طول الصفحات على الفاضي

الي يبغي يحط مواضيعه يسوي لهم رابط واحد ويحطهم في صفحة خاصة ويسويها على راحته

جميع من لن يتقيد بالتعليمات سيعاقب

تحياتي للكل

[RED Chevy]

السلام عليكم ورحمة الله وبركاته

هلا مشرفنا، بس مافهمت قصدك بإن يحطهم في صفحه خاصه وين ممكن أسوي ذي الصفحه؟

وإذا ممكن تشرح لنا العقوبات، وشنو سبب عدم رفع المواضيع إذا فيها فايده للمنتدى وفيها شي يذكرنا وفيدنا، لو الموضوع مامنه فايده آنا معاك مالازم ينرفع لكن في مواضيع متجدده مثل موضوع الكنج وتقبل تحياتي.
بعد في خيار يقدر العضو مايشوف تواقيع الشباب، ويقدر يقرى الموضوع بدون مايشوف تواقيع ومابتزيد صفحات وحتى لو زادت ماشوف في ضرر.
وترى توقيعك مشرفنا 16 سطر:think:

[SKYLINE GTR]

مشكورين

بس اتمنى انكم تحطون خاصية الصور بالتوقيع

[Corvette_Stingray]

:damp:

يا أيها الذين آمنوا لم تقولون ما لا تفعلون ..

إن شاء الله راح أتقيد بالتعليمات .. طلبات أخرى يا أخوي :p

[thiyab]

:cry: :cry: :cry: :

[خليل أبو سمرة]

رد مقتبس من زورو الامارات
--------------------------------------------------------------------------------------
بدلا من 15 سطر
--------------------------------------------------------------------------------------

رد مقتبس من RED Chevy

وترى توقيعك مشرفنا 16 سطر:think:

ها ها ها ها ها ها

عجبتني الفقرة الأخيرة

بس كيف عديتهم يا ريد شيفي

هههههههههههههههههه مش قادر أمسك نفسي من الضحك

انقلب السحر على الساحر

$$$$$$$$$$$$$$$$$$$$$$$$$$$$$$$$$$$$$$$$$$$$$$

انتظروا مني موضوع راح يقلب الموازين في منتدى سوالف و راح تطير فيه رقاب

خليل :D :D :D :D

[زورو الامارات]

سلام

خليل كيف احوالك ؟
انت شفت التواقيع الي تزيد عدد صفحات الموضوع الواحد ؟


وتوقيعي واختصرته لعيونك

بس ماكان داعي للشماته ترى اقدر اتشمت بعد وفي شغلات كثيره لها مجال للشماته مب على سالفة توقيع بس

[RED Chevy]

أهلين مشرفنا، بس إذا ماعليك أمر إدخل قسم الطرائفـ، شوف توقيع أبو الفايصل وخارج النطاق وباقي الأعضاء تواقيعهم أكبر من كل تواقيعنا هني، وتوقيعي قصيت نصه عشانك شوف أوكي أحين.:corsair:

[mustang cobra]

رد مقتبس من SKYLINE GTR
مشكورين

بس اتمنى انكم تحطون خاصية الصور بالتوقيع
:help:

[760IL]

تأمر امر اخوي ابووليد

[خليل أبو سمرة]

رد مقتبس من زورو الامارات
سلام

خليل كيف احوالك ؟
انت شفت التواقيع الي تزيد عدد صفحات الموضوع الواحد ؟


وتوقيعي واختصرته لعيونك

بس ماكان داعي للشماته ترى اقدر اتشمت بعد وفي شغلات كثيره لها مجال للشماته مب على سالفة توقيع بس

الله يهديك يا خالد ما نقدر على زعلك

خلي روحك رياضية و تقبل المزح مثل عوايدك

لا تاخذ المواضيع بجدية خلي في شوية فرفشة في المنتدى

أنا آسف اذا كلامي زعلك بس ضحكت و كتبت اللي حسيت فيه مش خصوصا عليك و لكن موقف و صار

كلامك على عيني و راسي بس راجع نفسك في موضوع رفع المواضيع القديمة و شوف هذا

آخر رد (http://www.swalif.net/sforum1/showthread.php?s=&threadid=174808&perpage=25&pagenumber=2)

تحياتي للجميع

خليل

[مدردش متقاعد]

أعتقد أنه في مواضيع من كثر الغبار الي عليها بسبب قدمها الواحد يحتاج قناع أكسجين يوم ترفع!

و بالنسبة للتواقيع.. فأنا دائما مع التواقيع المختصرة و المركزة... و ضد أن تكون مثل المجلات و المطبوعات بسبب كثرة الروابط التي فيها..


تحياتي لك

[Mr_CoRvEtTe]

مشكور على التنبيه اخوي زورو

وتنمنى التنفيذ :D

[grandv8]

السلام عليكم ورحمة الله وبركاته

هلا اخوي خالد

انا اؤيد لك بشغلة وحدة بالنسبة للمواضيع القديمة او مر عليه زمن مب بكثير على المنتدى السيارات.
المواضيع الي ترفع مايحتاج ان ترد على صاحب الي رفع الموضوع بأن يعاقب او يرد عليه برد غير لائق.
اذا كان الرد من صاحب الي رفع الموضوع مقنع وفيه معلومة جديدة مافي اي مانع ان يرفعها اذا ماصار هناك تضارب او قذف او رد غير مقنع.

بالعكس المواضيع القديمة انا مااجوف في شي يزعل اذا حد رفعه لان بيكون به منفعة للاعضاء الجدد او لخبر جديد،الا اذا كان موضوع متكرر يجب حذفه يحق للاولية الي نزل الموضوع او شي.

اما بالنسبة للتواقيع في ناس تحط توقيع طويل او رابط لمواضيعهم وشي حلو ،وشي ناس حاطين تواقيع صغير وكلام جميل.

بصراحة انا اجوف المنتدى صاير للانحدار من التقصير او العناية او قلة الردود بالقيام بالمشاهدة فقط.

خالد بالصبر والتشاور كل شي يصير بالنجاح والتقدم.

شكرا لك
:)

[RED Chevy]

السلام عليكم ورحمة الله وبركاته
كلا ممتاز إخوي جراند وآنا قلت له من قبل اللي مايبي تواقيع يقدر يحذفها، بالله عليك إذا نبي نرجع لواحد من مواضيعنا المهمة شلون ندخل بحث وساعه كامله وإنت تدور موضوعك أتمنى إن القرار يتراجع وينعاد التفكير فيه.

[SLR]

مستغرب لييش الكل حاط قصة حياته في التوقيع:D

انا ماقول غير طاش ماطاش :laugh:




SLR

[TOP-SECRET]

يعطيك العافيه مشرفنا بس فيه نقطه مهمه وهو ان في اوقات نحتاج حق موضوع معين وكاتب الموضوع كاتب في توقيعه موضوعه هذا بيسهل لنا الامور بدل لا نبحث عن الموضوع ويمكن مانعرف في البحث الكلمه الي بتوصلنا حق هذا الموضوع خاصه اذا كان مهم :)

[RED Chevy]

مشرفنا زورو: صبحك الله بالخير أول شي، من خلال الردود أشوف أغلب الشباب مايبون تقصير التواقيع، صدقني إنت إدخل باقي الأقسام( أدري إنك تدخل) وشوف تواقيع الأعضاء هناك، بذكر لك كم إسم شوف كم سطر توقيعهم وإحسب الفواصل عن سطر:
1- أبوالفياصل.
2- حمامه.
3- خارج النطاق.
4- تعبان.
5- محامي الزعيم.
صدقني ترى التوقيع إحنا نستفيد منه كثير خاصه بالرجوع للمواضيع القديمه، بدال ماتمنعون وتحطون عقوبات سووا أشياء تحرك القسم، مثلاً إختاروا أفضل موضوع للإسبوع( ستينجراي سواها ومامشت لأنها ماكانت تثبت وكانت تنزل تحت) حطوا جائزه لأفضل أو أنشط عضو في القسم، حطوا أشياء تحفز الأعضاء لبذل جهد أكبر في القسم خلوا القسم يتحرك شوي، ترى المنتدى مستواه في إنخفاض شوفوا لنا حل بدال العقوبات والتواقيع وغيرها، نزلوا موضوع فيه نقاش بينكم وبين الأعضاء لتطوير القسم، ترى إنتوا دوركم كمشرفين هو تطوير القسم بعد مو بس حذف مواضيع وقفل أخرى، صدقني القسم يحتاج تعديل، فتحوا موضوع للتشاور مع الأعضاء لتطوير القسم هل بيضركم بشي، إخذوا الإقتراحات الزينه وهدوا اللي مافيها فايده ترى تقصير توقيع ومعاقبة عضو مابتطور القسم.

[IMPALA SS '96]

السلام عليكم ورحمة الله وبركاته

أنا ضد منع رفع المواضيع القديمة.......الشغلة صحيح يبغالها قيود بس مانعمم....المواضيع اللي ترفع نبشا للقبور هذه لابد من منعها أما المواضيع المفيدة فبالعكس أجد أن رفعها مفيد جدا خاصة للأعضاء الجدد حتى يعرفوا على الأقل كيف كان مستوى المواضيع في الماضي......

وشكرا لكم....

تحياتي للجميع....

[Third Eye]

صحيح كلام أخوي إمبالا أس أس

يعني واحد ما مشغول وطلع النت ولقى موضوع حلو قديم

وعنده استفسار حوله مايقدر يرد!!!!

[Dreams_Maker]

جميع من لن يتقيد بالتعليمات سيعاقب
=====================

أيش نوع العقاب؟؟
الطرد من المنتدى؟؟...وهل هو على ناس وناس كالعاده؟؟
وهالأوامر :confused: ...لكل الأقسام ولا بس قسم السيارات...

؟؟

الحمدوالشكر

:blink:

[Eclipse]

Dreams_Maker

ارهاب ها ؟ ههههههههههههه :D


=======
أيش نوع العقاب؟؟
الطرد من المنتدى؟؟...وهل هو على ناس وناس كالعاده؟؟
=======

كالعاده ناس وناس على قولك :D

الي يتكلم بادب حينحذف موضوعه !!! والي يقذف نساء المسلمين في اعراضهم ......... ما يصيرله شي!!!!!!!!!!!!!!!!!


RED Chevy

=====================
صدقني ترى التوقيع إحنا نستفيد منه كثير خاصه بالرجوع للمواضيع القديمه، بدال ماتمنعون وتحطون عقوبات سووا أشياء تحرك القسم، مثلاً إختاروا أفضل موضوع للإسبوع( ستينجراي سواها ومامشت لأنها ماكانت تثبت وكانت تنزل تحت) حطوا جائزه لأفضل أو أنشط عضو في القسم، حطوا أشياء تحفز الأعضاء لبذل جهد أكبر في القسم خلوا القسم يتحرك شوي، ترى المنتدى مستواه في إنخفاض شوفوا لنا حل بدال العقوبات والتواقيع وغيرها، نزلوا موضوع فيه نقاش بينكم وبين الأعضاء لتطوير القسم، ترى إنتوا دوركم كمشرفين هو تطوير القسم بعد مو بس حذف مواضيع وقفل أخرى، صدقني القسم يحتاج تعديل، فتحوا موضوع للتشاور مع الأعضاء لتطوير القسم هل بيضركم بشي، إخذوا الإقتراحات الزينه وهدوا اللي مافيها فايده ترى تقصير توقيع ومعاقبة عضو مابتطور القسم.
======================




للاسف .... """بعض""" المشرفين فاهمين مهمة الاشراف هي حذف المواضيع وطرد و "ارهاب" الاعضاء !!!!!!!!!!!!!!!:shock2:




IMPALA SS '96

هلا بالغالي هلا ...:) صب القهوة ياولد ههههههههههههههه:D

[king_prelude]

حااااااااااضرين مشرفنا :D

[زورو الامارات]

رد مقتبس من Dreams_Maker
جميع من لن يتقيد بالتعليمات سيعاقب
=====================

أيش نوع العقاب؟؟
الطرد من المنتدى؟؟...وهل هو على ناس وناس كالعاده؟؟
وهالأوامر :confused: ...لكل الأقسام ولا بس قسم السيارات...

؟؟

الحمدوالشكر

:blink:


احب اشكرك على التعليق الاخير كأننا مجانين في نظرك او شي من هذا القبيل بارك الله فيك

[560SEL]

السلام عليكم ورحمة الله وبركاته

الف شكر يا أخوي خالد على المبادره

المفروض انك مسويها من زمان لكن ما فيه مشكله حصل خير

حكاية التواقيع الطويله تسبب مشاكل عند طباعة الصفحات



شئ ثاني :

انا أشوف ان مواضيع الصور كثرت في غير أماكنا يعني فيه ناس تكتب موضوع كامل عباره عن صور و تحطه في الصفحه الرئيسيه للقسم و ينسون انه فيه صفحه خاصه بالصور و مقاطع الفيديو

اتمنى تنتبهون لهذي الملاحظه


أكرر شكري لك على الاجراء الفعال



تحياتي

[RED Chevy]

ماعطيتنا رايك مشرفنا هل القرار بيتغير أو لا، وبخصوص الإقتراحات ماعطيتنا رايك بعد وإذا ماعليك أمر شوف لنا حل مع التصويت في موضوعي الحلقه السابعه في توقيعي تأذينا ناس تجي تعفس السالفه كامله.