أودعكم يا شباب

[حفيد الفاروق]

بسم الله الرحمن الرحيم
حبيت أقولكم اني ما راح أشارك كثير في المنتدى أو يمكن ما راح أشترك كلش وذلك لضعف التشجيع عندكم , فأنا أتعب وأحط مواضيع وأدور على صور وما القى غير ردين أو ثلاثة بالكثير .(ردودهم على العين والراس) وداخلين في الموضوع بالمئات .
والسبب الثاني الكره والحقد اللي يبديه الكثير من الشباب فقط ان قلنا الصج عن السيارة (مجربينها وكل شئ) وهم لا جربوها ولا ركبوها .

وأنا كنت محضر مواضيع حلوة ومنها الفرق بين محركات البنزين والديزل مدعمة بالصور . وموضوع عن الفرق بين الكاربريتر والبخاخات بالتفصيل الممل . ومواضيع أخرى .


وأنا راح أنتقل لمنتدى السيارات نت فهم مخصصين قسم خاص للسيارات الأمريكية يمكن القى هناك الترحيب والثناء .
وأنا مشترك من تاريخ 25-03-2003
وأرجو من أي أحد انه ما يزعل علي ولو قلتله شئ يكدر خاطره فأنا آسف والله .

وأي واحد يبيني بشئ فهذا ايميلي :
alkandari3@hotmail.com

والصراحة النقاش إلي استانست معاه هو راعي البيج كنا نتناقش علشان الهوندا وكان هو كله يرد علي بأدب واحترام (هذا يدل على تربية أهله) وما كان يحط في قلبه ويكرهني علشان السيارة .


في أمان الله

[grandv8]

السلام عليكم ورحمة الله وبركاته

حفيد الفاروق

خير ان شاء الله اخوي وين بتسير نحن ماصدقنا نحصل شباب عندهم خبرة ونقاش حلو بين الشباب وخاصة بالسيارة الي يعرفها او معلومات عن سيارات ثانية وبعيد عن النقاش الي يقوم بالرد البذئ.

وانا ماجفت منك الاخير ماشاء الله.

اخوي قبل ماتفكر تطلع انت شو السبب هل هو قلة الاعضاء بالمنتدى لاني الي الالحظ اعضاء قلل ومافي رد الا من كم واحد.
ماادري من سريفر المنتدى شوي تعبان لان بعض الشباب خطهم بطئ ومايتصل بالمنتدى. او هناك ظروف خارجة.

والله اخوي انا اول واحد ماابغيك تطلع من المنتدى.
وبكلم المشرف وبجوف شو المشكلة صايرة بالمنتدى كله من قلة الاعضاء.

اخوي مايصير الا كل الخير ان شاء اللهز

اخوك محمد
:D

[حفيد الفاروق]

هلا أخوي ومشكور على ردك
دش هني وشوف كم واحد مشارك
http://www.swalif.net/sforum1/showthread.php?s=&threadid=184583

[حفيد الفاروق]

وهني
http://www.swalif.net/sforum1/showthread.php?s=&threadid=184534

[RED Chevy]

السلام عليكم ورحمة الله وبركاته
ياحفيد أرجوك ثم أرجوك ولتذلني وآنا أترجاك لاتهدنا، آنا ماحصلت أحد وياي ويأيدني وأحين تبي تهدني إذا إنت تعزني لاتسوي هالشي ترى معزتك عندنا كبيره وإنت ماتعرف إشلون أفرح لما أشوف رد منك على مواضيعي، لاتخليني أترجاك أكثر إنت تعرف مكانك عندي عند الشباب لاتخلي المنتدى ولاتقلل مشاركتك وخل العذال على صوب وآنا وياك، إنت أظن شفت الرد اللي جاني من S8 لكن مستحيل أهد المنتدى عشان كلمة من ذي أو ذاك، خلك معان تراك كدرتني بهالخبر.

[حفيد الفاروق]

وشوف التعب إلي تعبته في هذا الموضوع وشوف كم واحد رد .
http://www.swalif.net/sforum1/showthread.php?s=&threadid=184328


أنا ليش ما يردون هم أصلا شافوني أمدح اللومينا (سيارتي) وأنا أقول الصج وهم لا جربوا ولا شئ ويطلعون عن السيارة اشاعات .
حتى الكنق أس أس تنرفز منهم وقلت مشاركاته في المنتدى .


وأحب أشكر الكنق أس أس على شرحه لي الفرق بين السوبر شارجر والتربو وأشكره على اجابته على كل أسألتي .

[حفيد الفاروق]

لا يا رد تشيفي لا تقول هالكلام أفا عليك أرجوك احين تعدل مشاركتك افا عليك بس .
أنا قلتلك راح أكون في منتدى السيارات نت
وهناك في منتدى مخصص للسيارات الأمريكية وهناك أي واحد يحط موضوع علطول الناس يردون عليه وبكثرة (أنا ملاحظ هالموضوع)
هذا قراري النهائي
أنا ما حبيت فجأة أهد المنتدى من غير وداع .
أرجو انك تعدل مشاركتك يا رد تشيفي وأرجو انك تراسلني على ايميلي وتعطيني ايميلك حتى نكون على تواصل .

alkandari3@hotmail.com

[RED Chevy]

ياحفيد أغلب اللي تمدح الشفر جدامهم مايدخلون مواضيعك( إسألني آنا كل مواضيعي مافي غير ولد الخبر اللي قلبه نظيف) لاتترك المنتدى وتخلي فرصه وتقوى شوكت اللي تعرفهم، تعرف معنى كلمة أرجوك؟

هذي أقولها لك ولاتترك المنتدى راجع نفسك وتخيل شبيصير حال الشفر بدونك وبدن ستينجراي( مشغول مع إبوه) وبدون الإرهابي والكنج اللي قلت مشاركاتهم مين للشفر من بعدك.

[WRX]

OOOOOOh Nooooooo
:headshak:

I'LL BACK BUT I HAVE A PROPLEM:(

WITH KEYBORD PLZ WAIT...

[RED Chevy]

السلام عليكم ورحمة الله وبركاته
ماقدر ياحفيد ماقدر، سوالف صارت بيتي الثاني وإنت شوفني طول وكتي على النت مجابل سوالف، وللأسف ماعندي إيميل ولا بسوي لأني ماودي أتعلق بالنت أكثر، لكن تراجع عن قرارك ولايصير الشفر بدون نصير هني التواصل بينا هني وإن شاء الله يدوم لاترد طلب إخوك.

[حفيد الفاروق]

لا حول ولا قوة إلا بالله

يا اخي والله هذا قراري الاخير
وانا الحين مالي نفس أكتب في المنتدى خلاص .
رااح الحين اشترك في منتدى السيارات نت .
وبحط مواضيعي هناك
وأرجوك لا تحرجني أكثر .:damp: :damp: :damp: :damp: :damp:

[WRX]

السلام عليكم ورحمة الله وبركاتة
اول شئ متأسف جدا على الي فوق بس عندي مشكلة بسيطة مع الكيبور
عيوني بصراحة هذا اكثر خبر حزني اليوم ... ولا ابغى ازيد عل كلام ريد شيفي شئ
لاكن هذا حال المنتدى وبعدين انا ما ادري ايش الي زاعجك في الموضوعين الي فوق ... كل ما في الموضوع ان في ناس تهتم انها تتعلم (وهم موجدين في المنتدى) وفي ناس لا لهم اتمامات ثانية لاكن عيوني بالنسبة لموضوعك الدورات فا انا معاك انه ما خذ حقة زين لأن موضوع متميز بالفعل لاكن في مشكلة...منت ملاحظ ان الموضوع كبير شوي وهذا الي قلل الردود في نظري لان في ناس ماتحب ترد إلا اذا قرت الموضوع حتى لو تلاحظ ان ردي كان مختصر جدا لأني كنت ابغى افصل النت شوي علشان ارد عليك رد مفصل شوي لاكن ماسار نصيب للأسف... وعلى فكرة عيوني لا تنغر بعدد الزوار لأن فيه ملاااااين حول العالم تتصفح هذا المنتدى وهم ماهم مسجلين فيه علشان كذا تلاقي الأرقام خيالية كذا...
عيوني بصراحة انا ما الومك لاكن اتمنى انك تتروى شوي لأن بقرارك هذا ناس كثير يعزوك راح يخسروونك

وتحياتي

[A7medo]

صراحة أخوي كدرتني

بس أنا اشوفها من حقك انك تطلع

بس انا ما ودي تطلع أو ياريت تتراجع عن قرارك

[RED Chevy]

لاحول ولاقوة إلا بالله

إنت أكيد تعرف من يحبك ومن يكرهك في المنتدى، وصدقني محبينك أكثر، خذ فترة إستراحه عن المنتدى إستريح عنا شهر وبعدين إرجع، إنت باللي تسويه تحقق هدفهم هم يستفزونا عشان نغلط بالرد ونتوقف أو نطلع من المنتدى أفا عليك بس.

حفيد الفاروق
تدري إنت إذا الإسم ذي إنقطع عن سوالف شبتكون حالت القسم بيلعبون على كيف كيفك، وبتصير المهزلة صج، وخذ بتوقيع واحد من الشباب( إذا نطق السفيه فلا تنججبه خير من إجابته السكوت) شتبيني أقول، طيعني وعطني موقع المنتدى اللي بتشارك فيه وباكون متابع لك، بس لاتقطعنا، قلل مشاركاتك بس لاتهد المنتدى، حتى لومالك نفس إظغط على نفسك وشوف المواضيع ورد على اللي يعجبك إنت آخر عضو توقعت إنه يهد المنتدى وشوف كلام WRX إصبر علينا شوي بس ولي رجعه.

[RED Chevy]

السلام عليكم ورحمة الله وبركاته
حفيد آسف لأني نزلت الإستفتاء بس كنت أبيك تشوف الناس تبيك أو لا والإسءتفتاء حتى زوار المنتدى يقدرون يصوتون شوف الناس تبيك شلون، وإذا عن محد يرد عليك صدقني في مواضيع لمشرفنا AMG تاخذ أيام ولا أحد يرد عليها.:Sad2:

[حفيد الفاروق]

لالالالالالالالالالالالالالا

لا تحرجني أكثر تكفى .
أنا حلفت .

يا أخي سجل في منتدى السيارات نت وتعال نتناقش هناك .
ترى الشفراوية كثار هناك.

طلبتك لا تردني أرجو انك ما تحرجني أكثر :damp: :damp:

[RED Chevy]

السلام عليكم ورحمة الله وبركاته
عطني عنوان الموقع، يمكن أسجل فيه بس بشرط، إنك ماتترك سوالف طبعاً مشاركتي هناك مابتكون مثل هني بسجل عشان أكلمك بس ولاتهد المنتدى.

[حفيد الفاروق]

رد مقتبس من RED Chevy
السلام عليكم ورحمة الله وبركاته
عطني عنوان الموقع، يمكن أسجل فيه بس بشرط، إنك ماتترك سوالف طبعاً مشاركتي هناك مابتكون مثل هني بسجل عشان أكلمك بس ولاتهد المنتدى.

www.assayyaratnet.com

وأنا راح تلقاني أكثر شئ بالمنتدى الأمريكي

[حفيد الفاروق]

وعلى فكرة نكي راح يكون
blue chevy
علشان مثل نكك

[RED Chevy]

دخلت المنتدى، وإنت blue chevy لكن مثل ماقلت لك عطني وعد إنك ماراح تترك سوالف ومن أحين بسجل هناك بس مثل ماقلت لك فوق بتكون مشاركاتي قليله هناك.
( شفت نك نيمك قبل ماشوف ردك:D

[حفيد الفاروق]

http://www.assayyaratnet.com/forums/showthread.php?s=&postid=370367#post370367

وهذا أول اشتراك لي في منتداهم إلي ما فيه حقد ولا كراهية علشان سيارة .
وأنا قلتلك يا رد تشيفي أنا حلفت وكلمة والله مو لعبة .

[A7medo]

الوداع ليس من بعده لقاء

مع السلامة اخوي حفيد الفاروق

في حقظ الله ورعايته

موفق انشاء الله

[RED Chevy]

اليوم كان مزاجي تمام التمام طلعت وفرفشت وإستانست وجعت البيت إعتفس مزاجي بموضوعك ياحفيد لكن إكتب موضوع هناك خل يرحبون فيني وفيك خلاص أحين بسجل وأمرنا لله.

[حفيد الفاروق]

هلا أخوي أحمدو انشاء الله كلنا موفقين .

ويا رد تشيفي انت تدري ليش أهد المنتدى شفت أساليب اليهال إلي يستخدمونها أحس إني أكلم أطفال أعمارهم تحت 20

[أبوالزين]

هلا اخوي حفيد
و الله اجولك اياها بصراحة انا سويت عدة مواضيع
بس ما من مجيب
لاكن نتحمل و نصبر بيجي اليوم اللي راح نحصل فيه شئ زين

كنت اتمنى انك تتواصل معانا
بس اذا انت مو مرتاح فهذا شئ راجع لك

[محمد دريهم]

اخوي حفيد الفاروق..


الله يهديك بالعكس كلامك يدل على انك تخلي سيارات تفرق بيننا...واذا مافيه ردود على مواضيعك يمكن لاننا مانفهم بهالشغلات:confused:



اخوي حفيد الفاروق ترا المنتدى محتاج اعضاء مثلك عشان نتهاوش وياهم :D


وترا حنا اخوان مهما صار...


واتمنى انك تعدل عن قرارك...وترجع لاحبابك اللي يحبونك

[RED Chevy]

قنعوه ياشباب وخل يصوم 3 أيام ويرجع المنتدى، والله المشاكل ماصارت إلا عقب موضوع لقطات السوناتا، ولد الخبر مابقى عندك إلا آنا تتهاوش معاه:D قنعوه أقول له مايصير الرجال راسه يابس.

[TOP-SECRET]

بل بل بل شساااااالفه وين وين حفيد الفاروق بس بتاخذ قشك وبتمسك طرف :D شدعوى ياخوي الحين انت من الاعضاء المميزين في سوالف بتخليه من عقب ماعرفت الشباب الموجودين فيه وبتروح منتدى جديد افا :( تعوذ من ابليس وخلك في سوالف ياخوي من عقب الرفجه مع بعض بتروح ياخي عشان موضوع انا ياما كتبت مواضيع وماحصلت فيها الا رد واحد ولا ردين ومن المواضيع المهمه لكن مافكرت في يوم اخلي المنتدى على الاقل تشارك في سوالف وتشارك في السيارات نت اما انك بتخلي سوالف والشباب الي عرفتهم والصداقه الي كونتها عشان كم موضوع انا اقول لك اتراجع عن قرارك :anger: ==>>شعنده

على العموم يالله اخوي نبي نشوف رد يطيب الخاطر :cool:

[infiniti]

هيييييييييييييييييييييه اقوووووووووووول انثبر وجع:anger: قال ايش قال بترك المنتدى يا اخوي في شي اسمه كفاره او صيام و ينتهي الموضوع

اخوي حفيد الفاروق صدقني انا يمكن واجهت مثل اللي واجهته لاكن بطريقه ثانيه و الموضوع و مافيه انك تبرز ماهاراتك في المعامله مع الغير و تقدر تتفادى الاعضاء انك ماترد على اي موضوع تحس انه بيفرق بينك و بين احد الاعضاء و بصراحه انا متبع هذا الاسلوب مع اخوي رد شيفي ولاتفكر ان قصدي احتقار لا والله قصدي ان علاقتي مع اخوي رد شيفي تبقى قويه على طول و ممكن نتناقش في اي موضوع لاكن موضوع الشفر انا لي وجهة نظر و هو له وجهة نظر و كل واحد فينا مقتنع عشان كذا انا صرت ما ارد في اي موضوع عن الشفر لاخوي رد شيفي اما باقي المواضيع اكيد اني بشارك فيها و تقدر تشوف هذا الموضوع و ردي الاخير على رد شيفي .
http://www.swalif.net/sforum1/showthread.php?threadid=182547&perpage=25&pagenumber=12

لاكن خروجك من المنتدى صدقني يحز في خواطرنا و تعودنا على مواضيعك و اسمك الامع في سوالف.

اتمنى من اخوي رد شيفي انه ما يزعل من كلامي و يفهمني بحسن نيه ولايفكر اني اكرهه شخصيا انا اكره الشفر صحيح لاكن اخوي رد شيفي والله اني تعودت على مواضيعه و اسلوب طرحه حببني فيه اكثر .

و انت اخوي حفيد الفاروق اتمنى انك تفهم معنى كلامي و تتراجع عن قرارك و انا اوعدك ان الكفاره تكون على حسابي .

المثل يقول من طلع عن داره قل مقداره .
و انت بدارك بين اهل و خلانك عزيز و غالي علينا ياليت تتراجع عن قرارك .

اخوك infiniti .

[RED Chevy]

كلامك على عيني وراسي يا إنفنتي، بس إنت أظن عرفت إني راسي يابس( عنيد;) ) وفي البيت نفس الكلام، لكن صدقني إذا شي آنا مقتنع فيه مستحيل يتغير رايي، صدقني اللي أشوفه حالياً الناس بدت تتحه للأمريكي والألماني شوي شوي، صديق إخوي عنده أكورد سته 2003 وأحين بياخذ لومينا SS وصديقي بيتهم ماخذين سوبربان، وكثيييييير من معارفنا بدوا يتجهون للأمريكي، صدقني كلامي مو تحيز( الكلمة ذي وايد تنقال لي:anger: ) أول 2003 كنا بناخذ كابرس LTZ لأخوي، رحنا قال لنا واحد اليوم بايعين 9 سيارات كملوها ووقعوا أحين خل يصيرون 10( البحرين ثثل 10% من السوق السعودي) أحين إنت تكره الشفر ممكن تقول لي الأسباب، رد ويمكن نوصل لنتيجه، آنا في الياباني أكره الكامري( مو تويوتا) وأحتقرها لما شفناه منها.

[infiniti]

اخوي رد شيفي هذا الموضوع قريبا انزل موضوع خاص ان شاء الله يعجبك و يكون الحوار فيه صريح و بدون تجريح :glasses2:

[RED Chevy]

عندك موضوع ليش الشفر وقول اللي في خاطرك، آنا في ذاك الموضوع تناقشت مع كل الشباب، وناس كانوا معاي وناس ضدي، لكن في النهاية كلنا إخوان ومابقلبي شي عليكم وذي نقاش لاأكثر ولاأقل نبي نوصل لنتيجه ويكون النقاش بينا عقلاني وأخوي.;)

[Mr_CoRvEtTe]

ليش هذا الكلام يا حفيد الفاروق ؟؟ انت اكبر من هذا الكلام وهذا الزعل احنا كلانا اخوان ونفيد بعض ونستفيد
وانشاء الله راح ترجع لنا احسن من اول بعد

[حبوب بوظبي]

أنا كثير مواضيع اكتبها و ما يمر عليها يومين و تحصلها فالصفحه الثانيه
ياخي لا تحط فبالك و خلك معانا


أرجو انك تتم فالمنتدى :rolleyes: :rolleyes: :rolleyes: :rolleyes:

[الشبابي]

يا ابن الحلال ...
صل ركعتين وتعوذ من ابليس ... وين رايح ومخلي هالمنتدى ... ترى احنا نمر بوضع محرج شوي والمشاركات قليلة نوعا ما .... بسبب بداية الدراسة ... بعدين هنا كل اللي تكتب معاهم تعرفهم وهناك لأ ...
واقولها نصيحة لوجة الله ...لاتروح للمنتدى هذاك لأني كنت ومازلت فيه واشوف اشياء الله لايوريك ...
ونصيحة ترى كرهم للسيارات الامريكية هناك عالي جدا بالاضافة الى انه سترى العجب هناك مثل احد الاشخاص الذي قارن الكامري الاكس ال الجديدة بقوتها مع الماكسيما .... ( تخيل ؟؟؟ ) ...
والله نصيحة مالك غير سوالف اللي هو اقدم منتدى عربي تقريبا واكبر تجمع عربي واحمد ربك ترى فيه ناس ما عندهم اشتراك ويتمنون الكتابة فيه .........


















اخوكم الشبابي

[infiniti]

صدقت اخوي الشباب هذاك المنتدى عقول صغيره كثيررررررررررررره .

[حبوب بوظبي]

ارجو انك تتم فالمنتدى :rolleyes: :rolleyes:

[ACCORD-V6]

هلا حفيد
كيف حالك حبيبي

بصراحة انت من افضل الاعضاء اللي يحبون الامريكي
لكن بطريقتك هذي صراة زعلتنا وكرهتنا منك كثيييييير
يعني على الاقل بطريقة اخرى مب كذا
وانت الحين خليت اعداءنا الامريكان يفرقون بينك وبين اخوانك بدون ماتحس


وصدقني وين مارحت مارح تلقا مثل سوالف ولا تنسى كلامي

[Supra_Rider]

افا و الله يا حفيد الفاروق كيف يهون عليك تترك سوالف
صدقني مثل ما قالولك الاخوان ما بتلقى مثل هالمنتدى و درجة الاحترام اللي فيه من الاعضاء و من المشرفين المحايدين

و عذرك غير مقبول كيف تترك المنتدى عشان مناقشات على السيارات يا اخي المناقشات هي اللي تحلي المنتدى و تخلي فيه اثارة و كل واحد يطلع معلوماته القيمة, و انت تقول ان سيارتك مظلومة ترى اذا كنت متابع لسوالف من فترة طويلة ترى وايد سيارات تعرضت في فترة من الفترات لانتقادات كثيرة, و اذكر يت فترة حطوا على الموستنغ و شرشحوها لكن شوفهم لين الحين شباب الفورد كلهم موجودين

و ترى ما فيها شيء اذا كانوا كثار يخالفونك وجهة نظرك شوف اكبر مثال عندك العضو S8 يت فترات تلاقيه لوحده يتهاوش مع عشرين واحد في نفس الوقت :D و عادي تلاقيه يتكلم بكل ثقة و هدوء و يا جبل ما يهزك ريح:glasses2:

اقول تعوذ من ابليس و ترى ما بتلقى مثل سوالف يجمع اعضاء من كل دول الخليج و انت من خلال مشاركاتك في القسم الاسلامي و قسم الاصدقاء بالاضافة الى قسم السيارات باين عليك انك انسان ملتزم و قلبك ابيض و دايما احسن الظن في اخوانك و ترى محد يحقد عليك و لا شيء





ارجو انك تتم في المنتدى:)

[RED Chevy]

شباب دزوا له إيميلات عشان يقتنع ويرد مشكله إذا كل كم يوم يتركنا عضو عقب كم شهر مابيبقى غير كم واحد إذا إستمرينا علىهالحال، وأي عضو تشوفونه غايب دزوا له إيميل عشان يحس إن حنا نبيه مو بس لحفيد.

[السائق المثالي]

اخ حفيد الفاروق ،، المنتدى لن يتأثر بغياب عضو .. والمنتدى أبوابه مفتوحة للجميع .

[IMPALA SS '96]

الله يرحمك يا S2000 .....

وبدون تعليق.....

[الأنصاري]

خسارة كبيرة الصراحه

الصراحة الشباب ماقصرو ونتمنى تعدل عن هذا القرار

على راحتك بس لاتنسانا

مع السلامه:cry:

[مؤيد اف1]

والله يالاخو انا اكن لك الاحترام الكثير حتى لو اني مقصر في الردود لاني مااخش النت من الجامعه الا قليل ولا يصير عندي وقت خصوصا ان مجال دراستك ميكانيكيه ..


شباب شوفو راعي البيج يتوسط لينا :banana:

[ABD 911]

أفا والله .. الصراحة ماتوقعتك بتتخذ قرارك بهالسهولة ...

والصراحة هذا الي ناقص ... مابقى إلا السيارات تفرق بيننا .. والله خوش ..

بس زي ماقالوا الشباب ياجــبــل مايـــهــــزك ريــــح ...


ولاتنسى المثل الي يقول ..

من طــلــع مــن داره قــل مقــداره !!!

أتمنى إنك تراجع نفسك وتفكر فيها صح ..

[SKYLINE GTR]

خل عنك هالافكار ورد للمنتدى

[MR_ZR1]

اخ حفيد الفاروق ،، المنتدى لن يتأثر بغياب عضو .. والمنتدى أبوابه مفتوحة للجميع

--------------------------------------------------------------------------------------

الصراحه ماتوقعت رد يكون جدي

وتبغونه يرجع بعد ؟؟؟ :headshak:

أشك أن أنت يالشبابي عمرك 14 ولا 13 سنه

هذا بدال ماتشجعه وتخليه يرجع ؟؟ :Sad2:

[مسيطر]

السلام عليكم ورحمة الله وبركاته

بصراحه مانتمنى من الاعضاء ترك المنتدى بأي شكل وبأي حجه

وإذا كان قرارك اخي نهائي نتمنى لك التوفيق

مع العلم بأن المنتدى فقد اعضاء لهم وزنهم ولم يتأثر ابداً

عموماً تمنياتي لك بالتوفيق









أخواني المشرفين

اطالب بحذف هذا الموضوع

لأن فيه اساءة لمنتدانا ولأعضاءنا
ولأن فيه دعايه لمنتدى آخر
وهذا مخل بشروط المنتدى
تحياتي لكم

[IMPALA SS '96]

بس اللي لم يتأثر...حلوة الثقة الزايدة هذي..:headshak: :headshak:

مع كل عضو جيد و متميز يغادر المنتدى.....المنتدى يخسر ويتراجع للوراء....في كم عضو كان رحيلهم كسرة ظهر للقسم.....

وين أيام عز المنتدى من اليوم......

كله اليوم ....صور للسيارة الفلانية.....و مطارحة بين الزعطانية والطرمبانية من يقوم؟؟....السيارة X أغبى وأردأ سيارة من يجادل....

وين أيام المواضيع التقنية و المراجعات الموضوعية و الإختبارات الميدانية العلمية........الله يرحمها..:headshak: :headshak:

أخي زي ما يقولون Quality Over Quantity ....يوم كانت هذه السياسة العامة للمنتدى كنا بخير بس اليوم والكل يدخل ويختلط الحابل بالنابل و الغث بالسمين
و المواضيع مافي إلى نزول لأسفل وتجرف الأخضر و اليابس.... "حمل هذا الجملة كل المعاني الممكنة".......

اليوم صار الموضوع الجيد هو الذي يحتوي أكبر عدد من الصور, لأن صاحبه مسكين تكلف عليه وهو عضو سوبر ديلوكس غمارتين و معدل ردوده 137 رد في اليوم..."135 منها مشكور وما قصرت"....
و بالمقابل قد يمر موضوع ممتاز دون أي اهتمام لمجرد أنه من كاتب غير مشهور أو مافيه صور...

يا أخوان اقترحنا في السابق عمل نخل وتنظيف للمواضيع التافهة وتقنين التسجيل في المنتدى ليكون يومين أو ثلاثة في الشهر.......بس لا حياة لمن تنادي....و الذنب مو ذنب المشرفين لأنهم لا يد لهم في سياسة المنتدى العامة.....

يمكن كنت تقصد إن القسم لا يزال موجودا....كل المنتديات ماتزال موجودة ولكن هل وجودها إليكترونيا على الشبكة يعني ثبات مستواها وتقدمها....منطق غير صحيح....:headshak: :headshak:

على العموم أنا أكرر إقتراحي بنخل كل المواضيع الرديئة وحذفها أول بأول......دون حياء أو مجاملة.....وكذلك إغلاق التسجيل وفتحه ليومين في الشهر كفاية.....و الحث على طرح المواضيع المتميزة حتى ولو بالنقل.....لأن نقل موضوع متميز خير من تأليف موضوع أخرق.....

تحياتي للجميع وأنتقل بالمايك للسادة المشاهدين....

[RED Chevy]

رد مقتبس من IMPALA SS '96
بس اللي لم يتأثر...حلوة الثقة الزايدة هذي..:headshak: :headshak:

مع كل عضو جيد و متميز يغادر المنتدى.....المنتدى يخسر ويتراجع للوراء....في كم عضو كان رحيلهم كسرة ظهر للقسم.....

وين أيام عز المنتدى من اليوم......

كله اليوم ....صور للسيارة الفلانية.....و مطارحة بين الزعطانية والطرمبانية من يقوم؟؟....السيارة X أغبى وأردأ سيارة من يجادل....

وين أيام المواضيع التقنية و المراجعات الموضوعية و الإختبارات الميدانية العلمية........الله يرحمها..:headshak: :headshak:

أخي زي ما يقولون Quality Over Quantity ....يوم كانت هذه السياسة العامة للمنتدى كنا بخير بس اليوم والكل يدخل ويختلط الحابل بالنابل و الغث بالسمين
و المواضيع مافي إلى نزول لأسفل وتجرف الأخضر و اليابس.... "حمل هذا الجملة كل المعاني الممكنة".......

اليوم صار الموضوع الجيد هو الذي يحتوي أكبر عدد من الصور, لأن صاحبه مسكين تكلف عليه وهو عضو سوبر ديلوكس غمارتين و معدل ردوده 137 رد في اليوم..."135 منها مشكور وما قصرت"....
و بالمقابل قد يمر موضوع ممتاز دون أي اهتمام لمجرد أنه من كاتب غير مشهور أو مافيه صور...

يا أخوان اقترحنا في السابق عمل نخل وتنظيف للمواضيع التافهة وتقنين التسجيل في المنتدى ليكون يومين أو ثلاثة في الشهر.......بس لا حياة لمن تنادي....و الذنب مو ذنب المشرفين لأنهم لا يد لهم في سياسة المنتدى العامة.....

يمكن كنت تقصد إن القسم لا يزال موجودا....كل المنتديات ماتزال موجودة ولكن هل وجودها إليكترونيا على الشبكة يعني ثبات مستواها وتقدمها....منطق غير صحيح....:headshak: :headshak:

على العموم أنا أكرر إقتراحي بنخل كل المواضيع الرديئة وحذفها أول بأول......دون حياء أو مجاملة.....وكذلك إغلاق التسجيل وفتحه ليومين في الشهر كفاية.....و الحث على طرح المواضيع المتميزة حتى ولو بالنقل.....لأن نقل موضوع متميز خير من تأليف موضوع أخرق.....

تحياتي للجميع وأنتقل بالمايك للسادة المشاهدين....

هذي الكلام الصح، إذا المنتدى ماتأثر بفقدان أعضائه بشنو بيتأثر بالإنتخابات أو الحروب؟
الأعضاء المتميزين في المنتدى بدوا يطلعون تدريجياً والمواضيع المفيده بدت تقل، وين تجارب السيارات وين المواضيع التقنيه وغيره وغيره لازم يكون في حافز للأعضاء عشان يعطون أفضل ماعندهم وتسلم على هالكلام الحلو إخوي.

[مسيطر]

رد مقتبس من مسيطر






أخواني المشرفين

اطالب بحذف هذا الموضوع

لأن فيه اساءة لمنتدانا ولأعضاءنا
ولأن فيه دعايه لمنتدى آخر
وهذا مخل بشروط المنتدى
تحياتي لكم [/B]

[علي عبدالله]

اخ مسيطر ..بصراحة انا عرفتك زين خلال الفترة الطويلة اللي كنت اجي فيها للمنتدى وحتى قبل ما اسجل فيه كنت اتطلع عليه دايما وبشكل مستمر والغريب انك (في اغلب الاوقات) كذا ..تدخل قسم السيارات بطريقة عشوائية (مرتين في الشهر) تكتب تعليق غريب ومثير للفتن وتطلع :mad: ...(ممكن اجيب ادلة )
علشان كذا عيوني ياريت والله لو تكرمنا بكلام مفيد او تلزم الهدوء
(من امن بالله واليوم الاخر فليقل خيرا او ليسكت ) ...وارجو انها وصلت :cool:

[مسيطر]

السلام عليكم ورحمة الله وبركاته

هلا اخوي راعي البيج

حط في بالك حاجه

وقت ما ابغى اشارك اشارك

ولو في السنه حسنه

بعدين ياراع الفتن

الموضوع مخل بشروط المنتدى

تقدر تنكر ؟؟؟

تشاااااااااااااااو