الحلقه السادسه( الكوبيه الفخم)

[RED Chevy]

بسم الله الرحمن الرحيم


السلام عليكم ورحمة الله وبركاته


شخبار شبابنا اليوم عساكم بخير وبصحه وعافيه، اليوم الحلقه السادسه من سلسلتنا بس صار في تغيير في الخطه، المفروض إنا نسوي 15 حلقه 14 للسيارات وحلقه النهائي اللي نحط فيها السيارات الفايزه ونطلع أفضل سياره بين كل الفئات، وطبعاً لازم نحذف فئه من النهائي عشان تدخل ذي الفئه، و الفئات اللي بتدخ النهئي هي:
1- السوبر فخمه.
2- الفخم الكبير.
3- الفخم المتوسط.
4- السيارات الكوبيه والكشف.
5- السوبر سبورت/ سبورت فخم( وتغيرت الخطه فلازم نشيل وحده من الباقي أو نلغي وحده من هذولي.
6- الجيوب السبورت والفخمه.
7- الجيوب العاديه.
8- السيدان الكبير.
9- السيدان المتوسط.
10- السيدان السبورت.

وآنا عن نفسي أرشح السيدان المتوسط لأن الباقي بينظلمون وذي الفئه سيارتها عاديه مو مثل الباقي وهي كامري/ أكورد/ لومينا/ ماكسيما/ جالانت/تورس/ زوم وأبي رايكم نكنسل أي فئه عن النهائي مو شرط إللي آنا قلته نشوف رايكم وناخذ براي الأغلبيه.

وخل نشوف نتايج الإستفتاء اللي راح:
1- في المركز الأول وبمعدل أصوات رهيب الوحشZ350 وحصل على 161 صوت بمعدل بلغ46.67
2- المركز الثاني مناصفه بين الCLKBMW20.85
3- المركز الثالث كان للBMW Z4 حصل 16 صوت بمعدل بلغ 4.64%.
4- االمركز الرابع حلت فيه اللومينا كوبيه ب9 أصوات بمعدل2.61%
5- المركز الخامس كان للهونداS2000 وحصلت 8 أصوات بمعدل 23.2%
6- المركز السادس كان للفورد موستنج وحصل 7 أصوات بمعدل %2.03
8-المركز الثامن للأودي TT وحصلت صوتين بس بمعدل 0.58%
الأخير كان للمسكينه بيجو 206CC وماحصلت ولا صوت وبنسبة 0%
وأحس إن في تلاعب في الإستفتاء، لأن الزد كان يرتفع بشكل مو طبيعي تخيلوا هديت الكمبيوتر 10 دقايق رجعت الزد زاد 100 صوت، لكن على العموم مبرووووووووك لمحبي الزد، وأشكركم على التصويت والأصوات بلغت 345 أشك في 150 منها.

طبعاً اليوم حلقه صعبه شوي وتعبت وآنا أفكر في السيارات اللي بتدخل ومافي أحد عطاني رايه في اللسته، واليوم عندنا:
1- مرسيدس بنز CL-CLASS.
2-مرسيدس بنز SL-CLASS.
3- BMW الفئه السادسه.
4- BMW Z8.
5- جاغ XK8.
6- ليكزس SC.
7- أوستن مارتن DB7.
8- بنتلي كونتينانتال GT.
وآخر ثنتين من عندي، صحيح إنه في فرق كبير في القوه لكن هم ماخذين الطابع الفخم أكثر من الرياضي وكنت بحطهم في السوبر كار لكن حسيت إن مكانهم هني ويلا صوتوا عدل وأتمنى مايصير مثل اللي صار الإستفتاء اللي راح وتقبلوا تحياتي.
RED Chevy

[قلق و رجه]

سلام

انا ارشح كديلاك XLR بس ما اشوفة معهم لكن اتمنى اني اشوفة معهم للتصويت له

وتراه نزل وسعرة 300الف درهم اذا كنتم تتوقعون انه ما نزل (سعر SL500 على الاقل 350الف)


تحياتي...

[RED Chevy]

السلام عليكم ورحمة الله وبركاته
هلا بقلق و رجه وآنا بعد أرشحه لكن الموتر نازل 2004 وحنا نختار الأفضل في 2003( بس الأول نزلنا السكستين لأن ماكان في إلا 3 سيارات) والله كان ودي، لكن بعد خفت أحطه يجي واحد يقول إنت مدخل الGM في كل شي، لكن إن شاء الله السنه الجايه أكيد بحطها، والسعر كان عندي خبر عنه من شهر تقريباً ونزلت موضوع عنه وعن الSRX وبدون ماشوفه على الطبيعه( الحلو حلو لوماغسل وجهه)

[WRX]

السلام عليكم ورحمة الله وبركاته

تشكر وتشكر وتشكر ....الين بكرة على اكمالك هذا الإستفتاء الرائع
وبس والله ما توقعت ان الزد هية الي بتفووز والحمد لله لثاني مرة يفوز الي اصوت له:p
وبالنسبة للأسبوع هذا فا اضيف صوتي للبنتلي ويارب....
:(
ومشكور مرة ثانية.,..

[RED Chevy]

السلام عليكم ورحمة الله وبركاته
العفو حبيبي ومشكور على التصويت آنا صوت للجاغ السياره اللي لين مرت عليك تفر راسك فر:shock2: ، وإن شاء الله الموضوع بيستمر للحلقه 16 إذا الله وفق، وهاي واجبنا، بس آنا مشكك في فوز الزد لأن لو قريت ردي بتشوف شلي مخليني أشك مع لإنه كان منافس بشرف.

شباب عطونا رايكم نحذف أي فئه من النهائي ضروري:help:

[AMG]

ترشيحي للبنتلي جي تي بصراحة الاجمل بينهم كلهم وعلى فكرة بي ام دبليو زد 8 أصبحت سيارة من الماضي :sleep:

[SLR]

ياجماعة في سيارات كوبي رودستر يعني مش المفروض تقارن بكل سيارات الكوبي..

اقصد بذلك السيارات اللي تحتوي على مقعدين فقط من دون المقاعد الخلفيه فهيه رودستر ولا يمكن مقارنتها مع الكوبي ذات الاربع مقاعد:headshak: :headshak:


تحياتي...


SLR

[RED Chevy]

السلام عليكم ورحمة الله وبركاته
مشكورين شباب على التصويت:
AMG : هلا بمشرفنا، تستاهل البنتلي، وخفت ماحط الزد8 يقولون ليش ماحطيتها وكلام ماأفتك منه وكلمة التحيز جاهزة بيقولون حط مرسيدسين وامحط إلا بي أم واحد.

SLR : هلا إخوي والله آنا أنزل اللسته قبل مانزل الموضوع ومحد يرد علي شتبون أجيكم لي بيوتكم أسألكم شاحط، كل مره لازم حد يعترض تكلموا قبل الإستفتاء آنا اللسته موجوده قبل الإستفتاء ب4 أيام ومحد تكلم، شوف كل الإستفتائات وأتحدى في واحد منهم مانزلت لسته آنا أنزلها قبل وإذا في إختلاف بين السيارات فأعتقد كلهم من الفئه الفخمه، وآسف إذا غلطت في الكلام.

[Dreams_Maker]

SL-Class

وهل يخفى القمر؟؟

:banana:

[RED Chevy]

السلام عليكم ورحمة الله وبركاته
هلا بDreams_Maker والله صار عندنا المشتري 18 قمر:D كل موتر يقول الزود عندي ومشكور على مشالاركتك معانا.

[TOP-SECRET]

SL

[RED Chevy]

هلا بTOYOTA - OBAS ويستاهل الوحش الأنيق ومشكور على التصويت.

[TOP-SECRET]

رد مقتبس من RED Chevy
هلا بTOYOTA - OBAS ويستاهل الوحش الأنيق ومشكور على التصويت.

هلا فيك اخوي .. العفو هذا اقل واجب نقدمه لك ويعطيك الف عافيه :banana: ومبروك توقيع باقي الاتفاقيه لبناء الجسر :banana: :banana: :banana:

[Supra_Rider]

محتار بين ال CL و ال SL


:think:

[RED Chevy]

السلام عليكم ورحمة الله وبركاته
TOYOTA - OBAS : الله يبارك فيك وديم المحبه، بس عندي سؤال مدري هو إشاعه أو صج، سمعت إن الجيش القطري إنحل هل ذي الكلام صحيح أو إشاعه؟

Supra_Rider : هلا فيك، زين حددت سيارتين الحمد لله ماإحترت بينهم كلهم، كل وحده تقول الزود عندي:D

[TOP-SECRET]

رد مقتبس من RED Chevy
السلام عليكم ورحمة الله وبركاته
TOYOTA - OBAS : الله يبارك فيك وديم المحبه، بس عندي سؤال مدري هو إشاعه أو صج، سمعت إن الجيش القطري إنحل هل ذي الكلام صحيح أو إشاعه؟
:D

آمين .. خلنا بعيد عن السياسه :eek: بس هذي اشاعه اول مره اسمع فيها منك:eek:

[RED Chevy]

لا والله كل الناس تتكلم إن جيشكم إنحل إن شاء الله تكون إشاعه.

[WRX]

السلام عليكم ورحمة الله وبركاته

هلا إخوي والله آنا أنزل اللسته قبل مانزل الموضوع ومحد يرد علي شتبون أجيكم لي بيوتكم أسألكم شاحط، كل مره لازم حد يعترض تكلموا قبل الإستفتاء آنا اللسته موجوده قبل الإستفتاء ب4 أيام ومحد تكلم، شوف كل الإستفتائات وأتحدى في واحد منهم مانزلت لسته آنا أنزلها قبل وإذا في إختلاف بين السيارات فأعتقد كلهم من الفئه الفخمه، وآسف إذا غلطت في الكلام.

هذي حبيبي حبة حبة علينا بس من جد انا ملاحظ هذا الشئ ان محد يرد عليك او يعلق بالنسبة لليسته الي جاية (و اولهم انا:damp: )

المفروض إنا نسوي 15 حلقه 14 للسيارات وحلقه النهائي اللي نحط فيها السيارات الفايزه ونطلع أفضل سياره بين كل الفئات، وطبعاً لازم نحذف فئه من النهائي عشان تدخل ذي الفئه، و الفئات اللي بتدخ النهئي هي:

ليه لازم نحذف فئة !!! ليش ما نزد فئة كمان؟؟؟

[الشبابي]

هذي السيارة لايمكن يتفوق عليها احد بالشكل حتى مرسيدس نفسها مااعتقد تقدر تسوي شكل احلى ...


http://majidz.jeeran.com/1001big.jpg

http://majidz.jeeran.com/1003big.jpg

http://majidz.jeeran.com/1005big.jpg


اصوت للسي ال .......












اخوكم الشبابي

[Supra_Rider]

صدقت و الله اخوي الشبابي ما فيه مثل CL
خصوصا الاي ام جي

و احلى شيء فيها اللي مكتوب على البودي

:eek: V12 Biturbo:eek:

اخوي الشبابي اذا تبغي وحدة منها انا حاضر

بس ايدك على 700000 درهم:D

[RED Chevy]

هلا هلا بالشباب:

WRX : والله آنا تعبت وياكم أنزلها عشان محد يتكلم ويقول حطيت الموتر الفلاني وهو من فئه غير وماحطيت الموتر الفلاني لأنك ماتحبه ويود الكلام، الإستفتاء اللي راح جاني واحد يقول حطيت اللومينا في الإستفتاء ليش يقول إنت متعصب وتدخل اللومينا في كل شي( قلت له بحطه في الونيتات يمكن يرضى) ولازم كل مره أحد مو عاجبه شي والله شي يقهر. واللازم نحذف فئه بالنهائي عشان يدخلون 10 فئات مايصير ندخل 11 فلازم وحده من الفئات تنحذف( بيكون له إستفتاء بس ماتدخل النهائي) وذي الشي غصب عني وآنا إقترحت نحذف السيدان المتوسط( بيكون لها إستفتاء بس مابتدخل النهائي).

الشبابي : هلا بالشبابي، ذوقك حلو( أي حلو روووووووووعه) والله آنا يوم شفتها في المعرض وقفت وتكلمت معاها وسلمت عليها سياره تخلي الصاح يصير:shock2: ولا إذا جاك 600 أسود آنا بشرب قهوة معاه:D .

Supra_Rider : أفهم من كلامك إنك صوت للCL، غصب تصوت لها أو لإختها، بس تبي من الشبابي 700000 ليش السياره سعرها 48000 بحريني( إشتغلت عمليات النصب):D

[الشبابي]

ياشباب ...
خلونا على المكسيما واللومينا والحاجات هذي ...
احسن لنا ....
















اخوكم الشبابي

[RED Chevy]

أفا ماتبي وحش من هذي الوحوش، إصبر كم إسبوع وبننزل المكسيما و واللومينا والأكورد والكامري لكن لازم نطالع فوق شوي إصبر الأربعاء الجاي السوبر سبورت هذي اللي يتحلم الكل فيهم:D

[Supra_Rider]

غريبة:OO:

اذكر فيه رد قبل فترة للأخ حبوب بوظبي قال انه سعرها في الامارات 700000 تقريبا

على العموم اذا هي ارخص عندكم باشتريها لاخونا الشبابي

و باخذ الباقي عمولة:D


على العموم انا اصوت لل CL

[RED Chevy]

السلام عليكم ورحمة الله وبركاته
الحمد لله إستقريت على راي:D والسعر والله مادري، اللي شفتها في الوكاله كانت ب48000 بس يمكن 500( الواحد لين شافها وين يشوف شمكتوب وراها) لكن ماتوصل 70000 حدها 60000 لأن الS55 ب53000، لكن العموله نص بالنص لأني دليتك على مصدر ربح :D واللسته نازله بعد شوي.

[RED Chevy]

شباب ياشباب، اللسته ذي مالت الإسبوع الجاي، وعشان محد يتكلم بنزلها اليوم، وأرجوكم تكلوما من أحين ولايجي بعدين حد ويقول إنت ماحطيت الموتر الفلاني وحطيت الموتر العلاني، هذي القائمه تنتظر تعديلاتكم وأرجوكم عشان مايتكرر نفس اللي صار هالمره:

الفئه طبعاً السوبر كارس وهي:

1- مرسيدس بنز SLR.

2- بورش كريرا GT..

3- باغاني زونداS.

4- لمبرجيني موسيلاجو.

5- فيراري إنزو.

6- دودج فايبر.

7- شفروليه كورفت.

8- نيسان سكاي لاين.

9- تويوتا سوبرا.

إقتراحاتكم وتعديلاتكم مهمة وأرجوكم لتسون مثل كل مره قولوا أي سياره وبنشوف تستاهل أو لا.

[WRX]

السلام عليكم ورحمة الله وبركاته


اول شئ الف شكر لك على الرد ومعليش اني مافهمتك من بدري
وبالنسبة للستة الجديدة فهية Coooool بأستثناء ان اخر ثلاث سياراه تقريبا خارج المنافسة يعني سياراه 650 حصان تحطها مع 280!!!
يمكن الكورفت يمشي حالة لان الباقي الي تحت صعبه:think:
غير كذا اشمعنا سوبرا يعني;)

[ايطالي]

والله هالمرة حيرتنا معاك .. لان السيارات كلها تحف .. بس احسن شي ان التصويت ما اشتغل معاي لاني كنت محتار بالسيارات :D

على العموم ارشح السي ال .. والفئة السادسة :)

[الشبابي]

اخوي ريد شيفي ...
على فكرة اول 3 سيارات ورقم 5 كلها سيارات سوبر سبورت ....
سيارات من فئة اخرى ....بالقوة والسعر وكل شئ ...
يعني لو تشوف لنا بدل الاس ال ار شي من اي ام جي ...
وبدل الكاريرا 911 .... بعدين الباغاني زوندا احذفها ....
والانزو ايضا قوية جدا على السيارات الاخرى .. ضع بدالها مودينا ...















اخوكم الشبابي

[RED Chevy]

هلا بالشباب:

WRX : هلا والله، إذا ماحطيت ياباني بيقولون متعصب للأمريكي، وفعلاً وين 280 و 650، لكن نشوف باقي السيارات.

ايطالي : هلا إخوي، أكيد وهقتكم آنا بروحي توهقت:D لكن زين حددت ثنتين والسيارتين حلوووووووووين ومشكور على تصويتك.

الشبابي : هلا وغلا بالشبابي، والله شسوي، إحترت ذي السيارات تحتاج عشرين خيار للتصويت، لكن أشوف تسارعها تقريباً نفس الشي مع فرق لصالح الكبار وذي الفئه صارت السوبر كار والسوبر سوبر كار خل نشوف باقي الشباب لأن آنا إختاريت أسرع سياره لكل شركه ومشكوووووووووور على مشاركتك.

[RED Chevy]

UP ياشباب نبي تعديييييييييييييييييييلات.

[A7medo]

أخوي Red Chevy

لا تنسى الأستون مارتن فانكويش

[RED Chevy]

هذي اللي كنت ناسيه، تصدق كنت قايل بحطها بس مادري شلون نسيت، ولايهمك هذي اللسته وباقي التعديلات نبيها ضروري عطوني رايكم

1- مرسيدس بنز SLR.

2- بورش كريرا GT..

3- باغاني زونداS.

4- لمبرجيني موسيلاجو.

5- فيراري إنزو.

6- دودج فايبر.

7- شفروليه كورفت.

8- نيسان سكاي لاين.

9- تويوتا سوبرا.
10- أوستن مارتن فانكوفيش.

[ايطالي]

انا ارشح المورانيللو .. ما ادري ليه ما تنحط باللستة ؟؟

[RED Chevy]

هلا إخوي إيطالي، االمارينيلو محد يستهين فيه لكن طال عمرك أحاول أحط أقوى سياره من كل شركه ولو تلاحظ مافي شركة تكرر لها سيارتين، لكن إذا تبون نبدله مع الإنزو مايصير خاطركم إلا طيب.

[RED Chevy]

أفا شباب من أمس محد صوت :headshak: ويلا عطونا إقتراحات عن اللسته عشان محد يحتج عقب.:damp:

[RED Chevy]

UP ياشباب نبي تصوييييييت:help:

[RED Chevy]

up
اليوم آخر يوم صوتوا عطوني إقتراحات إذا خلاص محد عنده إعتراض تكلوما مابسي يجي حد ويقول ليش حطيت الموتر الفاني وليش ماحطيت الموتر العلاني.

[RED Chevy]

و:anger: ي:anger: ن:anger: :anger: ا:anger: ل:anger: ر:anger: د:anger: و:anger: د:anger: لاتخلوني أعصب أكثر من جذي:anger: :D

[WRX]

السلام عليكم ورحمة الله وبركاته
((اسف على التاخير بالرد))

هلا والله، إذا ماحطيت ياباني بيقولون متعصب للأمريكي
بصراحة زعلتني...بس عندي لك اقتراح ليش ماتوشف مثلا سكايلاين معدلة من وحدة من الشركات يعني على الأقل تكون 500حصان وتحطها في المقارنة بدال الستوك (يعني على الأقل علشان تدخل المقارنة) :o
وعلى فكرة ليش ماتحط CLK-GTR!!!

[RED Chevy]

السلام عليكم ورحمة الله وبركاته
أخيراً أحد رد:D سلمك الله مايصير أحط سياره معدله من شركه، إذا حطيت بيكون ظلم لباقي السيارات إنت إدخل هني (http://www.supercars.net/Comp?sourceList=1991&destList=1991&CompList=1991-2497-2214-1952-1786-1420-959-722-544-180)
شوف هذي السيارات اللي بتنزل الإستفتاء تقريباًُ قوتها متقاربه بس في التسارع السكاي والسوبرا والأوستن متأخرين شوي الكورفت مو مكتوب بس هو في 3.8 أو أكثر بشوي مشوف راي الشباب مع إن السكاي قوته موهينه.

عطني رايك عقب ماتشوفهم

[Dentist]

وهي يبغالها كلام ..

على طول البنتلي :eek:

[RED Chevy]

السلام عليكم ورحمة الله وبركاته
Dentist: هلا فيك إخوي ومشكور على ردك، ويلا ياشباب همة آخر اليوم بانزل الحلقه الجايه بسرعه تعديلات سريعيه بيمشي حالها يلا إذا الكل موافق عقب شوي بانزل الموضوع.

[RED Chevy]

بعد 8 دقايق بنزل الحلقه السابعه اللي يبي ينجح موتر يصوت الفرق بين البنز والبنتلي صوت شوفوا إذا في أي تعديل تكلموا بسرعه.