View Full Version : السيارات اليابانية في الخليج العربي..........(موضوع)
حبيت اكتب موضوع بسيط وأتمنى من الاعضاء الكرام المشاركة فيه والموضوع يدور حول السيارات اليابانية المصدرة الينا واختلافها من دولة خليجية وأخرى يعني مثال بسيط هل لكزس الموجودة في الامارات هي نفس لكزس ( بالمواصفات ) الموجودة في دول الخليج العربي الباقية؟ وينطبق هذا الكلام على باقي السيارات اذا حبينا نتوسع الى السيارات الأمريكية والأوروبية لأني الاحظ الكثيرين يجون الامارات ويسألون عن أسعار السيارات والمواصفات..........موضوع للنقاش تفضلوا شاركوا :p :banana: :anger:
هلا و غلا
انا اعتقد ان هناك اختلاف قليل مثل الكروزر عندنا من اكبر علي بابا جميل يختلف عن الي في الامارات و قطر وبقيه الدول تعديلات فاشله وهناك بعض الاختلافات في سيارات اخرى ربما لم يلاحظها اي احد منا اتمنى ان نستفيد منكم
A7medo
16-02-2004, 09:41 AM
السلام عليكم ورحمة الله وبركاته
أشكرك مشرفنا على الموضوع
بس حبيت أقول شي
لاحظت أن في السعودية عندهم كامري Executive
لكن عندنا في البحرين ما شفت ولا مرة منها .
الأنصاري
16-02-2004, 10:35 AM
صحيح وخاصة الاندكروزر القطري مختلف مواصفاتة مختلفة تماما عن الي في الإمارات ولكن مادري هل هذة المواصفات تتركب عند الوكيل ولا تيجي طلبية
MuGeN
16-02-2004, 12:14 PM
أنا مستغرب من كلام Oman-Z28 يقول إن الهوندا 2003 في عمان تجي جير عادي :OO:
د ح م ي
16-02-2004, 02:35 PM
بالنسبة للكزس معروف عندنا بالسعودية ان اللكزس الاماراتي افضل في المواصفات عادة من السعودي.... الشاشة وصلت عندكم قبلنا بفترة...
حتى الالوان وكيل تويوتا عندكم يوفر الوان اكثر واكسسوارات اكثر.
الكامري اكزيكيوتف.. هذي تجي على موديل الXLi وتعني ان النوافذ والابواب كهربائية ... هذا الفرق.
.............................
بس انا عندي استفسار عن السوبارو...؟؟؟
يقولوا وكيل سوبارو بالكويت منزل موديلات اكثر من الموجود عندنا .. يقول عندهم محرك ال3 لتر و6 اسطوانات...
هل صحيح الكلام ذا؟؟؟؟:blink: :blink: :blink:
الشبابي
16-02-2004, 05:20 PM
الوكلاء عندنا بالسعودية لا يهتمون بالمواصفات لأنهم يعرفون ان الناس بيشترون غصب عنهم .... لكن مثلا الجفالي معالمته ممتازة جدا لأن كل اللي يجون عنده ناس هاي هاي وهو وكيل المرسيدس عندنا بالسعودية ...
اما عبداللطيف الجميل فعنده معاملة يتقيد بها وهي جعل اسعار السيارات غالية على حساب قطع الغيار بحيث تكون اسعار قطع الغيار رخيصة ولذلك سيارات تويوتا عندنا مواصفاتها سيئة كما انه عنده خطة يعني ماينزل جيب الكزس بشاشة عشان ينزله باخر موديل عشان يكون في سبب لكي يباع فهمتوا كيف ؟؟؟
اما حسب اعتقادي فالوكلاء بالخليج جيدين وخصوصا في الامارات والكويت واتذكر اني دخلت موقع وكيل نيسان بالكويت لكي اقارن بالاسعار بيننا وبينهم فوجدت الاسعار متقاربة لكن خدماتهم افضل والضمان 5 سنين غير محدود الكيلو مترات ... تخيلوا ؟؟؟
اخوكم الشبابي
infiniti
16-02-2004, 05:51 PM
اسمحولي اتكلم عن سيارات نيسان من واقع دراسه شخصية .
من سنة 1997 تم توحيد جميع المواصفات في الخليج ولاكن فيه اختلاف في الطرازات.
مثال بسيط للتوضيح اكثر.
ماكسيما توجد في السعوديه بعدة طرازات اولا.
J30
S.TORING
GV30 TYPE 1
GV30 TYPE 2
GV30 TYPE 3 (مخمل او جلد )
الحين ايش الفرق بين المواصفات السعوديه و مواصفات الكويت مثلا اختلاف المواصفات في طراز GV30 TYPE 1 تجي عندهم بدون جناح لاكن تجي فيها فتحه اما اذا وصلنا الى الفل اوبشن GV30 TYPE 3 تكون المواصفات موحده في جميع دول الخليج .
ما ادري اذا وصلت الفكره .
SKYLINE GTR
17-02-2004, 05:53 PM
هذي اتوقع تابعة للوكيل يعني هو اللي يتحكم بالمواصفات اللي يبيها في السيارات اللي ينزلها للسوق
الشبابي
18-02-2004, 09:08 AM
اخوي انفينيتي ...
اسمح لي ترى هناك فروق ...
الزر الموجود بالقير حق البور ما هو موجود بالجير حقي مع انه موضوع بالكتالوج حق السيارة ومكتوب طريقة استعماله ...
لا وهناك فرق حيث اني سمعت ان الباترول الربع ينزل عندهم سوبر سفاري 4800 ....
اخوكم الشبابي
infiniti
19-02-2004, 05:42 PM
اخوي الشباب
اذا وصلت الى الفل اوبشن تأكد ان جميع سيارات نيسان في الخليج موحده في المواصفات يعني الفل اوبشن عندنا و عند الكويت واحد و نفس الشي مع باقي دول الخليج.
و هذا السبب اللي يخلي اصحاب النيسان مايشترون من الخليج لان المواصفات نفسها . بعكس التويوتا .
الشبابي
20-02-2004, 04:42 AM
يا اخوي انفينيتي ...
انا متأكد مية في المية ان زر البور موجود في الخليج ...
وهناك مواصفات تختلف بس بسيطه جدا وتافهه ...
لكن في تويوتا الاختلاف شاسع ... وفي هوندا اعتقد نفسها ...
بالوكالات في الامارات تجد السيارة اغلى من السعودية الف ولا الفين ريال لكن فرق بالمواصفات ...
اخوكم الشبابي
ABD 911
20-02-2004, 06:34 AM
في قـــطــر لاحظت إن فيه تقريباً أربع موديلات ماتنزل في السعوديه وهي تتبع الفئة الثالثة ... تجي صغيرة وهاتشباك وأنوارها الأمامية غريبة ليس لها مثيل في جميع موديلات بي إم .... بس بصراحة رحمونا يوم مانزلوها عندنا لأن شكلها باااااااايخ:headshak: ..
إذا فيه أحد من الشباب يعرف إسمها ؟؟
mo7trm
20-02-2004, 06:30 PM
اخوي ABD 911
اكيد قصدك هذي BMW 316 ti compact
http://www.car.net.au/stock/images/article_images/3039_bmw.jpg
http://assets.in.gr/auto/news/images/big/BMW_Compact3_01.jpg
http://ultra.cto.us.edu.pl/pub/Multimedia/Pictures/Cars/BMW/3/2001.325ti-compact.02.jpg
http://ultra.cto.us.edu.pl/pub/Multimedia/Pictures/Cars/BMW/3/2001.325ti-compact.06.jpg
للاسف تنزل عندنا
وقد شفتها عند الناغي!!
وشكلها بايخ جدا !!