View Full Version : خدمه ياأهل الشرقيه..
محمد دريهم
11-02-2004, 04:16 AM
السلام عليكم..
وصباح الخير عليكم جميعا...
بغيت اركب زينون ..مو شرط يكون أصلي المهم شكله حلو..على سيارتي الماجنا..مع جناح خلفي من النوع المرتفع شوي ..يعني يكون مقبوول...
وأبغا فلتر رياضي..وهل يسبب ضرر على المحرك؟؟
الله لايهينك وين أحصل هالشغلات بالشرقيه...وكم بتكلفني؟؟؟
silver
11-02-2004, 04:55 AM
الزينون .... إذا سيارتك ما فيها عدسات من الأصل اظن راح تحتاج ترهم لها عدسة ... الزينون نفسه شوف التشاليح ... أذكر مره شفت حق مرسيدس كان يبغيه بـ1800 ريال كامل
الجناح شوف لك جناح وزوايد الVRX حلوين
الفلتر ما راح يئثر .. لكن راح تسمع صوت عالي شوي بسبب شفط المكينه هوا اكثر .... الأحسن تركب CAI بدل ما تركب فلتر لحاله ... مجرد رأي ... وشوف راي بقاي الشباب :)
مجنون سيارات
11-02-2004, 08:46 PM
الفلتر راح تحس بفرق بسيط في عزم السياره وصوت حلو :D بس مب احلى من الهيدرز :glasses2:
عاشق التضبيط
12-02-2004, 02:27 AM
السلام عليكم ورحمة الله وبركاته
الزنون تلقاه عند محلات الشراع بشارع الزينه بالدمام في نوعين واحد ب800 ريال ما انصحك فيه لانه لونه تعبان ويعمي العين ودايما تحترق شمعاته والثاني تقريبا ب1500 هذا حلو انصحك فيه لونه جيد مايعمي العين ويدوم معك
الجناح زي ماقال سلفر الجناح حق VRX حلو وبتلقاه بالوكاله او محلات قطع الغيار لوتحصل تجاري يكون احسن لك وارخص
الفلتر اتوقع تلقاه عند محل ماكس بالثقبه او ريسنج بالدمام
محمد دريهم
12-02-2004, 09:28 AM
يعطيكم العافيه silver>>مجنون سيارات<<عاشق التضبيط..
مثل ماقال اخوي عاشق التضبيط نزلت اليوم شارع الملك سعود..والاسعار للزينون الالماني 1500 ريال..
بس والله غاليه شوي ولا هي مضمونه....
تعرف أحد يروح دبي أو الشارقة؟
هناك أسعار الزينون تبع السيارات المصدومة تلاقيه بـ1000 درهم للطقم(الطقم يشمل عدد 2 محول + عدد 2 شمعات).
أنا لقيت أطقم لـــ:
مرسيديس الفئة أس الجديدة
بي أم دبليو أكس 5
نيسان ماكسيما
نيسان باترول
تويوتا لاندكروزر (النور العالي)
أحنا أخذناهم من التشليح وهم للبي أم أكس 5 (على فكرة لونهم أبيض مش أزرق).
فلو تعرف أحد بيروح للشارقة خذهم من هناك أفضل لك.
وإذا تريد تجاري ، إحنا أخذنا طقم أسمه XENOS علبته بنفسجية صغيرة (صناعة كورية) وبعد التركيب لون الإضائة طلعت أزرق على بنفسجي (درجة حرارة اللون 8500 كيلو كلفن).
أخذناه بـ970 درهم ولغاية الأن ما شفنا فيه أي مشكلة وأحنا ركبناهم على لومينا 2003 LTZ (الأنوار عدسات "Projectors") والإنارة طلعت فضيعة :rolleyes:
الشبابي
12-02-2004, 05:58 PM
اخوي ولد الخبر ...
الزينون الالماني اللي تتكلم عنه يباع عندنا بجدة بـ 1000 ريال تقريبا وفي حركة يسوونها كثير من الشباب فيها وهو انهم يشترونها ويركبون بدل شمعاتها شمعات لكزس وبتطلع فضيعة ....
او خذ لك حق نيسان او لكزس مستعمل ولا تاخذ غيرها لأن احتمال انها تكون مغشوشة اكبر ...
اخوك الشبابي
الأكورد العنيد
12-02-2004, 06:25 PM
السلام عليكم ورحمة الله وبركاته
شوف هالرابط يفيدك
http://www.assayyaratnet.com/forums/showthread.php?s=&threadid=13489
تحياتي :glasses2: :glasses2: :glasses2: :glasses2: :glasses2:
محمد دريهم
13-02-2004, 09:35 AM
اخوي NFS مشكور على كلامك اللي بيفيدني كثير..انا اعرف واحد يروح دبي كثير لان عنده محل جوالات...
ان شالله اوصيه واشوف فرق الاسعار,,,وفكره حلوه...
اخوي الشبابي والله في فرق واضح بالاسعار,,,لكن السعر اللي قلته مع التركيب؟؟
مشكور اخوي اكورد والحين اقرا الموضوع واشوف
s500l
13-02-2004, 08:48 PM
السلام عليكم ورحمة الله وبركاته
في محل في شارع بن خلدون
قدام ماكدونلدز
جنب محل الزهراني للكفرات اسمه باكوشه
عنده كل شي تبغاه
وعنده زينون مستعمل
مع التركيب مايتعدا 1000 -1300
الماني طبعا