View Full Version : شباب شرايكم في CTS والرويال؟
RED Chevy
22-01-2004, 09:52 AM
بسم الله الرحمن الرحيم
السلام عليكم ورحمة الله وبركاته
شباب حبيت أستفسر منكم شنو أفضل الكاديCTS أو الكابرس رويال، وبغيت وجهة نظركم في السيارتين وفي مميزاتهم أي وحده تفضلون، وأي أفضل من الجوده والمواصفات الداخليه؟
السيارتين طبعاً فل أوبشن الكادي ب13000 والكابرس ب12000، والسيارتين عليهم صيانه مجانيه، الكادي 3سنين والكابرس سنتين، يلا شباب عطونا رايكم، بس أهم شي ودي رايكم في الجوده الداخليه، ومثل ماتعرفون الكابرس مصنوع في إستراليا والكاديلاك في أمريكا، وضروري نبي آرائكم.
RED Chevy
23-01-2004, 08:27 AM
السلام عليكم ورحمة الله وبركاته
وينكم شباب الموضوع صارله يوم كامل محد عطانا رايه؟
Corvette_Stingray
23-01-2004, 08:29 AM
سامحنا على التاخير لكن انا افضل الكابريس للأسبابا اللي انت حطيتها ;)
RED Chevy
23-01-2004, 09:08 AM
السلام عليكم ورحمة الله وبركاته
أشكرك ستينجراي على الرد، وألف مبروك صرت عضو فائق النشاط مثلي:D
Corvette_Stingray
23-01-2004, 09:09 AM
:laugh:
mustang cobra
23-01-2004, 03:08 PM
بسم الله الرحمن الرحيم
انصحك بالكادلك احلى من برى وداخل بشوي وضمان 3 سنين اما الكابرس حلوه بس كلام الناس يخوف واحد يمدح والثاني يلعن يعني انت وحضك وما انصح تحط 120000 في حض والسلام عليكم
TOP-SECRET
23-01-2004, 04:40 PM
المقارنه مادري احس انها مب عادله !! والأسباب هي ان الكاديلك الي انت اتكلم عنه مب النوع الافخم من بين الكاديلك الموجود لو كانت المقارنه بين DTS بيكون افضل لان ال CTS رياضي و متوسط بعكس الرويال يعني فخامه اكثر لكن لو كان بين DTS و الرويال انا افضل الDTS وبمرااااااحل :) بأستثناء السعر !!;)
RED Chevy
23-01-2004, 04:51 PM
السلام عليكم ورحمة الله وبركاته
أشكرك إخويmustang cobra على المشاركه وإبداء رايك.
TOYOTA - OBAS أشكرك على إبداء رايك، وكلامك صح، بس آنا أتكلم من ناحيه السعر، وماعطيتونا رايكم في الجوده الداخليه.
TOP-SECRET
23-01-2004, 05:13 PM
رد مقتبس من RED Chevy
السلام عليكم ورحمة الله وبركاته
TOYOTA - OBAS أشكرك على إبداء رايك، وكلامك صح، بس آنا أتكلم من ناحيه السعر، وماعطيتونا رايكم في الجوده الداخليه.
وعليكم السلام ورحمة الله وبركاته
من ناحية السعر اخوي
RED Chevy اشوف ان سعر الكابريس حلو بالنسبه لمواصفاته بشكل عام لكن سعر الكاديلك اشوف ان مبالغ فيها شوي خاصه انه سته سلندر ومن ناحية الفخامه الداخليه ماشوف فيه الفخامه الي تخلي الواحد يدفع فيه هذا المبلغ ...
RED Chevy
24-01-2004, 02:28 AM
السلام عليكم ورحمة الله وبركاته
أشكرك أخوي على المشاركه، وكلامك صح الCTS من داخل تشطيبه موذاك والزود لكن بعد ماقلتولي المواد المستخدمه من داخل أي سياره أفضل؟
mustang cobra
24-01-2004, 04:21 AM
بسم الله الرحمن الرحيم
صحيح كلام اخوي TOYOTA - OBAS سعر الكادي غالي على سته سلندر والكابرس قلتلك وشه المشكله انا اقولك فكر في غيرها افضل. مثل اللنكونls سعر متناسق مع الجوده والقوه والفخامه صحيح ان الشكل بيتغير لكن افضل انك تصبر وتراها تسوى الانتضار وفي الجاغ s تايب فل اوبشين مع شبك رياضي مع الون الخارجي والداخلي التختاره مع ضمان 5 سنوات كيلو مفتوح دون حدوكان وكتها بداية الصيف الماضي او قبل يعني تونا مادخلنا 2003 وقالو يجيبونه لك موديل 2004 وشهر لما توصل اذا طلبت اللون من بره والدخل وماتشيل هم قطع غيار لما 2009 ب122000 بس اقل مكينه 6 سلندر 206 حصان و 2.3 السعه ماتشيل هم البنزين وش لك في السرعه اصلا ومثل هذه السيارات انت من نفسك منت داعس بس الوكاله لك عليها يعني تدخلها يتاخرون كثير في التسليم بس يعطونك سياره بديله وغلبا ما تكون نفس الفئه واسفين على الاطاله
RED Chevy
24-01-2004, 07:29 AM
السلام عليكم ورحمة الله وبركاته
أشكركم شباب، بس آنا آبي بس رايكم في الجوده الداخليه وأي وحده أفضل من داخل كسعر ومواصفات، وأهم شي الجوده الداخليه، يعني شرايكم في المواد المستعمله في السيارتين.
RED Chevy
26-01-2004, 02:35 PM
السلام عليكم ورحمة الله وبركاته
شباب أرد وأكرر سؤالي شرايكم في المواد المستخدمه في السيارتين؟
RED Chevy
27-01-2004, 04:44 PM
السلام عليكم ورحمة الله وبركاته
شباب شكله محد فهم قصدي، السالفه ومافيه إن قبل كم يوم ركبت الCTS مال عمي، وإكتشفت شي فيه، إن التلبيس اللي في السقف بالظبط مثل تلبيس الكابرس مالنا وأغلب القطع من نفس الماده، وذي دليل إن المواد المستخدمه في الهولدن ماتقل عن جوده المواد المستخدمه في الكاديلاك والشفر، ولا شرايكم؟