هل عداد السرعه لسيارتك يعطيك السرعه الحقيقيه؟

[مطر العين]

السلام عليكم ورحمة الله وبركاته

طبعا عداد السرعه في السيارت غير دقيق

يعني تقريبا 90% منهم مب دقيق

يعني بعض السيارات يعطيك السرعه 100 وهي في الحقيقه 80

وفي حالات ممكن تكون 100 وهي اصلن 105 وهذي في حالات نادره

عشان جيه لمل تبي تحدد السرعه القصوى لسياره لا تعتمد على العداد


وهذا ما نفلعه نحن
نعتمد على جهاز اسمه ال GPS
وفي هذا الجهاز يتم تحديد سرعتك عن طريق الاقمار الصناعيه

وهذي صوره

http://www.gpstm.com/pictures/gtm118_ms3.jpg



مثلا يجيني واحد يقولي المكسيما تجيب 260

اقوله كيف عرفت يقول العداد

طيب وشو دراك انه العداد صحيح

؟؟؟؟؟

يعني المكسيما القير الاوتو بقياس سرعتها بالجهاز الGPS
ما تتعدى سرعتها 236 او 238
على حسب حاله السياره
:)
والقير الوتو 215 او 220

[MAXIMA 020]

بس هذا الجهازا والي يسمونه قارمن مش دقيق بحسابه للسرعه دايم ما نطلع طلعات للبر ويكون هو معنا العداد يقول 140 وهو يقول 134 وجربناه في سيارات مختلفه
كذا من يكون الغلط الجهاز ولا السياره


وبعدين سبق طرح الموضوع هذا وسبحان الله في كلا الموضوعين جت المكسيما مثال وكأنكم تقولون المكسيما مهي بشي طيب ياخي قلها بدون لف ودوران

انا يا طويل العمر معي ماكسيما 2001 فل اوبشن كنت ماشي مع خويي معه كامري وكنت مثبت السرعه على 160 و خلال المسافه كلها 400 كلم ما لاحظت اني قربت له شبر واحد او انه هو ابعد عني شبر بالعكس تمينا مع بعض على نفس المسافه لحد ما وصلنا الرياض


وعشان اقفل على الموضوع واشيل الشك جيب لي السياره الي تعتقد انها صحيحه في نظرك وخلني اجرب معك بشرط ان الكفرات تكون مثل شد البلد لان بعض الناس يركبون لسياراتهم وخصوصا الدفع الرباعي كفرات كبيره فا يكون الكفر عند دورانه دوره كامله قطع مسافه اكبر من الكفر الاصلي لان العداد مصمم ليعطي السرعة على الكفرات الاصليه


وانا ما اعتمد على القارمن في تحديد السرعه لشيأين:

أولا: مش من اساسيات تصميمه هو حساب سرعة الجسم الي هو فيه بل تحديد المواقع
ثانيا: لاحظ المسافه الي راح تقطعها الاشارت لتعطيك سرعتك بالاعتماد على قمر صناعي يبعد عن الجهاز مئات الكيلومترات بينما العداد مربوط بسيارتك مباشره.

المهم انت طرحت في موضوعك المكسيما و انا معي ماكسيما ومستعد اجرب معك لاثبت لك انها صح بس قلي متى ووين وانا جاي انشالله.

[مطر العين]

MAXIMA 020
هذا العداد ثابت يعني السرعه اللي بيعيك اياها على المكسيما هيا نفس السرعه اللي بيعطيك اياها على اي سياراه ثانيه
يعني تقدر تعتبره عداد ثابت

يعني كأني اركب نفس العداد على جميع السيارات
انا عندي C240
وعداده يعطيني انه سرعته القصوى 245 ولكن على الجي بي اس كانت سرعته 234
والسرعه هاي نفسها اللي يقول منوال السياره انها السرعه القصوى لها
انا مستعد اجرب مع اي مكسيما قير اوتو وانا معاي السي 240
بس اضنك انته من السعوديه؟؟

عموما تأكد انه المكسيما سرعتها الاصليه للقير العادي هي 238
وهي تمسك مع الاس 320 مرسيدس واللي سرعته القصوى على حسب الشركه 240 وممكن تكون اقل على حسب الجو

[مطر العين]

على فكره انا متأكد من المكسيما لانه عندنا ثلاث مكسيمات
2003
2001
1998
وكلهن لا تتعدى سرعاتهن 220

[حبوب بوظبي]

ليش تتعب نفسك
احنا عندنا فأبوظبي
أجهزه حاطتنها الشرطه على بعض الطرق
هالجهاز فيه شاشه تقولك كم سرعتك بالضبط ... لما تقترب منه

وهوه دقيق جدا
يعني لما أثبت السرعه على 120 يكون مكتوب فالشاشه 119

بس الكلام صحيح بعض السيارات ما تكون دقيقه خصوصا الياباني
يعني تكون ماشي 140 و الشاشه تقول 132
انا جربت هذا فمكسيما 2001

[bashar_255]

اختبار بسيـــــــــــــــــــــــط:D

حط علامه على جانب الطريق لبدايه و نهايه نقول طولها 300 متر ينفع:rolleyes:

امشي الـ300 متر على الإسفلت و خلك مثبت على نفرض 60 كيلو و قيس الزمن بالثانيه!! و عيد الكره على الرمل اللى على جنب (هذا اذا كان عدل مو تجي تسبني بكره:D ) و قيس:)



مفاجأه !!!

مش هيك:D

فرق كبير!!!

طب ليه؟؟؟

انا اقولك الكفر يا ابني يزيح على الرمل لآنه مو ماسك مزبوط فهمت ليش:mad:

و كل ما زادة انظمة الثبات في السياره و إلتصاقها بالأرض كل ما كانت ادق (هذي اذا المصنع عنده ذمه في العداد:D )...


و سلامتكم;)

[bashar_255]

رد مقتبس من حبوب بوظبي
ليش تتعب نفسك
احنا عندنا فأبوظبي
أجهزه حاطتنها الشرطه على بعض الطرق
هالجهاز فيه شاشه تقولك كم سرعتك بالضبط ... لما تقترب منه

وهوه دقيق جدا
يعني لما أثبت السرعه على 120 يكون مكتوب فالشاشه 119

بس الكلام صحيح بعض السيارات ما تكون دقيقه خصوصا الياباني
يعني تكون ماشي 140 و الشاشه تقول 132
انا جربت هذا فمكسيما 2001

و هذي طريقه ارخص و اسهل من الـGPS :D

[cruiser2000]

السلام عليكم ورحمة الله وبركاته


:OO:









مكسيما ومكسيما


طيب واذا انا قلت ان المكسيما ما تنفع مووووووول

وش صار؟


ما صار شي

:black: :black:




الدايو اخس سيارة وخصوصا الماتيز



ها شو صار لي؟


ما صار شي


تتعقدون من شي اسمه سيارة

:confused:


ياخي تراها حديد وخلاص



رجاء لا تخلون حبكم للسيارة اكثر من حبكم لله ورسوله



تحياتي

[King_SS]

صحيح كلامك يا مطر العين
وبالفعل هنا بنستخدمه اكثر اللي معدلين سياراتهم لانه بيعطيك سرعة حقيقية

[CRX]

هلا وغلا
انا اتفق مع اخوي مطر العين فيما قاله والمساله مش محتاجه كل الكلام و التعصب انا في رايي الشخصي ان معظم السيارات بنفس الطريقه يعني احنا كنا في مرسيدس 240 E ولكزس 470 و كان الفرق بينهم 10 كيلو طبعا السرعه كانت في المرسدس 170
وانا اقول ان الامريكي مشهور بهذه السالفه التخبط في العداد

[infiniti]

انا جربت اقيس السرعه على الماجلان الصغير بدون انتل خارجي و كانت السرعه 153 و العداد 160 على لاندكروزر

و جربت اقيس على جارمن و انتل خارجي و عطاني 156
لما غيرت الانتل عطاني 151 :confused:

يعني الGPS مايعطي قراءه صحيحه بسبب الانتل و السبب الثاني عدد الاقمار اللي انت شابك عليها .

كل مره يعطي سرعة مختلفه عن المره اللي قبلها اذا تبي السرعه الصحيحه اشتري جهاز G-TECH و تعرف السرعه الصحيحه و القوة و التسارع و شغلات كثيره .

هذا الرابط
http://www.gtechpro.com/gtechpro.html

[MAXIMA 020]

هنا الكلام جهاز خاص ومصنوع لهدف قياس السرعه واتسارع وشغلات تخص السياره
بس القارمن ما صنع لاساس تحديد السرعه وتحديد السرعه فيه شي ثانوي

وكما قال الاخ infiniti ان دقت القارمن تزداد بزيادت الاقمار المتصله فيه في بعض الاحيان اذا شغلت القارمن يطلب منك الانتظار لاجراء عمليت الاتصال فاذا كنت في موقع يتواجد فيه اقمار كثيره صار القارمن دقيق وبعض الاحيان يكون محلك ما فيه اقمار كثيره فا يطلب منك الجهاز الانتظار واذا لم يجد اقمار زياده اكتفى بالعدد الي يجده كذا تكون قرائة القارمن مش وحده