أين نحن من الفورمولا واحد

[RED Chevy]

بسم الله الرحمن الرحيم


السلام عليكم ورحمة الله وبركاته

شباب أنا ملاحظ إن القسم ما يتكلم عن الفورملا1 ولا في نتايج السباقات ولا أي شي له علاق بالفورملا مع أن الحدث وصل عندنا في الخليج وماباقي عليه إلا 4 شهور وماشوف أي موضوع إنطرح يخص الحلبة أو إستضافة البحرين لأول حدث من نوعه في الشرق الأوسط اللهم موضوع إنطرح قبل فترة بخصوص أسعار التذاكر.


أنتظر ردودكم و تفاعلكم مع الموضوع مو نفس اللي قبله.

[RED Chevy]

وينكم شباب نص الأعضاء موجودين محد رد عسى ما شر؟

[مؤيد اف1]

انا اموت فيها واعشقها...شوف النك نيم ;) ولا يفوتني سباق :D

[RED Chevy]

أخوي مؤيدf1 الشباب كلهم نيام مافي إلا أنت رديت لو كان العنوان حادث أو قومات تشوف الردود بالهبل،عالعموم يعطيك ألف عافية

[ACCORD-V6]

الفورومولا واحد
تحتكرها الART
وهذا السبب اللي مايخلي احد يتابعها

وانا احب الفورومولا بشكل كبير
لكن متابعتها صعبه

[مؤيد اف1]

رد مقتبس من ACCORD-V6
الفورومولا واحد
تحتكرها الART
وهذا السبب اللي مايخلي احد يتابعها

وانا احب الفورومولا بشكل كبير
لكن متابعتها صعبه

لا ART ماهي محتكره الرياضه..

المنظمين ال FIA تمنع البث بدون الحقوق والحقوق اسعارها مرتفعه بشكل ماتتصوره مو اي شركه تقدر تاخذ الحقوق..
انت شوف تذاكر البحرين الدرجه الاولى وبتعرف قد ويش الاسعار..
وشي ثاني..
المنظمين FIA تشترط ان تكون المحطه مشفره..بس حتى المحطات الاوروبيه ماتبث الرياضه الا المشفر منها..يعني مو من الاحتكار
الرياضه رياضه ال Fia وهم حطو شروطها واسعارها منها لازم المحطه (مشفره عشان يربحو منها)اساس الرياضه كله على الحقوق والعقود والنقود ;) بالنسبه لي من اول ماتشفرت الاي ار تي وانا اشترك بها ومكيف على الفورمولا1 :D

[RED Chevy]

بس أخوي أكورد أحين صرت تقدر تشوف الفورملا وعلى الطبيعة وفي بلد خليجي و في أحدث حلبات العالم وبسعر جيد.

[RED Chevy]

أخوي مؤيدf1 تذاكر درجة أولي هذي إنساهم صاروا في خبر كان،كانوا على شكل أجنحة وكل جناح حق 28 شخص معى الوجبات حق 3 أيام والجناح بعشرة آلاف بحريني أي100000 ريال ومابقى منهم ولا واحد وحتى الآن باعوا أكثر من 28000 تذكرة.

[مؤيد اف1]

رد مقتبس من RED Chevy
أخوي مؤيدf1 تذاكر درجة أولي هذي إنساهم صاروا في خبر كان،كانوا على شكل أجنحة وكل جناح حق 28 شخص معى الوجبات حق 3 أيام والجناح بعشرة آلاف بحريني أي100000 ريال ومابقى منهم ولا واحد وحتى الآن باعوا أكثر من 28000 تذكرة.

أعرف..مايفوتني شي في هذي الرياضه;) وهذي هي طبيعة هذي الرياضه تكاليف عاليه.. تقريبا تكلفة بناء سياره واحد من 3 الى 5 ملايين دولار على حسب السياره.. كل فريق له سيارتين .. وكل سباق محرك وجير بوكس جديد يكلفو حوالي 350000 دولار !!!!! وغير بعض القطع الي تتغير.. منها الاطارات في السباق تتغير من مرتين الى ثلاث مرات وسعر الاطار1000 وشوي دولار :D و و و و لو بتكلم مابخلص بس كل هذي الاسعار بسبب التقنيات العاليه الي هي اعلى تقنيه في السيارات في العالم في الفورمولا1 الي تعتبر مصدر كل التقنيات الجديده وهي عباره عن حقل تجارب اصلا لهذا الشركات اهم شي عندها الفورمولا1 ..اللكزس اصلا تويوتا صح..؟ متى جابو الجيربوكس 6 سرعات؟ والآن في الطريق 7 سرعات والمصدر ويييييين ؟ الفورمولا1 :rolleyes:
انشاء الله قدرت اعطيكم فكره بسيطه عن الرياضه

كل الفضل لله ثم الاخ العزيز ايمن عبد الواحد (المقدم في ال ART ) و المهندس التقني انزو.. في معلوماتي هذه هناااااااااااااااااااااااك الكثييييييييييييييييييييييييييييييييير يجب ان تعرفوه بس ماحب اطول في الردود ;) :glasses2:

[RED Chevy]

طول وما عليك نستفيد منك وبخصوص التكاليف هذي إنشروها بالتفصيل عندنا في الجريدة وحاطين تكلفة الموسم طلعت شي خيالي بمئات الملايين.

[ACCORD-V6]

مشكور اخ مؤيد على المعلومات

اخ RED Chevy
يمكن ذلك لكن سعر التذاكر غاليه
وسمعت انك تحضر السباق وانت واقف
لان المدرجات غاليه وراحت تذلكرها
ماادري يمكن انا غلطان

[RED Chevy]

باعطيك فكرة عن الأسعار وإنت شوف:
1- أقل مستوى اللي تحضر وإنت واقف ب38 د.ب.
2-مدرجات الجامعة+آخر منعطف(موقع أوكي)113 د.ب.
3-مدرجات المنعطف الأول(أحسن موقع)113 د.ب.
4-المنصة الرئيسية 170د.ب.
5-تذاكر الVIP 300 د.ب.
هاي الأسعار كلها حق 3 أيام وتقدر تشتري حق يوم واحد وبتطلع أرخص.وفي جائزة فراري360 مودينا 2004.
وإذا تبي المعلومات بالتفصيل إدخل على موقع الحلبة:
www.bahraingb.com

[RED Chevy]

نسيت أقولك ترا التذاكر متوفرة بس الأجنحة خلصت حتى الآن باعوا أكثر من 28000 تذكرة باقي وايد.

[silver]

طيب تذكرة الـ VIP هي نفسها الأجنحة ...

وسمعت ان الدخل من بيع التذاكر كان 28 مليون ريال او مليون دينار مو متذكر ... بس شيء جيد ... يعني كلها 5 سنوات وراح تطلع البحرين قيمة الحلبة هذي ... :)

[ACCORD-V6]

تصدق اسعار حلوه ماتوقعت كذا

عموما مشكور
والموضوع يستاهل التفكير بجدية
لكن لااظن في عام 2004
يمكن السنه اللي بعدها

[RED Chevy]

رد مقتبس من silver
طيب تذكرة الـ VIP هي نفسها الأجنحة ...

وسمعت ان الدخل من بيع التذاكر كان 28 مليون ريال او مليون دينار مو متذكر ... بس شيء جيد ... يعني كلها 5 سنوات وراح تطلع البحرين قيمة الحلبة هذي ... :)
لاأخوي الVIP هذي تشمل كرسي في المنصة الرئيسية وخيمة الVIP وبوفيه مفتوح طوال اليوم مع المشروبات.
وعن سالفة الربح إنسى الحلبه كلفتنا 150 مليووووووون دولار ومايصير يطلع الربح من أول موسم السالفة يبيلها سنين.

[RED Chevy]

رد مقتبس من ACCORD-V6
تصدق اسعار حلوه ماتوقعت كذا

عموما مشكور
والموضوع يستاهل التفكير بجدية
لكن لااظن في عام 2004
يمكن السنه اللي بعدها
خلاص أخوي أكورد موعد السباق تحدد 04/04/04 تاريخ حلو، والحلبة جهز منها أكثر من 75% بس باقي التشطيبات النهائية. وإذا تبي تذاكر إلحق وإخذ من أحين قبل ما تصير السوق السودة بيبيعون اللي ب100 ب500.

[A7medo]

أرخص تذكرة أب 38 دينار عاد ما اتشوف شي حدك تسمع صوت المكاين بس .

[RED Chevy]

السلام عليكم ورحمة الله وبركاته
لا تشوف بس وإنت واقف وإذا في أحد جدامك حطلك كرسي.

[RED Chevy]

وين شباب سوالف محد رد بس الإخوان سيلفر وأكورد ومؤيدF1 ل الموضوع فاشل لي هالدرجة ومب مهم؟

[الفجر mtr البعيد]

السلام عليكم ورحمة الله وبركاته
يا اخوان مو لهدرجه الموضوع بايخ اصلا مافيه من البياخه شي
وموضوع مفيد اول مره يتم التناقش في امور الf1 في منتدانا
وسامحوني لي فترة ما دخلت المنتدى عشان كذا ما ارد
وعن نفسي انا اموت في هذي الرياضة وافضلها على الراليات
وباي

[RED Chevy]

السلام عليكم ورحمة الله وبركاته
حبيت أشكر مشرفنا العزيز AMG على تغييره لإسم الموضوع عشان يتفاعلون الشباب شوي وأكرر شكري للمشرف.والسلام

[infiniti]

شباب امس شفت برنامج في قناة العربيه اسم البرنامج

تاريخ سباق السيارات و كانوا يتكلمون عن الفورمولا 1

الشي الغريب ان مكينة السياره تستخدم حتى 400 كيلو بس ؟؟ و بعدها لازم يعملون عليها تعديل بالمصنع :confused:
يعني بعد 400 كيلو يفكون المكينه و يركبون مكينة ثانيه و المكينه القديمه يشحنونها للمصنع و يعملون عليها صيانه شامله و احيانا يصير عليها تعديل داخلي او خارجي حسب الحاجه ..
الصراحه هذا الشي مكلف جداا.

و الشي الثاني ان الفريق يبدل مابين 3-5 مكاين بالسباق الواحد :confused:

و الغريب ان مكاين الفورمولا 1 مافيها مراوح تبريد يعني لو توقف السياره اكثر من دقيقه خلاص سلم على المكينة و هذا السبب اللي يخليهم يبدلون الكفرات و يعبون بنزين خلال فتره اقل من 8 ثواني انا كنت احسب ان الموضوع له علاقه بالفوز عشان مايضيع وقت لاكن السالفه طلعت عشان ما تخرب المكينه .

اسف على الاطاله .

[oil_HKS_lio]

موضوع جميل جدا

[خليل أبو سمرة]

رد مقتبس من RED Chevy
.

أنا في البيت ,,, يلزم أي خدمة

خليل

[RED Chevy]

مشكورين شباب على الردود وبرنامج العربيه ممتاز وهو عده حلقات يمكن صار له إسبوع أو أقل والبرنامج وايد مفيد، وتسلمون إخواني على المشاركه.

[مؤيد اف1]

رد مقتبس من infiniti
شباب امس شفت برنامج في قناة العربيه اسم البرنامج

تاريخ سباق السيارات و كانوا يتكلمون عن الفورمولا 1

الشي الغريب ان مكينة السياره تستخدم حتى 400 كيلو بس ؟؟ و بعدها لازم يعملون عليها تعديل بالمصنع :confused:
يعني بعد 400 كيلو يفكون المكينه و يركبون مكينة ثانيه و المكينه القديمه يشحنونها للمصنع و يعملون عليها صيانه شامله و احيانا يصير عليها تعديل داخلي او خارجي حسب الحاجه ..
الصراحه هذا الشي مكلف جداا.

و الشي الثاني ان الفريق يبدل مابين 3-5 مكاين بالسباق الواحد :confused:

و الغريب ان مكاين الفورمولا 1 مافيها مراوح تبريد يعني لو توقف السياره اكثر من دقيقه خلاص سلم على المكينة و هذا السبب اللي يخليهم يبدلون الكفرات و يعبون بنزين خلال فتره اقل من 8 ثواني انا كنت احسب ان الموضوع له علاقه بالفوز عشان مايضيع وقت لاكن السالفه طلعت عشان ما تخرب المكينه .

اسف على الاطاله .


اذا عشان التكلفه فهي من زمان مكلفة وهم يبدلو المكاين عشان ماتعطل عليهم السياره في السباق لاي سبب من الاسباب مع ذالك بعض السيارات تعطل لان الميزانيه ضعيفه فقط يكتفو ببعض التعديلات الغير مجديه.. صحيح مافيهم مراوح بس فيهم حوالي 5 رديترات..واحيانا اكثر على حسب حاجة الحلبه..

8 ثواني او اقل مو هي الي تخرب المكينه .. عملية ال Stress بالعربي ;) استخدام المحرك على اقصى دوراته لكيلو مترات طويله في حلبات معينه سريعه مثل هوكنهايم سابقا تم تعديلها وجعلها حلبه تعتمد على التسارع(السياره قابله للضبط على حسب حاجة الحلبه اما سرعه او تسارع) وحلبة مونزا الرائعه علما بان دورات المحرك وصلت دي السنه الى 19000 دوره في الدقيقه.. ويتوقع يوصلو الموسم الجاي الى 20000 دوره في الدقيقه..

شي ثاني عن ال8 ثواني..ليش يبدلو الاطارات ويعبو بنزين بسرعه(13 لتر في الثانيه من البنزين موحده لكل الفرق) لان هم يستخدمو وقفات الصيانه للفوز احيانا لما مايكون في امكانيه لتجاوز سياره بحيث يطلع قدامه ..اجزاء من الثانيه سببت في خساره سباقات مهمه

وقفات الصيانه ممكن تسبب عمليه Overheating سخونة المحرك اكثر من اللازم ولكن مو لحد الخطر..السياره مصممه بحيث يكون في ضغط سفلي للسياره يثبتها في الارض ويجعلها سريعه في الملفات وتوصل لفتحات الرديترات دفع قوي جدا من الهواء اقوى من اي مروحه كافه لخفض درجة الحراره في عدة ثواني ...

انشاء الله افتدكم وماطولت عليكم :glasses2: والي عنده سؤال باحاول ارد عليه بالي اعرفه..

[مؤيد اف1]

رد مقتبس من RED Chevy
السلام عليكم ورحمة الله وبركاته
لا تشوف بس وإنت واقف وإذا في أحد جدامك حطلك كرسي.


حتى لو ماشاف بيسمع صوته ماسمعه في حياته حتى السيارات العبث ماتجيبه :black:

انا عندي اقتراح... ليش ماتشتركو في قنوات الاي آر تي الاساسيه بس.. بيكلفكم 1000 ريال في السنه وبتشوف كل السباقات..وغير كدا الاستاذ المعلق ايمن عبد الواحد بيفيدكم وبيقدم لك معلومات شيقه وهو سبب ادماني للرياضه يالله شباب باقي شهرين على الموسم الجديد ;) غير الي يحب القدم بيشوف كل شي يبيه الاي آر تي في الرياضه مابتشوفو عليهم :black:

[RED Chevy]

السلام عليكم ورحمة الله وبركاته
أخوي مؤيدF1مايحتاج نشترك لأن الحلبه وصلت عندنا والأخبار أول بأول في الجريده، حاطين صفحه كامله في الملحق الرياضي بس تتكلم عن الفورملا والملحق يومي.

[مؤيد اف1]

رد مقتبس من RED Chevy
السلام عليكم ورحمة الله وبركاته
أخوي مؤيدF1مايحتاج نشترك لأن الحلبه وصلت عندنا والأخبار أول بأول في الجريده، حاطين صفحه كامله في الملحق الرياضي بس تتكلم عن الفورملا والملحق يومي.

تشوف السباقات غير تقرا الخبر..

بتتحمس وبتستمتع بالسباق واصلا حلبة البحرين ماهي كفايه زيها زي اي حلبة سباق وهي سباق من 17 سباق اكثر من رائعين..كل ماخلص سباق تتحمس للسباق الي بعده..مايفوتني شي اسمه سباق حتى لو عليي اختبار :rolleyes:

وانا مااهتم في الاخبار ابداااااااا اطلع على السباق اشوف الحدث دقيقه دقيقه ثانيه ثانيه ;)

[RED Chevy]

أخوي مؤيد F1 آنا كفاية علي سوالف صرت مدمن إنترنت تبيني أدمن على شي غير إذا إشتركت في الART غير الفورملا والمباريات وغيرهم بعد سوالف ومسلسلات أقول رسبنا من اللحين.

[الفجر mtr البعيد]

السلام عليكم ورحمة الله وبركاته
الاخ RED Chevy مشكور على الموضوع الرائع
والاخ مؤيد اف1 ما اقول لك الا كثر الله من امثالك والظاهر ان ما في احد غيرنا يحب الF1 :(
باي

[ACCORD-V6]

انا احب الفورومولا واحد;)

[RED Chevy]

السلام عليكم ورحمة الله وبركاته
أخوي أكورد أحن لو مانحب الفورملا كان ما حطينه الموضوع لكن شنسوي شكله باقي الأعضاء ما يحبونها.:cry:

[بودمعة]

أهلا بالجميع

أنا من عشاق الفورملا 1 منذ زمن طويل جدا

وكنت قد طرحت موضوعا في الفورملا في احد المنتديات ولكن لم يكن هناك اي تجاوب فاكتشفت من قلة الاهتمام ان الاعضاء المتواجدين في قسم السيارات لايفقهون شيئا في الفورملا
فهم يظنون ان سباقات الفورملا هي عبارة عن سيارات غريبة الشكل تقوم بالدوران حول الحلبة فقط، ولايعلمون ان الفورملا هي دنيا اخرى تختلف عن اي شيء اخر من السباقات.
اجمل شي لدي في السباقات هو عندما تعمل الكاميرا الموجودة في اعلى السيارة في لفة التأهيل والتي يبدو صوت السيارة واضحا جدا، في تلك اللحظة انسى كل شيء واستمع الى اجمل سيمفونية موسيقية في العالم

ولكن يبدو ان الأعضاء في هذا المنتدى بنسبة 99% لايعلمون ماهي الفورملا 1
وهذا ليس ذنبهم فمن يبحر في سباقات الفورملا لايستطيع العودة الى الميناء ابدا


لدي هدية لعشاق سباقات الفورملا وهي موقع عربي مختص بهذه السباقات وهو

موقع الفورملا العربي (http://www.formulawahad.com)


فأستفيدوا منه بآخر المعلومات والتقنيات والاخبار.

شكرا على هذا الموضوع الذي جمع عشاق قمة سباقات السرعة في العالم

[الفجر mtr البعيد]

السلام عليكم ورحمة الله وبركاته
يا جماعة الخير انا متابع برنامج العربية بس احس ان في اخطاء واعتقد انها من نفس الدبلجه مثلا اسامي المتسابقين فيها تغيير بعض الشئ
__________
بودمعة مشكور على الموقع

[bashar_255]

انا احب اطالع الفورملا1

بس ما اشاهد الا النتائج:D

لأني ما احب ادفع فلوس في حاجه اشاهدها و في الف قناه مفتوحه غيرها:headshak:

[RED Chevy]

رد مقتبس من بودمعة
أهلا بالجميع

أنا من عشاق الفورملا 1 منذ زمن طويل جدا

وكنت قد طرحت موضوعا في الفورملا في احد المنتديات ولكن لم يكن هناك اي تجاوب فاكتشفت من قلة الاهتمام ان الاعضاء المتواجدين في قسم السيارات لايفقهون شيئا في الفورملا
فهم يظنون ان سباقات الفورملا هي عبارة عن سيارات غريبة الشكل تقوم بالدوران حول الحلبة فقط، ولايعلمون ان الفورملا هي دنيا اخرى تختلف عن اي شيء اخر من السباقات.
اجمل شي لدي في السباقات هو عندما تعمل الكاميرا الموجودة في اعلى السيارة في لفة التأهيل والتي يبدو صوت السيارة واضحا جدا، في تلك اللحظة انسى كل شيء واستمع الى اجمل سيمفونية موسيقية في العالم

ولكن يبدو ان الأعضاء في هذا المنتدى بنسبة 99% لايعلمون ماهي الفورملا 1
وهذا ليس ذنبهم فمن يبحر في سباقات الفورملا لايستطيع العودة الى الميناء ابدا

ر ألف شكر لك أخوي على الموقع و إذا باقي الأعضاء مايحبون الفورملا أو مايعرفون شي فيها، آنا نزلت ذي الموضوع عشان أجس النبض ونفيد ونستفيد.


لدي هدية لعشاق سباقات الفورملا وهي موقع عربي مختص بهذه السباقات وهو

موقع الفورملا العربي (http://www.formulawahad.com)


فأستفيدوا منه بآخر المعلومات والتقنيات والاخبار.

شكرا على هذا الموضوع الذي جمع عشاق قمة سباقات السرعة في العالم

[RED Chevy]

السلام عليكم ورحمة الله وبركاته

شباب قبل شوي دخلت قسم الرياضه وشفت موضوع إنعرضت فيه مواضيع الأعضاء المميزه، وكان من بينها موضوع يتكلم عن الفورمولا، آن مابكثر شوفوا ذي اللنك وليعذرنا كاتب الموضوع:
http://www.swalif.net/sforum1/showthread.php?threadid=173887

[RED Chevy]

بسم الله الرحمن الرحيم

السلام عليكم ورحمة الله وبركاته

إنتهى حتى اليوم 89% من حلبه البحرين الدوليه للفورملا1، ووصلت مبيعات التذاكر إلى30000 تذكره وتقريباً الحلبه شبه جاهزه وآنا شفتها على الطبيعة شي فظيع، البنيه التحتيه جهزت بالكامل وباقي بس التشطيبات النهائيه، وزار الحلبة حتى الآن رالف شوماخر وجونسون باتون (سائق فريق هوندا) وبرني إيكلستون( رئيس شركه الفورملا) ورئيس فريق الجوردان إدي جوردان، والحلبه بتكون جاهزه في الإسبوع الأخير من شهر مارس، يلا شباب باقي تذاكر اللي يبي يقدر يحصل

[RED Chevy]

السلام عليكم ورحمة الله وبركاته
أعلن المقاول الرئيسي للحلبه بأن 95% من الحلبه إكتمل، وإن الحلبه بتكون جاهزه في الموعد المحدد، وبشاره ثانيه، في جريده الأيام في كوبون خصم20% على التذاكر يلا اللي يبي يشتري يجهز نفسه ماباقي شي.

[أبوالزين]

انه مو من محبي ال فورمولا 1
بس تعجبني لانك مدحت العربيه ((سر خاص:D ))

[RED Chevy]

السلام عليكم ورحمة الله وبركاته
هلا ريسنج، ليش عندك أحد في العربيه؟

[أبوالزين]

شئ اكيد عندي أحد
الوالد طال عمرك , حاول تميز المذيع العماني في القناة و بالتحديد الأخبار السياسية وجيب لي أسمه

[RED Chevy]

السلام عليكم ورحمة الله وبركاته
إنت تامر أمر، بس خل أهد النت وبتابع العربيه لين ما أطلع إسم الوالد.

[أبوالزين]

اسهل عليك اخوي
بكره الصبح عنده دوام

[RED Chevy]

السلام عليكم ورحمة الله وبركاته
والله أمس تميت أدور بس ماحصلته، لكن في واحد آنا شاك فيه بس نسيت إسمه(كأن حسن عوض) بس مومتأكد

[أبوالزين]

لا بعيد الشر حسن عوض:D
اعطيك الجواب
يوسف الهوتي

[RED Chevy]

السلام عليكم ورحمة الله وبركاته
الله خليتني أتابع العربيه غصب، تميت آتابع البرامج وآخرتها ماحصلت الإسم، وأشكرك إخوي على مشاركتك.

[أبوالزين]

العفو

[RED Chevy]

السلام عليكم ورحمة الله وبركاته
شباب غداً بتكون في مفاجئه كبرى وعلى مستوى، وبيكون فيه برنامج حافل للحدث اللي ماتم الإعلان عنه، والأخبار في غايه السريه.

[مؤيد اف1]

رد مقتبس من RED Chevy
السلام عليكم ورحمة الله وبركاته
شباب غداً بتكون في مفاجئه كبرى وعلى مستوى، وبيكون فيه برنامج حافل للحدث اللي ماتم الإعلان عنه، والأخبار في غايه السريه.

تبوني اسوق في الفورمولا1 انا حاضر :Sad2: من وين ياحسره :cry:

انشاء الله تكون المفاجاه على مستوى ;)

[RED Chevy]

السلام عليكم ورحمة الله وبركاته
هي على مستوى بالنسبه لي وللوفد مال الفورملا، في الليل بتعرفون شصار وشبيصير وتسلم إخوي مؤيد على مشاركتك.

[أبوالزين]

ها شبيصير عسى ما في هوشه:D

[RED Chevy]

السلام عليكم ورحمة الله وبركاته
لا لا الحمد لله مافي شي بس صبروا وبتعرفون.

[RED Chevy]

السلام عليكم ورحمة الله وبركاته
الحين أقدر أقولكم شصار بس مو بالتفصيل، سلمكم الله أمس كان في وفد إعلامي( طبعاً أجانب) وضيوف ماخذينهم جوله في البر( يعلمونهم على البداوه) حتى الآن عادي.
لكن شنو المفاجئه، الوفد راح أي مخيم، طبعاً مخيمنا، بس طبعاً جابوا لهم خيام أجار وبوفيه وووووو، الخيام اللي كانوا مأجرينها ( الوحده 14*10 متر) أجارهم ويا السدو( الفرش البدوي) طلع فوق ال1600 دينار يعني 160000 ريال، وفي واحد من الوفد قال حق إخوي( أم ريلي هبي آي نفر بي هابي لايك ذس) الرجال عجبه الوضع، طبعاً الزياره كانت ترفيه لهم، والحلبه تبين من مخيمنا( وراه تقريباً) الوفد كان جاي لتغطية آخر الأعمال في الحلبه وسلامتكم.
نراكم في البحرين في 04/04/04