View Full Version : مطلوب محرك صني ( خدمة )
خليل أبو سمرة
25-12-2003, 12:07 PM
السلام عليكم ورحمة الله وبركاته
شباب الامارات ( خصوصا )
محتاج مساعدة الخبراء في كراجات الشارقة و دبي و عجمان
عندي سيارة نيسان صني موديل 1997 و ضربة فيها المكينة و لازم أركب مكينة جديدة ( مستعملة خليجي أو وارد )
لليعرف أي كراج أو محل بيع محركات مستعملة خليجي أو وارد في دبي أو الشارقة أو عجمان , يخبرني أو يعطيني العنوان أو رقم المحل
شكرا على المساعدة مقدما
خليل:black:
زورو الامارات
25-12-2003, 05:30 PM
السلام عليكم ورحمة الله وبركاته
هلا خليل
شو ضرب لك المكينه ؟
انا في اخر تجمع شفت سيارتك تلفانه حدها ضربات كثيره فيها
ووضعها صعب شوي مادري هل انك تالفها في السواقه ؟
روح الامارات
25-12-2003, 06:00 PM
السلام عليكم ورحمة الله وبركاته
حاضرين يا خليل نسالك عن مكينه سني ولا يهمك لكن شو السبب الى خلى مكينة سيارتك تضرب .........؟ مع انها 1997
اما الكراجات بعد نخبرك وندليك عليها :) :)
خليل أبو سمرة
26-12-2003, 05:15 AM
زورو الامارات
أولا السيارة تلفانه بسبب سواقتي الهادية و اهتمامي الزايد فيها لدرجة اني لو دعمت أحد في موقف سيارات ما أفكر اني أشوف شو صار و أكمل طريقي طبيعي ( اهتمام عجيب )
روح الامارات
عجبني كلامك و سؤالك ان كيف محرك سيارة موديل 1997 يضرب و يحتاج تبديل , بس حبيت أقولك ان هذه ثاني محرك يضرب في السيارة , لأني بدلت محرك السيارة من سنتين و هذا ثاني محرك أحرقه
السبب هو ( ما عرف ) بس دائما نفس المشكلة , حرارة عالية و أمشي عليها و الحرارة فوق الأحمر , فجأة ما شوف الا السيارة وقفت و قالت لي بدل المكينة يا خليل
شو رأيكم في سواقتي و هل أصلح اني أكون السائق المثالي لعام 2008 :D
أرجو المساعدة من أهل الخبرة
أشكركم جميعا
خليل:black:
السلام عليكم
واضح من كلام الشباب أن السيارة منتهية :)
لكن لو أن السيارة نظيفة أنا أشوف أنها فرصة تركب مكينة NISSAN SR20DET.
حتصير السيارة تفجير :D
روح الامارات
26-12-2003, 04:34 PM
هلا خليل ماشاء الله باين عليك الاهتمام
يعني جان سالت شو سبب ارتفاع الحراره مرات تكون من كلتشات مروحة المكينه ومرات من الجازجيتات وهذا سبب رئيسي لارتفاع درجه حراره السياره وانته الضاهر ماكنت مهتم في هذا ومرات يكون السبب من الراديتر نفسه مايدخل ماي اللى يبرد المكينه عدل :) :)
علشان جذه لازم تهتم بهذه الامور لسيارتك علشان تحافظ عليها
:glasses: :glasses: وتصلح سائق 2010 :D :D :D
روح الامارات
26-12-2003, 04:46 PM
هلا خليل ماشاء الله باين عليك الاهتمام
يعني جان سالت شو سبب ارتفاع الحراره مرات تكون من كلتشات مروحة المكينه ومرات من الجازجيتات وهذا سبب رئيسي لارتفاع درجه حراره السياره وانته الضاهر ماكنت مهتم في هذا ومرات يكون السبب من الراديتر نفسه مايدخل ماي اللى يبرد المكينه عدل :) :)
علشان جذه لازم تهتم بهذه الامور لسيارتك علشان تحافظ عليها
:glasses: :glasses: وتصلح سائق 2010 :D :D :D
uae speed
26-12-2003, 05:03 PM
هلا خليل :)
والله يالغالي شي وايد كراجات في صناعية الشارجة وعجمان ..
أنا أنصحك فعجمان ..
تعرف المحطه الكبرى في عجمان ؟
بعد المحطه خذ يمين .. وبتدش الصناعية .. :)
والباقي عليك ..:)
بس تعال بخبرك شي .. تراها فرصة انك تركب مكينة بريميرا مثلاً ;)
يا ويلي .. 2.0 يعجبك :banana:
تحياتي .. :cool:
خليل أبو سمرة
27-12-2003, 05:31 AM
أشكر كل اللي جاوبوني
بس سؤال خاص لـ uae speed من وين ممكن أحصل مكينة بريميرا و هل سهل تركيبها و شو يحتاج أغير في السيارة علشان أركبها و كم ممكن تكلف المكينة مع التركيب
أخ NFS السيارة شبه تنازع من أجل البقاء و أنا من النوع اللي يساعد السيارة على الانتحار و ليس البقاء
روح الامارات موضوع الحرارة هذا بسبب تسريب في الماء داخل المحرك و اختلاطه بالزيت و هذا السبب اللي ضرب المحرك :D
أشكركم و أنتظر مساعدتكم لأن السيارة خايف عليها من طول وقفتها في الكراج :D ( لازم اهتم فيها )
خليل:black:
روح الامارات
27-12-2003, 07:24 AM
رد مقتبس من خليل أبو سمرة
أشكر كل اللي جاوبوني
بس سؤال خاص لـ uae speed من وين ممكن أحصل مكينة بريميرا و هل سهل تركيبها و شو يحتاج أغير في السيارة علشان أركبها و كم ممكن تكلف المكينة مع التركيب
أخ NFS السيارة شبه تنازع من أجل البقاء و أنا من النوع اللي يساعد السيارة على الانتحار و ليس البقاء
روح الامارات موضوع الحرارة هذا بسبب تسريب في الماء داخل المحرك و اختلاطه بالزيت و هذا السبب اللي ضرب المحرك :D
أشكركم و أنتظر مساعدتكم لأن السيارة خايف عليها من طول وقفتها في الكراج :D ( لازم اهتم فيها )
خليل:black:
ماشاء الله عليك لا صدق مهتم بالسياره على العموم يا سيدنا العزيز بتلقا في صناعيه الشارجه مكودات المكاين اليابانيه بالذات كراج شالنجر لكنه حرامي وبيضرب عليك ضربه :( :(
والله يعينك وحاضرين في الخدمه يا خليل ولا يهمك
uae speed
27-12-2003, 03:47 PM
خليل ..
بيني وبينك مكينة البريميرا صعب انك تحصلها ..
لكن مب مستحيل ..:)
لازم تدور وتدور وتسأل وتشوف ..
بالنسبة للتركيب .. فما أعتقد صعب .. لأني شفت
سني مركب عليها مكينة بريميرا في النت ..
جرب تسوي بحث عن المكينة .. وشوف النتايج في المنتديات
المتخصصة عن النيسان ..
تحياتي ..
بعد التركيب .. بجرب وياك ;)
infiniti
27-12-2003, 04:43 PM
اخوي خليل أبو سمرة
اذا ناوي تركب مكينة بريميرا تقدر تسأل اصحاب الكراجات عن هذا الكود SR20DE بدون تيربو او مع تيربو على هذا الكود SR20DET انت بس قولهم هذا الكود و هم على طول راح يعرفون المكينة و على فكرة مكينة البلوبيرد و البريميرا نفس الشي مايختلفون الاختلاف بالثلاجه و القير طبعا يختلف
مع وزن الصني راح تصير طياره اذا ركبت عليها SR20DE بدون تيربو تقوم على اللومينا LTZ و انت تضحك :D
خليل أبو سمرة
28-12-2003, 03:55 AM
والله يا شباب شجعتوني
بس مستحيل أركب تيربو على السيارة لأن الوالد مرات يسوقها
يعني ممكن اني أعدي موضوع ان المكينة أقوة بس مستحيل يمشي موضوع تيربو على السيارة و ما يشوفه
بسأل عنها وانشالله تكون على قد فلوسي
بس ليش ما أركب عليها مكينة صني 2003 الـ 1.8 سي سي هاي ممكن تسوي شغل ممتاز ويكون سعرها مناسب
شو رأيكم
خليل:black: