View Full Version : تنظيف البخاخات ضروري ؟
majed350
29-07-2003, 08:07 AM
عندي صراحة سؤال كل واحد يجاوبني بشكل مختلف الي هو :
هل تنظيف البخاخات ضروري ؟ و كل كم لازم انظف البخاخات و كيف اعرف انه لازم انظفهم . و هل صحيح تنظيف البخاخات يخلي السيارة تسحب بنزين اكثر بعدين ؟
و ياليت احد يشرح طريقة تنظيف البخاخات هل هي مأمونة في الورشات العادية او في الوكالة افضل ؟
و ايش سبب انسداد البخاخات ؟
وشكرا لكم
ابو نواااف.....
29-07-2003, 09:33 AM
والله ياخوي انسداد البخاخات بسبب الاوساخ الي يجمعها تانكي البنزين
وانا انصحك ياخوي اذا سيارتك بخاخ لاتخلي البنزين على E لان هو الي يلعبلك في البخاخات يخلي بقايا الاوساخ الي مجتمعه في التانكي تنزل
على البخاخات ثم تعدملك الابر للبخاخات وهذا يسبب انسداد البخاخات
وبالنسبه تنظيف البخاخات ضروري للسياره ... والبخاخات مالها مده معينه علشان تنظفها يعتمد على ممشاك للسياره ..............
اذا حسيت مثلآ كتمه او ممشاه الموتر وسحبيته ثقيله فهذا يدل على انك لازم تنظف البخاخات .
وانا انصحك اذا بتنظف البخاخات لاتوديه الوكاله لان شغلهم غالي مايسوى.... وانا انصحك انك توديه احد الورش المعروفه.
تحياتي لك واعطي المشاركه للشباب...
بسم الله الرحمن الرحيم
تنظيف البخاخات متى تسويه في حالتين
1 اذا كانت السيارة تطفى وتقطع وطبعاً حاله مستعصيه.
2 اذا كانت السيارة تقطع بعد 160 كلم وهذي حاله طبيعة
==============================
س\وشلون تحافظ على البخاخات وطرمبة البنزين و الصفايه وتخليها تعيش عمر اطول؟
ج\لاتخلي البنزين تحت الربع وطفى السيارة اذا جيت تعبي بنزين عشان
التراب يكون يتحرك داخل الخزان وفيه احتمال يدخل الطرمبة
===============================
هل هو مؤمون في الورش
انابيب البنزين حساسة واي تركيب خاطىء ممكن يسوي تنسم ويكون دائماً غير ملاحظ
واذا بغيت تسويه انصحك تروح الوكاله واذا تعذر ذلك شفلك مركز صيانه يعني مو ورشة
عذراً على الاطاله
mustang cobra
29-07-2003, 12:49 PM
بسم الله الرحمن الرحيم
ولله ياشباب انا دايما مااعبي الا اذا كان على ايE وسيارتي مرسيدس ابو عيون
زورو الامارات
30-07-2003, 03:47 PM
السلام عليكم ورحمة الله وبركاته
بالنسبة للبخاخات طالما انها شغاله صح لاتروح تحوس فيهم وتقول تنظيف وما تنظيف خذها مني نصيحة
اخاف لما تنظفهم تخرب بعض القطع فيهم من الداخل او غيرها
اهم شي تبدل فلتر البترول - صفاية البترول هذي ضروريه جدا سعرها مو غالي كثير لكن دورها مهم جدا
طيب في تقطيع بسيارتك ؟ فيها صرفية بانزين ؟
في دخان اسود يطلع من الاكزوز ؟
ودنا نعرف شو نوع سيارتك واي موديل على شان تعرف كيف تتعامل معاها
افضل البخاخات الالمانية تعمر عندك بشكل ماتتصوره
في انتظار اجاباتك
:p
^SNoOopY^
30-07-2003, 04:31 PM
رد مقتبس من ابو نواااف.....
والله ياخوي انسداد البخاخات بسبب الاوساخ الي يجمعها تانكي البنزين
وانا انصحك ياخوي اذا سيارتك بخاخ لاتخلي البنزين على E لان هو الي يلعبلك في البخاخات يخلي بقايا الاوساخ الي مجتمعه في التانكي تنزل
على البخاخات ثم تعدملك الابر للبخاخات وهذا يسبب انسداد البخاخات
وبالنسبه تنظيف البخاخات ضروري للسياره ... والبخاخات مالها مده معينه علشان تنظفها يعتمد على ممشاك للسياره ..............
اذا حسيت مثلآ كتمه او ممشاه الموتر وسحبيته ثقيله فهذا يدل على انك لازم تنظف البخاخات .
وانا انصحك اذا بتنظف البخاخات لاتوديه الوكاله لان شغلهم غالي مايسوى.... وانا انصحك انك توديه احد الورش المعروفه.
تحياتي لك واعطي المشاركه للشباب...
كلامك مية مية وانا معاك:glasses2: :glasses2: