سوالف للجميع - تدني مستوى الجودة في كامري 2003 ... ماهو السبب ؟ دعوة للحوار والمناقشة

كابريس

30-06-2003, 09:24 AM

بعد ترقب دام طويلا
جاءت الينا كامري 2003
كالعادة استرالية التجميع !
اجزاء يابانية وأخرى امريكية
محرك جديد بالكامل يعطي 166 حصاناً
ناقل حركة اتوماتيكي من 4 نسب يعتبر متخلف نسبيا مقارنة بشقيقتها الأكورد
سعر مبالغ فيه بشكل غريب
حساسات ماليزية !!
جودة متدنية وبشكل غريب على غير عادة تويوتا
محرك ال V6 كما هو لم يتغير !!
مشاكل كثيرة جداً
أصوات تنسيم هواء على السرعات العالية
وغيرها الكثير !!

بالمقابل لاننسى ذكر المميزات
مكيف خلفي ..... نقطة تفوق
الإتساع الداخلي أكبر من مثيلاتها

ماهو ياترى السبب في تدني جودة الكامري الجديدة؟؟؟ وهل النسخة الأمريكية بنفس الجودة ؟
الديكور الداخلي سريع التفكك ، ضعيف نسبيا ..... يذكرني بالسيارات الكورية
ورغم ذلك سعر مبالغ فيه بشكل عجيب
هل هي سياسة جديدة من تويوتا ؟
ام هو استغفال ؟ ام ام ......
هل ستستغل هوندا تراجع تويوتا وتضرب ضربتها القاضية ؟
ماهو موقف VW وغيرها ؟
هل هي بداية تراجع تويوتا للمؤخرة ؟
الموضوع مفتوح للمناقشة بهدوء وبدون زعل

تحياتي

:Sad2:

king of king

30-06-2003, 10:40 AM

بصراحه انا مااعرف

بس اتوقع لانو التجميع استرالي

ابو فنه

30-06-2003, 12:54 PM

هلا و غلا أخوي كابريس ... بالنسبة لتدني الجودة في الكامري الجديدة فأعتقد ان كل السيارات لما يتغير شكلها غالباً ما يأتي فيها عيوب مصنعية ( والإنسان كما تعلم خطٌأ ) فعندما ينزل أول موديل من الشكل الجديد ويصير فيه عيوب فإنهم يحاولوا انهم يتلافوها في الموديل اللي يليه وان ما تلافوها في الموديل اللي يليه فإنهم يحاولوا تلافيه في الموديل الثالث من هذا الشكل... عموماً اخوي كابريس كل السيارات الجديدة مليئة بالعيوب فمثلاً عندك الهوندا الأكورد الجديدة 2003 طلع فيها كم عيب: 1 - العكوس تخرب بسرعة ( ما ادري وش اللي خربها مع ان اللي خربت عنده محافظ عليها مره ) 2 - مسجل السيدي ما فيه غطاء يغطي الفتحة اللي يدخل معها السيدي فبالتالي يدخل الغبار فيه ويخرب
احس اني طولت عليكم وبعدين يديني تعبت من الكتابة
واخيرا مشكورين

SLR

30-06-2003, 01:08 PM

شوفوا حواليكم...

وين ماتحط عينك بالشارع الا واتشوف كامري في كل النواحي...

مسألة تدني الجودة فماعتقد ان الكامري اللي يحمل التقنية اليابانية ولو ان تجميع استرالي به عيوب او سوء تصنيع..

هو صح احس فيه شي غلط بخصوص الهيكل وعدم توافقها مع حجم الاطارات يعني نوع من الغباء شكله والاكزوز من وسط السيارة تراه وكأنه منخفض من مستوى الارض برغم كل ذلك فهو ناجح وهناك كثير مستخدمي الكامري ولايتشكون من اي خلل فني بالسيارة..

اقولها اسأل مجرب

30-06-2003, 02:14 PM

loooooooooooooooool
هههههههههههه
كابريس
اعجبتني طريقة طرحك للموضوع
سلام
لي ردود اخرى

الأنصاري

30-06-2003, 02:52 PM

والله انا حسيت كذا بالكامري بس في الواقع هذا مش مهم مادام علامة تيوتا في المقدمة السيارة بتنجح حتى لو اعطالها اكثر من السيارات الكورية القضية الحين صارت اسم يعني في الواقع ما في مقارنة بين الأكورد الجديدة مع الكامري من اي ناحية المحرك والجودة لصالح الهوندا بس الكامري سيارة فارضة نفسها هذة القضية

بس رغم ذالك اعتقد جودة الكامري جيدة

TOP-SECRET

30-06-2003, 03:16 PM

رد مقتبس من بوعبود
والله انا حسيت كذا بالكامري بس في الواقع هذا مش مهم مادام علامة تيوتا في المقدمة السيارة بتنجح حتى لو اعطالها اكثر من السيارات الكورية القضية الحين صارت اسم يعني في الواقع ما في مقارنة بين الأكورد الجديدة مع الكامري من اي ناحية المحرك والجودة لصالح الهوندا بس الكامري سيارة فارضة نفسها هذة القضية

بس رغم ذالك اعتقد جودة الكامري جيدة

اجديت:glasses: كنت بقول نفس كلامك بس كفيت ووفيت اخوي:laugh: ولو واحد يجي قطر بيمسك راسه كله تويوتا:damp: :Sad2: :damp:
كامري منتشر بشكل كبير عندنا
كروزر :laugh: حدث ولا حرج بيتنا بروحه فيه ثلاث كروزرات:laugh:
الهايلكس منتشر بس مش بكثرة بيك اب نيسان
كرولا منتشره بشكل كبير نسبيا ً
افالون منتشره بشكل ممتاز عندنا

يعني بالعربي اكثر سيارات اهل قطر من toyota:laugh:

ليش:laugh:

كابريس

30-06-2003, 04:20 PM

جيد بس ياليت يكون في حوار ونقاش ساخن شوية :)
بانتظارك S8

Lorinser300E

30-06-2003, 06:26 PM

متى كان مستوى الكامري مرتفع عشان يتدنى
التيوتا تعتمد على الاسم فقط و الأسم اعتقد انه مكتسب من أيام الثمانينات و بدايه التسعينات بعدين التيوتا صراحه خربتها
يعني في حاجه صراحه إنا إذا شفت الكامري الجديد أخجل لما اشوفه قدامي لأني أشوف التخلف و الهندسه الغبيه كلها متجمعه قدامي مثلا
1- التصميم القديم جدا جدا جدا للانوار الخلفيه القبيحه
2- المؤخره المرتفعه نسبيا عن كل مثيالاتها من السيارات (( اتحدى أن النيسان بك أب مؤخرته مستواها منخفض أكثر من الكامري ))
3- التصميم الداخلي المتخلف (( يذكرني بالكابريس ال88 ))
4- الألوان الداخليه الميته الي ما فيها أي حياه
5- المواد المستخدمه في الطبلون و الكراسي
6- ضعف قوه مكينه ال4 سلندر مقارنه مع مثيلاتها
7- مصدات الوحل (( النسافات )) تركيبتهم غلط في غلط في غلط
و الي عنده زياده يتفضل

كابريس

30-06-2003, 07:34 PM

متى كان مستوى الكامري مرتفع عشان يتدنى
اقصد مقارنة الجودة الآن بالجودة سابقاً فلو افترضنا ان الجودة كانت 3 من 5
فالآن اصبحت 2 من 5

التيوتا تعتمد على الاسم فقط و الأسم اعتقد انه مكتسب من أيام الثمانينات و بدايه التسعينات بعدين التيوتا صراحه خربتها
كلام جميل جدا ...
طيب كيف تفسر احتلال تويوتا للمركز الثالث عالميا كأكبر صانع للسيارات
وتحيقيق مبيعات قوية مقارنة بالسيارات في نفس الفئة وللسنة الثانية على التوالي؟
حسب ماذكرت المصادر كامري تقدمت على اكورد عام 2002 في الولايات المتحدة الأمريكية ( الكامري بالشكل الجديد والأكورد الشكل القديم )
وفي العام 2003
لازالت الكامري متقدمة على شقيقتها الأكورد بالرغم من نزول الشكل الجديد للأكورد في اول 4 اشهر !! ( المصدر موجود عندي )
فهل نجحت الكامري الجديدة ام ان سنة واحدة غير كافية ...
وهل الشعب الأمريكي ايضا مخدوع باسم تويوتا ؟
اسئلة تحتاج الى آرائكم

1- التصميم القديم جدا جدا جدا للانوار الخلفيه القبيحه
وجهة نظر شخصية بحتة
في نظري أراها جميلة واختلاف الرأي لايفسد للود قضية :)

5- المواد المستخدمه في الطبلون و الكراسي
هذا موضوع حديثنا
الجودة كانت متوسطة والآن اقل من متوسطة ولم تصل الى حد ان تكون سيئة كالسيارات الكورية او معدومة كـ ....... ;) بلاشي فضايح

2- المؤخره المرتفعه نسبيا عن كل مثيالاتها من السيارات
نقطة جميلة ... هل هذا عيب ام ميزة ؟
طيب ماعرفنا ايش السبب ؟ وليش اغلب سيارات تويوتا بالطريقة هاذي؟
اسئلة تحتاج الى اجابة من الجميع :)

6- ضعف قوه مكينه ال4 سلندر مقارنه مع مثيلاتها
كيف حكمت انها ضعيفة بمثيلاتها ؟ ياليت تذكر لنا امثلة
على فكرة الأكورد 172 حصان ;)
على العموم رأيي فيها ان هذه سياسة تسويقية بحتة فزيادة عدة احصنة لن تؤثر كثيرا ... وهذا رأي شخصي بحت

واعذرني لأني طنشت بقية النقاط لأني اعتقد انها ماهي موضوعنا الآن وماتهمنا كثير

شكرا على ابداء رأيك عزيزي :glasses:

وننتظر اراء الأخوة المشاركين
بدون تجريح وبدون اساءة سواء للأفراد او الشركات او اي احد :)

Third Eye

30-06-2003, 09:47 PM

ارتفاع موخرتها
اتوقع أنو خلوها كده عشان لواندفسوا ناس وار حيخليها
تنزل فهم رفعوها علشان تسير لو سار زحمة داخل السيارة
تنزل فيسير مستواها مثل السيارات الأخرى
أما عن المحرك
أنا اعتبره جيد جدا

Lorinser300E

30-06-2003, 10:55 PM

أنا اعتبره جيد جدا
المحرك اوكي تمام ما عليه كلام بس لو قارنته مع مثيلاته بيكون الاضعف (( الأكورد مثلا- المكسيما مثلا)) ولا أيش رايك

سياسه تيوتا التسويقه انها تنتج سياره توصلك من النقطه أ الى النقطه ب فقط
A<------------------------------------>B
فقط
بدون أي حاجه ثانيه
بدون أي متعه بدون اي راحه بدون أي سلامه بدون حتى شكل يعني سياره (( سياره فقط )) بس

يعني ما في فرق بينها وبين لوح حديد فيه مكينه وكرسي وكفرات بسسسسس

وكثير من الناس تبغي سياره توديهم و تجيبهم العمل بس بدون ما يبغو شي ثاني وهذي هي سياسه التيوتا

وبالنسبه لأرتفاع المؤخره هذا الضاهر الي يسمونه كابفورد او حاجه قريبه لهذا المسمى يقولون و الله أعلم انه يزيد المساحه الداخليه للسياره ويخلي السياره تنقلب بسرعه في الخط:D :D :D :D

مو كأني معصب شوي:laugh: :D :D :D

30-06-2003, 11:17 PM

ابغى اعرف انتوا جربتوا الكوري وخاصة هونداي عشان تقولوا ان جودته متدنية ؟

والله اتحداكم كلكم
انا عندي سوناتا واتحدى بجودتها الكرسيدا

760IL

01-07-2003, 03:23 AM

سياسه تيوتا التسويقه انها تنتج سياره توصلك من النقطه أ الى النقطه ب فقط
A<------------------------------------>B
فقط

----------------------------------------------------------
اي والله صدقت

King 4x4

01-07-2003, 03:47 AM

شباب موضوع شوي حساس للي يعشقون الكامري و لا يرضون تتطلع عيوبها.:o لكن ترى الكامري الجديده قامت تخرب.
جوده مواد تصنيع رديئه الأحرى انها اما أستراليه او ماليزيه.
شكل مقبول رغم ان الشكل القديم 2002 أحلى شوي و أحس انه قوه.
وكاله ما نحتاج نتكلم عنهم لأن أنت اللي تحتاجهم مب هم اللي يحتاجونك.
منافسه شديده من الوكالات مع العلم ان الأكورد الجديده ما عليها كلام و اللتيما بتنزل عندنا بعد سنه.
سعر الكامري مبالغ فيه بقوه بسبب علامه تيوتا اللي قدام السياره.
و التفكير ان تيوتا هي الأفضل دائما هو اللي جعل قيمتها بعد الشريه هي الأفضل.:sleep:

الراوي

01-07-2003, 04:03 AM

الموضوع مافيه حساسيه انشالله , نقاش عادي , حقائق x حقائق

بصراحه يا شباب انا ماجربت الجديده , لكن ما شفت من يمدحها

ومع تطور المحركات لكن احسها متخلفه بعد ,, , يعني ال v6 خلوها Four Cam ولكن قوتها ما تتعدى ال 213 حصان ؟ انا اشوفه تخلف بالنسبه للمحركات الثانيه مثل الاكورد والمكسيما .

ومن ناحيه الجوده فأنا معاكم لأن كانت عندي كامري 99 , بصراحه تستحمل الكرف , كنت اجرم فيها اجرام والله ولا صار فيها شي , لكن تفتقد عنصر الراحه والمتعه , كنت اكره حياتي لما اجي اطلع , كانت ممله بصراحه .

واللي يقهرني زياده الخامات اللي يستخدمونها في السياره , كأن الواحد ماخذها ببلاش من عندهم , بصراحه ما احس انهم عدلوا شي في السياره , غير الBody وبعد مو ذاك الزود .

السياره عيوبها كثيييييره . وتلاقون الطلب يزيد بكثر ماتزيد عيوبها . مع ان في سيارات تنافسها ومتفوقه عليها بمراحل .

لكن اسم تويوتا يغطي , عشان العقليات المتفتحه اللي عندنا .

الرجاء محد يزعل وهذي وجهة نظري

تحياتي \\ عبدالله

الدايري

01-07-2003, 04:49 AM

النقاش من دون موضوعيه نقاش عقيم ....... هذا أولا

الحقيقة الكامري سيارة عمليه من الدرجة الأولى .... وهذا لعدة أسباب لا تخفى عليكم ....... منها :

1- الرخص الشديد لأسعار قطع الغيار .
2- توفر قطع الغيار ومراكز الصيانة في كل زاويه ( أهم أسباب كونها عمليه )
3- خلو الكامري من التعقيدات الكهربائيه و الاكترونيه .
4- توفر قطع بديلة للأصلي ( تجاري وياباني )

وهناك عوامل ثانويه تجعل من الكامري سيارة عمليه ... منها :

1- توفر تكييف خلفي
2- توفر حساسات أماميه وخلفيه
3- أتساع السيارة و الشنطة و أمكانيه طيء المرتبه الخلفيه
4- وجود مقياس لدرجة الحرارة و معدل أستهلاك الوقود

أما القول بأن الكامري تستخدم كسيارة أجره فأنة يصب في مصلح الكامري لأن سيارات الأجرة لا بد أن تتحمل الاستعمال المبالغ فيه.

:cool: شباب ...... الرأي أمانة ...... والكذب في المشورة خيانة .... لذلك حاولت أن اكتب بموضوعيه عن هذا السيارة المسماة بالكامري

:D كلمة أخيرة ......... الكامري ماخشت مزاجي مع كونها عمليه لأسباب عديدة منها

1- انها مشهورة بالسرق
2- مسجلها قبيح جدا جدا من وجهه نظري
3- سعرها مبالغ فيه

:rolleyes: لو أن الجي أل التماتيك ب 55 كان صارت شيء

لون الليل

01-07-2003, 04:53 AM

مرحبا

حسب اعتقادي ان سبب انخفاض الجودة هو زيادة الانتاج لإغراق السوق واقفالة على المنافسين ( الاكورد والماكس )
وانت تدري الشكل الجديد يزيد الطلب عليه خاصة عدنا في الخليج الشباب ما يصدقون تطلع سيارة جديدة :OO:

هذا رأيي

تحياتي

:black:

ACCORD-VETIC

01-07-2003, 05:04 AM

رد مقتبس من Lorinser300E
متى كان مستوى الكامري مرتفع عشان يتدنى
التيوتا تعتمد على الاسم فقط و الأسم اعتقد انه مكتسب من أيام الثمانينات و بدايه التسعينات بعدين التيوتا صراحه خربتها
يعني في حاجه صراحه إنا إذا شفت الكامري الجديد أخجل لما اشوفه قدامي لأني أشوف التخلف و الهندسه الغبيه كلها متجمعه قدامي مثلا
1- التصميم القديم جدا جدا جدا للانوار الخلفيه القبيحه
2- المؤخره المرتفعه نسبيا عن كل مثيالاتها من السيارات (( اتحدى أن النيسان بك أب مؤخرته مستواها منخفض أكثر من الكامري ))
3- التصميم الداخلي المتخلف (( يذكرني بالكابريس ال88 ))
4- الألوان الداخليه الميته الي ما فيها أي حياه
5- المواد المستخدمه في الطبلون و الكراسي
6- ضعف قوه مكينه ال4 سلندر مقارنه مع مثيلاتها
7- مصدات الوحل (( النسافات )) تركيبتهم غلط في غلط في غلط
و الي عنده زياده يتفضل :glasses:

الأنصاري

01-07-2003, 05:06 AM

اخوي TOYOTA - OBAS والله ادري انا كمان قطري :D :D :D بس مخففين من التويتا :D :D في عايلتي واحد عندة كروزر بس

mustang cobra

01-07-2003, 05:38 AM

بسم الله الرحمن الرحيم

الهوندا اكورد احسن من الكامري بدون مقارنه وانت مغمض من كل النواحي هذا من وجهة نظري بدون زعل..........................

TOP-SECRET

01-07-2003, 05:56 AM

رد مقتبس من بوعبود
اخوي TOYOTA - OBAS والله ادري انا كمان قطري :D :D :D بس مخففين من التويتا :D :D في عايلتي واحد عندة كروزر بس

بس اخوي ماتلاحظ الطرق في قطر كلها لاند كروزر :eek: :laugh:

الي عندهم نياسين في قطر :headshak: مب متهنيين في عيشتهم كله يتحرشون فيهم الي عندهم كروزرات:laugh:

الأنصاري

01-07-2003, 02:35 PM

:D :D :D فاهم اكيد الكروزر رقم واحد بس انا اتكلم عن نفسي:D :D
وحتى الكامري الجديدة انتشار رهييييييييييييب لها

كابريس

01-07-2003, 02:39 PM

رد مقتبس من mustang cobra
بسم الله الرحمن الرحيم

الهوندا اكورد احسن من الكامري بدون مقارنه وانت مغمض من كل النواحي هذا من وجهة نظري بدون زعل..........................

طيب ولا تزعل ;)
الأكورد افضل في اشياء والكامري في اشياء من وجهة نظري :D

TOP-SECRET

01-07-2003, 02:40 PM

:D اي والله عدل كلامك اخوي بو عبود:rolleyes: التويوتا ضاربه السوق عندنا:laugh:

كابريس

01-07-2003, 02:40 PM

رد مقتبس من ShaY6ooN

لكن تفتقد عنصر الراحه والمتعه , كنت اكره حياتي لما اجي اطلع , كانت ممله بصراحه .

تحياتي \\ عبدالله

ممله من اي ناحية؟

انا احسها عادية زيها زي اي سيارة ثانية في نفس فئتها :D

TOP-SECRET

01-07-2003, 02:44 PM

رد مقتبس من كابريس
ممله من اي ناحية؟

انا احسها عادية زيها زي اي سيارة ثانية في نفس فئتها :D
يقصد ممله من النحايتين الي ذكرهم في الرد من ناحية ..الراحه
ومن ناحيه .. المتعه

====>> انت شدخلك في الموضوع؟:damp: :laugh:

عادي يارجال ربع ربع:laugh: :laugh:

Lorinser300E

01-07-2003, 04:14 PM

الكامري ممل لأنه سياره بس بدون اي أضافات
يعني بالله عليكم يا جماعه انا ادفع 55 الف في سياره ما فيها ABS ولا فيها TCS
ولا فيها راديو كاسيت زي الناس 4 سماعات بس و الصوت يا دوب انت تسمعه و الكراسي تصميمهم تقليدي لآآخر درجه ما يمسكون الجسم عدل و الألوان الميته الي تحسس الواحد وهو في السياره انه مريض و عصاه القير الي من موديل 96 ما تغيرت و الخشب (( البلاستيك)) هذا إذا كان موجود وسمعت من بعض أصحاب الكامري الجديد انهم عندهم صعوبه في تعشيق القير
و الشكل الخارجي الي يوحي بأن السياره باص مان داخل ولما تدخلها ما تكون بالحجم الي توقعته و انت تشوفها من بره
والكثير الكثير و الي عنده زود يحط
:D :D :D :D :D :D :D :D :D :D :D :D :D :D :D :D :D :D

كابريس

01-07-2003, 04:39 PM

رد مقتبس من Lorinser300E
الكامري ممل لأنه سياره بس بدون اي أضافات
يعني بالله عليكم يا جماعه انا ادفع 55 الف في سياره ما فيها ABS ولا فيها TCS
ولا فيها راديو كاسيت زي الناس 4 سماعات بس و الصوت يا دوب انت تسمعه و الكراسي تصميمهم تقليدي لآآخر درجه ما يمسكون الجسم عدل و الألوان الميته الي تحسس الواحد وهو في السياره انه مريض و عصاه القير الي من موديل 96 ما تغيرت و الخشب (( البلاستيك)) هذا إذا كان موجود وسمعت من بعض أصحاب الكامري الجديد انهم عندهم صعوبه في تعشيق القير
و الشكل الخارجي الي يوحي بأن السياره باص مان داخل ولما تدخلها ما تكون بالحجم الي توقعته و انت تشوفها من بره
والكثير الكثير و الي عنده زود يحط
:D :D :D :D :D :D :D :D :D :D :D :D :D :D :D :D :D :D

كلها وجهات نظر نحترمها :)
بس انا اعتقد انو مسجل الصوت جيد ويؤدي الغرض مثل مسجل الأكورد والمازدا وغيرها
بالنسبة للكراسي .. ايش تفرق على الاكورد مثلا ؟
أعتقد من وجهة نظري لا فرق
واما الألوان الميتة فبرأيي انها جيدة ومقبولة
:glasses:
على العموم اشكرك على ابداء وجهة نظرك
وأؤكد على اني احترم واقدر وجهة نظرك حتى لو اختلفت وجهة نظري

شكرا :banana:

ACCORD-V6

01-07-2003, 07:05 PM

اعتقد الكامري 2003 بدأت بالنزول الى الاسفل
الشكل الخارجي(لاتعليق)
الداخلي (شكله قديم مافيه جديد)
اما بالنسبة لانها عملية فهي عملية وجودتها حلوه
لكن ال2003 ماعندي معلومات عنها

الكامري ال2001 كان شكلها الخارجي حلو وكانت رائعة مقارنة مع 2003
واصحاب ال2001 يمشون بسياراتهم كأن معهم اخر موديل لان ال2003 لم تأت بشكل قوي جدا

اسف جدا جدا على الاطالة
هذا كله راي شخصي
وشكرا

STS4ever

01-07-2003, 08:13 PM

هههههههههههههههههه والله حالتكم حاااله ياشباب المنتدى كل من جا حش وسب ونقد في سياره وهو اصلا ماعنده سالفه هههههههههههههههههههه شباب لحقوا على سوالف لحقوا من جد

سلام

Lorinser300E

01-07-2003, 10:52 PM

:headshak:

STS4ever و الله كان الموضوع عن تدني مستوى الكامري و اعتقد أن المشاركه بأبداء رأي احسن من المشاركه بالتجريح و التعليق على كتاب الردود :mad:
:rolleyes:
و اعتقد اني نقلت رائيي الشخصي فقط وما تكلمت عن العموم

Lorinser300E

01-07-2003, 11:03 PM

كابريس يا عزيزي من ناحيه الألوان خذ لك لفه على الوكالات وشوف السيارات المنافسه و شوف الوانها من الداخل خذ لك مثل المازدا و الفلكسواجن و السيات وبعدين قارنهم مع الكامري وشوف اي وحده منهم الوانها جد ميته

و سستم الصوت انا اعطيه 3/10 على باقي موديلات السيارات
وقول لي اي ميزه في سستم صوت الكامري متفوقه على اي منافس (( حتى الهايونداي ))

و انا ما أقصد الاهانه بس تيوتا مش قادره تزيد ولو حبتين من صرفها على الكامري عشان تطلعه فوق شوي يعني بدال مسجلات البين المستوى القياسي يجيبون مستوى عالي مثلا (( مثل الاند كروزر )) <<< احترم هذي السياره من تيوتا لأنهم معتنين بيها بصراحه مع ان عندي تعليقات عليها برضو

:help:

Oettinger

02-07-2003, 01:23 AM

مادخلة عرض بس لها صلة بالموضوع!!

تىر الحين السوق عندنا اقدر اسميه "شبابي"
والشباب صدقوني ما يحب التويوتا! الا القلة

طيب لاحظتوا نسبة الفرق بين انتشار سيارات تويوتا من عام 2000 الى اليوم؟؟ لاحظتوا انحصار المبيعات في صالح ماركات عمرنا ما توقعنا انها تنجح؟؟

بالنسبة لموضوع الكامري ، اسمحوا اليي اني ما اشارك فيه بسبب انو انا جدا جدا جدا غير محايد ومتعصب تجاه الكامري لاني احتقرها بشكل غير طبيعي ، فراح اوفر رأيي فيها :D

تحياتي ، وسلملي على تويوتا:banana:

كابريس

02-07-2003, 07:33 AM

رد مقتبس من Oettinger

بالنسبة لموضوع الكامري ، اسمحوا اليي اني ما اشارك فيه بسبب انو انا جدا جدا جدا غير محايد ومتعصب تجاه الكامري لاني احتقرها بشكل غير طبيعي ، فراح اوفر رأيي فيها :D

:banana:

شي جميل عشان لا يصير الموضوع حلبة مصارعة :D

على فكرة الكثيرين بدأوا بالإتحاه إلى مازدا 6 و اكورد الجديدة
لكن لازالت الأغلبية تفضل الكامري .. مدري ليش :glasses:

شكاً لكم

IMPALA SS '96

02-07-2003, 07:08 PM

ممكن لأن أغلب الشباب عندهم كوامري من الشكل القديم:D :D :D

وجايين يسووا نقاش هاديء علشان يقنعوا نفسهم إنهم مو محترييييييييين............

هاهاهاهاهاهاهاهاهاهاهاهاهاها....:laugh: :laugh: :laugh:

والله لو إنه في واحد عنده كامري 2003 ما كان عابها.......ولكن الغالب عنده 2002 و أقدم.......

السيارة تجاوزت قبح الماضي وانتقلت إلى جمال المستقبل.....
ومافي مقارنة بينها وبين القبيحة كامري 98 --- 2002 ......

كل سيارة جديدة ولها أعدائها واتقوا حسد الأقارب.... هاهاهاهاهاها

....:laugh: :laugh: :laugh:

وجهة نظر خاصة بي ولا أسمح لأحد بالتهجم علي شخصياً ....:):):) ...إذا أردت النقاش فناقش وجهات النظر ولا تناقش الأشخاص........