View Full Version : بين قيادة النساء والرجال
الأنصاري
02-06-2003, 10:23 AM
والله امس جلست مع الشباب في المجلس نناقش موضوع سواقة النساء والرجال وانقسم الشباب الى قسمين
قسم يقول ان النساء منذ سمحو لهم يسوقون والحوادث تزيد لأنهم يقودون بسرعة منخفضة جدا ونعدام الخبرة عند الدوارات مما يسبب الإزدحام اضافة الى انهم ماعندهم الخبرة الي عند الرجل في المواقف الصعبة
قسم يقول ان الشباب هم اسباب الحوداث لأنهم يفحطون يسرعون وما يفتكرون في خلق الله وشايفين نفسهم
الصراحة انا استمتعت واحتفظت برأي لنفسي والحين ابي اشوف راي شباب سوالف:D :D
غالية
02-06-2003, 10:42 AM
اهلين اخوي بو عبود....
عن رأئي الشخصي....ما تعجبني سواقة معظم نساء.....
بس مش كلهن.....
وبالفعل الرجال يتصرفون في المواقف الصعبه....
لكن البنت يمكن يخليها الارتباك و الخوف ما تحسن التصرف.....
بس اذا شفنا الواقع...وحسب الاحصائيات ..الوفيات من حوادث السيارات معظمهم من الشباب...
طبعاً السبب الرئيسي التهور والسرعه الزايده...
والله يسلم الجميع.....
تحياتي لكاتب الموضوع :)
ACCORD-V6
02-06-2003, 11:57 AM
فيه مشاكل كبيرة غير الحوادث تترتب على قيادة المرأة للسيارة
اسمحولي
مااقدر اتكلم زيادة
E_TYPE
02-06-2003, 12:01 PM
اهللللللللللين
انا اشوف سواقت النساء عااادي المراء الي صاااار ليها تسوق فتره اكيد بتعرف تتصرف بس اذا جة وحده توها علميه اكيد بتكسر الدنيه:D
والشباب عليهم العوض كله مطيرين وتفحيط واكثر الوفايات من الشباب .
وشكرآ
Lamborghini
02-06-2003, 12:05 PM
سواقـة المرأة سواقـة دائما جيدة .. صحيح ينقصها حسن التصرف في بعض الأوقات ، لكن دائما منتبهـة وماتسوي حادث إلـى لو كان غلط الطرف الثاني وهي ماعرفت تتفاداه ( سالفـة حسن التصرف ) .. :)
علـى العموم أنا مع حصول المرأة علـى ليسن وغيره ، لكني مش مع إنها تطلع وتروح وترد علـى كيفها كأن محد قدها ( مثل بعض البنات عافانا الله تحصلهم في السنما في مواعيد نص الليل وبعظم الله يستر في أماكن ألعن ) علـى العموم نرجع للسيرة والناس مب حسب الجنس لكن حسب التربيـة .. :)
الأنصاري
02-06-2003, 12:18 PM
مشكورين على الردود
بس انا قصدي من الموضوع ارائكم بكيفية السواقة الرجل او المراة مش قضيت انا مع او ضد سواقة هذا او سواقة هذة لأن في دول النساء لايسمح لهم بالقيادة فيها هذا مش محور النقاش يكتفى بالكيفية
وشكرا على التفاعل السريع
الارهابي
02-06-2003, 03:53 PM
لا تقارنو الحريم بالشباب
تقدروا تقسموا الجنسين الى اكثر من شريحه
يعني بالنسبه للعمر
لان اشوف معظم الكلام في هالموضوع يقارن بين النساء ( بدون تحديد العمر ) من جهه و الشباب ( خاصه المراهقين ) من جهه اخرى
فلو بتقارن قياده مراه للسياره في عمر 30
قارنها بقياده رجل عمره 30 ايضا
بتلاقي حالات التهور و التفحيط و السرعه و الحوادث قليله في الطرفين
يعني خلوا المراهقين على جنب
لانهم حالات استثنائيه
و مثلهم البنات اللي توهم يسوقوا :D
Dreams_Maker
02-06-2003, 04:20 PM
بغض النظر عن امكانيات المرأه بالسواقه.......
"مااعتقد فيه فرق بين سواقه المرأه والرجل...كل شي بالتعلم والتمرس يصير"...
بس انت الآن تعاني من زحمة السير الشديد عندنا في هذه الايام...وفي ازدياد سنه عن سنه....
فكيف لو سمحوا للمرأه بالقياده....راح يكون ضعف العدد من السيارات....بشكل تقريبي...
قف لحظه...وتخيل كيف شكل الطرق...واذا طلعت من البيت الساعه 6:30 بتروح العمل ولا المدرسه ولا الكليه...متى بتوصل؟؟؟
هاااااااااااااااااااااااااااااااااااا....:D:D:D:D.........
يمكن توصل...يمكن تمل وتطفش وترجع بيتكم...عادي...كل شي جايز
:D
"==>>أنا اتكلم عن بلدي..السعوديه<<=="
وخصوصا المنطقه الشرقيه.....
الكلام في هذا الموضوع...ياخذ وقت شاسع جدا...
وانا أكتفي بهذا القدر..
==انتهى==
:)
D_M
HaKeM
02-06-2003, 04:31 PM
بالنسبة لي اوافق رأيDreams_Maker من ناحية "مااعتقد فيه فرق بين سواقه المرأه والرجل...كل شي بالتعلم والتمرس يصير"
(العمر له دوره في بعض حركات السواقة)
ولكن المرأة حسب اعتقادي يصعب عليها التصرف في المواقف الصعبة لكون المراة ضعيفة القلب تتأثر بسرعة وكذلك الرجال لكن بنسبة قليلة.
تحياتي
Lamborghini
03-06-2003, 12:28 AM
لووووول والله ذكورتوني بالبنت اللي كانت تشل علـى تايرين ابلانكروزر علـى دوار التوام في العين ، فعلا لحظـة فضيعـة .. :D :D
في السعودية السواقة بتكون محصورة للرجال إلى ما شاء الله
لأن عندنا ناس (همج).
gs300_2003
03-06-2003, 05:07 AM
و الله راي ما في احسن للمرأة افضل من الجلوس في الكرسي الخلفي معززة مكرمة لا تتعب حالها و لا تعرض نفسها الي مواقف محرجة او خطيرة...
:) :) :)
عاشق التضبيط
03-06-2003, 05:23 AM
رد مقتبس من NFS
في السعودية السواقة بتكون محصورة للرجال إلى ما شاء الله
لأن عندنا ناس (همج).
صراحه ماتوقعتها تطلع من واحد مثلك
يعني اللي مايرضى لاهله يسوقون همجي؟
اتمنى اني فهمت قصدك غلط
وبصراحه انا اول ماشفت الموضوع انا عرفت انه بتصير مشكله
بس الموضوع مثل ماقال اخوي بوعبود
بس انا قصدي من الموضوع ارائكم بكيفية السواقة الرجل او المراة مش قضيت انا مع او ضد سواقة هذا او سواقة هذة لأن في دول النساء لايسمح لهم بالقيادة فيها هذا مش محور النقاش يكتفى بالكيفية
وشكرا على التفاعل السريع
يعني مانبي نكون مع اوضد
اذا انت ترضى لاهلك يسوقون احترم وجهة نظرك وهذا شي خاص فيك
وإذا كنت انا ما ارضى لاهلي يسوقون هذا شي خاص فيني ولازم الكل يحترم وجهة نظري وماينعتني بالتخلف
الأنصاري
03-06-2003, 09:07 AM
عاشق التضبيط نتحترم وجهت نظرك احترام شديييييييييييييد
NFS ايضا نتحترم وجهت نظرك احترام شديييييييييييييييييييييد
وانا الصراحة ما ارضى على احد وياشباب ارجو منكم راجاء شديد جدا جدا جدا انكم ماتخرجون عن محور الحديث لأني ما احب تكون مواضيعي من هذة المواضيع الي تحول الأعضاء الى اعداء
NFS ارجوك لاترد رد عنيف هذة وجهات نظر ومافيها شئ
في حالة خرج الموضوع من السيطرة اتمنى ان المشرف يحذف الموضوع
الارهابي
03-06-2003, 04:03 PM
رد مقتبس من عاشق التضبيط
صراحه ماتوقعتها تطلع من واحد مثلك
يعني اللي مايرضى لاهله يسوقون همجي؟
انا اعتقد انا الهمج اللي يقصدهم الاخ NFS
هم اللي في الشوارع من متهورين و مجرمين
اللي الواحد ما يآمن على ولاده منهم
فما بالك بالحريم :D
Third Eye
03-06-2003, 04:18 PM
رد مقتبس من الارهابي
انا اعتقد انا الهمج اللي يقصدهم الاخ NFS
هم اللي في الشوارع من متهورين و مجرمين
اللي الواحد ما يآمن على ولاده منهم
فما بالك بالحريم :D
صاااادق
أظن أنو يقصد هذا
وأقرب دليل
روح الشارع وشوف بعض الشباب إيش يسوو في السواقين الاجانب
وخصوصا التكاسي
الارهابي
03-06-2003, 04:49 PM
رد مقتبس من a.w.t
صاااادق
أظن أنو يقصد هذا
وأقرب دليل
روح الشارع وشوف بعض الشباب إيش يسوو في السواقين الاجانب
وخصوصا التكاسي
ايوه عليك نور
تخيل امرأه تسوق سياره بمفردها مثلا من البيت للسوبرماركت
او من البيت لمكان عملها ( سواء مدرسه او طبيبه او موظفه )
تخيل كم مضايقه راح تحصل من هالطايشين
و المصيبه لو تعطلت عليها السياره في مكان بعيد وش بتسوي :confused:
Lamborghini
04-06-2003, 01:31 AM
الصراحـة ومن دون زعل أنا يوم سرنا نعمر ماعرفت أسوق في مدن السعوديـة ، عاد الله يعين البنات .. :o
DodgE
04-06-2003, 08:59 AM
من رايي
لو حدث موقف صعب بالسواقه لرجع قدر يتصرف
أما الحرمه أحس أنها بتغمض وتسلم للأمر
وليس الذكر كالأنثى