king_ss واللي عنده معلومات..بخصوص الكورفت اللي جاي من برة

[vette4ever]

السلام عليكم...
كيف حالكم شباب..

حبيت استفسر عن... الكورفت او اي سيارة
اذا كانت جاي من برة..
هل ممكن يكون في مشكله في الحرارة ؟؟
يعني يكون مو مجهز حق الحرارة العاليه ؟؟ مثل حرارة الخليج

لانه عندي واحد من الأهل شرى زد 300 تيربو .. كان جاي من برة
من امريكا ، ( واستعمال سيده;) )

واحترق على في فتر الصيف... بعدين قام بتصليحه.. على فترة الشتاء
وكان ما فيه شي ، بس لما دخلنا في فترة الصيف مرة ثانيه..
احترق للمرة الثانية.. والكثيرين قالوا انه مو مواصفات الخليج
فياريت اللي عنده معلومات اكيييده عن هالشي
لا يبخل علينا

وسلامتكم..

مع تحياتي...:cool: :cool: :cool:

[الارهابي]

سلام


بالنسبه لمعظم السيارات الوارده من اوروبا او امريكا
بالطبع لازم ترتفع حرارتها لما تستخدمها هنا

اولا : لانه مواصفاتها هناك تتطلب راديتور منخفض الاداء يعني صفتين او حتى بعض السيارات تجي صفه وحده لانه زي ما تعرف الجو هناك يختلف عن هنا فركب لك راديتور ب3 او 4 صفات و انصحك ابتعد عن الراديتور المصنوع من الحديد لانه في الجو الحار ما يفيد حتى لو كان مليون صفه يعني دور على راديتور مصنوع من داخل من النحاس او الالمنيوم
و الامر الثاني المتعلق بالراديتور غير حجمه هو ان بعض السيارات تجي فيها شي يسموه ثيرموستات في كوع الماء و هذا يفيد هناك اثناء فتره تسخين السياره لما يكون المحرك بارد حيث يسمح بمرور جزئي للماء للمحرك فيسخن المحرك لدرجه الحراره المناسبه في وقت معقول بالنسبه لدرجات الحراره المنخفضه هناك
لكن هنا يسبب ارتفاع الحراره فيفضل ازالته
او استبداله بجديد لانه احيانا ينسد من كثره الرواسب

ثانيا : المراوح الكهربائيه ايضا مخصصه للمواصفات المناسبه للبلد اللي نزلت فيه السياره و يمكن انها تكون ضعيفه ولا تبرد بالشكل المطلوب في جونا الرهيب :D

ثالثا : بالنسبه للكورفت و بقيه سيارات الجنرال موتورز اللي تكون وارد امريكا او كندا
عداد حرارتها يكون مدرج بالفهرنهايت و ليس بالمئوي
حتى لو كانت حراره المحرك طبيعيه بيكون المؤشر تقريبا قبل النص بشوي
ما ادري ليش


انشاء الله اكون وضحت شي :D

[vette4ever]

الحقيقه تشكر على التوضيح:cool:
مشااااء الله عليك ( عيني عليك بارده ):)

بس في نقطه بعرف عنها..
الحين في بعض السيارات الي تجي من برة ، اتكون مواصفات الخليج
مع انها موديل قديم ومستعمله مثلا 95 او 96 ، والبعض الآخر من السيارات ما تتناسب مع الخليج وتكون هم مستعمله..

طيب السيارات اللي استعملت برة..
ليش صممت بشكل يتلائم مع الخليج ، مع انها استعملت في الخليج بعد ما اوصلت وانباعت وكل شي عادي والشاري ما اشتكه منها بعد مرور فترة الصيف عليه خلال سنتين او ثلاث؟؟؟

والعكس غير صحيح مع السيارات المستعمله ، الاخرى اللي تجي من برة !!؟؟

مع تحياتي...:cool: :cool: :cool:

[الارهابي]

على حسب الولايه
لان بعض الولايات يكون جوها ممتاز ورهيب مثل الجو اللي عندا :D
يعني لو كانت السياره مخصصه لولايه فيها مثل هذه الجو اعتقد ما بتواجه مشاكل ابدا

اما بعض الولايات جوها بارد على طول
تلاقي حتى الجموس اللي تنزل فيها و محركاتها 454
عليها رديتر صفتين :damp: ( محركات 454 في عز الحر ما يبغالها اي رديتر لازم تحظ رديتر محترم عشان يسكت حرها )


يعني السالفه تختلف من ولايه لولايه

لكن حتى لو كان نظام التبريد مو مناسب لجونا بتعديلات بسيطه تمشي وياك السياره تمام

يعني رديتر محترم
و مراوح اوكيه
او اذا كانت مراوح بكلتش
حط له كلتش كويس
و الغي الثيرموستات
و انشاء الله تصير السياره تمام

[King_SS]

اضف الى كلام اخوي انه برمجة الكمبيوتر مختلفة تماااااما جدا ..
من حيث متى تفتح المراوح ومتى تقفل ..

وايضا ال fuel managment
بيتم تغييره

وال ignition timing

وبيتم الغاء نظام ال air pump

يعني مثلا سيارتي مواصفات خليجية .. لما شيكت مع امريكا لقيت انو برمجة الكمبيوتر مختلفة كثير جدا عن امريكا ..

وعندك الكمارو ال اس اس 2002 حق اخي جايبينه من امريكا ..
جا معاه بلف حرارة عالي وفيه طرمبة الهوا وحاجات كثيرة ملغية في الكماروهات اللي موجودة هنا ..

بالنسبة للكورفت .. فمشكلتها ازلية ليوم الدين والسبب هوا ضيق المساحة داخل المكينة مما يسبب الحرارة العالية .. حتى لو حليت مشكلة الحرارة .. وهذي انا عانيت منها كثير .. وحتى نفسهم الامريكان اللي متواجدين في ولايات حارة بيعانو من نفس المشكلة ..

بس وضعولها حل الا وهوا 3 مراوح مثل مروحة الكمبيوتر حق البيت .. توضع في البطانة حقة الرفرف من الداخل عشان تعمل دورة كاملة للهوا داخل المحرك ..

بس ماشالله اشوف موديلات 1993 وانت طالع مافيها مشاكل .. وخاصة ال شكل الجديد .. لانها طلبت عن طريق الوكيل بمواصفات خليجية ..


حكاية الزد اللي جاي من امريكا والاحتراق .. انت ايش تقصد باحتراق ..
احتراق المكينة لا قدر الله يعني تولع نار والا تسخن او ايش قصدك

لانه المفروض ما تسخن السيارة بسبب الكيوبك انش فيها جدا صغير ؟؟

[LIGHTS]

اريد ان اضيف نقطتين
الراديتر اللمنيوم يعتبر افضل راديتر لمنطقة الخليج وذلك لسهولة تبريد الماء القادم من المحرك ، واذا اضفت عدد صفات اكثر في الراديتر يفضل ان تتاكد من نوع مضخة الماء ( الوتر بمب ) في السيارة اذا كانت تستطيع ان تضخ الماء في الراديتر بشكل جيد .
اما بخصوص ثيرموستات فيفضل ان تركب النوع الذى يسمح بمرور الماء عند درجة 80 ، معضم المحركات الجديده وخاصه المصنوعه بالكامل من الالمنيوم وبالاخص المحركات التى تكون نسبت الضغط فيها (10) فانه لاينصح بازالت ثيرموستات لانه سيسبب تصدع في مجرى الماء في ( الهد ) وستلاحظ ذلك بعد ان تقطع السيارة ما يقارب 30 الف كم .

[الارهابي]

رد مقتبس من King_SS
اضف الى كلام اخوي انه برمجة الكمبيوتر مختلفة تماااااما جدا ..
من حيث متى تفتح المراوح ومتى تقفل ..

وايضا ال fuel managment
بيتم تغييره

وال ignition timing

وبيتم الغاء نظام ال air pump

يعني مثلا سيارتي مواصفات خليجية .. لما شيكت مع امريكا لقيت انو برمجة الكمبيوتر مختلفة كثير جدا عن امريكا ..

وعندك الكمارو ال اس اس 2002 حق اخي جايبينه من امريكا ..
جا معاه بلف حرارة عالي وفيه طرمبة الهوا وحاجات كثيرة ملغية في الكماروهات اللي موجودة هنا ..

بالنسبة للكورفت .. فمشكلتها ازلية ليوم الدين والسبب هوا ضيق المساحة داخل المكينة مما يسبب الحرارة العالية .. حتى لو حليت مشكلة الحرارة .. وهذي انا عانيت منها كثير .. وحتى نفسهم الامريكان اللي متواجدين في ولايات حارة بيعانو من نفس المشكلة ..

بس وضعولها حل الا وهوا 3 مراوح مثل مروحة الكمبيوتر حق البيت .. توضع في البطانة حقة الرفرف من الداخل عشان تعمل دورة كاملة للهوا داخل المحرك ..

بس ماشالله اشوف موديلات 1993 وانت طالع مافيها مشاكل .. وخاصة ال شكل الجديد .. لانها طلبت عن طريق الوكيل بمواصفات خليجية ..


حكاية الزد اللي جاي من امريكا والاحتراق .. انت ايش تقصد باحتراق ..
احتراق المكينة لا قدر الله يعني تولع نار والا تسخن او ايش قصدك

لانه المفروض ما تسخن السيارة بسبب الكيوبك انش فيها جدا صغير ؟؟


صحيح مثل ما قال اخوي king SS
بس مثلا الاير بمب ما يجي على كل السيارات
و في ولايات امركيه قوانينها معقده
ولازم تكون مواصفات سياراتها ملخبطه مثلهم
خصوصا ولايه كاليفورنيا :Sad2:
قوانينها معقده جدا جدا
ولا يسمحوا تركب قطعه غير الاصليه على سيارتك الا اذا كان عليها فسح او شهاده مطابقه لقوانين كاليفورنيا C.A.R.B

[vette4ever]

انا صرااااحه ما جت على بالي..
انه بعض الولايات يختلف الجو عندهم من ولايه لآخرى..
حسبتهم كلهم مثل بعض:confused:
على العموم تشكر جدا على المعلومات..وان شاااا الله ما اشتري الا الشي النظييييف:cool:

King_SS
والله ما خااااب ضني فيك (على راسي والله:cool: )
بالنسبه للزد..اهوا احترق ، المكينه ولعت نار ، حمد لله انه السيارة ما ولعت كلها..وجت المطافي وطفوا..:)

هلا LIGHTS
مشكووووررر عزيزي..
وما تقصر..فيك الخير والبركه..:cool:

مــــــــــــــــــــــع تـــــــحــــــــيــــــااااتــــــي...:cool: :cool: :cool:

[King_SS]

رد مقتبس من CORVETTE_96
انا صرااااحه ما جت على بالي..
انه بعض الولايات يختلف الجو عندهم من ولايه لآخرى..
حسبتهم كلهم مثل بعض:confused:
على العموم تشكر جدا على المعلومات..وان شاااا الله ما اشتري الا الشي النظييييف:cool:

King_SS
والله ما خااااب ضني فيك (على راسي والله:cool: )
بالنسبه للزد..اهوا احترق ، المكينه ولعت نار ، حمد لله انه السيارة ما ولعت كلها..وجت المطافي وطفوا..:)

هلا LIGHTS
مشكووووررر عزيزي..
وما تقصر..فيك الخير والبركه..:cool:

مــــــــــــــــــــــع تـــــــحــــــــيــــــااااتــــــي...:cool: :cool: :cool:
===========

المكينة ولعت نااار :OO:

هذا مليون بالمية ماس كهربائي ... يعني انا متاكد من هالشغلة جدا جدا .. وحصلت مع كثيرين هنا ..

خليه يتاكد من ظفيرة البخاخات او اسلاك البواجي او ظفيرة الكمبيوتر او اسلاك الموجب اللي خارجة من الموجب حق البطارية ..

بعض الاحيان اسلاك البواجي تهرب كهربا وتكون السبب في انفجار السيارة لا قدر الله ..

لا يستهتر و قلله يلحق على كهرباء يشيك عليها من والى
والله اسلمكم من كل سوء

[vette4ever]

والله الصراحه اهوا بعد المرة الاولى لما احترقت..
قام والده بتصليحها ، بس لما ولعت للمرة الثانية..
قام وباعها (سيارة سكراب) وافتك من شرها..:cool:
بس لما قام بتصليحها .. ماااشاء الله عليها تمشي اوووكيي ، وكان يقاوم فيها .. ومجرد انه دخلنا على فترة الصيف مرة ثانية والحرارة تقريبا 30 او 35 درجة ..ردت احترقت..:damp:

مع تحياتي...:cool: :cool: :cool: