View Full Version : الحاج حسين ( وكيل سيارات كيا ) يخليك تشتري السيارة بدون ما تشوف لونها !!!!!!!!!!!!!!!
وهذا بالفعل حصل معي ..
اقرأو القصه .. واعطوني رايكم :)
رحت لوكالة كيا .. وسألت عن الجيب الجديد sorento .. وماقصروا اعطوني 70 % من المعلومات اللي أبغاها .. والباقي ( ماعندنا فكره ) !!
طلبت تجربة السيارة .. والحمد لله جربت السيارة لمسافه تزيد عن 2 كيلو !!!
المهم .. قلت خلاص السيارة عجبتني ( بالفعل السيارة عجبتني قيادتها ، ناعمه وهاديه ومريحه وقوية )
المهم .. قلت أبغا اشتري .. قالوا طيب مرحبا .. تبغاها أقساط والا كاش .. قلت لا أبغاها أقساط .. قالوا طيب تفع دفعه أولـــ .................
قلت لحظه ياخي .. قبل لا نتكلم عن الدفعات .. اش الألوان المتوفره على السيارة .. قال فيه عدة ألوان كذا وكذا وكذا
قلت حلو وين أقدر أشوف اللون عشان اختار بنفسي ... قال نعم !!
قلت أبغا أشوف اللون على الطبيعه !!
قال انت اش تبغا لون ؟
قلت أبغا أبيض ..
قالي الأبيض معروف ..
قلت ولو .. لازم أشوف اللون على الطبيعه ، يمكن مايطلع حلو عليها ,, ولازم اشوف اش انسب لون عليها ، أزرق والا اخضر والا عنابي .... ؟؟
قال بصراحه السيارات موجوده في المستودع والمستودع في الميناء العام !!! وممنوع أي أحد يدخل هناك الا بتصريح خاص ولازم يكون مسؤول كبير في الشركه !!!
قلت ياخي أنا بشتري سيارة مو طائره حربيه !!
قال والله ياخي هذا نظام الشركه وما أقدر أخليك تشوف أي لون ..
قلت طيب عندك كاتلوج للسيارة ( بدأت اصاب باليأس )
قال لا والله ما عندي ..
هذي هي شركة الحاج حسين على رضا وشركاه المحدوده وكلاء مازدا وميركوري وكيا واستون مارتن !!
تبغا تشتري سيارة قولنا على اللون وبس .. لكن تشوف .. ممنوع !
طيب الأخضر حق السيارة كيف ؟ .. قال أخضر عادي زي أي أخضر
طيب أي درجة في الأخضر ؟؟ ( زيتي والا عشبي والا تركوازي )
قال أخضر فاتح شويه .. لووووووووووووووووووووووووووووووووول
آراءكم ؟
760IL
08-04-2003, 07:09 AM
بصراحه قمة التخلف ........:mad: والله يصبرك عليهم...بس بالنسبه للحراره ...كيف مستوى الكيا معاها
S55AMG
08-04-2003, 07:37 AM
نفس الشي صار معنا لما اشترينا كيا كرنفال حقت الاهل
بس هذا معامله الكيا
لكن المازدا تعاملهم كان جدا ممتاز شوفت جميع الالوان و الاكسسورات و اسعارها بالتفصيل و كتبت اسعارها في المنتدى ( الاسعار من الوكيل و كاتبها بالنص )
http://www.swalif.net/sforum1/showthread.php?threadid=161755
و كمان اخذت راي الشباب في اللون و كتبت موضوع عن الالوان ( الالوان من موقع الوكيل )
http://www.swalif.net/sforum1/showthread.php?threadid=161797
الكيا و المازدا و الميركوري و الاستون مارتن كلهم وكيل واحد
لكن الكيا لها اداره و المازدا و الميركوري اداره ( لانو جامعهم في معرض واحد ) و الاستون مارتن معا انها في معرض واحد مع المازدا و الميركوري الا انها لها مندوب و اداره خاص بها
و الله اعلم
سردال
08-04-2003, 08:48 AM
حتى الكاتلوووووووج؟ :shock2:
لا لا لا ... مش معقول، لازم تشتكون عليهم، ألحين الزبون في أوروبا ولا أمريكا مدلل ويقدر يسوي اللي يريده ويعطونه أكثر من حقه، وعندنا ما تقدر حتى تشوف كتالوج؟!
black scorpion
08-04-2003, 03:05 PM
السلام عليكم
يا شباب في شركة نيسان لمن جيت اشتري سيارتي طلع ورقه في صورة باثفايندر شفافة و وراها الالوان المتوفرة يعني زي الكتالوج حق الموكيت صورة السيارة ثابته وتغير الاوراق اللي وراها وتطلع الالوان. بدل ما تروح المستودع بس افضل انك تروح وتشوفها في المستودع عالطبيعة:) :)
ACCORD-V6
08-04-2003, 03:33 PM
قمة التخلف
على الاقل كتالوج ولا يحطون كم سياره في المعرض مختلفة الالوان
حرام تحط فلوسك في سياره كوريه وشكل جديد لم يجرب بعد
هذا مجرد راي شخصي
وشكرا....
كـيـمـو
08-04-2003, 03:35 PM
السلام عليكم
لا مومعقوله
بصراحه تخلف ليه شايفنا هنود
والله كلام يخلي الواحد اذا كان يبغى السياره يغير رأيه
اشتري سياره بفلوس :damp: بتعشرها سنين وماتشوفها والله هذي فيها قبائل :D
760IL
08-04-2003, 04:28 PM
حرام تحط فلوسك في سياره كوريه وشكل جديد لم يجرب بعد
-------------------------------------------------------------------------
الضاهر ان نضرتنا للسيارات الكوريه ماراح تتغير ....بالعكس اخوي السيارات الكوريه تطورة ..وعلى الاقل احسن من الامريكي واللومينا وطقتها
dbooor
09-04-2003, 01:21 AM
تبغا تشتري سيارة قولنا على اللون وبس .. لكن تشوف .. ممنوع !
طيب الأخضر حق السيارة كيف ؟ .. قال أخضر عادي زي أي أخضر
طيب أي درجة في الأخضر ؟؟ ( زيتي والا عشبي والا تركوازي )
قال أخضر فاتح شويه .. لووووووووووووووووووووووووووووووووول
هههههههههههههههههههههههه
صحيح أنه قمة التخلف
ACCORD-V6
09-04-2003, 02:49 PM
-------------------------------------------------------------------------
الضاهر ان نضرتنا للسيارات الكوريه ماراح تتغير ....بالعكس اخوي السيارات الكوريه تطورة ..وعلى الاقل احسن من الامريكي واللومينا وطقتها
-------------------------------------------------------------------------
انا معك احسن من الامريكي حتى لو كان الامريكي احسن
وانا واحد منذ ان عرفت نفسي لم اقتنع ولا بسياره امريكيه وحده
نظرتي للسيارات الكوريه انها حلوه ومتطوره لكن هل نقارن جيب الكيا بالياباني
الخلاصه:الكوري متطور حلو لكن لايقارن بالياباني
وشكرا...
SeSo_2003
09-04-2003, 03:12 PM
قمه التخلف والغبا والحموريه وكل شي
ما تشوف السياره
تويوتا وبس والباقي خس
HaKeM
09-04-2003, 03:49 PM
والله تخلف وقمة التخلف إدارة تعبانة جداً عالم ماتعرف كيفية اكتساب الزبون لشراء السيارة
فكرتني بالوالد الله يحفظه راح زمان كندا دورة في الخارج ومعاه زملائه في العمل دخل المعرض لابس مشلح ومعاه أصحابه بالتياب جمبه مسوي فيها أمير قام الموظفين في المعرض يفكو السيارات كلها في المعرض البيبان وغطيان الكبابيت حقت السيارة وفي الأخير خرج ولا أداهم وجه هههههههههههههههههههههههههههههههههههه
شكلي دخلت عرض
لكن أخوي M5 جرب تروح معرض تاني ليهم يمكن هذا المعرض مانزلو السيارة في المخازن لكن الياباني أرجلك من الكوري.
تحياتي:p :banana: :p
أشكر الجميع على المشاركه والتفاعل ..
قالوا وش حدك على المر ؟ قال اللي أمرّ منه :confused:
الوكيل جاب السيارة .. وعرضها في المعرض وقال اذا انباعت شي طيب ..
واذا ما انباعت شي متوقع D: ( عنده مازدا 6 أبو زومين تغطي النقص ;) )
أكرر شكري للجميع .. وأحب افيدكم ان هذي السيارة الوحيده من كيا اللي اعتبرها يابانيه بنسبة 85 % وبسعر كوري .. تحتوي على خلاصة خبرة ميتسوبيشي في مجال الدفع الرباعي ..
بصراحه أنا جربت السيارة وجربت منافسيها ( باثفايندر 3.3 180حصان ) هوندا سي آر في ، نيسان اكستريل ، فيتارا ، باجيرو ... )
وبصراحه لاحظت ان السيارة تجمع مزايا حلوة بسعر زهيد بالمقارنه !!
على العموم أنا مش مستعجل وماراح أضرب بآرءكم عرض الحائط .. لأنها تهمني بصراحه :)
الموضوع لا زال تحت التفكير ..
للذين لا يعجبهم الكوري ;)
صور للسيارة (http://autos.yahoo.com/newcars/details/kia03sorento/ex4x4//trim_photos.html?refsrc=iy/model)
صور أخرى .. (http://www.edmunds.com/new/2003/kia/sorento/100191610/photos.html?tid=edmunds.n.prices.leftsidenav..13.Kia*)
تجربة للسيارة ( أربع صفحات ) (http://www.nctd.com/review-intro.cfm?ReviewID=1214)
تحياتي لكم جميعاً ،،
E_TYPE
10-04-2003, 03:55 AM
اهلللللللللين
انا معاكم الكوري في هاد الوقت حلو واحسن من الومينا والكابرس ايش الفايده تشتريهم وكله في الورشه
وعلى فكره احنه كنه بنشتري سيارات كيا صغيره مااعرف ايش ايسمها رحنه عطونه معلومات وكتلوج في الالوان .
وشكرآ
اخوكم
:glasses2: E_TYPE:glasses2:
أبو نايف
14-04-2003, 09:40 PM
اخوي ابو عبدالله
بالله سوي خير وارسل ايميل للشركه الاصليه واشرحلهم اللي كتبته هنا بالتفصيل لانه صراحة مسخره .....خاصه شغلة الكاتلوج
مشكلتنا اننا نسكت عشان كذا احنا من سئ الى اسوا
وتاكد ان كل الشركات في العالم احرص ماتحرص عليه هو رضا المستهلك وسمعتها لديه
يالله على يدك
ترجملي الكلام اللي فوق .. وانا مستعد ارسله للشركة .. سواءاً ايميل أو بريد عادي
أبو نايف
15-04-2003, 12:20 AM
وش دعوى اترجملك :OO: :OO:
مو انت جلست اربع شهور في امريكا ......
امداك نسيت اللغه !!
واحيفاه عليك يامواطن واحيفاه
:cry: :cry: :cry:
CL 600
15-04-2003, 12:37 AM
بعد ماقريت الموضوع هذا .. قررت إني أزور الوكالة وأشوف حكاية الألوان .
طلبت تجربة السيارة .. ماقصروا .
والحقيقة والحق يقال .. السيارة أكثر من راااائعة ..
أسلوب قيادة جميل ..
عزم عند دورات منخفضة ..
هدوء نسبي (عند السرعات المنخفضة :rolleyes: )
تعليق مريح جداً ( مقارنة بالمثيلات )
وجود دبل منفصل .
............................................................
المهم بعد ما جربت السيارة .. قلت خلاص نبدأ في المبايعة .. بس !!
لازم أشوف ألوان السيارة :Sad2: :Sad2:
( بصراحة كأني شفت وجه الرجال تغير .. وكأن عنده عقدة من هذا السؤال ):shock2: :shock2:
قال: إيش اللون إللي تبغى؟
قلت: ما أدري .. على حسب .
قال: في أبيض - فضي - أخضر فاتح - أخضر غامق - أزرق .
قلت: أخضر كيف؟ أو الأزرق .. إيش درجته ؟؟
قال: لحضة .. تشوف الألوان بنفسك أحسن .. وقام!! :OO:
قلت: (في نفسي طبعاً:) ) الله يستر لايكون سواها فينا الأخ M5 :( .
لأني قلت للرجال راح أشتري .. وأنا معتمد على إني ما أقدر أشوف الألوان:( :( .
.......... تفضل ..
قال: هذي عندك كل الألوان :laugh: :laugh:
( الرجال جاب كتلوج ألوان .. مثل كتالوج الدهانات الخاصة بالمنازل :D :D )
قلت: كذا مو باين اللون .. ( الحل الأنسب لبدء القتال ) :black:
قال: ماعندنا إلاً هذي الطريقة !!
قلت: المهم .. الأخضر المعروض في الصالة .. خلني أشوفه على الكاتلوج ..
قال: هذا هو .
قلت: :Sad2: :Sad2:
قال: :corsair: :corsair:
قلت: هذا مو نفس اللون :OO: :OO: ( قلتها وأنا منتصر:D )
قال: إللي في الكاتلوج أغمق بدرجة !!!!!!!!!!!!!!!!!!!!!!!!!!!!!
قلت: وباقي .. الألوان ؟
قال: اللون إللي في الكتالوج أغمق من الحقيقي بدرجة .
قلت: !!!!!!!!
قال: إيش اللي أبلشني بواحد زيك ( قالها في نفسه .. طبعاً )
قلت: على العموم يصير خير ... وقمت على إني زعلان :) .. مو داري إني أنتصرت في الجولة .
.......................................................
شباب وش ذنب السيارة في هذه الحالة إنها ماتنباع؟
عموماً أنا آسف على الإطالة ..
تحياتي لكم ,,
ماجد
silver
15-04-2003, 02:51 AM
فعلاً معظم او اكثر نسبة من سمعت السيارة الوكيل هو السبب فيها ... سواء كانت ناجحهة او لاء الوكيل هو السبب في هذا
mill_955
15-04-2003, 04:11 AM
M5
ممكن تطلب منهم يدخلونك الصيانه تتفرج على الالوان لانه مره صارت لنا نفس المشكله كنا نبي نحجز سياره لانه كان وقتها كل السيارات انباعت وقالي تعال بكرا الصباح ادخلك الصيانه وتشوف الالوان على الطبيعه صحيح السيارات كانت مغبره لكن افضل من لا شيء
أبو نايف
أنا جلست في أمريكا تقريباً ما يقارب 9 شهور .. على دفعتين
لكن انت يابونايف جالس في أمريكا إلى الآن ( على ما أعتقد ) ولك أكثر من سنه .. أعتقد في فرق في الحصيله اللغويه ;)
أنا الحمدلله عندي حصيله لا بأس بها من اللغه الانجليزيه .. لكن لأني تركت العمل في الخطوط السعوديه لأكثر من سنه ونص ... طبيعي انه يتبخر :headshak:
على العموم .. انا ممكن أكتبلهم اللي صار بالضبط .. وتراني متحمس للفكره جداً .. بس لو غيري يكتبها راح يكون الأسلوب أفضل في الإقناع وشرح الموقف
بانتظار الترجمه أيها المواطن :glasses:
CL 600
فعلاً كلامك صحيح .. اش ذنب شركة ( كوريه ) تحاول اثبات جدارتها وانها قادرة على التصميم بجودة أعلى مما سبق مما يضعها في مضمار المنافسه مع اليابانيات الأخريات !!
وكيل زي هذا المفروض شركة كيا تسحب الوكاله منه .. ويعطوه وكالة سياكل :p
mill_955
لحسن الحظ أن بعض الألوان شفتها ولله الحمد خارج المعرض .. لونين بس هم اللي شفتهم في المعرض ..
اللي في صالة العرض ( تركوازي ما بين الأخضر والأزرق ) وسيارة التجربة لونها أزرق مش بطال ..
لكن قبل كم يوم شفت في الشارع بقية الألوان اللي أشوفها تناسب ذوقي الصعب :)
عموماً .. أنا رسيت على لون معين .. واحتمال كبير اشتري السيارة :OO:
أبو نايف
16-04-2003, 12:29 AM
Dear ….
I had interest to buy a KIA sorento , so I have went to the agent of KIA motor in Jeddah Saudi Arabia. They have a vehicle for test-drive for 2km only!!, I tested it and I decided to buy one. Next thing any customer will do is to choose a nice colored for his new cars….the shocking news is that the customer representative told me that I can’t see my car before I buy it. he said:.the vehicles are in a storehouse at the port and nobody except the management has access to go there, you just tell me what color you want and pay!!. I asked him if he has a catalog to show me at least different vehicles color.. but another shocking news came out…He doesn’t have any!!!..that’s made me unfortunately changing my mind to buy the car I really liked at least in the present time. I can confidently tell you based on my contacts that all other cars agents in here show their customers the vehicles with all available colors and they definitely have catalogs…Finally, I would say that the same story happened for a friend of mine who was shocked just like me.
I believe that the great company of KIA motors could do something regarding the low level service for its agent in Jeddah. I do not think this level of service will be helpful to bring a good reputation for the KIA motors, which I believe it deserve.
ابو عبدالله هذي محاوله مني على عجل
طبعا لابد تكتبلهم اسمك كامل ورقم تلفونك وعنوانك عشان المصداقيه للرساله
يستحسن انك تعطيهم اسم الموظف اللي انت قابلت او اي مسئول في الوكاله
تحياتي :):)
سردال
16-04-2003, 01:02 AM
أحلى هناااااااااك :)
تعجبني يا أبو نايف، الرسالة ممتازة، ما أدري ليش أقدر أفهم قراءة الإنجليزي لكن ما أعرف أعبر بها، على العموم، هذا المرفوض يصير مع كل وكالة تقدم خدمات سيئة، لازم تراسلون الشركات وتخبرونهم عن الخدمة الزفتة، وتتصلون بالمكاتب الخاصة بهم في الشرق الأوسط (عادة هذه المكاتب إما في دبي أو في البحرين)
Lamborghini
16-04-2003, 01:34 AM
ماشاء الله هذا ( الحجاج ) مب ( الحاج ) .. :damp:
أبونايف
مشكور على الترجمة
سردال
هل تفضل اني أراسل الشركة الأم هناك .. والا المكتب الاقليمي في الشرق الأوسط ؟؟
لو عندك عنوان أحدهما أكون لك من الشاكرين :)
SL500
17-04-2003, 06:31 AM
رد مقتبس من Lamborghini
ماشاء الله هذا ( الحجاج ) مب ( الحاج ) .. :damp:
سردال
17-04-2003, 06:34 AM
ما عندي أي عنوان للأسف، لكن أفضل أنك تراسل الاثنين :)