شباب الامارات الرجاء الخول للاهمية

[روح الامارات]

السلام عليكم ورحمة الله وبركاته ,
اخواني شحالكم عساكم بخير ....... يطولي في عمركم بغيت اعرف شو احسن بترول استخدمه حق سيارتي.....؟ هل الازرق ذو الاوكتين 98 او الاخضر ذو الاوكتين 95 ........؟ للعلم سيارتي هي لاندكروزر VXR V8 .:( :( :(
وتقبلوا تحياتي
روح الامارات

[745]

اعتقد ان الاخضر يناسبك. شركة ادنوك و الامارات قالوا ان لازرق حق السيارات ذات الاداء العالي و هي نادرة مثل لامبرجيني و فيراري. في الماكسيما و على باب خزان البترول مذكور انك لازم تستخدم اوكتين 95 فما فوق و انت جرب عند باب الخزان لللندكروزر مالك يمكن تلاقي ضالتك

[سيف الإمارات]

^1

استخدم الأخضر 95 فقط!!
ولا تكلف على نفسك بإستخدام 98

هذه نصيحة صديق لي وهو من الناس إلي يشتغلون على هذه المواصفات في شركة البترول

خاصة إذا كان للاندكروزر أو سيارة الكومبريشن مالها مش عالي
الكومبريشن: الضغط الداخلي للمحرك

[خليل أبو سمرة]

رد مقتبس من سيف الإمارات
السلام عليكم ورحمة الله وبركاته

استخدم الأخضر 95 فقط!!
ولا تكلف على نفسك بإستخدام 98

هذه نصيحة صديق لي وهو من الناس إلي يشتغلون على هذه المواصفات في شركة البترول

خاصة إذا كان للاندكروزر أو سيارة الكومبريشن مالها مش عالي
الكومبريشن: الضغط الداخلي للمحرك

:glasses: SL 55 AMG:glasses:

[روح الامارات]

مشكووووووووووووورين شباب على ردودكم وماقصرتوا كفيتوا ووفيتوا :) :) لكن لي ملاحظة وهي ان لما استخدم الاخضر الاحظ ان الموتر مافيه عزم عكس لما اترسه بالازرق وثاني شي لما اترس بالاخضر يوم اشغل السيارة اسمع صوت طرطقة خفيفة جدا جدا اما لما اترسه بالازرق ما اسمع اي صوت :( :( وهذا السبب اللى حيرني للحين وطبعا الموتر كله فحص الوكالة باستمرار ووديت لهم الموتر وقالي المسؤول هناك استعمل اوكتين بو 98 فقط لانه الافضل وما بيظهر صوت وفعلا مثل ماقلتلكم ما ظهر اي صوت لحد الحين والحمدلله لما استعملت ازرق :help: :help: .
واسمحولي على الاطالة:cry: :cry:

[روح الامارات]

UP:help: :help:

[زورو الامارات]

السلام عليكم


شي طبيعي يا حسين بيستوي


الفرق هذا

لان الاوكتين العالي يعطيك احتراق افضل

وقوه لكن سعره مبالغ فيه

يعني نهبونا فيه بدون داعي


قالوا البيئه ومالبيئة من متى احنا نهتم في البيئه في الخليج ؟


خل يوقفون سفن النفط الي ليل ونهار تسرب على سواحلنا هذا مب تلوث ؟

[روح الامارات]

صدقت اخوي خالد:glasses:

[سيف الإمارات]

رد مقتبس من زورو الامارات



الفرق هذا

لان الاوكتين العالي يعطيك احتراق افضل

وقوه لكن سعره مبالغ فيه

يعني نهبونا فيه بدون داعي


قالوا البيئه ومالبيئة من متى احنا نهتم في البيئه في الخليج ؟


خل يوقفون سفن النفط الي ليل ونهار تسرب على سواحلنا هذا مب تلوث ؟

بالنسبة للسعر ما أقدر أقول إلا مبالغ فيه لدرجة إنه مش منطقي وكان محل جدال واسع قبل تحديد الأسعار ولكن الناس لرغبتها في أي شئ غالي بيشترون الأزرق.

الشئ الثاني بالنسبة للبيئة أنا أختلف معاك يا زورو نحن نحتاج وبشدة لتنضيف البيئة لأن تأثيرها يمتد لأجيال ولكن
الخطوة إلي قاموا فيها ناقصة لأن لازم يطبقون الكاتلك كونفيرتر على العادم وليس الوقود الخالي من الرصاص فقط ولذلك فايدته ناقصة

ولكن للأسف العادم ما وراه فايدة مباشرة أو مالية فماحد مهتم فيه للأن

الشئ الثاني كلامك 100% صح عن السفن ولكن مرة ثانية هذه تحتاج لقوانين و أكيد بتحتاج لميزانية كبيرة و تعاون أقليمي وليس محلي فقط

السفن مؤمنة وإذا فرغت أو نظفت خزاناتها في مياه اقليمية محد هناك بيحاسبها ولكنه بيأثر على شواطئنا بشكل مباشر. وفي مسائل ثانية صعب شرحها :black:

:glasses: و اسمحوا لي طولت عليكم

[روح الامارات]

تسلمون يا شباب ماقصرتوا , بيضتوا الوجه بردودكم والصراحة انا بستخدم بترول الازرق من اليوم وساير ولو انه غالي لكنه افضل حق السيارة:) :)
تحياتي للجميع

[سردال]

بالنسبة لي أقولك خذ الأزرق 98، لأن صوت الطرطقة لما تحط الأخضر يعني إن ضغط المحرك يعجل من إشعال مزيج الوقود والهواء في المحرك، لذلك هذا يشكل ضغط كبير على "البستن" فيحاول ينزل بقوة الضغط لكنه ما كمل الشوط وباقي له مسافة يرتفع فيها وبعدين ينزل، وهذا على المدى البعيد يسبب مشكلة للمحرك.

[روح الامارات]

شكرا اخوي سردال على النصيحة وفعلا بدأت استخدم وقود الازرق والطرطقة اختفت والحمدلله الموتر عزمه افضل مما مضى :eek: :eek:
تحياتي لك:)