تجربة هوندا MRV 4X4

[زورو الامارات]

بسم الله الرحمن الرحيم
http://uaezorro1.jeeran.com/test1/test-logo.jpg

التجربة: هوندا MRV 4X4
الحجم : عائلي 8 ركاب
الطراز : 2003
المحرك: 6 اسطوانات على شكل V بسعة 3500 سم
القوة: 240 حصان /5400 العزم 33.46 كلغ /4500
نظام الدفع: 4X4 بشكل آلي + نظام عدم غلق المحاور (الدفريشن لوك)

http://uaezorro1.jeeran.com/test1/DSC02498.JPG
http://uaezorro1.jeeran.com/test1/DSC02507.JPG
http://uaezorro1.jeeran.com/test1/DSC02509.JPG

نبدأ بالشكل العام:

حجم السياره كبير وعائلي حيث انها تسع 8 اشخاص وتتميز برحابة مقصورة الركاب وفخامتها كذلك فقد كسيت بالجلد الفاخر وطعمت بالخشب الذي يضفي لمسات جميله للسياره

ازرار التشغيل في متناول يد السائق مباشره فلا يحتاج الى شغل نظرة عن الطريق كثيرا كذلك جاء مقبض علبة التروس ( القير) في المقود الامر الذي اتاح مساحات كبيرة بين كرسي السائق والراكب الامامي للتخزين

القيادة:

سيارة سهلة القيادة وتطاوع سائقها بشكل رائع مستوى ضجيج الاصوات الخارجية منخفض وصوت المحرك كذلك

مقصورة الركاب: اقل مايقال عنها انها رحبة تتسع لجميع افراد الاسرة
وهناك حيز في الخلف للامتعه يقدر بحوالي نصف متر من الباب الخلفي الى الكراسي الاخيره
هنالك الكثير من الجيوب والمساحات المخصصة لتخزين الحاجيات المختلفة
http://uaezorro1.jeeran.com/test1/DSC02511.JPG
http://uaezorro1.jeeran.com/test1/DSC02513.JPG
http://uaezorro1.jeeran.com/test1/DSC02516.JPG
http://uaezorro1.jeeran.com/test1/DSC02519.JPG
مساحة كبيرة بعد طي الكرسي الاوسط للتحميل

http://uaezorro1.jeeran.com/test1/DSC02523.JPG
http://uaezorro1.jeeran.com/test1/DSC02526.JPG

المحرك:

المحرك: 6 اسطوانات على شكل V بسعة 3500 سم
القوة: 240 حصان /5400 العزم 33.46 كلغ /4500
http://uaezorro1.jeeran.com/test1/DSC02530.JPG

عزم المحرك رائع جدا يتوفر على دوران منخفض تشعر به من 2200 دورة
لايكسل المحرك ابدا فهو جاهز باحصنته ال 240 للاستجابه لأوامر سيده

السياره وزنها يناهز الطنين ولكن تنطلق بكل خفة ورشاقة بفضل المحرك القوي والمرن في بعض الاحيان لاتشعر بالقوة والعزم على الشارع لكن بالتأكيد ستعرف قيمتهما في الرمال
كذلك تسارع السياره ممتاز جدا بالنسبة لفئتها

ناقل الحركة (الجير):
اتوماتيك من 5 سرعات يعمل بشكل صامت ويتجاوب مع رغبات السائق ويعشق التروس في وقتها
على سرعة 100 كم الدوران يكون على 2000 دورة وهذا شي رائع من اجل توفير الوقود ولإطالة عمر المحرك
عصا الجير مكانها في المقود مثل السيارات الامريكية وهذا المكان عملي جدا وآمن كذلك

المميزات :

محرك قوي ومرن
مقصورة ركاب ممتازه وعمليه وفخمه في وقت واحد
سعة مقصورة الركاب
استهلاك معقول من الوقود

العيوب:
انخفاض علو السياره بشكل يعيقها على الدخول في الرمال والمطبات
ليست 4X4 بمعنى الكلمة ينقصها الكثير تعتبر سياره نزهه على الشواطئ الرملية ولكن لا ننصح بها للرمال الغزيرة


http://uaezorro1.jeeran.com/test1/DSC02533.JPG
http://uaezorro1.jeeran.com/test1/DSC02538.JPG
http://uaezorro1.jeeran.com/test1/DSC02540.JPG
http://uaezorro1.jeeran.com/test1/DSC02541.JPG
http://uaezorro1.jeeran.com/test1/DSC02546.JPG
http://uaezorro1.jeeran.com/test1/DSC02547.JPG
http://uaezorro1.jeeran.com/test1/DSC02549.JPG

جوانب من صورنا وحنا مغرزين الله ستر حفرنا عدل :)
علو السياره خذلنا بسرعه تتعلق
شوفوا مستوى الدواسات - وانتم بكرامه- مستواها قريب جدا على الرمل
اليكم الصور
http://uaezorro1.jeeran.com/test1/DSC02549.JPG
http://uaezorro1.jeeran.com/test1/DSC02554.JPG
http://uaezorro1.jeeran.com/test1/DSC02556.JPG

استعراض مابعد التغريزه :) جراند طلع حرته عدل :)
http://uaezorro1.jeeran.com/test1/DSC02561.JPG
http://uaezorro1.jeeran.com/test1/DSC02563.JPG
http://uaezorro1.jeeran.com/test1/DSC02564.JPG
http://uaezorro1.jeeran.com/test1/DSC02566.JPG
http://uaezorro1.jeeran.com/test1/DSC02574.JPG

تم بحمد الله

[كـيـمـو]

ألف ألف شكر على الموضوع الرائع يا زورو الامارات وكل الاخوان إلى لهم دور في هذا الموضوع
بصراحه السياره فخمه وسيارات هوندا تعجبني فخامتها ولكن مقارنتها في القوه بالباثفندر اعتقد ان الباثفاندر اقوى 250 حصان 3.5 لتر
وMRV تشبه جيب لينكون بعض الشي
والسياره مناسبه لطرق اكثر من الرمال
والتغرزيه والله كبيره يا هوندا بطيحو سوق السياره :D

وياعيني عليك يا زور الامارات مواضيعك وتجاربك روعه تشكر عليها والله

[760IL]

والله الواحد مايدري ايش يقول علشان يشكركم:cry:

[B J]

مشكورين و ما قصرتوا....

والله كفيتوا ووفيتوا...

[Dreams_Maker]

ألف شكر لك يا مشرفنا المتميز دائما/زورو الامارات...على مواضيعك وتجاربك الممتازه فعلا...

تحياتي لك وللأخ/grand v8

أخوكم
Dreams_Maker
:)

[uae speed]

مراحب ::

مشكورين ويعطيكم الف عافيه على هالتجربة الممتازة ..

لي طلب بسيط اخوي زورو ..

موقع جيران محظور في الامارات , ونص الصور ما طلعت .. والباقي بالحظ ..

أتمنى انكم تشوفون مستضيف اخر .. تحياتي لك حبوب :)

[ferrari-F 50]

مشكور يا زورو الامارات والله يعطيك العافيه :glasses2:

[Stingray]

الصراحة...

موضوع ممتاز و مشكورين على هالجهود الطيبة...

[M.A.M]

مشكورين وماقصرتوا
ومتعودين منكم التجارب الحلوة
تحياتي للجميع

[سردال]

الصور ما تظهر يا زورو، أتمنى أنكم تنقلونها لموقع ثاني :)

[kin porch]

ما شاء الله جهد كبير ومعلومات وصور وافية ، بارك الله فيك .
والسيارة فعلا تظهر بشكل فخم وقوي،
لي طلب يا زورو الامارات اتمنى تلبيه للفائدة العامة وهو ان تذكر لنا
مستوى تصنيف السيارة و اهم السيارات المنافسة ....................


.

[زورو الامارات]

السلام عليكم

مشكورين ياشباب على الردود الطيبة فعلا موقع جيران خذلنا كثير
الامر الي مخليني انزل الصور عليه كون موقع انجل فاير وجيوستيز في السعوديه محظورين وشفت الشباب كلهم ينزلون الصور على جيران

علما اني احصل هذا الموقع محظور من عندنا رغم انه مافيه شي ابدا موقع استضافه فقط

kin porch ان شاء الله نلبي طلبك :)

[corvette 40th]

موضوع ممتاز اخوي زورو الامارات

اشكركم على مجهودكم الكبير

هوندا معروفه بجوده منتجاتها و الMRV ما تشذ عن هذه القاعده

و الواحد اذا كان نواي على 4x4 عائلي و مريح يتوكل على الله و يشتريها

(و يبعد عن السيارات الامريكيه الرديئه مثل الاكسبلورر و الانفوي)

من غير ما اثقل عليك زورو الامارات ... بكم يطلع سعرها؟



:) :) :) :) :)

[CAMARO4EVER]

مشكوووووووور على التجربة الحلوة ...

[الأنصاري]

مشكور اخوي على المعلومات المفيدة والصراحة الوالد كان يفكر فيها بس بعد فترة غير رائية واتجة الى الخيار الألماني
هذة الهوندا انا شفتها واضيف الي عيوبها
عدم وجود فتحة سقف
وعدم وجود مكيف للصف الثالث
واعتقد استايل السيارة امريكي ويتضح ذالك من الجير
كم سعرها عندكم
احنا كامل الزيادات ب120 الف ريال في قطر والي بخرب على السيارة ان السوق القطري الكروزرات اغلقتة وبنفس سعر هذة اسيارة تقدر تاخذ كروزر
ومشكور اتوقع تكون اكبر نسبة مبيعات لها في الخليج في الإمارات

[زورو الامارات]

السلام عليكم

العفو شباب :) :) ماسوينا شي

والله سعرها والله اعلم انه 120 ال 115 الف

بوعبود : الاندكروزر ماتقدر تقارنه بهذي مستحييييييييييل
صحيح السعر مقارب جدا اقدر ازيدهم 10آلاف واشتري لاند كروزر سعره فيه خصوصا في قطر الوكيل عندكم يجيب طلبيات روعه الجي اكس والجي موديلاته تنزل فيها شي عجيب والله مادري شو مسوين فيها

[الأنصاري]

:D :D صحيح اتوقع احسن كروزر هو الكروزر القطري خلال يومين يمكن ناخذgx-r وانا ملاحظ ان كروزر الإمارات عادي بدون خطوط ولا مخشب والصف الثالث ابو جنبين عكسنا تيجينا مواصفات حلوة ناس تقول ان بعض الأشياء تتركب عندنا وناس تقول يجيبها بطريقة معينة ولامادري
اي استفسار اوخدمة انا حاضر

[زورو الامارات]

هلا الكراسي الخلفيه تنزل عندنا بوجنبين بس قليل جدا اغلبها على الجي واجي اكس اما الجي اكس آر الكراسي ورى بعض

والجي اكس ار فيه خشب وتنزل عليه فتحه وزوايد

مع اني مامهتم في اللاندكروزر حيل لاني احب موتر البر يكون سلق او مافيه مواصفات زياده يعني خفيف ورشيق

[غريب السيف]

ابداع لامحدود ياخوي زورو الامارات ....كنت اتمنى اني اكون معاكم في تجربه هذه السيارة الرائعه اللى سعرها المرتـفع بيحد من انتشارها

انت قلت ان مستوى الضجيج مقبول ...سؤالي على سرعه كم اتحس بالضجيج ؟؟

وهل سبب انخفاض السيارة هو العائق امام استخدامهافي الرمال ووجود الدواسات ام ان محركها وتعليقها مايساعدها ؟؟؟؟


اتمنى انى ماثقلت عليك اخوي العزيز زورو الامارات

[grandv8]

السلام عليكم ورحمة الله وبركاته

شكرا يااخوان على الردود .

شكرا لاخوي خالد وضع التجربة لنا.

يااخ غريب السيف

سعرها غالي بالنسبة لسيارة جديدة توها نازلة بالسوق
صوت الضجيج لايكاد يسمع الاتسمع صوت المحرك يوم تضغط عليه فقط واما السواقة العادية بالكاد تسمع شي من الازعاج.
بالنسبة للرمل ماانصح بها لان هي سيارة تصلح للطرق غير الممهدة العادية وليس الرمل الصحراوي ولا الصعدات ولا النزلات لان السيارة نازلة كثير تحس ان شي يضرب من تحت وخاصة الاطار الاحتياطي ودبة الاكزوز الخلفيه حجمها كبير وايد.

شكرا مرة ثانية
:D

[غريب السيف]

شكرا اخوي جراند على ردك الوافي

بس التجربه اليايه خبروني اوكي :D

[corvette 40th]

اذا كان سعرها ما بين 115 و 120 الف
اروح اخذلي نيسان بترول ابركلي

اوسع و اقوى و قطع الغيار ارخص ;)

:) :) :) :) :)

[VIPER SRT-10]

مشكورين يا زورو الامارات و grandv8

بس سعرها مقارب للاندكروزر و نازلة و قبيحة

يعني ازيدها واخذلي لاندكروزر احسن

مشكورين وماتقصرون يالغالين:)

[زورو الامارات]

العفو VIPER SRT-10

مانقدر نقول قبيحه لانها عائليه شوي يعني الاشكال العائليه نادرا ماتحصل شكل جميل لكن غالبيه هذي السيارات تكون عمليه مب اكثر

ولاتنسى هذي نازله للاسواق الامريكيه والكنديه يعني هناك الاذواق تختلف بعد تحياتي

[sayedco]

مشكورين على التجربة

و بسعرها في سيارات كثير أقوى و أكثر مميزات و إذا تحتاج حجم أكبر بعد موجود

و آنا نظريتي إنك لا تاخذ جيب بهالحجم بمحرك أقل من 4 لتر :D

و بسعره ممكن تشتري يوكن أو فورد اكسبديشن أو على الأقل تريل بليزر نفس الحجم و أرخص بكثييييييييير

ألف شكر على التجربة