View Full Version : Dream Race-سباق الأحلام
Ferrari^_^love
07-01-2003, 02:53 PM
مرحبا شباب :)
وقت طويل ماكتبت في منتدى السيارات ... بس حبيت أهدي لكم هالكليب الرائع من 34 ميغابايت .. كالعاده Best Motoring تعرض لنا أحلى وأروع التجارب لأقوى السيارات في العالم ... وهذا سباق من 3 لفات لسيارات تحمل شعار سيارات الاحلام بحق :) .. وهو بين :
Ferrari F50
Porsche 911 GT2
Porsche Carrera 4S
Gemballa Porsche 500 Biturbo
Lamborghini murcielago
Honda NSX Type R
اما عن النتايج فأخليكم أتشوفونها أبروحكم ... وراح تستغربون نوعاً ما :)
أوكي ياجماعه أنشوفكم على خير :) .. وان شاء الله أنشوف الردود الحلوه :):)
زورو الامارات
07-01-2003, 03:44 PM
السلام
انا زعلاااااااااان عليك كلش
شدعوه يبه ماتدش ولا تسأل كلش
ولا بارك لي بالاشراف
افا بس :( :( :( :( :(
وبعدين وين الكليب مو موجود
وهم بعد :( :( :(
Ferrari^_^love
07-01-2003, 07:27 PM
والله أسمحلي أخوي .. تراني ماأدري أنه ترقيت الى رتبه مشرف .. وانت تستاهل وأكثر بعد أخوي ... من خلال مشاركاتك بالمنتدى وتجاربك انت واخوي جراند في 8 .. الله يعطيكم العافيه ومزيد من التقدم وليرقى منتدى سوالف الى منافسه المنتديات الاجنبيه .. أعذرني مره ثانيه يالغالي .. وبالنسبه للمقطع فهذا اللنك تفضل حبيبي :
http://www.runeb.org/www_docs/Jexoticasite/soundandvideo/Best_Motoring-SuperCar_Race.mpg
وان شاء الله يعجبكم ... ونبي رأيكم بالمقطع
CORVETTE^C5
07-01-2003, 09:25 PM
تسلم على الفيديو انا بعدني ماشفته ( قاعد ينزل )
بس من اسامي السيارات اكيد رايكون روووووعه
و شكرا
_eyad_
07-01-2003, 09:54 PM
مشكووووووووووووووووووووووووووور على الفيديو الرائع :D :D
Ferrari^_^love
08-01-2003, 04:27 PM
الا اشرايكم بالنتايج مالت السباق .. ماتعجبتوا من النتيجه أشويه :)
Fares SS
09-01-2003, 12:45 AM
مشكوووووووور وما قصرت اخوي Ferrari^_^love .. على
المقطع الراائع ... بس الي والله الي صدمني الامبرجيني
ما تنفع مرررررررررره على لفات يا انه السواق غشيم ...
وبصراحة الهوندا روعه والفيراري كالعادة اثبتت جدارتها ...
وسلالالالالالالالالالالالالامتكم .. :) :)
معقولة يا بدر تقاطعنا كذا:confused:
المهم الحمدلله على السلامة
والفيديو ننزله بعدين وبعد ما أشوفه أقول لكم رأيي....
VIPER SRT-10
09-01-2003, 02:54 AM
رد مقتبس من NFS
معقولة يا بدر تقاطعنا كذا:confused:
المهم الحمدلله على السلامة
والفيديو ننزله بعدين وبعد ما أشوفه أقول لكم رأيي....
Ferrari^_^love
09-01-2003, 11:17 AM
أخوي Fares SS :
الصراحه الميورشيلاغو طاحت من عيني في السباق .. وفي مقطع ثاني مال قومتها مع الباغاني زوندا اللي جربتها Top Gear .. الصراحه ماأتوقعت أنه الباغاني قادره أنها تسحق الميورشيلاغو أب مسافه الصراحه مو هينه بالنسبه للأمبورجيني ... أعتقد أنه أودي قضت على روح لامبورجيني الشرسه بعد ماشرتها من فولكس واجن :):) .. وال NSX أسمحلي أقولك أنها ملكه السيارات اليابانيه الرياضيه :):) .. اما ال F50 فهذي ملكه الحلبه كانت مااستغنت عن المركز الأول من البدايه الى النهايه :):)
أخوي NFS و Viper SRT-10 :
اول شي الله يسلمكم :) .. ومشكورين حبايبي على الردود .. وان شاء الله ماأقطع عن المنتدى بس تدري الدراسه هالأيام شاغلتنا عن النت وسوالفه :) ... بس ان شاء الله من الحين انا راح أكون معاكم في المنتدى ... والصراحه المنتدى صار رائع بقياده AMG وزورو الامارات .. عسى الله يثبته على هالمستوى ويوصل الى منافسه المنتديات الاجنبيه
وعلى فكره ياجاسم :) :
لازم أشوف رأيك بالسباق وخصوصا السباق يحتوي على سيارتك المفضله ال NSX :)
زورو الامارات
09-01-2003, 03:38 PM
السلام عليكم
ياهلا والله
اقول يابدر
المنتدى والحمدلله تمام
نبي مشاركاتك المتميزه معانا
وحتى NFS جاسم زعلانين عليه شوي (مب صدق) :)
بس ودنا بمشاركات اكثر الا اذا في امتحانات هذا شي ثاني
وحياكم الله
شاهدنا المقطع المثير والعجيب ونبدأ بالتحليل الرياضي;)
هذا السباق غريب ، لأنه من عادة مقاطع الـBest MOTORing أنه يكون ترتيب السيارة عن خط الأنطلاق كالتالي ، السيارة ذات القوة الحصانية الأكبر تكون في الخلف والسيارة ذات القوة الحصانية الأقل تكون في المقدمة لكي يكون فيه نوع من التوازن ، لكن اللي حصل هنا هو أن تحديد المراكز تم عن طريق المرحلة التأهيلية حتو لاحظوا أرقام كل سيارة في بداية المقطع.
على أي حال ، الـF50 لا تعليق لدي عليها كسيارة لكن كنت أتمنى أشوف المودينا 360 في هذا السباق .
السباق كان مثير ، وحلبة السباق كان فيها بعض المسارات الطويلة السريعة وهنا يكون الحاجة للمحركات أمر إلزامي (مسكينة الـNSX مع محركها أبو 280PS الذي لم يتغير من سنة 1997) ، لكن وجود منعطفات المسارات الملتوية هو الذي يظهر نتائج الهندسة والخبرة في رياضة السيارات .
اللامبورجيني مورشيلاجو كان عيبها هو الوزن (1650 كلغ) فلم يسعفها الدفع الرباعي ولا الـ570 حصان في اللحاق بالـGT2 أو حتى الإقتراب منها !
لكني أستغربت من أداء البورشه Gemballa المفروض أنها تحقق نتائج أفضل من كذا ...
هوندا حاولت أنه تصنع من الـ NSX-R سيارة Track أو حلبات وليس Drag Car وأعتقد أنها نجحت في ذلك ، وزن خفيف بأستخدام مواد خفيفة (كاربون فايبر) .......
مشكور يا بدر على المقطع.
Ferrari^_^love
11-01-2003, 05:36 PM
مشكور يالغالي :):)
VIPER SRT-10
13-01-2003, 12:08 PM
اسلمت اخي الحبيبFerrari^_^love شفتة ونسيت اقولك
بصراحو احسن سيارة عجبني اداءها NSX
تسلم مرة اخرى يالغالي
Ferrari^_^love
13-01-2003, 05:57 PM
تسلم ماقصرت :):)