View Full Version : مقارنة طيارى بين ال 430 و الكيو
infiniti
25-10-2002, 03:42 PM
http://www.roadandtrack.com/images/rt_images/2001/july/2001_07_infiniti-lexus_lead.jpg
المقارنة
المواصفه........................ الكيو ........................... اللكزس
المحرك..........................8 اسطوانات................... 8 اسطوانات
القوة.............................332 حصان.................... 365 حصان
القير ............................ 5 سرعات اتوماتيك/عادي ..5 سرعات اوتوماتيكي
الطول ..........................199.6 انش .................. 196.7 انش
العرض ......................... 72.6 انش .................. 72 انش
الارتفاع .........................58.9 انش .................. 58.9 انش
الابعاد الداخليه .............. متساويتان
المقعد الامامي ............. اوسع .......................... اضيق
المقعد الخلفي .............. اضيق .......................... اوسع
الوسائل المساعدة للقيادة .. كاميرا خلفيه .............. حساسات تقليدية
الابواب ......................... عادية ........................ شفط
الشنطه ........................ فتح و غلق الكتروني ...... عاديه
الشاشه الاماميه ............. متوفره ...................... غير متوفره
التحكم في التكييف .......... مفصول للراكب عن السائق.. مفصول للراكب عن السائق
المكيف المفصول ............. الحرارة و مخارج الهواء ...... الحرارة
الانوار الزينون .................. الاقوى في العالم ............ تقليدية
المقاعد الخلفيه ............. متحركه مع ذاكرة ............ متحركة
ثلاجه ......................... غير موجوده ................... موجوده
النظام السمعي ............. Bose ......................... عادي
السعر ........................ 180 الف ريال سعودي ...... 231 الف ريال
ملاحظة : المقارنة حسب المواصفات السعودية
Dentist
25-10-2002, 04:40 PM
مشكوووور عالمقارنه الحلوة هذي
والله كلهم حلوات بس اعتقد مقارنة بفارق السعر الكبير .. الانفنيتي أفضل
مشكور على المقارنه الحلوه
infiniti
25-10-2002, 06:15 PM
مشكورين على التعقيب بس عطوني يومين و بجيبلكم مقارنه ارتب من هذي
_eyad_
25-10-2002, 06:54 PM
صراحة أنا عندي الكيو أحسن :D
_eyad_
25-10-2002, 06:56 PM
صح نسيت سعر الكيو 192الف مو180ألف
ونا بعد اشوف انه ميزات الكيو اكثر :cool:
infiniti
25-10-2002, 07:23 PM
سعر الكيو في جميع انجاء المملكة 180.000 مو 192.000 و اصلا سعرها يوم وصلت السعودية قبل 6 شهور كان سعرها يتراوح بين 183.000 و 185.000 و لم تتعدى مبلغ ال 185.000
و احلى مافي الكيو الجديدة هو الكميرا الخلفية يابوي دق الريوس و ادعس من غير ما تطالع ورى
E-55 AMG
25-10-2002, 11:53 PM
الكيو 45
365 مو 332 ( يمكن أنك غلطان في الطباعة )
infiniti
26-10-2002, 01:34 AM
رد مقتبس من E-55 AMG
الكيو 45
365 مو 332 ( يمكن أنك غلطان في الطباعة )
صح كلامك و تسلم على التصحيح
الكيو 365
و اللكزس 430 هي اللي 332
مشكور على حسن المتابعة
دايم النور
27-10-2002, 12:50 AM
الكيو 2002 الحين فيها كاميرا وسعرها 170 الف بس واستبدلها ب
2003 وادفع فرق 10 الاف بعد العيد
اما المقارنه يكفي القوه 365 - 332 الفرق 37 حصان
والشاشه والكاميرا موجوده يعني شي حلو
ولا تنسى السعر 217 او 170 الف فرق كبير
Lamborghini
27-10-2002, 07:35 AM
عندنا اللكزس بـ 20v ألف .. وممكن تطلبها بشاشتين أماميـة وخلفية .. وتاخذ طبعا مع الشاشتين كاميرى خلفيـة ومشغل أقراص DVD و TVو ملاح .. :)
infiniti
28-10-2002, 12:41 AM
دايم النور
مواصفات الانفينيتي اعلى من اللكزس و اقل سعرا منها بفارق لا يقل عن اربعين الف ريال سعودي
Lamborghini
هل تعتقد ان قيمة اللكزس بمواصفاتها و التي يتم اضافتها تنافس الانفينيتي التي تعلوها مواصفات و تحطمها في السعر
و الحين الانفينيتي ضايفين ميزتين عند الشراء
الصيانة في السنة الاولى مجانا و عضوية في منظمة ايابا العالمية
يعني الجماعة طايحين ضرب في اللكزس من تحت الحزام
MAXIMA 99
28-10-2002, 03:46 PM
كأني شايف ارانب مشطفه ياناس الكسز 333حصان وين خليتوه 365 علا كذ طرح الكابرس الله يهديكم وبعدين الكيو ما تجي عند الكسز شي تقارنون لكسز بأنفنتي وبعدين بدال الكيو بـ185 الف عندكم الجاكور بــ175 أحلا وشركة جاكور تعرفونها ماتلعب سياره بمعنى الكلمه والله حرام 185 الف للكيو
MAXIMA 99
28-10-2002, 03:48 PM
رد مقتبس من MAXIMA 99
كأني شايف ارانب مشطفه ياناس الكسز 333حصان وين خليتوه 365 علا كذ طرح الكابرس الله يهديكم وبعدين الكيو ما تجي عند الكسز شي تقارنون لكسز بأنفنتي وبعدين بدال الكيو بـ185 الف عندكم الجاكور بــ175 أحلا وشركة جاكور تعرفونها ماتلعب سياره بمعنى الكلمه والله حرام 185 الف للكيو
وبعدين تقارنون دفع أمامي بخلفي
علا أن المكسيما دفع أمامي بس ما أقول ألا الحق
Lamborghini
28-10-2002, 07:52 PM
infinti
لو الإنتفنتي خلت سيارتها تطير .. بتم اللكزس أحسن
إركب الإثنين علـى الخط وشوف الفرق بين الإثنين
بعدين تقارن بين سيارة طالعـة من قبل كم يوم وبين سيارة لها تاريخ عريق .. أكيد السمعـة لها ثمن .. شوف الكامري فاضيـة ومافيها مواصفات ومع جي غاليـة موت وكلهم يشترونها...
وهذا غير يوم واحد يشوف عندك لكزس لها سمعتها ووزنها ورنتها ... :cool:
ولا عندك إنفنتي محد سامع عنها ويوم تتكلم عنها مع واحد يتكلم معاك متقول هي أي سيارة عادية .. ;)
اللكزس غير وبيتم غير .. :cool:
دايم النور
28-10-2002, 09:28 PM
اخوي Lamborghini
مع احترامي الشديد لك لكن من الواضح انك ماقريت عن الانفنيتي
في المجلات او شفت برامج التلفزيون اللي حكت عنها
الكيو الجديده اصلب من الجيل السابق ب 40 %
ونسبة الضجيج فيها هي الاقل على مستوى السيارات الفخمه
ووضوح الحديث بين شخصين على سرعة 200 كلم في الساعه
44 % اما السيارات الفخمه الثانيه مثل مرسيدس وبي ام ولكزس
تتراوح بين 28% و 33% وهذا ورد في مجلة سبور اوتو قبل سته اشهر
تقريبا اما اللكزس فهي انتجت في نفس السنه اللي انتجت فيها
الانفنيتي عام 1989م
Lamborghini
28-10-2002, 10:35 PM
السلام عليكم .. :)
كيف حالك دايم النور .. :)
بالنسبـة للكلام اللي تقولـة عن المجلات أنا أعرفـة وخابرنه .. و شهريا أشتري ثلاث مجلات مختلفـة .. بس ما أصدق ولا وحده منهن في ماعدى الأشياء الثابتـه .. لأن مجلات السيارات الصراحـة مايخلون شي إلـى يمدحونه عسب يتكسبو .. :D
وخويك راكب السيارتين علـى الخط .. واللكزس أهدى علـى سرعـة 180 ( ماجرتهم علـى سرعـة اكبر بس قالي واحد عند اللكزس إنها تفقد الهدوء بعد الـ 180 )
بالنسبـة لمستوى الضجيج تم تحطيم الرقم من فولكس واقن فايتون الجديدة .. ;)
بس إنت تشوف السالفـة من صوب وأنا أشوفها من صوب ثاني ....
إنت تشوف علـى إن السيارة مليانـة تقنيات وفخامـة والبنسـبـة لسعرها فهي تعتبر سيارة ببلاش !!!!
أنا معاك 1000 % السيارة فخمـة بكل معنى الكلمـة و سعرها زهيد بالنسبـة للمواصفات والأمان والثبات ولو علي بفضلها علـى اللكزس، بس هالكلام مايقدره غير اللي مهتم وعارف ومتابع بأمور السيارات
بس أنا حاسبنها من صوب ثاني .... وهو السمعـة ..
صحيح السيارتين طلعو في نفس الوقت لكن من اللي إكتسب سمعـة أكثر من الثاني ؟؟
في الوقت اللي كانت فيه اللكزس يخاف منها حتى السيارات الألمانيـة كانت إنفنتي مثلها مثل أي سيارة عاديـة ..
نعم الإنفينتي لها هيبتها بينى نحن اللي نشوف السيارات ونقدرها حسب مواصفاتها وكماليتها .. لكن هالكلام مايفهمـه الشارع العام أبدا ... اللي يفهمـة الشارع العام هو السمعـة ... ثم السمعـة
تقدر تقولي ليش المرسيدس s كلاس لين الحين لها مبيعات كبيرة رغم إن سعرها مرتفع و رغم إن الـ bmw الفئـة السابعـة كسرت راسها بمواصفات رهيبـة جدا ؟؟
الجواب بسيط .. وهو إن سمعـة المرسيدس بين الناس أكبر من سمعـة البي إم دبليو ..
نفس الحال ينطبق علـى اللكزس واللإنفنتي .
اللكزس لها سمعتها وهيبتها بين الناس .. بينما الإنفنتي لها سمعـة أقل من سمعـة اللكزس ..
علـى مستوى البنات مثلا .. (( آسف علـى هذا المثال بس هذا أوضح مثال )) .. يوم تشوف البنت إنه عندي لكزس مرة البنت تاخذ رقمي لو مفلع ( تراه صدج رقم تلفوني مفلع ) .. بس لو شافت إن عندي إنفنتي كيو رايح تقول شو هذا ؟ سيارة ولا شو وتقعد تشوفها علـى إنها أي سيارة عاديـة ؟ ولو ماطرت الرقم في ويهي أو ضربتني بالكعب يكون نفذت بجلدي .. :D
( مع العلم أنا مب مغازلجي بس ربعي كلهم مغازلجيـة :o )
وبهالنظرة يحسبونها الشباب المغازلجيـة مثلا .. يقول لو عندي لكزس لو هي مسخرة بيحبونها البنات .. بس لو عندي إنفنتي لو هي كشخـة بينطشون لها البنات .. :o
وقس عاد علـى الشياب .. والمدراء .. والمسؤولين .. والأغنياء .. وغيرهم وغيرهم .. :)
الإنفنتي تدرك هالشي تماما و لها السبب حطت الإنفنتي بهالسعر المنخفض .. وبجذي الناس راح يشترون الإنفنتي كيو و بكم سنـه يسير للسيارة سمعـة طيبـة بين الناس ... وبعدها تقدر الإنفنتي إنها ترفع الأسعار تدرجيا حتـى تصير بنفس سعر السيارات المنافسـة و يمكن بسعر أعلـى بسبت سمعتها الزينه الشارع العام ماريح يتذمر من هالإرتفاع مادام إنه شاري سيارة لها سمعـة طيبـه .. :)
وهذا راي واسمحولي عالإطالـة .. :)
lumina
28-10-2002, 10:42 PM
والله الكيو الصراحه دلع وماعليها كلام و أحسن من اللكزس بواااايد وانا اشوف يمكن الكيو تكون افضل من LS430 ...
Lamborghini غلطان يا حبيبي والله انا على السفاري او تمام التمام بالنسبه حق الب..:D
infiniti
29-10-2002, 01:20 AM
MAXIMA 99
ايه بس الجاكور عليها صيانة تخرب بيت البطران
Lamborghini
اذا تفكيرك لو الانفينيتي بتطير بتظل اللكزس احسن
زي اللي قالوا قبل 11 سنه مين المجنون اللي يدفع 120 الف ريال في ياباني اليوم يدفعون 240 الف في اللكزس
نسيت اقولك انه تم تدشين الانفينيتي و اللكزس في امريكا عام 89
بس المشكلة عندك انك مع الخيل يا شقراء فلا تدع عقلك يفكر ليقرر بل تدع الاخرين يفكرون بالنيابة عنك و تقرير اي سيارة هي الافضل
بس صحيح على فكرة اي موديل في الانفينيتي جربته هل هو الجيل الاول ام الثاني ام الثالث
اما بالنسبه للسعر فالانفينيتي من 12 سنه و هي ارخص من الكزس اللي ارتفع سعرها 200 في المئة خلال 12 سنه
الحين عرفت انت مشكلتك ان البنات ايش بيقولون عنك بس نسيت اقولك انه لما يشوفوا الانفينيتي يعرفون ان اللي يمتلكها انسان مميز لانه مو كل واحد ممكن يمتلك انفينيتي لكن ممكن اللكزس تجيبها من اي محل تاجير سيارات :D
دايم النور
تسلم على هالرد لان فيه معلومات انا ما اعرفها و اعترفلك اني استفدت من ردك
lumina
شهادة من محايد
فاهم
يكفي ان السفاري هو المنقذ دائما و الدليل الربع الخالي
ح ب ي 666
30-10-2002, 06:51 PM
لكن أحب أضيف انو لا أحد يحكم على السيارتين لين يركبها ويسوقها ..
بالنسبة لي كشخص جربت السيارتين ...
الانفنيتي أحسن مليون مره .. يكفيني تسارعها المذهل + مسجلها السينمائي
وبالنسبة لسعرها فهو 165 ألف ..... طبعاً إذا تعرف أحد .. أو انك لزقت لموظف المبيعات
infiniti اكيد اهو المنقذ ونا السفاري مالي مسميه قهيدان
ياما توهقت لو مو الله ثم السفاري جان ماطلعت
قبل ايايم المطر الشارع كله غرقان او طين ونا بروحي لو على سياره عاديه الله وعلم انا ويني الحين مايقصر قهيدااااااان :)
شباااااااااااب
استنوا شويه .....
انت كنت في خط عام .....
وعدوا من امامك اثنين ..واحد معاه لكزس LS430
والثاني معاه انفينيتي Q45 ......
فلمن منهم سوف تقف احتراما وتقديرا له ؟ صاحب اللكزس ام صاحب الانفينيتي
نقطه اخرى
سعر الانفينيتي 180 الف ريال
سعر اللكزس 217 الف ريال
ومع هذا الارتفاع الملحوظ في سعر اللكزس الان انها اكثر شعبيه من الانفينيتي ...لماذا؟
لا تقولوا عدد السنوات وخلافه ......
الشبح موجود من عام 92 والبي ام اسلابعة بدأت من عام 95 <--أيام العز
ومع ذلك اخذت لها حيز كبير من السوق ...بل وخطفت زبائن كثر من مرسيدس بنز
وهذا هو السبب اللي جر الجفالي الى خفض اسعار قطع الغيار
باختصار ((الجيد هو من يكسب في الاخير))
وبعض النظر عن لكزس وانفينيني ....حتى لو انها لادا .....
لا سوى الجودة
ودمتم:)
infiniti
31-10-2002, 04:05 PM
ح ب ي 666
شكله عندك واسطة قوية انا بالموت و التلصق وصلت لسعر 175000
S8
لن اقف احتراما لايا منهما لان الاحترام يفرضه الشخص مو سيارته :D
ثانيا نعم اللكزس 400 كانت انجح من الجيل الثاني من الانفينيتي لكن الانفينيتي الجيل الثالث 2002 انجح من ال 430 و الدليل النزول المجنون في اسعار اللكزس بعد نزول الكيو الجديدة فقبل نزول الانفينيتي كانت اللكزس ال 430 تباع ب 245000 ريال دون ادنى مناقشه اما الان فانا اعرف شخص اشتراها ب 203000 و اخر حصل على سعر ب 195000 فهل لو كانت واثقه من نفسها ستضطر للنزول بهذا الحجم الكبير
ثانيا نحن لا نفاضل بين اسمين بل بين سيارتين بامكانياتهما
صحيح نسيت اقولك اذا تعرف احد من الشباب عنده لكزس في الدمام اسأله عن مستوى الصيانه السيء الذي وصلت اليه حاليا مع انها سيطرت على السوق سابقا بسبب مستوى الصيانه العالي
infiniti
أستاذي الكريم
كان تخفيض لكزس لأسعار سيارتها شيأ بديهيا جدا .....
حيث ان فارق السعر كان كبيرا جدا بينها وبين الانفينيتي .......
وكان هذا من اكبر الاسباب حتى تنتشر الانفينتي.....................
ومن هنا خفضت لكزس سعر سيارتها لسببين
اولها
هو المنافسة مع الانفينيتي .......
ثانيهما
هو ضرب الانفينيتي حتى لا تقوم لها قائمة تذكر ...........
كلنا نعرف ان سعر البيتل كان 83الف ريال ....
مالسبب؟
هو انه لم يكن لها منافس جدي وقوي
ولكنننننننن
بعد طرح الميني كوبر في اسواقنا نزل سعر البيتل الى 65 الف ريال
لماذا؟
هل هو فشل ؟ ومن يقدر ان يذم فولكس واجن ....
بالعكس هو تتويج للنجاح ولكي تستطيع ان تنافس بقوة هذه المرة مع منافستها الكوبر
لذلك اعتقد ان ارتفاع الاسعار ومن ثم تخفيظها هو استغلال الوكيل ليس الا:(
ودمتم:)