طالبكم يااصحاب التلغيم

[MAXIMA 99]

ابي يواجي تؤثر بشكل واضح في قوة المكينه بدون ماتسوي ضرر وياليت هالبوجي بدون تغير الاسلاك واذا لازم اغير الاسلاك كم سعر التكلفه بواجي مع اسلاك وياليت تكتبون اسم البوجي والاسلاك اذا لازم تركيبها



ضروري خل ابلف الشايب حقنا قبل مايرك اي كلام
لاني بقوله في بوجي يوفر صرف البنزين بقدر 14%
تعرفون الكابرس LTZمشكله في الصرف بس لاتنسون الي قلتلكم

مشكووووووووووووريــــــــــــن

[DodgE]

بس بواجي بدون أسلاك ماراح يفرق معك شي

والله أعلم

والLTZ ماكافيتك

[MAXIMA 99]

الصراحه احب اسمع المكينه تصيح بس بدون ما اخرب فيها شي شباب كم تركيب الاسلاك والبواجي الرياضيه وكم تفرق في السعر عن الاسلاك والبواجي الغير رياضيه

[MAXIMA 020]

انا والله يا اخوي ماكسيما جربت الحركه هذي بس انصحك اخوي لا تجربها وخصوصا بسياره انا اعتبرها لسا جديده خلني اقولك ليش

سويت الحركه هذي في جيب اسوزو موديل 90 وركبت له بواجي مرسدس والله ما قصدي اقوي السياره ولا شي بس عشان بوجي الاسوزرو الاصلي غالي شوي ( البوجي الواحد با 20 ريال ) المهم شريت بواجي مرسدس بعد ما قالي خويي انها تعطي شراره كهربائيه قويه (لاحض ان مديل السياره 90 يعني منتهي ) خلني اعطيك الايجابيات الي صارت لي والسلبيات :

اما بالنسبه للايجابيات (good news ) :
_لسياره اول اذا بدلت من اول لثاني ما تقرص (تفحط ) بعد ما ركبتهم صارت تقرص (حشا باعوضه )
_ اول ما اقدر اجيب فيها الا 150 كلم الحين الجيب فيها ال 160 (فرق بسيط )

السلبيات (bad news ):
_ الحراره والحراره والحراره اول كنت حرارة السياره هاديه (فوق الربع بشوي ) الحين احس ان فيه هوى حار يجي من تحت السياره والقيج حق الحراره على النص ويطلع بعض الاحيان
_ السياره ما ودك تسوقها في الظهيره وخاصتا في فصل الصيف
_ البنزين وما ادراك مالبنزين صارت صرفيتها عاليه جدا خلني اقولك كيف انا عندي المكسيما اعبيها اسبوعيا 45 ريال 6 سلندر وكان الجيب قبل لا اغير البواجي يجلس معي اسبوع ويومين طبعا اربعه سلندر بس بعد تغير البواجي صرت اعبيه واعبي الماكسيما مع بعض اسبوعيا وياليت على شي على الاقل المكسيما يوميا امشي عليها للجامعة 180 لني اكون متأخر بس الجيب انا داعس حد الدعسه 160 - 165 كلم وصرفيتها عاليه

المهم انا قلت الي عندي وانت فكر قبل لا تركب ولا تنسى ان مديل سيارتي 90 يعني مش فارقه معي

بس ما اضن فيه ضرر اذا بتركبهم فتره قصيره وتشيلهم

اخوك
MAXIMA 020

[HKS-SUPRA]

لاتشتري بواجي سباق ولا خرابيط..لانه ماراح يفرقون عن الوكالة باي شي طالما انه سيستم الكهربا باالسيارة وكالة
بواجي السباق يبيلهم سيستم كهربا كاااااااامل مال سباق علشان يقدرون يوصلون الكهربا عدل, والمسألة مو مسألة انه بواجي سباق ..خلاص لما تركبهم راح تتغير السيارة .لا هاامعلومة غلط
بواجي السباق مصنوعين علشان يوصلون الكهربا الي طالعة من سيسم الكهربا مال السباق عدل (لانه بواجي الوكالة ماراح يوصلون الكهربا مثل بواجي السباق) انا اقول اخذ بواجي الوكالة مع وايرات جديدة وانشاالله انك راح تطلع بنتيجة بس النتيجة ماراح تطلع تكون كبيرة
راح تكون زينة :rolleyes:

صدقني انا اشتغلت بااكثر من موستنغ واعرف لما اركبة قطع شنو راح تكون النتيجة وشكثر العزم راح يتغير