إضحك مع سردال في حصة التدريب

[سردال]

في الساعة التاسعة صباحاً من يوم الجمعة "أمس" وصل مدرب قيادة السيارات إلى المنزل، خرجت له ورأيت سيارة نيسان صني نسخة 2001، وقد كان في السابق يملك صني قديمة جعلتني أكره التدريب، لا بأس الآن، هذه أوسع وأكبر وأنظف، ركبت السيارة بصعوبة، فمثلي لا تصلح له الصني، ربما هامر أو جمسي سوبربان لكي يتدرب عليه، قال لي المدرب: إنت لازم يشتري سيارة كبير، قلت له: إي نعم سيارة كبير، ورحت أحلم بالمايباخ الجديدة، هذه سيارة واسعة جداً وتناسبني جداً :D

وتوقفت عند حدود الحلم فقط بالمايباخ، لأن شراءها يعني أنني أشتري سيارة أغلى من منزلنا الكبير، وهذا إسراف، وهي على أي حال سيارة لكبار الشخصيات، لا لشخص مثلي قد يستخدمها في الذهاب إلى سوق الخضروات والسمك!! قال لي: شغل سيارة! قمت بتشغيلها وانطلقت! خرجت من الحارة، إلى شارع رئيسي، ولا تسألوني ماذا فعلت هناك! لأنني لا أتذكر شيئاً أبداً، هل أنتبه على قيادتي للسيارة وكيفية التبديل بين التروس؟ أم أنتبه للسيارات القادمة من الخلف والتي تحتقر سيارات التعليم؟ أم أنتبه لتعليمات المدرب!

هذه أول مرة أقود في طريق عام، وقيادتي تشبه قيادة طفل صغير لسيارة لا سلكية! وصلت إلى الإشارة، هناك سيارة تقف أمامي، ظهرت الإشارة الخضراء، أردت الانطلاق، توقفت السيارة، أعدت تشغيلها، لكن الإشارة أصبحت حمراء! ما هذا الإحراج؟ الناس ينظرون إلي، في المرة الثانية انطلقت بشكل جيد.

وصلنا إلى مكان التدريب، سألني المدرب: إنت في سوق سيارة قبل؟ قلت له: لا!!! قال: أنا كيف يخلي أنت سوق ألهين "ألحين"؟! بس إنتا سوق أول مرة زين، ألهين سوي تعليم ريوس باركنك، قلت له: توكل على الله :)

ملاحظة: البعض قد يظن أنني خبير في السيارات، لكن لا يغركم المظهر، أنا فقط أقرأ مجلات السيارات وبس :p

[فاهم]

ههههههههه والله نفس حالتي قبل اربع سنين يوم تدرب على صني او دخلت التراي على جمس خبصت بالدنيا :D

[أمير أبوظبي]

معقوله في هل العمر وتتعلم كيف تسوق سياره؟؟؟ :cool:

[VeilSide]

كيف الحال اخوي سردال ...
الله يرجك ... ههههههههههههههههه
يوم كنت زائر عادي لسوالف ...
كنت ادخل و اقرأ مشاركات الاعضاء ..
و احس انهم سائقين عالميين ..
و اقعد افكر ..
انا بعد كم سنة راح اوصل لمستواهم ... :D
يبي لك انت هالحين تفكر ...
تسوق كم سنة لتوصل لمستوايي ...
ههههههههههههههههه





















امزح معاك اخوي سردال ..
لا تآخذها على محمل الجد


يالله ..
باااي :):)

[ZAZA]

تبون الصدق عاد

والله شالأمارات متحضره واجد ... وينها ووين السعودية ...

حنا طال عمرك من 14 15 سنة وتلاقي الواحد يفحط في الشارع ..:D

بس والله نظامكم كأنه في دولة غربية من ناحية التنظيم والسلامه ..

وهذا أنا شفته بعيني في دبي ...صراحه سواقتكم والله أصرف منا بكثير

الله يعز الإمارات


:) :)

[CORVETTE^C5]

ههههه

بس اخوي سردال تدري اني الصراحه استغربت وااااايد و اتعجبت تدري ليش



























لاني الصراحه حسبالي انك عمرك 20 او اكبر :eek: ;)

و حبيت اقولك شي مهم انشاله يفيدك اذا رحت للاختبار امتحن بالسياره الي تسوقها انت و متعود عليها لاني انا لما رحت الاختبار بالصني ما لت المدرب ركنت السياره بس المشكله انها كانت بره الخط
فسقطني :(
ففي المره الثانيه اجيت معاي الواسطه :cool: و امتحنت بالسياره الي متعود عليها كانت فولفو 850 و الحمد لله دخلتها عدل في المصفط لاني متعود عليها :cool: بس الي يبط الكبد اني لما كان معاي الواسطه سفطت عدل ههههه

و اذا تبي نصيحتي اجر سيارة سمارت ودش الامتحان فيها :D :D :cool:

[_eyad_]

هههههههههههههههههههههههههههههه:D :D

[NFS]

وأخيراً يا سردال بتطلع ليسن:)

زين ممكن تقولنا شعورك وأنت تقود السيارة ؟

وبالتوفيق أن شاء الله ولازم تسويلنا عشاء بس تنجح في الإختبار.

[سردال]

فاهم: الوضع عدنا غير، التدريب والاختبار كله بسيارة صني وهذا يسهل العملية أكثر :) وحلوة فكرة الاختبار بسيارة ثانية :)


مسولفي: الكسل يسوي البلاوي، لو ما تكاسلت وأجلت كنت محصل الرخصة قبل 5 سنوات تقريباً :)


VeilSide: هاهاها :) الله يقطع إبليسك، نحن سائقين عالميين؟ لو كنا فعلاً مثل ما تقول، ما بتشوف ولا بتعرف محمد بن سليم وباخشب، يمكن تشوف صور سردال في المجلات :p


ZAZA: وعليكم السلام ورحمة الله :)
مع ما قلته، لا زلنا نطالب بتطوير أكبر، لا يمكن أن نكتفي بالمستوى الذي حققناه، الحمدلله الطرق ممتازة وواسعة، والسيارات حديثة، ويبقى الإنسان :) والله يعز الإمة الإسلامية جميعاً.


CORVETTE^C5: بعد 24 يوم بالضبط، راح أكمل 23 سنة بالتمام والكمال :) ومثل ما قلت لأخونا فاهم، التدريب والاختبار كله على سيارة وحدة، لذلك ما في أي اختلاف أبداً :)


mr.eyad: مستانس أنته على السالفة :) (مستانس = فرحان)


NFS: إي والله أخيراً :) أما شعوري، شو أقولك؟ لخبطة يا خوي، ما أعرف أنتبه على شو، المراية الجانبية، ولا تبديل الجير، ولا وضعية الرجل على الدواسات، أدوس خفيف أشوف السيارة تقفز! يعني حاسس بالارتباك على الأخير، لكن أول مرة أسوق، وأعتقد شيء أن مستواي أحسن بكثير من اللي بدأوا من الصفر، مثل ما يقول لي المدرب: في نفرات ما في معلوم جير واحد جير اثنين، ما في معلوم هذا ريس (دواسة البنزين يعني) هذا بريك، أنا سوي خبر كل شيء.

شخصياً أعرف نظرياً كل شيء عن السواقة، وهذي أول مرة أجرب :)
وإذا نجحت بإذن الله أحط لكم عشاء كامل "بطاقات بس، لا يغرك :D"

[السائق المثالي]

ما شاء الله ،


والله تعرف تسوق صني أخوي سردال ..



في تقدم



( عقبال ما تلبق المايباخ بالريوس قدام البيت )

[abu_nasser]

اهلين سردال


و الله ياخوك عندك مثال انا رسبت للمره 3 على التوالي في اختيار السواقة :D و المشكلة دائماً ادعس دعس مهوب صاحي و الشرطي يزاعك وقف وقف :D عموماً ان رسبت المره الرابعة الله يخيلي الواسطه


و صراحه انا يوم رحت عندكم بالامارات دبي و ابو ظبي صراحه السواقة عندك سواقة ناس محترمين اما عندنا كلهم طعوس :D و الدعسه على آخره و خصوصاً برمصان قبل الفطور بـربع ساعة


اتشوف عجب العجاب :D

عموما نحن عندنا الختبار بكريسيدا قير عادي ;) و محاكيك ما يسوق الا اوتماتيك :D

تحياتي

[AMG]

الله يعينك وتاخذ الليسن :)

[مرسيدسCLK55AMG]

تبون الصراحه انااسووق وعمري 11 والحين عمري18 والله ياشباب ماقلتها كاذب اني من انا عمري 14 وانا افحط والحين زدت والمسكينه سيارتي الكرسيدا(جراندي)92 كحليه وذايقه المر مني ومن اخووووووووووي والله عندي لها صور بس ما اعرف ارسلها والله اي واحد يبيني ارسلها على الايميل ويحطها يقوووولي






























ويله الله يوفقك يا اخ سردال بس مثل ماقال الاخ نيد فور سبيد نبي عشا زين ولا تنسون الي يبي يتصدق على ويحط صور الجرانديات حقيني:D :D :D :D :D

[HONDA 4 EVER]

قبل شهر استخرجت تصريح قيادة مؤقت طبعا هو يعطى في السعودية لمن يكون عمره 17 سنة عاد نظامهم انك لازم تدرس 4 حصص اشارات مرور + ميكانيكا طبعا بالاضافة الى تدريب في الميدان والله هسترت فيهم انواع الهسترة اول مرة ركب معاي المصري (المدرب) مرة واحدة شافني اسوق كويس بعد كذا خلاص صرت اتمرن على التلبيق والحمدلله نجحنا حتى يوم الاختبار كنت على الحافة بس الحمدلله العسكري كان طيب لاني كنت مسررررررررررررع في الميدان واتجاوزت عشان اختبر اول واحد ;) وسقطت على الخلق وبعد ماوقفت قال لي العسكري انت الحين سويت كذا مخالفة وانا والله كنت راح ارسبك لكن توكل على الله ولاتعيدها ;)
<-----------واسطااااااااات :D
اتمنى لك التوفيق اخي الاعرابي:D

[سردال]

شبابي: شكراً :)


abu_nasser: عندنا في أبوظبي الرجال لازم جير عادي، والنساء أوتوماتيك، والله يوفقك في المرة الرابعة وبدون واسطة :)


AMG: آمين :)


مرسيدسCLK55AMG: أريد أتخيلك وأنت تفحط وعمرك 14 سنة :)
وهذا موضوع تتعلم منه كيف تحط صور في المنتدى:
http://www.swalif.net/sforum1/showthread.php?threadid=142267


HONDA 4 EVER: يا عيني على الواسطة، كأني مضطر أستعملها بعد :)

[abu_nasser]

رد مقتبس من سردال
abu_nasser: عندنا في أبوظبي الرجال لازم جير عادي، والنساء أوتوماتيك، والله يوفقك في المرة الرابعة وبدون واسطة :)

آمـيـن ان شاء الله عموماً ترى ممكن انجح بـ$$$ يعني عندنا في السعودية النجاح بسهولة :) و ان شاء الله ربي يوفقني بهذي المره لاني لي سنتين اسوق بدون رخصة او (ليسن ) زي ما تقولونها عندك في الامارات

رد مقتبس من سردال
مرسيدسCLK55AMG: أريد أتخيلك وأنت تفحط وعمرك 14 سنة :)

بعد فترة طويل من الزمن ح يكون ردك هو
رد مقتبس من سردال
****: أريد أتخيلك وأنت تسوق طيارة وعمرك 14 سنة :)

:D