$$ من زعلك $$

[عشاق]

من زعلك قول 00 يا منى الروح قلّي
أرجوك قلي ولو علي كنت زعلان

خل الزعل والهم عنك يولّي
ما عودتني ترسم على وجهك أحزان

وش فيك ساكت يا حبيبي ومن لي
شفني من أسبابك أنا حيل تعبان

حزنك يتل الروح والقلب تلّي
تكفى ابتسم لا تشعل القلب نيران

بلاك ما تدري وش اللي يحصلّي
تزعل علي ويثور في القلب بركان

وأمل من نفسي وأضيّع محلّي
وألوم نفسي وأسهر الليل ندمان

تعالي بحكي لك سوالف تسلّي
وبقول أحبك وبقول أنا حيل ولهان

خل الزعل وخل عنك التغلّي
ولا عاش راسٍ يزعلك لا ولا كان

عـــشّاق

http://qe9ayed.jeeran.com/mn_za3alak.wav

[ARAE]

بلاك ما تدري وش اللي يحصلّي
تزعل علي ويثور في القلب بركان

خل الزعل وخل عنك التغلّي
ولا عاش راسٍ يزعلك لا ولا كان



صح لسانك اخوي عشاق ودمتم والله خوش ابيات يسلمووووو اخوي

[العسلي]

صح لسانك اخوي عشاق وعاشت ايامك على القصيد الرائع

[عشاق]

أشكرك اخوي على تعقيبك وعلى اطراءك وان شاء الله أكون دائما عند حسن الظن :)

[عشاق]

صح ابدنك حبيبي ;)

[غريب الطبايع]

يعطيك العافيه اخوي عشاق ؛؛؛؛؛؛؛

وأهديك هذا البيت وتقدر تقول أنها مشروع قصيده أبتيدتها بعد ما قريت قصيدتك

نسيت إني زعلت وجيتك اشواقٍ تسوق اشواق

تفضل لك من أفراحي إلى اخر دمع احداقي

:( :) :rolleyes:

[عشاق]

تسلم حبيبي وأنا في انتظارها;)

[ابو الفياصل]

روعه اخوي عشاق

وصح لسانك اخوي,,.

[lovely apple]

رد مقتبس من ابو الفياصل
روعه اخوي عشاق

وصح لسانك اخوي,,.



:D

:rolleyes: :rolleyes:

[عشاق]

هلا ابو الفياصل وصح ابدنك :)

[عشاق]

والله انج عجازه 00 تردين باقتباس :p :p :p :p