سوالف للجميع - ابي رايكم في سيارتي بدون تحطيم

عاشق التضبيط

01-08-2002, 05:31 PM

السلام عليكم ... كيف الحال حبايبي ...انا حبيت احط صورة سيارتي عشان اشوف رايكم فيها ,,, يعني ابي منكم تقولون لي وش ناقصها وش فيها غلط اغيره ... انا ادري انها صني ماتسوى , بس مهما كانت سيارتي , وابي اضبطها لو هي لاده ولا بيجو :D بعدين تكفون لاتحطموني يعني لاتقولون كلها مالها داعي :( :(
وهذي الصوره الاولى
http://badory911.jeeran.com/___2.jpg
وهذي الثانيه
http://badory911.jeeran.com/___4.jpg
وهذي الثالثه
http://badory911.jeeran.com/_____5.jpg
وسلامتكم
اخوكم : عاشق التضبيط

CORVETTE^C5

01-08-2002, 05:37 PM

السلام عليكم
وله الزوايد الصراحه حلوه

بس يبيلك اتحط جناح

السائق المثالي

01-08-2002, 06:01 PM

رد مقتبس من CORVETTE^C5
السلام عليكم
وله الزوايد الصراحه حلوه

بس يبيلك اتحط جناح

ما شاء الله

الجنوط رائعة

والزوائد رائعة

بس ناقص السيارة فتحة سقف ,,

وتغيير لون الشبك الأمامي بلون السيارة ,,

الله يبارك لك فيها ,

STS4ever

01-08-2002, 06:48 PM

ماشاء الله السياره حلوه جدا وانا في نظري افضل صني شفتها لحد الان والزوائد ولا اروع
لكن بصراحه وهاذا رائيي ان الجنوط النيكل خلاص راح عليها يعني لو تحط نجمه 5 فتحات وتكون 16 او 17 والافضل 17 تكون روووووعه ولو فتحه تكون اروع واروع
انا صراحه انصحك ماتركب جناح الا اذا كان صغير زي SS الكابرس اما انك تركب كبير اتوقع ماراح يركب مع شكل وحجم السياره

واعذروني هاذا رايي

وشكرا لكم :D

-X-

01-08-2002, 07:26 PM

والله sts كلامة صحيح كلها روحة بس الجنوط راحت موضتها

غيرها على ماقال sts وشوف كيف تسير

بعدين ترى السني حلوة ليش مستهين فيها

Eclipse

01-08-2002, 07:38 PM

غير مقاس الكفرات :)

عاشق التضبيط

01-08-2002, 10:23 PM

مشكووور شبااااب على الدفعه المعنويه :D وبالنسبه للجنوط انا ناوي اغيرها, بس الين الحين مالقيت الشكل اللي ابيه ... وبالنسبه للجناح والله مادري وش اقول بس احس السياره صغيره واذا حطيت جناح بياخذ ربع السياره ,بس يمكن احط جناح صغير زي ماقال اخوي STS4ever ...وبالنهايه مشكور للي ردو واللي ماردو لا يحرمونا من ارائهم ;) ;)
اخوكم : عاشق التضبيط ;)

S.T.P

03-08-2002, 10:53 PM

السياره حلوه بس يبيلها بعض التعديلات الخفيفه زي ماقالوا الشباب..........

:cool: :cool: :cool: :cool: :cool:

مجنون سيارات

04-08-2002, 10:15 AM

السياره ما عليها كلام :)

بس ما فكرة تنزلها من قدام شوي ؟:D :D

KLM 999

04-08-2002, 02:48 PM

:p اصراحة سيارة حلوة تسلم

blue206

04-08-2002, 04:11 PM

الاخ عاشق التضبيط..
ايش فيها البيجو حتى تحتقرها للدرجة هذي.؟؟
عموما سيارتك حلوة وابغاك تعطيني رأيك في الصور.http://balbaid206.jeeran.com/images/206_toxic2_2.jpg

http://balbaid206.jeeran.com/images/getpicjjjjj

http://balbaid206.jeeran.com/images/getpicub

شكرا.:)

Martin

04-08-2002, 06:01 PM

ظلل القزاز والباقي مثل ماقلو الشباب وخاصة لون الشبك خله مثل لون السيارة ;)

عاشق التضبيط

04-08-2002, 08:02 PM

اخوي: S.T.P مشكور على رايك
اخوي: مجنون سيارات ودي انزل بعد , بس الحين وانا كذا مابقا شارع في الدمام مانضفته :D , لا وخاصة هالايام شوارعنا تعجبك كلها اعمال صيانه وحفر :D
اخوي: KLM 999 مشكور على رايك
اخوي: blue206 هدي اعصابك :( انا موقصدي هذي البيجو ولاكل انواع البيجو الجديده انا قصدي البيجو القديمه حق المدرسين المصاريه اول :D ولا هذي بالعكس مرغوبه من كثير من الشباب والصور تدل على هذا الشي ;) واسف لاني وصلت لك رايي غلط :( وعلى العموم مشكور على ردك
اخوي:Martin مشكور على رايك
اخوكم: عاشق التضبيط

MAXIMA 020

04-08-2002, 08:31 PM

لازم لازم تنزل سيارتك من قدام شوي لان التنزيل الخفيف واكرر الخفيف يعطي شكل حلو لسياره

قاهر اليهود

04-08-2002, 11:06 PM

رد مقتبس من STS4ever
ماشاء الله السياره حلوه جدا وانا في نظري افضل صني شفتها لحد الان والزوائد ولا اروع
لكن بصراحه وهاذا رائيي ان الجنوط النيكل خلاص راح عليها يعني لو تحط نجمه 5 فتحات وتكون 16 او 17 والافضل 17 تكون روووووعه ولو فتحه تكون اروع واروع
انا صراحه انصحك ماتركب جناح الا اذا كان صغير زي SS الكابرس اما انك تركب كبير اتوقع ماراح يركب مع شكل وحجم السياره

واعذروني هاذا رايي

وشكرا لكم :D :eek:

التوقيع: أبو ال‘ــــــــــــــــــــــز

جيب رانجلر

04-08-2002, 11:24 PM

الصراحة يا اخي هذه اول مشاركة لي في سوالف والصراحة عجبتني سيارتك الصني جدا جدا وانا اقولها وبكل افتخار اذا بتبيع اتصلبي على جوالي 9225539 وانا من سلطنة عمان ومستعد لشرائها .

مجنون بورش

05-08-2002, 03:53 PM

ما شاء الله
السيارة روعة جدا
الله يعطيك خيرها ويكفيك شرها

عاشق التضبيط

06-08-2002, 08:13 AM

اخوي:MAXIMA 020 مشكور على رايك بس زي ماقلت قبل صعب انزل
اخوي:قاهر اليهود مشكور على ردك
اخوي:جيب رانجلر السياره ماتغلى عليك وانا مافكرت ابيعها بس اذا جابت لي سعر حلو بابيعها وعلى العموم نتفاهم بالماسنجر احسن من الخساير :D وهذا ايميلي b_hilal96@hotmail.com ويشرفني اضافتك لي ;)
اخوي:مجنون بورش مشكور على رايك ;)

SnoopY

06-08-2002, 09:25 AM

حلوة سيارتك ياعاشق التضبيط

خصوصا اللصقه الي ملصقها جهت اليمين من ورا;)

والسيدي بلاير بعد:)

ابو الفياصل

07-08-2002, 12:05 PM

ما شاء الله لا إله إلا الله قويه سيارتك ..

من جد..

انا اعرف واحد معه تيرسل مركب لها جنوط برابوس:D:D

ومركب فتحة سقف..
طالعه قويه..

وانت سيارتك ما شاء الله قويه وحلوه..

تحياتي لك.

عاشق التضبيط

08-08-2002, 06:31 AM

مشكور اخوي snoopy على رايك :) .. بس مادري كيف عرفت اني حاط استيكر على اليمين وسيدي بلاير :eek: :confused: :eek: :confused: وخاصة اني ماحطيت صور للاماكن اللي قلتها

الف شكر قوي :D لاخوي ابو الفياصل على الاطراء (حلوه الاطراء ذي):D :D

S55AMG

08-08-2002, 01:59 PM

جنوط و اعتقد مقاس 16 انسب بس الأحلى 17

زينون:p

و يعيطط خيرها و يكفيك شرها

عاشق التضبيط

10-08-2002, 11:36 AM

يعطيك العافيه اخوي S55AMG بس حبيت اقولك ان الجنوط اللي مركبها 17 بس يمكن صاير شكلها صغير :(

SnoopY

10-08-2002, 11:45 AM

نسيت بعد فتحه الشكمان الكبيرة:p

comondor--GTSR

10-08-2002, 11:56 AM

حط جنوط مقاس 17 قدام ومقاس 18 وراء وشوف

عاشق التضبيط

11-08-2002, 04:39 AM

اخوي comondor--GTSR صعب اني احط جنوط 18 .. انا الحين حاط 17 بالغصب ، ولاتنسى انها صني والرفرف صغير :D .. على العموم مشكور على رايك :)

SnoopY وبعدين :mad: :mad:

خلاص ما باقي الا تقولي كم شريط في السياره :rolleyes:

قولي من انت وريحني... وخلاص بدون فضايح :rolleyes:

IMPALA SS '96

11-08-2002, 05:40 AM

أقول ترى كان إسمي المحطم الأكبر .....بس من زمااااااان....

خذ أنواع التحطيم و الحش.....:):)

1- الفيبر الأمامي مستواه أخفض من باقي الفيابر بشكل غير مقبول... يعني كذا

خلف -----( )--------------( )___/ أمام

المناسب في رأيي أنتكون الفيابر بمستوى واحد....

خلف \___( )_________( )___/ أمام

أو تكون.....

خلف \___( )__---------___( )___/ أمام

2- فيابر بدون جناح.........؟؟؟؟؟ حركة مالها داعي....

3- لازم شوية فنيات في غطاء المحرك......

4- تضليل الزجاج مسموح به في المملكة.....

لا تاخذها بزعل بس بصراحة النقطة الأولى اللي ذكرتها مهمة جداً...
ولأكون منصف السيارة باين إنها نظيفة "ماشاء الله"....وحتىالشغل اللي فيها باين إنه محترم ولاكن مع الملاحظات الي ذكرتها ستكون السيارة 100%.........

تحياتي لك وتذكر أني كتبت ما كتبت من باب "" صديقك من صَدَقَكْ""

ولا أوصيك عليك بسيستم صوت يحلي السيارة أكثر و أكثر....

سلام الله عليكم.....

عاشق التضبيط

11-08-2002, 10:24 AM

هلا اخوي IMPALA SS '96 بالعكس كلامك ما اعتبره تحطيم هذا رايك .... التحطيم اللي يكتب يااااشيخ طير... استح على وجهك حاط مثل هالسياره:D :D ومن ها الكلام اللي يخليك تكره السياره :mad: ولا انت كلامك صحيح ميتين بالميه انا اشوف الصدام نازل كثير عن الجوانب واللي ورى ، بس ماعليك هذي تنحل وبالنسبه لباقي الملاحظات بفكر فيها وبالاخير مشكور على رايك ;)

خليل أبو سمرة

11-08-2002, 10:38 AM

سلام عليكم

والله الزوايد الصراحه حلوه

بس يبيلك جنوط غير

SL 55 AMG
:o

ss 2001

12-08-2002, 01:35 AM

سلام ..

هلا عاشق التضبيط :)

سيارتك ما شالله حلوة .. حافظ عليها :)

بس اخوي اذا تبي نصيحتي .. حاول انك تخليها سيارة بسيطة :)

انا اقولك كيف .. يعني تنزيلة بسيطة من قدام و رنجات 17 نجوم

وابتعد عن الكروم لانها موضه قديمة خلاص .. ;)

وبسسسسسس ... لا تحط اي شي على سيارتك ..

ما ادري في واحد قال جمله عجبتني بصراحه ..

( البــســــاطـــة تــولد الجــمـــــال ) ;)

تحياتي لك اخوي ...:cool:

الجود2003

12-08-2002, 02:23 AM

إن السيارة روووووووووووووووووووووووووووووووووووووووووعه وأحلى من الحلو.........

وأنت بعد أحلى يا الغالي ((عاش التضبيط)).

وشكرا.........;) [SIZE=3]

محامي الزعيم

13-08-2002, 01:43 AM

سيارتك روعه اخوي
مضبطها صح
بس ناقص فتحه
وتطلع 100000000000%

عاشق التضبيط

13-08-2002, 08:06 AM

مشكورين اخواني
SL 55 AMG
ss 2001
الجود2003
محامي الزعيم
على ردودكم ورايكم

SnoopY

13-08-2002, 03:43 PM

ايش رايك تغير الصدام الخلفي الي تقل كأنه قفص حمام:p

Oettinger

13-08-2002, 09:14 PM

الله يعطيك خيرها ويكفيك شرها

الا اخوي اذا مافيها احراج ، وين سويت هالشغل هذا؟! الفايبر والبوية
اذا انت من الشرقية لو سمحت قولي

شكرا

عاشق التضبيط

14-08-2002, 11:44 AM

هههههه الله يرجك يا snoopy اجل تقولي صدامي كانه قفص حمام :D :D ياحليلكم ياراعين السياكل صرتوا تستهزؤن باللي عندهم سيارات :D :D اقول فصل لك زوايد على سيكلك تطلع حركه:p :p وحط لك انتلين واحد علم السعوديه وواحد علم القراصنه يطلع سيكلك اوكي :p :p

هلا اخوي Oettinger كيف حالك .. بالنسبه للزوايد انا مفصلهم في مصنع الخليج للفيبر في الدمام الخضريه عند سهم شغله حلو ونظيف وسعره مقبول
<<<< قاعد يسوي تسويق للمحل :D :D
على فكره اذا رحت له قوله انا جايك من طرف بدر راعي الصني وقوله انك خويي :D عشان ينزل لك وعشان انا لما اجيه بعدين اقوله نزلي انا جبت لك زباين :D :D

Oettinger

14-08-2002, 10:59 PM

عاشق التضبيط
شكرا على الرد ، والله هذا نفس المحل اللي دلوني عليه ساماكو لانو عندي السبويلر الامامي في سيارتي مكسور شوي وابغى اصلحه

تحياتي

SS-MASTER

15-08-2002, 12:48 AM

السلااااااااااااام عليكم يا شباب......

بصراحة السيارة حلوة......

ومايحتاجلها الا جناح حليوة خلفي وتدهن الوجه بنفس لون السيارة.........:) :) :) :) ;)

برامبيل

15-08-2002, 07:16 PM

والله رايي وبدون زعل لاني ابدي برايي واتكلم عن نفسي واقول ان شكلها عنقاش يعني الصراحة لو هي ستاندرد احلى بوايد عن شكلها الحالي ..
تبا الصراحة بدل عالتزويد والمخاسير لو بعتها ومحطي قروش التزويد على سيارة جديدة مب احسن لك..

وسلامي

عاشق التضبيط

15-08-2002, 10:07 PM

العفو اخوي Oettinger ;)

مشكور اخوي SS-MASTER على ردك ورايك :)

اخوي براميل رايك على العين والراس وهذا رايك وانت حر فيه،، بس حط في بالك ان الناس اذواق..... وكل واحد وله تفكير يختلف عن الثاني ،،،، في ناس يحبون التضبيط ويخسرون على السياره خساير،، وفي ناس يحبون الشد بلد،،، انا عن نفسي احب اضبط في السياره اليوم اركب جنوط تحلى السياره بنظري ،بعدين احط زوايد تحلى زياده تحس انك راكب سياره جديده ،، حتى اللي يحبون السياره شد بلد لما تكون السياره مغسله تنفتح نفسيتهم لما يسوقونها غير لما تكون السياره مغبره ووسخه مالهم خلق يسوقونها :o :o
وفي النهايه تقبل تحياتي

zx300

17-08-2002, 11:03 AM

هلا عاشق التضبيط اخبارك صراحه سيارتك ماعليها كلام بس ياليت تقولي وش نوع التلفزيون اللي عندك :D :D :D :D :D :D :D

عاشق التضبيط

17-08-2002, 02:46 PM

:eek: :eek: اللهم طولك ياروح :mad:

الظاهر عجبتكم اللعبه :mad:

zx300 هذا ايميلي b_hilal96@hotmail.com بسرعه سولي اضافه :mad:

عشان اعرف من انت :mad:

وعشان بعد اقولك التلفزيون وش نوعه :p

msn

19-08-2002, 06:53 PM

السلام عليكم ورحمة الله وبركاته

والله السياره حلوه وماشالله عليك شكلك تعبت عليها كثير لان الصني خاصه والنيسان عامه مالهم قطع تعبيث زي الهوندا

الله يعطيك خيرها ويكفيك شرها

بس في ملاحظه ودي اقولها بس توعدني انك ماتزعل مني

صراحه واضحه حركة انك تخلي ربعك في المنتدى يكتبون ردود ويقولون حلوه اللصقه اللي جهة اليمين ؛ والسيدي بلاير ؛ والشكمان الكبير ؛ والصدام اللي ورى ؛ والتلفزيون .
يعني معناتها تبي تعلمنا ان عندك هالاشياء بطريق غير مباشر ؛ لا وتسوي نفسك ماتعرفهم ومستعجب من كلامهم ؟

السائق المثالي

19-08-2002, 07:24 PM

أخوي msn ؟

SnoopY

20-08-2002, 10:03 AM

والله لو يعرفني كان فقع وجهي:o

عاشق التضبيط

20-08-2002, 05:05 PM

:eek: :eek: :eek: :eek:
:eek: msn :eek:
:eek: :eek: :eek: :eek:

ما اقول الا الله يسامحك وانا موب عارف كيف ادافع عن نفسي لان على قولتك واضحه
بس يعلم الله اني ما خليت احد يكتب منهم او اتفقت مع احد منهم

كل السالفه انهم شباب حابين يمزحون معاي ويستهبلون علي وانا مابيدي شي اللي علي سويته
ارسلت لكل واحد منهم رساله خاصه وقلت لهم من انتم ؟
واحد رد علي وعلمني من هو.... والثاني ارسلت له فوق الخمس رسايل ولا رد علي ...
وهذا هو كتب في الموضوع مره ثانيه يقول اني اذا عرفته بفقع وجهه ...
كان زين اذا جات على تفقيع الوجه :D
وين بتروح مني ؟مصيري اعرفك :mad:
والله يعينك اذا عرفتك :p

وياليت تصدقني يا msn :(

msn

21-08-2002, 04:37 PM

ياعيوني اسمح لي اقولك ان كلامك ماهو راضي يدخل في راسي

يعني معقوله ماأنتبهت للموضوع اللي كاتب فيه خويك سنوبي اسمه وعمره ونوع سيارته وموديلها ؟
هذا هو الموضوع http://64.191.4.10/sforum1/showthread.php?s=&postid=1050754#post1050754
والا بعد هالمواصفات ماعرفته ؟

ومعقوله سنوبي يبي يستهبل عليك ولا يبغاك تعرفه ويغلط هالغلطه ويكتب موصفاته ؟

والاخ الثاني تقولي عرفته يعني ماسويت اتفاق معاه ؟
اوكي نمشيها لك
بس الاولى صعب ان نمشيها

ارجو انك ماتزعل من كلامي وتاخذ الموضوع بروح رياضيه وماتكرر الغلطه هذي مره ثانيه

وانا ماكتبت هذا الكلام الا من مصلحتك

بو دمعة

22-08-2002, 12:04 PM

السلام عليكم يا جماعة الخير

اقول رايي السيارة ما تحتاج لكل هذي المخاسير خاصة وانها صني

توفر فلوسك وتشتري سيارة افخم شوي احسن من المخاسير على خرده حجم المكينة بين 1.6 الى 1.8 لتر

اشوف الشباب ما عندهم سالفة في انهم يقولون حط جنوط ما اعدرف كم ولو تنزلها من جدام ولو ولو

ايش هذا؟

عبط ولا استهبال

ناس ما عندها سالفه

حياكم الله

عاشق التضبيط

22-08-2002, 07:26 PM

اخوي msn
انت متاكد من الكلام اللي تقوله ومهما أدافع ماراح تقتنع لانك تقول كلامي موب راضي يدخل راسك
يعني احسن لي ما اتكلم ولا ادافع بس اقول ان بعض الظن اثم

وياما في الحبس مضاليم :D

وبالنسبه لك اخوي بودمعه الظاهر حضرتك ماقريت الموضوع زين انا قلت رايكم بدون تحطيم يعني بدون ماتستهزيء فيني قلت وش ناقصها وش فيها غلط اغيره وقلت لايجيني احد ويقولي كلها مالها داعي
واخر شي تجيني وتقولي سيارتك خرده ماتسوى :confused:
7
7
7
7
7
7
7
والحين عاد فضينا لـ snoopy

اخيرا جيت وش حالك حبيبي .... وش اخبارك وقلبك وش علومه

http://www.mixmusics.com/Rashid_el_majid/akhiran_jet.ram

game over

مشكور اخوي وحبيبي msn
مع انك غلطت علي بس سويت لي خدمه ما أنساها لك

يوسف جيت والله جابك :D انا تسوي فيني كذا الله يسامحك بس ..
لا وأقابلك ومسوي نفسك ماتدري عن شي مسكين :D بس صراحه اشهد ان تمثيلك روعه :D
الا ماقلت لي لقيت هوايه حق سيارتك ولا لا ؟ :D
ولاتنسى تسلم لي على عبدالرزاق والشله اللي عندك :D

http://www.qatarfun.8m.com/images/happy.gif

ويالله بسرعه سولي اضافه ايميلي موجود فوق

بو دمعة

22-08-2002, 08:35 PM

السلام عليكم

اي نعم سيارتك خرده يوم تزودها عليها باشياء مالها داعي

يوم تكون بحالتها الاصلية من الوكالة تكون السيارة محترمة

والسموحة في اني ما اجامل غيري

لكن لي سؤال

هذا منتدى سيارات ولا اغاني خربوطية؟:mad:

احذف الاغنية قبل ما يخلص الوقت لو سمحت

حياك الله اخوي

عاشق التضبيط

22-08-2002, 09:53 PM

خلاص مو مشكله ولاتزعل نفسك سيارتي خرده وخربوطيه على قولتك :D ومشكور على رايك الحلو

بس ابغى اعرف ليه معصب :confused: سلامات تشتكي من شي :confused:
الله يكون بعونك :( :(

بو دمعة

22-08-2002, 10:47 PM

انتظر انك تحذف الاغنية لان هذا منتدى سيارات مش منتدى اغاني وتفاهات

طبعا قبل ما يخلص الوقت

او ارسل رسالة للمشرف لكي يحذفها

شكرا لتعاونك

عاشق التضبيط

23-08-2002, 01:58 PM

********

أرجو أخي الكريم أن تستخدم لغة أفضل وتحترم أذواق الآخرين

المشرف العام
سردال

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

نفس الملاحظة
استخدم لغة أفضل وابدي وجهة نظرك بدون تجريح للآخرين.

سردال

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

أخي الكريم بو دمعة، بإمكانك أن تنتقد كما تشاء، لا اعتراض أبداً على إبداء أي عضو وجهة نظره، فقط استخدام ألفاظ خارج إطار الحوار الهادف هو الذي يستحق الحذف، وأيضاً تسفيه آراء الآخرين، أتمنى فقط أن تستخدم لغة أفضل.

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اخوي بودمعه تبي تنـتـقد خذ راحتك بس باسلوب محترم
موب تقولي سيارتك خرده ماتسوى وحرام فيها الخساير
المشكله اتذكر اسلوبك في المواضيع القديمه كان محترم ومقنع
بس مادري ايش حصل لك في الايام الاخيره صار اسلوبك جاف شوي
اتمنى انك ترجع زي ماكنت
اخوك عاشق التضبيط

L.O CUSTOMS

24-08-2002, 01:55 AM

عاشق التظبيط سيارتك روووووووعه بصراحه وأراء الشباب أحلى وإحلى لو تتنفذ
بس انا الي مظايقني شغله بسيييييييييطه............

الي هو بو دمعه
انا بشتغل محامي لكل من تقعد تجرحه بالكلام لما تظف......ماني قايل عن هالمنتدى

:mad: :mad: إنت وش تبي بالظبط ما معك فلوس تظبط سيارتك ياخي وقف عند إشاره وجمع حق 70000سنه لما تطلع لك بألأف الفين:mad:
وبعدين هو قالك إنها أغنيه!!
ليش تدخل خشمك بشي ما يخصك
صحيح ناس متخلفه:mad: :mad:

عاشق التضبيط

24-08-2002, 11:41 AM

مشكور حبيبي LH على رايك وفزعتك ياسنايدي ;) ;)

L.O CUSTOMS

24-08-2002, 01:43 PM

ولو
تراك ما طلبت غير عزك;) :D

مرسيدسCLK55AMG

24-08-2002, 08:39 PM

بس الي قااااااااااااااهرني التنزيله والزوااايد والتضليله

وثااانيا هااااااذ الي يسمونه بودمعه اقول احترم نفسك تر هذا المنتدى منتدى اخوه مو منتدى حرب زين

واحترم نفسك ومثل ما قااالك الخ LH روح يم اقرب اشاره وجمع لك كمن الف وعدل سيااااااااارتك واذا مو عااجبتك السياااااااااااااره ياااااااااخي لا ترد ما احد جبرك

وبنسبه للا غنيه تراها مو لك للاخ سنوبي زين وخلك عن القااااااافه طيب

والاغاني بالعكس لازم نغير اجواااااء المنتدى زين

وحسن الفااااااااااضك مره ثاااااااااانيه ولا لاترد زين:mad: :mad: :mad: :mad: :mad: :mad: :madmad: :mad: :mad: :mad: :: بعد الاذن من عاااااااااااااشق التضبيط وماعليك منه سيااااااااااااارتك جناااان والله:( :( :( :( :(

عاشق التضبيط

24-08-2002, 09:12 PM

والله كثروا الفزعات :D :D
LH الله يدوم عزك
مرسيدسCLK55AMG هدي اعصابك ولا تزعل نفسك ومشكور على رايك وفزعتك
بس مادري ليه بو دمعه ماسكه معه على الاغنيه
يعني اول شي اغنيه عاديه مافيها شي وبعدين انا ماحطيتها مشغله مع الموضوع ، لازم تضغط عليها

بو دمعة

25-08-2002, 12:09 AM

السلام عليكم ورحمة الله تعالى وبركاته

الاخ عاشق التظبيط

اولا: هل عيب يوم الواحد يدلي برأيه بدون مجاملات؟

ثانيا السموحة اخوي في اني تعبتك بان تدور في مواضيعي القديمة لكن ما تلاحظ انها تدور في نفس المضمون ؟

حياك الله اخوي:)

بو دمعة

25-08-2002, 12:33 AM

السلام عليكم

حضرة المحامي LH

هدي اعصابك اول شئ واغسل وجهك واجلس حتى تهدأ اعصابك

يقول لك المثل: الغضب حماقة :)

بخصوص المحاماه

الله يعينك لان الكثيرين سيوكلونك للدفاع عنهم ( شغله متعبه شوي لكن الحمد لله على كل حال)

مرة ثانية الله يعينك

بخصوص الاغنية

هذا منتدى سيارات

ولو تريد الفتوى حول الاغاني للشيخ عبدالعزيز بن باز "رحمه الله" اللي كلنا نحطه فوق رؤوسنا

فانا مستعد وما عندي اعتراض بس انت اشر:)

وهذا منتدى مفتوح يعني يحق لي اني اقرا كل ما يدور بين عضو واخر يعني اقدر ارز خشمي وقت ما بغيت:)

الاخ مرسيدسCLK55AMG

نفس الرد على حضرة المحامي LH "طبعا بدون قضية المحاماه" مع بعض الاضافات

انت قلت بنفسك

(((((وثااانيا هااااااذ الي يسمونه بودمعه اقول احترم نفسك تر هذا المنتدى منتدى اخوه مو منتدى حرب زين))))

لكن الذي اراه انكم انتم بداتم بالحرب وانتم اللي حارقين اعصابكم مش انا

ولو اخذتم الموضوع باعصاب هادئة لما قامت "الحرب"

والحمد لله عندي فلوس ما في داعي اوقف عند الاشارة مثل ما تقول انت وحضرة المحامي LH الله يسامحكم

ومش فاضي اصرفها على مثل هذي التزاويد التي تقصر من عمر السيارة

شكل السيارة من الوكالة عاجبني:)

اطلب من المشرف حذف الاغنية

حياكم الله اخواني:)

مرسيدسCLK55AMG

25-08-2002, 01:24 AM

اخوي بودمعه اعذرني والله ماا كان قصدي والله وارجوك

بس انا كنت معصب وزل لسااااااني وارجوك سااااااامحني

بس ابي اطلبك طلب واحد ابيك تغير سلوبك في الكلام والله اول اسلوبك عسل والله عسل بس ما ادري شجااااااااااك

اخوك مرسيدس

L.O CUSTOMS

25-08-2002, 02:15 AM

رد مقتبس من بو دمعة
السلام عليكم

حضرة المحامي LH

هدي اعصابك اول شئ واغسل وجهك واجلس حتى تهدأ اعصابك

يقول لك المثل: الغضب حماقة :)

بخصوص المحاماه

الله يعينك لان الكثيرين سيوكلونك للدفاع عنهم ( شغله متعبه شوي لكن الحمد لله على كل حال)

مرة ثانية الله يعينك

بخصوص الاغنية

هذا منتدى سيارات

ولو تريد الفتوى حول الاغاني للشيخ عبدالعزيز بن باز "رحمه الله" اللي كلنا نحطه فوق رؤوسنا

فانا مستعد وما عندي اعتراض بس انت اشر:)

وهذا منتدى مفتوح يعني يحق لي اني اقرا كل ما يدور بين عضو واخر يعني اقدر ارز خشمي وقت ما بغيت:)

الاخ مرسيدسCLK55AMG

نفس الرد على حضرة المحامي LH "طبعا بدون قضية المحاماه" مع بعض الاضافات

انت قلت بنفسك

(((((وثااانيا هااااااذ الي يسمونه بودمعه اقول احترم نفسك تر هذا المنتدى منتدى اخوه مو منتدى حرب زين))))

لكن الذي اراه انكم انتم بداتم بالحرب وانتم اللي حارقين اعصابكم مش انا

ولو اخذتم الموضوع باعصاب هادئة لما قامت "الحرب"

والحمد لله عندي فلوس ما في داعي اوقف عند الاشارة مثل ما تقول انت وحضرة المحامي LH الله يسامحكم

ومش فاضي اصرفها على مثل هذي التزاويد التي تقصر من عمر السيارة

شكل السيارة من الوكالة عاجبني:)

اطلب من المشرف حذف الاغنية

حياكم الله اخواني:)

والله الشره موب عليك على الي شراك الجهاز ولا إنت وأشكالك حدك آلة طباعه تكتب عليها وتخبك هذا واحد :mad:
رقم إثنين ما دام إنك عارف إن المنتدى مفتوح وش دخلك لو حط أغنيه ممكن أعرف؟؟
ولا لازم تتهزاء:mad:
ومن حظرتك لما تقول شل الإغنيه واحد من الهيئه؟؟
وبعدين انا ما غضبت ولا يمكن إنت وشكل من أشكالك يغضبني:rolleyes:

بعدين إحترم نفسك شوي إذا إنت ما تعرف تجامل الناس والله ما عندك حيا وأدب وهذا يعكس أثر تربيتك بالمنتدى :mad:

ولا تزعل مني لو قلت الحقيقه بس لازم تعرف كيف إنت تحب تجرح بالناس وانا أحب اجرح بالي يجرحون فيهم:mad: :mad: :mad:

دمدم

25-08-2002, 04:03 AM

ريلاكس شباب

روقوا يعني الرجال يبي رايقم بسيارته ماله داعي تقوموا حرب عالميه
هنا بالمنتدى:rolleyes:

اما الغالي عاشق التضبيط

سيارتك حلوه واحلا مافيها صراحه الجنوط

:D
اما الزوايد حاسك انك مزوده حبتين يعني خفف منها شوي

هذا راي بصراحه وانا مع اللي يقول البساطه تولد الجمال
وسيارتي مااضفت عليها اي شي لمعلوماتك
هوندا اكورد 2001 V6
كامري 2001 GLI

وعموما كلن وذوقه

تحياتي لك

:cool:

بو دمعة

25-08-2002, 09:37 AM

السلام عليكم

حضرة المحامي LH

هذا الذي استطعت ان ترد علي نفس الكلام السابق ( رزه الوجه و الاغنية) ما عندك جديد او رد صريح تقدر تسكتني؟

وعن قولك:
(((((((ومن حظرتك لما تقول شل الإغنيه واحد من الهيئه؟؟))))))))

للاسفففففففف لا مش منهم

بخصوص كلامي ليش انت معصب

قلت هذا الكلام نظرا لكثرة استخدامه للوجه (:mad: :mad: :mad: :mad: ) فقلت اكيد المسكين معصب:)

لا تحاول ما بزعل لو ايش عملت انت واشكالك ما يزعلوني:)

الاخ مرسيدسCLK55AMG

ما عليه اخوي مسموح

ونحن في الاول والاخير ربع مهما اختلفنا

اما بخصوص الاسلوب فما اعتقد انه بيتغير هذا اسلوبي اعجبكم ام لم يعجبكم

المهم شكلنا طلعنا من المضمون كثيير

عندي سؤال في السيارات

هل صحيح ان الاضافات والتزاويد تقصر من عمر السيارة؟؟

شكرا لتعاونكم

تحياتي

L.O CUSTOMS

25-08-2002, 04:17 PM

انا ما ادري إنت وش هدفك بالظبط سوسه في المنتدى ولامحطم كبير ولا قليل أدب ولا وش إنت؟؟:rolleyes:

L.O CUSTOMS

25-08-2002, 04:20 PM

رد مقتبس من مرسيدسCLK55AMG
اخوي بودمعه اعذرني والله ماا كان قصدي والله وارجوك

بس انا كنت معصب وزل لسااااااني وارجوك سااااااامحني

بس ابي اطلبك طلب واحد ابيك تغير سلوبك في الكلام والله اول اسلوبك عسل والله عسل بس ما ادري شجااااااااااك

اخوك مرسيدس

والله حرام عليك تعتذر له :(

شف كيف رد عليك
ناس همج مع إحترامي لك:o

مرسيدسCLK55AMG

25-08-2002, 04:21 PM

اخوي بودمعه شوف انت تقصد الزواااااايد في المكيييينه ولا في البودي اذا في المكيينه يعني حسب خبرتي من عمي الله يطلعه من السجن

ماا في تزويدات ماااااتتعب السيااااااااااااره

الا يمكن الفلاتر والمراوح وكبريتر الهاااارلي

ولا الباااااقي حدث ولا حرج

وخااااااااصه الهااايدرز والنوسسسس وغيرها

واطلب من الخlh اذا يعزني يتسااامح اهو مع بودمعه والله المنتدى مو لحري خلاص خلونا نكون اخواااااان تكفون

مااااااااايصير عااااااد ارجوكم ارجوووووكم:( :( :( :(

مرسيدسCLK55AMG

25-08-2002, 04:22 PM

شوفو الصورهhttp://www.streetracing.org/nightracing/080500ca/1104 شبااااااااااااااااااااااااااااااااااااااااااب شراااااااايكم

L.O CUSTOMS

25-08-2002, 04:38 PM

شوف حبيبي انا في البدايه ما قللت ادبي ولا قلت شي غلط أعتذر عشان أيش ممكن تقولي سبب مقنع اعتذر له
وإذا كان في سبب مقنع أعتذر والله لأعتذر

بس مشكلته وانا اخوك فيه حب تجريح لعواطف الناس وهو عاجبه هالشي

ولو تغير على عيني وراسي وإذا ما تغير فأنا وراه والزمن طويل
هههههههههههه:D

لاكن بصراحه اتمنى يتحسن أسلوبه شوي عشان ماتنقلب مشاده بكره

ولا لا يا بو دمعه:rolleyes: