View Full Version : شباب بغيت أستشاره بخصوص اللانسر أيفولوشن 7(لو سمحتو)
Z28*POWER*
18-03-2002, 07:24 PM
السلام عليكم
يا شباب آنه أن شاء الله ناوي أطلع لانسر أيفولوشن 7 حاط عيني عليه من زمان و اليوم الصبح رحت الوكاله ، سألتهم عن الأيفولوشن قالو لي حاليا مو متوفره بس بتوصل دفعه بعد يومين بالكثير ، حجزت وحده لونها أصفر ، بس في مشكله وحده محيرتني ، قالي رجل المبيعات الأيفولوشن7 ماعليها ضمان مثل باقي السيارات و الوكاله مو مسؤله عن السياره و صيانتها (يعني أشتريها من عندهم و بعدين أهمه مالهم شغل فيني):( هذي الشي خلاني أتردد
الي يملك أيفولوشن أو يعرف أحد يملكها أو عنده معلومات عنها و عن الخرابات الي تصير فيها بعد مده و أسعار قطع الغيار مايبخل بالمشاركه ؟؟
آنه سمعت أنه في الأمارات تنزل عندهم مع ضمان
بغيت أعرف شنو الأوبشن الي تنزل عليه في بقية دول الخليج وخصوصا الأمارات
لكم جزيل الشكر:)
ألأعرابي
18-03-2002, 11:39 PM
انا أعرف وايد ناس عندهم أيفولوشن
و يمدحونه مدح
يقولك أتدش الدوار 160 و أنت مريح
صحيح
لا يأتي بضمان
بس ما سمعت أحد يشتكي منه
يسون له سيرفس لازم
عيل من يسوي له؟
بس مافي ضمان
لأن السياره ملغومه عل و عسى اللي يأخذها يناتف قيرها
تبغي الوكاله تصلحها؟
اللي بياخذ أيفولوشن أكيد موب ناوي يسوقها براحه
بس أنا أقولك أشتر الموتر تراه يسوى سعره
بس مافي مسجل
و لا أدري عن المكيف اذا كان موجود أو لا
Z28*POWER*
19-03-2002, 03:34 AM
في أمل يطوف بي أم M5 ستوك أو كورفت C5 ، أتعرف ليش سألت هذي السؤال لأني أذا طلعته أول شي بشيك مع هالسيارتين ها ها ها
أممممم والله شي الأيفولوشن مشكور على المعلومات يا الأعرابي
يالله يا شباب نبي مشاركاتكم :) يعني محد يعرف شي عن الأيفولوشن والله فشيله ؟؟
كلينت ايستوود
19-03-2002, 06:12 PM
افا عليك بس ......... هذي يبغالها سؤال!!!
انت يوم تقول كلمة ميتسوبيشي ايفولوشن
كأنك تقول تكنولوجيا ميتسوبيشي
السياره عن حق وحقيق اسطوره!!!
ونصيحه اخ لأخوه لا تفوت هالسياره
وهي بصراحه تستاهل سعرها واكثر
ما يحتاج اتكلم في هالسياره......
لأني بصراحه مليت من كثر ما امدح فيها
وفي مواصفاتها اللي من النادر تلقاها في سيارات غيرها
او بالأحرى ما تلقاها في سيارات ثانيه
بالنسبه للأعطال فيها فأنا ابصملك بالعشره ..... لا بالعشرين بعد
انها سياره تستحمل وتصبر معاك واعطالها قليييييييييله
اكيد لأنها من ميتسوبيشي...
ولا يهمك اول ما تشتريها انشالله وبعد ترويض محركها تطوف على M5
وكورفيت واشكال كورفيت كمان.........
السياره بصراحه مو متوفره عندنا في السعوديه يعني مالها وكلاء
بس فيه تجار يجيبونها وتصير بالطلب
في جده بالذات تلقى الإيفولوشن بس مو للبيع .... للإيجار
انا اقول لو انك اخترت اللون احمر كان انسب
بس يله كل واحد و ذوقه
:cool: :cool: :cool: :cool: :cool:
اســــــــــــعد التـــــــــحيـــــــــــــات
:cool: :cool: :cool: :cool: :cool:
مبروووووووووووووووووووووووووووووووووووك عليك السياره مقدما
وانشالله يفيدونك الشباب ويشاركوا ....
ألأعرابي
19-03-2002, 06:58 PM
لا تعور راسك تروض الموتر
هاك
جيب أم5
و أرفع الأر بي أم فوق الى ثلاثه أو أعلى
(لا تنسى السياره فور ويل)
و بتقوم عنه و هو بيقعد محله من التفحيط
عاد تطوف الى سرعة 200-240
260 أعلى شيء ممكن أنك تطوفه بس عقوب بيقولك ألأم باي باي
بس مادري كان تطوف كورفيت
يمكن الى 200 بنفس الحركه
عل و عسى
كلينت ايستوود
19-03-2002, 07:11 PM
يا اعرابي ياشاطر
(الإيفو) فور ويل اذا ما تدري
بعدين اخونا يبينا نفيده بملومات عن السياره
مو يبي منّا مقارنات !!!!
اســــــــــــــــــــــعد التــــــــــــحيــــــــــات
:cool: :cool: :cool: :cool: :cool: :cool: :cool: :cool:
Z28*POWER*
19-03-2002, 11:29 PM
الله يبارك فيك كلينت أستوود وشكرا يالأعرابي
يالله شكلي باتوكل على الله و باخذ الصفر واذا موعاجبتك يا كلينت باغير اللون مافي مشكله لأن الأحمر هو لون السيرات الرياضيه
آنه مايهمني أذا طافني الكورفت وله أم5 بعد سرعة الـ 240 المهم أني أكون قدامه على سرعة 200 علشان يكتشف أن سياره بـ11ألف دينار طافته وهو شاري سيارته بـ 25 ألف دينار أو أكثر:D :D :D
ونت تعرف يالأعرابي في البحرين الواحد مايحتاج غير سياره قومتها قويه ،ههههها يعني الـtop speed ماينفعك في البحرين ألا أذا بتروح الهايوي
آنه الي عاجبني في الأيفولوشن أنه لين بتعطيه كامل مابيفرك محله و تضيع عليك القومه و تتحسر يعني مابتحاتي أذا دعست كامل مره وحده
:D
ألأعرابي
20-03-2002, 12:41 AM
بببههه
الأخ بحريني؟
ما قلتلي؟
الله يهديك
في الرفاع يمكن في اربع أفولوشن أسوف أنا
أخذه و توكل
يعني بيني و بينك بتطوف في المعسكر!
Z28*POWER*
20-03-2002, 12:59 AM
أخ آنه ناطر على نار لين ماينزلون عند الوكيل
هههه توك تدري أني بحريني صح النوم :D عبالي تدري
;) :D :)
الصراحة السيارة مب شي
إلا شيات!!!!!!!!!!!!!! <----جمع شي :):):):)
السيارة روعة وقوية حتى أنك تقدر تطعس فيها في الصخير:):):):)
بس حبيت أسأل ، بما أن السيارة توربو ، هل فيها (مرض التوربو إللي يسمى TURBO LAG)؟؟؟
أما عن سالفة الوكيل والضمان ، أنا أنصحك تلزم عليه يعطيك ضمان على السيارة لأنك ما تدري أيش يحصل للسيارة "يمكن يكون فيها عيب تصنيعي" وأنت تروح ضحية الوكيل الحرامي .
Z28*POWER*
20-03-2002, 07:20 PM
أبشركم الأيفولوشن وصلت معارض الزياني في البحرين
أليوم الصبح رحت شفتها و يالايتني ماشفتها ، سيارة رالايات بمعنى الكلمه ، حاولت مع الوكيل عن موضوع الضمان مافي فايده
جلست فيها و شغلتها سكانها دقيق لأبعد الحدود كراسيها طبعا من شركة ريكارو (مب مريحه ، بس وقت أذا بدش دوار أبسرعه بتنفعك و بتسندك ) قير عادي بدون مسجل
بس المكيف متوفر فيها
لاحظت وجود زر قرب الهاند بريك (جلنط ) سألت عنه قالو لي لتبريد التيربو في الأوقات الحاره و تقدر تخليه أوتو أو يدوي
في الأيفو ثلاث أنواع من التركشن (Tarmac-Gravel-Snow) بس لا تسألني عنهم لأني ماعرف غير Snow يعني للطرق الي فيها ثلج أو مبلله :D :D
يا شباب أي سؤال آنه حاظر
Ferrari^_^love
20-03-2002, 07:28 PM
احنا بالكويت عندنا الزياني .. وكيل الفيراري والمازيراتي والرولز رويس والبنتلي والجاكوار والدايهاتسو وتاتا الهنديه :) :) ... والزياني عندكم وكيل ميتسوبيشي .. يعني الزياني تجار سيارات كلهم :) .. مصادفه حلوه الصراحه :):)
على العموم أخوي ... ودي أعرف الرقم الحقيقي لتسارع الأيفولوشن ... لأنه فيه ناس أيقولون انها تتسارع من صفر الى 100 كم/سا بحوالي 5 ثواني .. وناس أيقولون 4 ثواني ... وسمعت انه السياره تسارعها تحت ال 4 ثواني .. وأعتقد انه هذا شيء خيالي الصراحه .. يعني سيارات قوتها فوق ال 600 حصان أرقام تسارعها بالقصب توصل تحت ال 4 ثواني .. فممكن رقم التسارع الحقيقي أخوي .. ويعطيك العافيه
عبنشل
20-03-2002, 07:39 PM
[QUOTE]رد مقتبس من كلينت ايستوود
السياره بصراحه مو متوفره عندنا في السعوديه يعني مالها وكلاء
بس فيه تجار يجيبونها وتصير بالطلب
في جده بالذات تلقى الإيفولوشن بس مو للبيع .... للإيجار
__________________________________________
أخوي كلينت أيستوود السياره تباع عند وكيلها العيسائي في الشرقية
بس أنت حضر فلوسك وهي تجيك
وعلى فكره يقول لي مندوب المبيعات أن الإيفولوشن نوعين :-
النوع الأول سعره 100 الف ريال ( بدون جنوط + بدون جناح خلفي + بدون مكيف + النوافذ يدوي )
النوع الثاني سعره 120 ألف ( جنوط كبار + جناح خلفي كبير + مكيف + نوافذ أتوماتيك + نظام ABS + نظام ABC اللي يخلي الفرامل ماتثقل عند التخفيف إلى سرعه صفر من السرعات العاليه ))
على فكره سمعت أن الإيفولوشن النسخه 7 صارت 300 حصان بدل من 280 في النسخه 6 والنوع الفل أوبشن صار زينون << ماني متأكد .
مبروك مقدما يا Z28 يعطيك خيرها ويكفيك شرها إن شاء الله :)
يامشرفنا العزيز NFS وشو مرض التوربو لو سمحت ؟
تحياتي
Z28*POWER*
20-03-2002, 07:46 PM
لا في البحرين الزياني تملك عدة شركات للسيارات منها كرايسلر و متسوبيشي و دودج و روفر رولس رويس و غيرها بس ماتذكر
بخصوص قومة الأيفو سمعت أنه 4.5 أو أقل
أنت تدري وزنها خفيف كلش ، حتى داخله مافيها غير المكيف ، مافي مسجل وله شي
المصنع يحاولون سنه عن سنه أن يخففون وزن الأيفو (يعتمدون بشكل أساسي على خفة الوزن) و لا تنسى 4WD و قير عادي
وفيه عدة أنظمة تراكشن ;)
سيارة حلوه أبصراحه
بس أذا بتقارنها بالسوبارو أمبريزا WRX السوبارو متفوقه على الأيفو من ناحية التماسك و الثبات (Handling)
Ferrari^_^love
20-03-2002, 08:33 PM
ياأخي هالسياره روعه .. بس للأسف ماراح آخذها :( ... الاهل مانعيني :( .. مشكور حبيبي على المعلومات الرائعه .. وهذي هديه مني .. موقع يحتوي على كثير من أفلام السياره ( الطلقه ) تسميتي للأيفولوشن :) .. تفضل حبيبي :
Lancer Evo VDOS (http://www.lancerforums.com/mult.php?cmd=videos)
ان شاء الله يعجبك .. تحياتي لك يالغالي
Z28*POWER*
20-03-2002, 08:51 PM
مشكور يا فراري لوف
شكرا على المشاركه:)
لكن الكومارو وش بتسويبها؟ (ترى ماعندي مانع اخذها هديه):D
وهذى مواصفات الـ1999 Mitsubishi Lancer Evo VI GSR
التسارع 4.4 (لموديل99)
top speed 241
ربع ميل 12.9
الخط الأحمر7000rpm
المصدر www.supercars.net
ماقلت لنا السيارة كم سعرها؟
Z28*POWER*
20-03-2002, 10:34 PM
هلا أخوي V8 مشكور على المعلومات الله يبارك فيك
الكمارو مافكر أبيعه بخليه ، أخوي الصغير توه ماخذ الرخصه بعطيه الكمارو والله يحفظه (الي الله كاتبه بيصير)ههههههه
سعر الأيفولوشن 7 موديل 2002 : 12600 دينار بحريني (حاولت معاه مني مناك مافي فايده ،هذا السعر النهائي):D أذا بتحولها ريال بتصير تقريبا نفس الشي بس زيد صفر على اليمين 126000 ريال
وااله آنه أفتريت المعارض كلها أدور على سياره صالون و قويه وبسعر معقول ، النتيجه كانت لومينا أس أس و الأيفولوشن 7
طبعا الأيفو أفضل من اللومينا أس أس كفايه أنه ياباني ;)
ألأعرابي
21-03-2002, 01:37 AM
فراري لوف
حصلت الليسن ولا لا؟
أنا حصلته من زمان!
أخاف تستغرب لو دريت أن الزياني في الكويت نفسهم أهل الزياني في البحرين تراهم أقارب
والله مستانسين يعيال الزياني بهالوكلات
لو أنا ولدهم كل يوم موتر و أوزع على شباب سوالف بعد
Z28*POWER*
21-03-2002, 03:35 AM
هلا بخوي عبنشل شخبارك
مشكور على المشاركه
أذا اللانسر أيفو7 300 حصان هذي بتكون كارثه للسيارات الثانيه ، طول الوقت كان على بالي أن الأيفو 7 280 حصان
الأعرابي لا تحسدهم :D :D
WRX STI
21-03-2002, 03:37 PM
الله يوفقك ويعطيك خيرها ويكفيك شرها
بس
السوبارو امبريزا WRX
ب 11000 درهم (اماراتي) :D
ومن نا حية القوة اعتقد ان الايفو اقوى (مش متاكد)
Ferrari^_^love
21-03-2002, 03:49 PM
اي نعم يالغالي حصلت الليسن .. بس ياأخي مو مستانس من الليسن :( .. لأني كنت أتوقع اني أحصل اليسن وآخذ السياره اللي أبيها وهي السوبارو .... بس للأسف الاهل منعوني من السياره :( ... فألحين عندي تويوتا كامري سياره مؤقته .. والله كريم ليمن أنشوف شنو السياره اللي راح ناخذها :) ... وانت شنو سيارتك حبوب ؟
Z28*POWER*
21-03-2002, 04:15 PM
صحيح آنه معاك WRX STI:)
Ferrari^_^love ما شاء الله آنه مره رحت الكويت ، والله شي ، كل المواتر الي خاطرك فيها أتحصلها مستعمله و جديده و مكنسله :D ، مره شفت سوبارو WRX أبيض يتمشى على شارع الخليج العربي و تصاغر مع سيكل ريسنغ شي شي :o
كلينت ايستوود
22-03-2002, 04:12 AM
شباااااااااب
انا اقرأ ردودكم واشوف الشي اللي ممكن اضيف عليه من عندي اللي اعرفه:
بالنسبه لسرعه السياره في حدود ال 250 كلم
وبعدين اخ nfs اقصد مشرفنا العزيز:D وشهو مرض التوربو ذا !!!! هذي مزحه ولاّ ايش؟
......... اخوي z28 power بالنسبه للتراكشن واحد منها للثلج
والثاني للطرق الترابيه والأخير للدروب الإسفلتيه
قوه السياره باقيه زي قبل 280 حصان ....... 300 حصان للنسخه الأوروبيه على ما اظن
لكن بالنسبه لعزم السياره زاد بمقدار 1 ونص م/كلغ بسبب تحسين التوربو
وزن السياره خفيف غطاء المحرك مصنوع من الألومنيوم الخفيف
شأنه شأن الرفاريف
والأكزوز (العادم) خف وزنه بنسبه 8 كلغ عن الموديل السابق لكن وزن السياره بشكل عام زاد شي بسيط ....... 40 كلغ تقريبا
طول السياره زاد شوي وارتفاعها
لكن العرض ما تغير عن الإيفو ماكينن ( الموديل اللي سبقه)
....................
اخ عبنشل مشكوووووووور على الإفاده والله ما كنت داري عن الإيفو انها متوفره عندنا في السعوديه للبيع
اخ فيراري لوف مشكوووووووووور على الموقع جدا جدا جدا جدا وما تقصر
الطلقه اسم مناسب للإيفولوشن
اخ عبدالمجيييييييييد سعه دورات السياره 9000 RPM
موقع سوبر كارز نت خبل بصراحه
انا اعرف ان السياره سعرها رخييييييييييييييييييص جدا بالنسبه لها
المفروض تكون اغلى من كذا
تقريبا نص سعر البورش 911 توين توربو
والله شي حلو أن السياره موجوده في السعوديه بالذات
انشالله يجي يوم واطلع هالسياره سيارة احلامي
وعلى ما اظن ان بقيه مواصفات السياره معروفه
لكن بالنسبه لتسارع السياره
من صفر الى 100 كلم في حدود ال4 ثواني ونصف
وفي الختام اشكر جميع الشباب اللي افادونا بمعلوماتهم
واهم شي نفيد اخونا z28 power لأنه هو اللي يبي يشتري السياره ولازم يعرف عنها
اســـــــــــــــــــــعد التحيـــــــــــــــــــــــات
:cool: :cool: :cool: :cool: :cool: :cool::cool:
اسف على الإطاله:(
Z28*POWER*
22-03-2002, 04:24 PM
مشكور يا كلينت أيستوود على الأضافات الجيده
أقتباس :
---------------------------------------------------------------------------------------
انا اعرف ان السياره سعرها رخييييييييييييييييييص جدا بالنسبه لها
المفروض تكون اغلى من كذا
تقريبا نص سعر البورش 911 توين توربو
---------------------------------------------------------------------------------------
الأيفو نصف سعر البورش 911 ويمكن أطوفه بعد:D
ترى سعرها وايد زين لأن أذا ركبت السياره ما بتشوف شي غير الطبلون و القير العادي(6سرعات) و السكان (momo) و المكيف اليدوي وبس :D
مافيها شي يخلي سعرها يرتفع أصلا (سعر السياره رايح على التجهيزات الرياضيه مثل:المحرك الخطيييير، نظام التعليق المتطور جدا، مكابح بريمبو الرياضيه المشهوره و بالمناسبه هذي المكابح أتعيش معاك فتره طويله و تتميز بأنها قويه جدا جدا و مقاعد ريكارو للراكب في الأمام و السائق;)
ما أعتقد أن المصنع أغبياء بيصنعون لك سياره سعر بيعها أقل من تكلفة أنتاجها
Z28 Power
لقيت لك موقع أفلام مب صاحي:D :D :D :D
http://www.lancerforums.com/mult.php?cmd=videos
وبعد في الموقع منتدى محترم أنا قرأت فيه بعض الأرقام والصراحة النتائج جيدة .
وعلى فكرة البورشه 911 توربو تقطع الربع ميل بأقل من 12.5 ثانية.
كلينت أستوود
بعض سيارات التوربو لما تدعس تلاقي أن العزم ما يجي على طول يعني في بطئ في أستجابة التوربو عن الضغط المفاجئ لدواسة البنزين ، بعض الصانعين أستطاعوا التغلب على هذي المشكلة "بطريقة ما" والبعض لا.
ما أدري أنت شفت اللقاء اللي صار مع البطل بن سليم لما تكلم عن سيارته الفيراري F-50؟؟؟؟
هو أيش قال؟؟
"أن الشيء الجيد في هذي السيارة أن العزم ما يجي فجأة ، وأنما يأتي بشكل تدرجي".
يعني الفيراري فيها TURBO LAG !!!!! <-- في رأيي أن هذا شيء مش جيد.
Z28*POWER*
22-03-2002, 06:55 PM
مشكور يا NFS على الموقع الرهيب
هذي شي في صالح الفراري (العزم يأتي على السرعات العاليه) علشان ماتحرق في القومه لأنك ماتحتاج العزم في السرعات المنخفضه صح كلامي ؟مو مثل الأمريكي تدعس كامل الكفرات تخلص
ياشباب افتونا كم اعلى اكثر دورات في الدقيقه يوصلها محرك السيارة هذي
المحرقاوي
24-03-2002, 12:49 AM
السلام عليكم ورحمة الله و بركاته,
سمعنا ردك يخي عن الافلوشن . والله على حد علمي .. عندنا في البحرين ما عليها ضمان من الوكالة. بس حقيقة يخي المشكلة انه الافلوشن متسوبيشي ... يعني قطع الغيار لازم اتكلم المصنع يدز لك اياها. لو انا منك اذا عزمت تشتري .... اشتر لها شوزات او معدات اللي تنهري مع الوقت.... اضمن لك. و عن نفسي مدري من راح ايصلحها لك؟
لانه خبرك عليها توربو ....
على العموم فكر انت اكثر او ابحث عن الورش اللي ممكن اتفيدك
سلام عليكم,
بو عبدالرحمن
Z28*POWER*
24-03-2002, 05:54 PM
أخ كلينت أعلى دوره للمحرك توصل لها الأيفو 9000 دوره في الدقيقه
أشكرك يا المحرقاوي على هذا الرد الجميل
والله صدقت سيارات الميتسوبيشي في البحرين صعب أتحصل قطعها لازم تروح السعوديه لوووووول ، عيل أشلون لو كانت أيفولوشن يعني ألعن ، بس في أمكانيه تطلبها من الأمارات(مقر الرئيسي لشركة ميتسوبيشي في الشرق الأوسط) على حسب ماقالي الوكيل
مره رحت قسم Spair Parts في الوكاله ، أستفسر عن أسعار قطع الأيفو الي بتغيرها في الصيانه ، أنصدمت!!!!!
لعلمك بس تكلفة تغيير مكابح الأيفو الأماميه و الخلفيه 240 دينار (المكابح نوع خاص مخصص للسباقات و الراليات)
أما عن التيربو ماعندي علم ، بس فيه نظام في السياره خاص بتبريد التيربو أذا سخن يعني ماعليه خوف;)
مبروك يا Z28 على الإيفو ... ولو إنها متأخرة !
إنت خذتها ولا بعدك ؟
http://auto.ascii24.com/auto24/e/2001/0126/0008.jpg
بس لو سألتني عن رأيي أنا أشوف إنك تاخذ S2000 أحسن لك
أنا أشوف إن الإيفو الواحد يطلع فيها عشان يسابق ويرجع البيت ، طيب ولو ما حصلت حد يسابقك ... شو تسوي ؟ :)
يعني من رأيي الإيفو ما تصلح عشان تتمشها فيها بهداوة .... ما لها معنى
أم الـ S2000 صحيح إنها ما بتعطيك نفس القوة .... لكن قوتها أقل بشوي ... لا تنسى إنها بدون توربو وبضمان 3 سنوات
وفوق هذا كله ... أكشخ :D
http://www.honda.co.jp/S2000/style/gallery/photo/images/photo15.jpg
طبعاً هذا رأيي الشخصي وإنت حر ولك ذوقك
ومبروك مرة ثانية:)
Z28*POWER*
25-03-2002, 04:48 AM
مشكور يا مشرفنى العزيز
والله فكرت فيها من قبل بس المشكله الهوندا بابين و الأيفو أربع بيبان يعني عملي أكثر
آنه معاك في نقطه أن الهوندا أحلى و أكشخ و أفخم من الداخل
عموما مشكور ماتقصر على المشاركه الطيبه :)
كلينت ايستوود
25-03-2002, 06:16 PM
اخوي زد 28
الإيفو 5سرعات يدوي مو 6
ولاّ لا ؟؟؟!!!
Z28*POWER*
26-03-2002, 03:50 AM
صحيح كلامك كلينت أيستوود الأيفو 5 سرعات
ACCORD_559
26-03-2002, 03:57 AM
؟؟؟
silver
26-03-2002, 10:31 AM
رد مقتبس من Z28*POWER*
هلا أخوي V8 مشكور على المعلومات الله يبارك فيك
الكمارو مافكر أبيعه بخليه ، أخوي الصغير توه ماخذ الرخصه بعطيه الكمارو والله يحفظه (الي الله كاتبه بيصير)ههههههه
سعر الأيفولوشن 7 موديل 2002 : 12600 دينار بحريني (حاولت معاه مني مناك مافي فايده ،هذا السعر النهائي):D أذا بتحولها ريال بتصير تقريبا نفس الشي بس زيد صفر على اليمين 126000 ريال
وااله آنه أفتريت المعارض كلها أدور على سياره صالون و قويه وبسعر معقول ، النتيجه كانت لومينا أس أس و الأيفولوشن 7
طبعا الأيفو أفضل من اللومينا أس أس كفايه أنه ياباني ;)
-------------------------------------------------------------------------------
مبروك على السيارة
وعلى ما أظن أن سعرها في السعودية بيكون أرخص من البحرين ...
لآن ألاحظ ان في ناس واحد يروحون السعوديه يشترون سيارات من هناك ....
وفي سعوديين يروحون البحرين يشترون من هناك ... لآن في سيارات ما تلقاها في السعودية
زي الكوماروا SS ولا الكفاير Cupe
وبالنسبة لقولك ان الأيفو أفضل من اللومينا SS فهذا مش صحيح
لآن الومينا SS قوتها 325 حصان
والأيفو قوتها 280 حصان
وبعدين الأيفو كم أسطوانة ( سلندر) ؟؟؟
إذا كانت 6 سلندر وبتقولي كيف تقارن 6 سلندر بقوة 8 سلندر
بقولك طيب اللومينا LS قوتها 215 حصان
بتقولي الأيفو أقوى ... وأخف من الومينا
صح لآنها ملغمة والومينا مش ملغمة
لغمها وشوف كم راح تصير قوتها :D
وبعدين على قولتك الأيفو فاضيه ما فيها شيء غير المكيف
يعني أخف بكثير من اللومينا
فضي الومينا من الداخل وخل فيها المسجل مكيف بس وشوف الفرق
و يكمن الومينا SS خراباتها كثيرة لآنها سيارة توها نازلة
لآنها أو ما نزلة كان عام 2000
والأيفو طالع من عام كم نازلة :D
ومبروك مره ثانية على السيارة ... الله يعطيك خيرها ويكفيك شرها
Z28*POWER*
26-03-2002, 01:27 PM
السلام عليكم
LUMANI_SS :confused: :confused: :confused:
silver
الله يبارك فيك
من ناحية المحرك اللومينا أقوى في سعة المحرك و الأحصنه بس هذا مو تدليل على قوتها
لعلمك الأيفو 7 : محرك 280-300 حصان توين تيربو 4 سلندر 2000 CC
بس تعال لين بتصير قومه الأيفو بيقوم عليه بالراحه لأنه خفيف و قير عادي و صغير الحجم و لا تنسى دفع رباعي (يعني مافي أمل يفرك في الأرض ) ، عليه ثبات مو طبيعي في المنعطفات (3 أنواع من التراكشن)، كوابح بريمبو ، تحسين نظام التعليق في الأيفو 7 عن الأيفو 6 ، مقاعد رياضيه للسائق و الراكب الأمامي
لين صارت اللومينا بهذي المواصفات بعدين تعال و قول اللومينا أفضل
الأيفو يقارن بالــ M5 و الكورفت و يطوفهم بعد
في النهايه مو كلشي بسعة المكينه و الأحصنه ، الأمريكان يحطون لك مكينه 5.7 في سياره خفيفه بدون أنظمة أمان و يقولون لك هذي سياره روح أنتحر ، بعكس اليابانيين
مشكوووور و ماتقصر على المشاركه الفعاله يا silver:)