View Full Version : وش رأيكم بالكنكورد LHS
Concorde999
13-02-2002, 03:12 PM
وش رأيكم بالكنكورد LHS
وأسعار قطع غيارها ووكيلها (المتحدة للسيارات)
وعطوني رأيكم بقوة السيارة وهي تشبه بالقوة بأي سيارة علشان الصورة تكون واضحة أمامي زلكم جزيـــــــــل الشكر
Concorde999
F-150
13-02-2002, 04:28 PM
السياره ممتااااااازه وماعليها كلام
لكن عمرها يعتمد على إستخدامك لها
يعني السياره هذي يبغا لها رجل ناعمه ومايبغا لها واحد ما يوقف في المطبات و كل الطرق إللي يروح لها تعبانه أو راعي قومات ودعس..... النوع هذا ما تصلح له السياره هذي
الوكيل : تعبان ((إللي في الشرقيه ))) الورشه صغيره ودايما زحمه
قطع الغيار يقولو رخصوها لأنها كانت غاليه في موديلات 98 وتحت
القوه ما أعرف عنها شي لأنه عندي مو ديل 97
والله يوفقك
VIPER GTS-R
13-02-2002, 09:08 PM
Concorde999
السيارة هذي مميزة جدا جدا وشكلها مرة رهيب مواصفاتها خيالية بالنسبه لسعرها
طبعا الكنكورد 3 انواع
الموديل الاساسي وهذي فيها المواصفات الاساسية مثل النوافذ والابواب كهرباء وريموت ونظام سمعي ومحرك 2.7 لتر 200 حصان طبعا فيه 6 مقاعد بقير بالدركسون و 5 مقاعد بقير ارضي وسعرها تقريبا 69000 الف 2002
كنكورد LX
وهذي تزود على الاساسية ب جنوط وجلد واشياء اخرى والمحرك 3.5 لتر 6سلندر 234 حصان وسعرها حدود 75 الف 2002
كنكورد ليميتد
سابقا قبل موديل 2002 كانت تسمى LHS طبعا هذي تعتبر اعلى فئة وتتوفر عليها مواصفات فخمة ومقصورة داخلية مختلفة عن الطرازات السابقة ومحرك 3.5 لتر 6 سلندر 254 حصان و جنوط كروم لامع وخشب على الدركسون و من صفر الى 100 في 7 ثواني فقط وسعرها 85000 الف 2002
هذا من ناحية المزايا
اما من ناحية العيوب فهي
وكيل زفت بمعنى الكلمة وقطع الغيار نار و الاسسوارات مايجيبونها
عند البيع يطيح خصوصا اذا كنت مستعجل وبتبيعها الى شريطية
وانا اختلف مع الاخ
F-150
من ناحية الاستخدام طبعا اي سيارة جديدة لابد من المحافظة عليها من المطبات وخلافها ولاكن تقدر تدعس عليها وتاخذ المطبات وماعليك في احد وتقدر تقاوم اي سيارة على طول بس حط في بالك انها اي قطعة لما تخرب مابيكون سعرها رخيص حتى لو كانت تافهه الا مارحم ربي
شوف الدوج اللي في التوقيع ماخلت مدينة في المملكة الا زارتها ومافيه سيارة ماقاومتها حتى في خط الجنوب قاومت كم من سيارة وحتى في عقبة الهدى قاعد اسابق الناس ........
اما مقارنتها من حيث القوة فهي اشبه ب الكابرس 1996 اس اس
لان الكابرس 5.9 لتر 8 سلندر 260 حصان ومن صفر الى 100 في 7.3 ثانية وشوف الفرق مع انها 8 سلندر والكرايسلر 6 سلندر بس .
اسف على الاطالة :D
VIPER GTS-R
13-02-2002, 09:20 PM
هذي صورها
http://carpoint.msn.com/merismus/Gallery/c440236a.jpg
http://carpoint.msn.com/merismus/Gallery/c440235a.jpg
وموقع الوكالة على النت
http://www.chrysler.com
طبعا لو تلاحظ في امريكا منزلين عليها ضمان 7 سنوات او 100 الف كيلو
F-150
14-02-2002, 12:44 AM
مشكور على الشرح المفصل
بعدين أنا أقول إن معايير التحمل والخراب تختلف من شخص إلى آخر
بعدين من زمان ماشفناك سلامات إن شاء الله خير
إشتأنا لك خيو :D :D
Concorde999
14-02-2002, 02:14 AM
مشكوريــــــــــــــــــــــــــن وماقصرتم
وياشباب سعر الليمتد 85.000 متأكديـــــن
ومتى كان سعرها كذا
لأني قبل شهر سألت عنها قالوا لي بــ92.000
ومشكوريـــــــــــن مره ثانيه
VIPER GTS-R
14-02-2002, 05:53 AM
والله مادري انا قريت ان السعر 85000 في مجلة سعودي اوتو على العموم هذا موقع المتحدة للسيارات ......
http://www.umc.com.sa/arabic/home_ar.htm
AUTO_XP
14-02-2002, 03:22 PM
أود أن أضيف بعض الملاحظات على المعلومات التي أضافها الأخ VIPER GTS-R وهي أنه تم إلغاء موديل LHS لعام 2002 وأخذت سيارة كونكورد الشكل الجديد له وللمعلومية فهي تأتي في أمريكا بثلاث طرازات وهي LX,LXI,Limited أما في السعودية فهناك طرازان فقط وهم:
الطراز الأول: يسمى LX وهو 200 حصان وسعة المكينة 7ر2 لتر وسعره 900ر69 ريال.
الطراز الثاني: يسمى Limited وهو 250 حصان وسعة المكينة 5ر3 لتر وسعره 85 ألف ريال ويأتي بمراتب جلد وجنوط كروم وفرامل ABS وشكرا" وبالتوفيق إنشاء الله :)