View Full Version : شباب كيف طريقة تنزيل السياره بال....
Town Car
21-01-2002, 04:43 PM
شباب كيف طريقة تنزيل السياره بالهيدروليك لاني مااعرف انزل سيارتي ولا حتى ارفعها مع العلم انها مزوده بذلك
وكم تاخذ وقت حتى تنزل لاني سمعت انها تطوووووووول
ومشكورين
Town Car
22-01-2002, 01:34 AM
ايه بس كذا ..... سهله:D
ما عرفنا نوع السيارة اللي عندك ؟
Town Car
22-01-2002, 02:38 PM
لنكولن تاون كار
S.T.P
01-02-2002, 12:11 AM
التنزيل له ثلاثه أنواع:
الأول:للسيارات اللي فيها هيدروليك شد بلد أو مركب لها صاحب السياره هيدروليك وهذي لها آلية عمل خاصه.
الثاني:عن طريق تسخين اليايات في السياره وهذا تسويه في ورشه عن طريق تسخين اليايات بالأوكسجين واليايات مركبه على السياره(يغني الشغله يبي لها 5 دقايق) بشرط انك ماتسويه في السياره الا اذا كنت تبي تنزلها على حفيف اما اذا كنت تبي تنزلها واجد فلا تسويها لأن السياره راح تطلع صوت من اليايات لما تمشي ولكن الحل لهذه المشكله هو النوع الثالث.
الثالث:عن طريق قص اليايات على المقاس اللي تبيه وهذا يكلفك شوي
لأنه راح يتم فك اليايات وقصها برا ثم تركيبها مره ثانيه. والعاده ياخذون على قص اليايين 250 ريال يعني الأربع 500 ريال.وانبه لاتقص أكثر من دايرتين من الياي لأنه أكثر من كذا راح ي}ثر على الساره وراح تكون عرضه للانقلاب على الخطوط السريعه وراح تدمر العكوس اذا كانت السياره دفع امامي.
بس ابقولك حاجه انتبه لوزنية التنزيل وبعد ماتنزل السياره سو لها وزن أذرعه أمامي عشان لا تمسح الكفرات من الداخل وعشان لاترج عليك السياره.
:cool: :cool:
أفتح الشنطة "الدبة أو Trunk" بتلاقي على يمينك زر طفيه إذا كان شغال أو شغله إذا كان طافي.
على فكرة هذا الزر موجود في بعض الموديلات مش كلها على ما أذكر في موديل 91 موجود.
ح ب ي 666
04-02-2002, 05:10 AM
أول شي تشغل زر الهيدروليك اللذي يقع بشنطة السياره على اليمين ،، وبعد ذلك ترفع السياره عند محل بنشر من الخلف " لازم ترفع الشاسيه " " أقصد أن تكون الكفرات بالدفرنس معلقه فووووق فوق " وبعد ذلك تتركها لمده 10 دقائق بالكثير .. وبعدها تضع زر الهيدروليك على وضع off ،، وتنزل السياره من الرافعه " بس على هووونك نزلها شوي شوي " لكي لا يخرب الهيدروليك .. وبعدها تشوووف السياره طااايحه في الأرض من الخلف .. طبعاً راح يصير شكلها مو حلووو ... لكن أضغط زر الهيدروليك على وضع on والسياره شغاله طبعاً .. وبتشوف السياره ترتفع شوي شوي ... شوف الحد اللي يناسبك ... وبعدها اضغط زر الهيدروليك على وضع off
وإذا ما فهمت شي قوووولي أوووضح لك أكثر ..