View Full Version : عودة الملك بقوة تفوق ال 650 حصانا
King_SS
13-12-2001, 08:56 PM
كيف الحال يا شباب وايش الاخبار .
اول شي احب اقللكم كل عام وانتم بخير ومن العايدين قبل الزحمة .
ثاني شي احب اقللكم اني بحمد الله توصلت الى رفع قوة سيارتي
من 500 حصان تقريبا الى ما يفوق ال 690 حصانا .
طبعا سارت اضافات جديدة على السيارة منها التعليق السفلي
video's and pic's of my car (http://briefcase.yahoo.com/marrah_6afshan)
هذي وصلة تبع البريف كيس تبعي كل ما عليك انو تدخل اسمك ورقمك السري وحتلاقي فايلين فيهم
واحد فيه صور للسيارة والثاني فيه بعض الفيديو كليبات
طبعا ما قدرت انزل الكليبات كلها نظرا لمشكلة في حجمها وسرعة
النت عندنا
لاكن في الايام الجاية انشاء الله بحاول انزلها كلها
على العموم اللي موجود هوا تجربتي مع كمارو 600 حصان
ومع الفيراري تبع الاخ العزيز 740
ومع الزد 450 حصان
=========
وراح تكون هناك مفاجأة عظيمة لمحبي هذي السيارة
خصوصا عشاقها ؟؟؟ :)
ترقبو باذن الله بعد شهرين او اقل ... اول واقوى كابرس على مستوى الشرق الاوسط
مزود بشاحن تيربو يولد 600 حصانا من غير الغاز وطبعا حيكون في غاز يولد 250 حصان مستقل للاستعمال في اوقات الذروة :D
========
يا شباب ترى الكليبات ما تشتغل الا بال كويك تايم فور وندوز
ويا ريت تقولولي ايش رايكم في شكل السيارة الجديد
حياك الله أخوي كينغ أس أس وأنت من العايدين الفايزين ان شاء الله.
عندي كم سؤال على الطاير :
(1)- أنت مركب سوبر تشارجر صح؟ كم ضغط الشارجر هذا "PSI؟؟
(2)- أيش هو نوعه؟
(3)- عملت داينو للسيارة ؟ والـ600 حصان هذي على الكرانك أو على العجلات؟
(4)- محرك سيارتك كم بيعيش بعد هذي التعديلات؟؟
King_SS
13-12-2001, 10:00 PM
http://attach4.groups.yahoo.com/v1/kN4YPDzs4kAXUgxeCcEc2DntXiwQPRT0cAu1RNjgkS8BzCMLF3b7St2I7YA5nhpC8GjISQlL15UAyodNvVWzUF3RLqXTjaj-DGjnchWBMMmhxQCh/1.jpg
==========
على العموم يا شباب انا مواجهه مشكلة في وضع الصور مع التعديلات الجديدية اللي سارت في المنتدى
============
يا هلا ومرحبا بالعزيز الغالي NFS
اوكي اول شي انا السوبر شارجر اللي مركبه معدل ومرفوع ضغطه
الى PSI 16
من شركة PAXTON
ونوعه SN93
بالنسبة للقوة الحصانية فهي على المكينة مش على العجلات
طبعا انت عارف سيارة وزنها تقيل بهذي الدرجة طبعا اللي واصل
الارض امكن اكون 4/3 القوة الفعلية يعني امكن 550 حصان
بالنسبة للمحرك فهوا يعتمد على طريقة السواقة وكيفية معاملته
اذا انت من النوع اللي تدعس باستمرار فما اعتقد انو راح اعيش
لاكن اذا انت من النو ع الهادي وتدعس وقت اللزوم فهوا ممكن اعيش
فترة كبيرة
وعلى فكرة في الوصلة اللي انا حطيتها في تفاصيل دقيقة على السيارة صور لها
وكليبات بس لازم تشغل الكليبات بالكويك تايم
=========
وبالتوفيق للجميع
========
ملاحظة :
الناس اللي عندها اي اسئلة يا شباب في التلغيم وفي بناء
محركات جبارة تكلمني وانشالله بحاول اعطيها قدر المستطاع
من تجاربي السابقة وخبرتي في هذا المجال
والله المستعان
بصراحه
فاجاتني 690 حصان
كثيييييييييير مره
- مو ناوي توقف؟؟
معلش أنا كتبت 600 بدل 690.
أنت مركب أنتركولر للسيارة؟؟ لأن مع PSI 16 ودرجة حرارة الجو الحلوة عندنا أنا أتوقع أنك مركب شيء لتبريد الهواء.
زين أنت عدلت شيء من المكونات الداخلية للمحرك؟؟؟ مثلأً غيرت عمود كرنك أو عدلت راس المكينة أو ركبت بساتم أقوى أو زودت من سعة المكينة أو.........
comondor--GTSR
13-12-2001, 11:23 PM
والله السيارة رايقه وانا افكر افكر اسوي
معاك تحدي
يعني كابريس اس اس مع ديابلو كونتش 89
بس انت اصبر
King_SS
13-12-2001, 11:41 PM
والله يا V8
انا انشاء الله ما راح اوقف يعني طالما في امكانيات وطالما السيارة تساعد ليش لا ...
وبالنسبة ليش كابرس فانا احب اقللك شي
اول شي انو هذي كانت رغبة الوالد باصرار اني اخذ اس اس وكان جدا راضي عليها
لانو زي منت شايف انا كمان امتلك كورفت بس يا خسارة ما نالت رضى الوالدين
فبالتالي بتواجهني مشاكل في السيارة زي الحرارة
ثاني شي انا عرضت عليا سيارت عديدة ومتنوعة
من كل نوع والاسعار منافسة بس انا كنت ادور على التميز
والحمد لله ربنا وفقني
واحب اقول كلمة (( اي واحد ممكن يوصل للقمة بسيارة سبور لاكن مش اي واحد يقدر يوصل القمة بسيارة عائلية مترفة ))
======
وبالنسبة يا NFS
حبيبي انا مغير بساتم ومغير عمود كردان ومغير روس المكينة ومغير ادرعة ومغير نظام البنزين ومغير نظام الكهرباء
ومغير نظام سحب الهوا ومغير تعليق السيارة :D
حتى الجيربكس انا معدل فيه
وعلى فكرة السيارة مكينتها تقبل ضغط اكثر من كذا
====
وبالنسبة للانتركولر ( مبرد الهواء الدتخل للمكينة )
فانا مركب انتركولر للسوبر شارجر
ومركب انتركولر لدورة الزيت داخل السوبرشارجر
ومركب انتركولر لزيت الجيربكس
ومركب انتركولر لزيت المكينة
فالحمد لله ما عندي اي مشكلة حرارة
لاكن طبعا عزم السيارة لما تكون باردة مو زي عزمها لما تكون ساخنة
====
بالنسبة للتيربو اللي راح اشتريه طبعا حيولد قوة حصانية 600 حصان
طبعا باضافة 250 حصان غاز فالمجموع راح يكون 850 حصان
والله استر كيف راح نمسك السيارة في الارض
ما اكدب عليك والله سواقة السيارة العادية ما عندك اي مشكلة
السيارة جدا هادئة لاكن يا ويل تدوس على الاخر .. كانك سايق
سيارة كمارو او كورفت خاصة لما تشغل الغاز تشوف شي تاني
وطبعا ما اقللك قد ايش انا اعاني من مشكلة التماسك في الارض عند القومة
رغم اني حاطط كفرات 315/35/17 خلفية وهيا نفسها الا على الفايبر
لاكن الله وكيلك تعال وشوف السيارة كيف في قومة الارض كانها
ZX280
لاكن احسن سحبة للسيارة هيا على سرعة 80 في الثاني جدا جبارة
يعني بدون مبالغة يالله تلحق تشوف الطريق
=====
وان شاء الله بعد 3 اشهر تقريبا راح توصل اربع بيبان مع الكبوت والشنطة
من الكاربون فايبر طالبها بطلبية خاصة بس قالو انها راح تخلص بعد 3 اشهر
====
اول ما تطلع السيارة باذن الله ابعتلكم صور المكينة الجديدة
وطبعا لمختصي التيربو .. التيربو اللي راح اركبو اسمه T04B
ممكن ابحثو عنه في الصفحة ذي عن مواصفاته ومميزاته
TURBO SITE (http://www.turboneticsinc.com/)
http://attach6.groups.yahoo.com/v1/sPoYPDNoXDbBucrdklp6ORLxXCe7rMNzyFVEP-0H5QKC9xpKTHHbxdagWn-1Pagy-YsllA8Ys5NSI60u0OIbKohQ7uqurUB-kQqH8XET7o7ENtmq/3.jpg
والله المستعان
http://attach4.groups.yahoo.com/v1/sPoYPCMJwTTBucrd7gTV8Rg719fblwtzfbRZ023FeHSSdFI2uuYTLQdPPEWNXddkTojYSdLl2BmJy-2Bkp8CSAynF54Xschz7i2-n2aHWG-0kOrd/23.jpg
Z28*POWER*
14-12-2001, 05:09 AM
يا سلالالالالالالالالام هذي السيارات وله بلاش
King SS
ملك الأس أس أبارك لك من أعماق قلبي على التطوير المذهل في أداء الأمبالا
بس عندي سؤال مين يطوف مين الكابريس مالك وله الكورفت (أكيد الكورفت عليه أشوية تعديل أو لعب في المكينه:D )
:confused:
Salamander-C2K
14-12-2001, 06:53 AM
عيني عليك بارده يا كنغ :) .... ماشاء الله تبارك الله..... يالله خلينا نشوف مين الضحيه المقبله :)
حبيبي..... انا عندي الكويك تايم..... بس المشكله انه ما قدر يشغّل المقاطع.... لانه اصلا مو عارف ايش نوع الملفات :( ..... يا ريت تقولنا ايش الحل .....
King_SS
14-12-2001, 07:16 AM
تسلملي يالغالي والله في الحقيقة انا وصلت لمرحلة في الكورفت جيدة واعتقد انو المنافسة بينهم جدا كبيرة بس ما اكدب عليك للان ما عملت تجربة بين الاثنين
==========
اليوم اخبركم شي يا شباب تمت تجربة بيني وبين لكزس وانا كنت ماشي بنص الدعسة ... الحاصل الراجل كان مصدق نفسه نوعا ما
انا ماسك نفسي من الضحك .. طبعا وقفت في الاشارة الثانية وفتحت الاشارة وتركته يدعس في الاول بسسسسسس وعينك ما تشوف الا النور مسحت اسم سيارته من على وجه الارض لووول
والله لو تشوفو الغرور اللي كان مسيطر عليه في الاول لما كنت داعس نص دعسة معاه شي مضحك لاكن الحمد لله عدت على خير :D
http://wsphotofews.excite.com/030/C3/id/UE/Nf34747.jpg
======
http://wsphotofews.excite.com/032/DO/gB/FT/Mv49787.jpg
======
http://wsphotofews.excite.com/022/W7/SL/kC/N083790.jpg
=====
http://wsphotofews.excite.com/031/Bk/AQ/QQ/PD10126.jpg
=====
http://wsphotofews.excite.com/033/xb/Op/e0/NP47317.jpg
=====
http://wsphotofews.excite.com/031/bh/4j/Pz/O253704.jpg
=====
اخيرا عرفت كيف احط الصور تمام
طبعا في تجربة اليوم سارت يا شباب بيني وبين بي ام 5 الجديد بس كانت غير عادلة نوعا ما
لان الرجال دعس وانا دعست من وراه وطبعا اتفاجأ الرجال والمسافة كانت قصيرة شوية بس الحمد لله ما اتفشلت قدامه
Ferrari^_^love
14-12-2001, 02:38 PM
والله انك بالفعل راعيها :D :D .. وال SS بتاعك ( شي ) :D :D
موفق ان شاء الله
على فكره ياكنج .. فيه احتمال أتحول القير من أوتو الى عادي ؟
كابريس
14-12-2001, 07:20 PM
كيف الجربوكس مستحمل هذي القوة ماشاء الله؟
ألأعرابي
14-12-2001, 07:51 PM
يا هلا يا كينغ س س
عندي سؤالين لك, اولا
من وين لك كل هالخبره في التلغيم و من علمك؟
ثاني شيء أحنا ناخذ السيارات كهوايه
لكن شكلك صرفت على موترك الكثير من المال ألا تعتقد انك تصرف عليه و كأنه شيء مهم في حياتك
علما أنك لست متسابق و لا شيء
بس للمتعه و شكل السياره خطره اذا اصبحت 800 حصان ؟
بس موترك عجبيني الصراحه أنا أحب السيارات السيدان و سريعه
King_SS
14-12-2001, 10:19 PM
يا هلا والله فيكم يا شباب
فيراري بالنسبة للقير العادي فانا لقيت شركة عندها نظام قير عادي بالكامل للكابرس
بس المشكلة انو جدا رخيص وسعره عشرة الاف دولار امريكي من غير الشحن ومن غير الجمارك طبعا عشان اجيب قير عادي راح تخش التكلفه في حدود الخمسين الف ريال
صدقني ماهي مستاهلة ...
صحيح السيارة القير العادي مافي بينها وبين الاوتو اي مستوى لاكن السعر والتكلفة تحكمك
=======
اخويا كابرس بالنسبة للجيربكس اللي عندي فهو معدل من الداخل وعليه برنامج كمبيوتر محسن وعليه انظمة تبريد بحيث مهما دعست يضل الزيت اللي بداخله بارد
فالحمد لله ماشية وانا برضو من النوع اللي ما ادعس في اي وقت
=======
هلا والله بالاعرابي
حبيبي انا بديت خبرتي في التلغيم دا من عام 1980 وكان السبب في خبرتي واستاذي الكبير اخويا الله احفظه
طبعا من صغري وانا اتابع معاه مستجداته وشوية شوية مع الزمن اصبح تلميذ المعلم معلما ... واصبح المعلم برفسورا
وانا على فكرة السيارة هذي كل حياتي يعني صابب فيها كل امكانياتي وخبرتي وفخور بالمرحلة اللي انا وصلتلها
زمان كانو اصحاب المكسيمات اخلوني اروح والحقوني من ورايا و fist302 صديق جدا عزيز وقديم وهوا من احد اجيالي وشاف ايش التغيرات اللي سارت في سيارتي خطوة بخطوة
لاكن الفضل كله يعود لاخويا اللي كون خبرة في داخلي جدا ممتازة
وترى على فكرة اخويا عنده لومينا عليها سوبر شارجر امكن جدة كلها تعرف عنها ..
والله بدون مبالغة واقولها في رمضان احنا اربع اشخاص في اللومينا واوزاننا كلنا فوق المية كيلو ولما اقوم بالسيارة تحرق الكفرات 15 متر في الاسفلت
والله المستعان
========
http://wsphotofews.excite.com/031/bh/4j/Pz/Nz30999.jpg
========
http://wsphotofews.excite.com/031/Z4/kH/s9/O050066.jpg
========
حبيبي سلمندر تسلملي والله
بس غريبة ترا الفايلات من نوع avi يعني الكويك تايم المفروض اشغلها
بس انا اقللك انت حاول تشغلها بالاثنين اما الكويك تايم او الميديا بلير
لانو انا عندي وندوز 2000 وبشغلها بالميديا بلير
========
واخيرا اقدم لكم ملك ال اس اس بوجهه الغاضب
http://wsphotofews.excite.com/032/DO/gB/FT/O337150.jpg
========
Ferrari^_^love
15-12-2001, 02:04 AM
والله يحفظك انت وال SS مالك من العين ان شاء الله ... بس ودي أعرف شنو القومات المستقبليه .. وودي أتجرب مع الفايبر .. والفيراري :):) .. غير ال 355 اللي قومت معاها :)
ويعطيك ألف عافيه
كابريس
15-12-2001, 05:10 AM
في كم ثانية تصل الى سرعة 100 كلم/س؟
وكم السرعة القصوى للسيارة؟:D
King_SS
15-12-2001, 07:06 AM
والله شوف يا فيراري ان شاء الله حتكون في قومة بيني وبين فايبر جي تي اس
تبع واحد من اصحابي بس الشخص حاليا خارج البلاد وحنا منتظرين
وبيني وبينك في شخص هنا عندة بورش توين تيربو موديل 96
بس الشخص متردد نوعا ما عشان انا شرطت عليه القومة تكون من سرعة 80
زي منت عارف ما اقدر اسحب على سرعة واطية
ولو حصل شي جديد انا بخبركم ان شاء الله
========
حبيبي كابرس انا ما حسبت سرعة سيارتي من 0 الى 100 بس انا في اعتقادي اني اجيبها في 4.3 او 4.2
لاني تسارعي في القومة اقوى من البي ام ال زي 8 والزي 8 يجيب من 1 الى 100 في 4.3 بس الى الان مجرد اعتقادات
انت عارف قومة ارض السيارة لا يمكن تمسك لاكن ممكن لو حطيت سلكات احسبها لك من عيوني
وبالنسبة للسرعة القصوى فانا اعتقد انها تتجاوز ال 270 فعلية (( بدون غاز )):D
fist302
15-12-2001, 07:29 AM
الحقيقة ياشباب الأخ العزيز كينجو ماقصر وبذل كل مافي وسعه من تعديلات على الكبرس....ونقله الى مرحلة اخرى تماما......طبعا العملية كلفت الكثير بس النتائج كانت مثمرة ..البعض يتساءل ليش تصرف مبالغ خرافية على سيارتك؟؟ والجواب هو انه هذه هواية ومتعة لا توصف عندما تصنع من لاشيء......شيء...بالاضافة لأنه انجاز كبير.....
الى الأمام قدما .....
على فكرة حظك انه الماكسيما مالها تلغيم كثير ولا كان بتشوف العجب;)
عموما ياشباب بنحاول بعد العيد وانتم طيبين نصور الكابريس من والى ..ونشوف اداءه على ال g-tech ......انتظروا المزيد.
تحياتي للجميع
Eclipse
15-12-2001, 09:55 AM
ما شاء الله ما شاء الله :):)
الله يحفظلك سيارتك من العين اخوي :):)
متيم الهوندا
15-12-2001, 11:54 AM
بكم تبيعني إياها
*SS* POWER
15-12-2001, 02:43 PM
ما شاء الله تبارك الله :) سيارتك مسكته الله يحفظها من العين قولو امين :)
سؤالي بالنسبه للومينا .... وين اقدر احصل السوبر شارجر وكم سعره وما هو الفرق الي يعطيك اذا تسابقت مع لومينا ستوك ؟؟؟
وشكرررا :cool:
كابريس
15-12-2001, 05:25 PM
طيب مع الغاز كم السرعة القصوى؟
وليش اخترت انك تلغم كابريس SS من الموديل القديم ومااخترت الجديد؟:D
IMPALA SS '96
15-12-2001, 06:09 PM
و أقابلك في المنتدى.......يا ملك.......
الصراحة ماشاء الله عليك وعيني عليك باردة.......الوحيد اللي سمعت إنه معدل الإمبالا إس إس في المملكة هو إنت
و يظهر إن الملك ماشالله فعلا خبير..........وله نظر في السيارات......
ويقدر المرحومة كابريس الحقيقية......:)
سيدي الملك صاحب الجلالة ممكن كم سؤال؟؟
1- كيف تمكنت من إدخال القطع عن طريق الجمارك؟؟؟ فيتامين "و" ؟؟؟
ولا عايدي بدون.....
2-هل أنت معدل شي في نظام التعليق..؟؟
3- هل هناك قطع تربيط للهيكل..؟؟
4-سمعت أنه هناك كلتش خاص للمحركات فوق 500+ حصان... هل
فكرت بتركيب شئ من هذا القبيل؟؟
و الله يحفظك ويحفظها من العين.......
تحياتي لك
تلميذك
سؤال أبغاك تجاوبه بصراحة :
كم كلفك كل هذي التعديلات؟؟؟
سؤال ثاني : أنت مركب Boost Controller "إللي يتحكم في ضغط الشارجر"؟؟؟؟؟
سؤال ثالث : أنت قلت أن النيتروس بيعطيك 250 حصان لكن أنا أعتقد "مع خبرتي القليلة في مجال النيتروس" أن النيتروس يقاس بالـSHOTs أو القذائف:D :D :D ، يعني عندك 250 قذيفة مش حصان وإلا أنا غلطان؟؟
supra
15-12-2001, 08:04 PM
انتمنا لك التوفيق وانشاء اللة التقدم اكثر
بس المهم كيف ندخل على الصور الفيدوات والصور تبعك؟؟
كل المحولات ادت الى الفشل؟؟
مع الشكر والتقديير:cool:
King_SS
16-12-2001, 12:38 AM
يا هلا وسهلا بيكم
والله تدري انعرض عليا فيها يا متيم 100 الف ريال سعودي بس انا رفضت
لاكن اذا فكرت ابيع راح اخبرك لا تخاف.
يا ss power بالنسبة للسوبر شارجر فهو من شاركة اسمها كابا استرالية
والفرق بينك وبين لومينا عادية اذا ركبته تقريبا حيكون في حدود الاربع اعمدة اي ما يعادل 250 متر فرق حيوكن بينك وبينه
======
الغاز يا كابرس ما استخدمه الا وقت الضرورة لما اكون في سباق بيني وبين سيارة جبارة
طبعا الفرق بين عزم السيارة بغاز وبغيرة زي كانك واقف وواحد معدي من جنبك بسرعة 60 كيلو ... 250 حصان كفيلة انها تخلي السيارة تجيب سرعة ال 290 بالراحة بس بيني وبينك ما جربت لغاية الحين لانو سواقة السيارة مخيفة في الخط نوعا ما
مهما كان انسيابية السيارة ما تساعدك انك تضل داعس مسافات طويلة
زبالنسبة لاختياري تلغيم كابرس من الموديل القديم اسباب
اول شي الشكل الوحشي افتقدناه وللاسف في الشكل الجديد
ثاني شي العراقة والاصالة ومتناة البودي والمكينة غير متوفرة في الجديد
ثالث شي المكينة ال LT-1 لها كمية قطع تلغيم بشكل كبير
على خلاف ال LS-1 فهو قطعه نادرة وقليلة .
رابع شي سبق وقلتها انو اصرار الوالد الله احفظه على شرائي للسيارة كان السبب الرئيسي
=======
لووول يا IMPALA 96 صلي على النبي ماني صاحب جلالة ولا شي :)
بس والله احرجتني بكلامك وتسلملي يا غالي ترى انا انسان من مكة بسيط على قد حالي مجرد اني فكرت بتركيز شوية وصبرت ونلت الحمد لله
سواء انا او صديقي FIST302 كلانا صبر ونال الحمد لله
بس والله تسلملي يا غالي كلك ذوق
وترى على فكرة انا ان شااء الله ناوي ابيع السوبر شارجر لانو بعد فترة وجيزة راح اطلب التيربو
فاذا انت عندك نية قللي وما عليك
وبالنسبة اخويا للقطع فهيا دخلت عادي من الجمارك من غير اي مشكلة
وبالنسبة لنظام التعليق فانا معدل فيه بنسبة 70% لانو زي منت عارف ال اس اس جاهز من بلده بس شوية تعديلات في التعليق اسير ممتاز
بالنسبة لقطع التربيط فكلامك صحيح
انا مربك قطع تربيط للهيكل مصنوعة من مادة بلاستيكية احسن بنسبة 100% من حقة بلدها
بالنسبة للكلتش فطبعا هذا صحيح بس بالنسبة للسيارات القير العادي لاكن انا اوتوماتيك
=======
وهذي بعد صورة للوحش
http://wsphotofews.excite.com/028/nO/4x/zv/Ou71179.jpg
King_SS
16-12-2001, 01:05 AM
اوكي
NFS
بالنسبة لسؤالك الاول طبعا التكلفة تفوق ال 60 الف ريال بس تعديل المكينة
مجمل تكلفة تعديل السايرة تفوق ال 80 الف ريال
مجمل تكلفة السيارة زائد قيمتها الفعلية تفوق ال 180 الف ريال
يعني كورفت C5 باربع ابواب
بالنسبة للنيتروز SHOTS هذي عبارة عن عرض من الشركة
مثل عروض الشركات تبع الاطعمة امثال مكدونالد صح والا لا
يعني عندك وجبة تشتريها كاملة بسعر معين
النيتروز نفس الشي الشركة تعرض عليك عروض مختلفة بكمية احصنة مختلفة في كل سستم
وانت تشتري اللي اناسبك
ليش ؟؟؟
انا اقللك لو انت بغيت كمية معينة من الاحصنة طبعا الزمك انك تشتري كل قطعة في سستم النيتروز على حدة مما يؤدي الى تكلفة عالية
فانت ريح بالك اشتري سستم كامل واعملة تعديل في المستقبل
زي ما سويت انا بالظبط
سستم الكابرس اعطيك 175 حصان لاكن انا عدلته الى 250:D ودك تتسابق :D
======
يا سوبرا والله يا غالي انا غلبت في البريف كيس تبعي انتي عارف الياهو غبية نوعا ما
اذا تجاوز الداون لود لاي ملف عدد معين تقوم توقف عملية الداون لود للملفات عشان السيرفرات تبعها
لاكن دلوني يا جماعة على مكان اقدر احط فيه ملفاتي واكون سهل وبدون ظوابط او شروط وتامرو امر والله
====
يا NFS ترى معنى القذيفة عند الامريكان هوا الحصان
====
قبل فترة يا شباب تقريبا من اسبوعين
واقف في الاشراة وفي جنبي بورش تيربو GT3 اللي هوا بتيربو واحد اقل من التوين تيربو
الشخص كان اطل فيا نوعا ما كان الغرور انتابه . طبعا اللي حصل كنا في بداية خط الملك اخر اليل على الساعة 4 انا رايح على بيتي وهوا رايح على بيته
اللي حصل كلمته وقلتله تجرب معايا ... اتفاجات من الشخص
قللي انت عارف انت ايش راكب وانا ايش راكب
قلتله عادي انا عارف كابرس وانت عندك بورش تيربو
قام قللي طيب انت عارف ايش المستوى بين السيارتين والا مجرد تبغاني احرق سيارتي على كلام فاضي
بيني وبينكم اكلت معايا واخدت في خاطري ... اصلو بيني وبينكم رغم المستوى اللي انا وصلتله كبار الشخصيات والعالم اجمع محتقر السيارة بمجرد انو اسمها كابرس .. يعني من جد شي ازعل
لاكن لا والله والله والله لا اخلي اللي ما اشتري اتفرج وصدق الامريكان في كلكة قالوها (NEVER TRUST A SMILLING CAT)
اي بمعني في حياتك ابدا لا تثق في قط مبتسم
المهم في النهاية طل فيا وحزن عليا .. قللي طيب انت روح وانا الحقك
انا رديت عليه قلتله طيب والله فكت الاشارة طبعا هوا خلاني ادعس منهنا ودعس ورايا بفترة بسيطة اللي حصل الين اخر الخط المسافة بتزيد ... عطاني عالي وواطي وقللي نلف ونرجع تاني .. قلتله ليشششش مو تقول مافي مستوى .. قللي معليش اصلو ما عشقت زي الناس ومدري ايش اعذار
سحبنا على 40 ودعسنا ... في زر صغير تحت الدركسون :D :D :D :D :D :D :D :D
ضغطت عليه .... بدون مبالغة كاني اتسابق مع واحد بيجري على رجوله
اللي حصل عالي واطي عالي واطي وقفني في الاشارة ... قللي انت ايش مسوي .. هذا كابرس والا انا بيتهيألي
قلتله هذا كابرس بس انت مضحوك عليك في سيارتك تراها كرولا مو بورش ..
مع احترامي لاصحاب الكورولات
*SS* POWER
16-12-2001, 01:54 AM
القصه مؤثره فعلا ;) وفيها عبره للناس الي شايفين روحهم ويستاهل راعي البورش علشان لا يصدق روحه مره ثانيه ...
المهم مابي اطول عليك ... سؤال اخر واسف اذا ثقلت عليك :confused:
كم سعر السوبرشارجر حق اللومينا وكم حصان يعطيك
وشكرا على تجاوبك :)
كابريس
16-12-2001, 02:29 AM
كيف كيف نعيش بلا كابريس؟
كيف أعطال السيارة قليلة أم كثيرة؟
وكم كلم ماشية دحين؟:D
وعلى فكرة;) لوافترضنا انك جربت مع كامري GLi جير أوتو ;) كم حتكون المسافة بينك وبينه؟;) :D ;) :D ;) :D ;)
اذا كانت البورش زي الكوريلا أجل الكامري زي ايش؟:D
هههههههه
الله يعطيك خير سيارتك وريكفيك شرها:D
ما شاء الله
إنت تغيب تغيب وتطلع لنا بكم حصان زيادة
بس أعتقد إن لك منافس في أبوظبي عنده نفس سيارتك
على فكرة ، هل تغيير الترس الخلفي (الديفريشن) ممكن يعطيني نفس تسارع سيارتك .. حتى لو ما أضفت شي للمحرك ؟؟
طبعاً هذا بيكون على حساب السرعة القصوى ... صح ؟
King_SS
18-12-2001, 02:59 AM
يا هلا والله فيك يا E55
كيف حالك وايش اخبارك
على فكرة انا ما اعتقد انو ليا منافس في الشرق الاوسط لانو سبق واتكلمنا في موضوع الكابرس اللي في ابو ظبي
ترى انا تعديته بمراحل انت ما تتوقعها يعني سيارتي سارت قوية فوق ما انت تتخيل .
لو في صفحة اقدر احط فها كلبات الفيديو والله ما ابخل عليكم فيها بس دلوني على صفحة اقدر احط فيها كليبات بحيث الكل اقدر اخش عليها
وانا اوريكم كيف سار الكابرس .
يا راجل الناس اللي تقوم معايا بالسيارة تقللي انت عندك صوت سيور طالع الافضل انك تغيرها ...
وفي الحقيقة هوا ترى صوت صفير السوبرشارجر مش السيور .
لااا وفوق كدة 250 حصان نيتروز يعني السيارة اخر مررة جربتها تجاوزت حاجز ال 285 كيلو في الساعة من غي رالغاز فما بالك بالغاز .
طبعا الغاز عامل مساعد اخليني اجيب السرعة القصوى في زمن قياسي مش ازود من سرعة السيارة .
=======
وعلى فكرة الدفرنش الخلفي للسيارة الفائدة منه التحكم في تسارع السيارة لاكن مش في سرعة السيارة.
وعلى العموم ان شاء الله رح اغيب فترة كمان وارجع باول كابرس في الشرق الاوسط بشاحن تيربو يولد 800 حصان ..
انا ذكرت للشباب انو التيربو راح يولد 600 حصان لاكن في الحقيقة انا كلمت الشركة
وعدلت في نوع التوربين .. وراح اجيب واحد باذن الله يولد 800 حصان على 17PSI
وقريب باذن الله راح تشوفو صور المكينة الجديدة ..
======
وياريت تدلوني شا شباب على صفحة اقدر انزل فيها كليبات السيارة
ويار يت كمان تكون متاحة للكل يعني اي احد يقدر اخش عليها ..
على العموم يا سيدي انا نزلت كليبين في البريف كيس تبعي فيه قومتين
بيني وبين كمارو 600 حصان شوفها وقللي ايش رايك
أبو نايف
18-12-2001, 03:09 AM
السلام عليكم...
أهنئك على قفزاتك الكبيره في عالم التلغيم..
وبالتوفيق في تحدياتك القادمه.....وعقبال ماتطرح ديابلو:):)
عندي سؤال عام ومنكم نستفيد
ماهي أفضل سياره يابانيه ممكن تتلغم تلغيم عالي ؟
وتشكر مقدما:)
كابريس
18-12-2001, 03:16 AM
أبو نايف
شكلك ناوي تبيع الماكسيما ;)
:D
أبو نايف
18-12-2001, 03:21 AM
كيف استنتجت هذا الشيء؟
:):)
ماهي أفضل سياره يابانيه ممكن تتلغم تلغيم عالي؟
من السيارات السبورت
ومن السيارات السيدان:)
أنا عندي توقعات محدده على سؤالي بس أنتظر confirmation من الخبراء أمثال king SS
King_SS
19-12-2001, 04:52 AM
سلااااامي للجميع
شوف يابو نايف ... تبى مني الكلام الصح والا الغلط
اوكي ...
باختصـــــــــــــــــــــــــــــــار
((اي سيارة مزودة بشاحن تيربو ليس لها حد للتلغيم ))
سواء كانت سيدان او سبور دفاع امامي او خلفي او رباعي
بخلاف السيارة ذات السحب العادي فهي مهما لغمتها لا يمكن توصل لمستوى او حتى تعطيك كفاءة واداء السيارة ذات التيربو
=====
ولو ركبت عليها تيربو طبعا العملية حتكون مكلفة جدا جدا جدا زي ما انا قاعد اسوي الحين
=====
خذ كلامي هذا مقياس وقيس على جميع السيارت اللي في ذهنك
=====
واذا انت كان قصدك ايش افضل سيارة سحب عادي ممكن تتلغم
فانا اقللك .. حتلاقي منافسين كتيرين في الموضوع بس فكر في السيارة اللي الامريكان احبوها امثال الهوندا والمتسوبيشي
لانو بصراحة ما راح تغلب في قطع تلغيمها وممكن تلاقي لها تلغيم في اي مكان
على خلاف المكسيما مثلا او غلوريا او اللكزس او .. او الخ ...
انا اقللك عندي واحد من اصحابي عنده مكسيما
الشخص هذا وصل لمرحلة انو اطرح ام 5 من الشكل القديم لاكن برضو مهما كان وصل لمرحلة وقفت عندها السيارة .... خلاص اشترى كل ما انت تتخيله موجود للمكسيما من سوبر شارجر الى نيتروز
======
بالنسبة لي شخصيا ولو جيت تبي رأيي انا شخصيــــــــــا ؟؟
انا حقللك هما كم سيارة
من السيدان ذوي شحن التيربو : ميستوبيشي افلوشن
من السبور التيربو : سوبرا التوين تيربو
من السيدان السحب العادي : المكسيما
من السبور السحب العادي :الهوندا ال اس 2000
بالاضافة الى جميع انواع الهوندا ...
متيم الهوندا
19-12-2001, 11:38 PM
التعديلات على السيارة ما تأثر على الجير
ولا عادي
أخوي هذي بعض المواقع اللي تعطيك مساحه كبيره
و عاد لو تسمح تحط الافلام و الصور بسرعه
1- هذا موقع يعطيك 500 ميغا (http://www.gizba.com/)
2- وهذا موقع يعطيك 100 ميغا و تقدر تحمل فيه ملفات حجم 5 ميغا (http://www.bravenet.com/)
و اذا تبي أخوي مواقع ثانيه أنا جاهز
comondor--GTSR
20-12-2001, 03:18 PM
يا كنج اس اس انت مارديت على الكلام اللي قلته انا
على التحدي بيني وبينك انا معاي ديابلو كونتش 89 بس ابي اعرف الطريق اللي بيصير التحدي فيه على شان اشوف وافكر في المو ضوع:p
King_SS
20-12-2001, 07:05 PM
يا متيم
التلغيم بحد ذاته يقصر من عمر الجير .. بس طبعا اعتمد عليك انت شخصيا .
ممكن واحد عنده سيارة شد بلد واروح عنده القير كل كم شهر
وممكن واحد عنده سيارة ملغمة وتلاقي القير عايش عنده
كيف ؟؟؟
يعتمد على سواقة الشخص للسيارة
طبعا ما اقللك ما ياثر بس ترى التلغيم واحد من اهم متطلباته انك تعدل في القير
انا اتكلم على القير الاوتو ماتيك
اما القير العادي . .. فهو نوعا ما اقوى من الاوتو في كل الاحوال
عشان كدة الناس اللي عندها موستانج وكمارو قير عادي تلاقيهم اعدلو في المكينة واوصلو لمستويات طيبة وممتازة من القوة من غير ما اسير في القير شي
لاكن على خلاف السيارات الاوتو ... فتلاقيهم في مشاكل نوعا ما مع القير تبعهم .
=====
وشكرا يا apsi على هذي المواقع
انا احاول احط فيها الكليبات ... بس عندي سؤال .. اي شخص من الخارج
يبي ينزل كلبات من الموقع هل يحتاج انو يدخل رقم سري ومدري ايش والا عادي من غير ؟؟
=====
الظاهر انو في متحدي هنا بسيارة فارهة امثال صاحب البورش اللي جربت معاه :D :D :D
والله والنعم فيك يا خوي انا من جد وممكن نجرب في طريق القاعدة مسافة تقريبا 3 كيلو اعتقد انها كافية تجيب طبلونك فيها
بس مدري انت من وين اول شي ؟؟
مستني ردك على احر من الجمر
ولو كنت في جدة فانااااااااا جاهز و يا ريت نتقابل بسرعة ..
وش رايك في السيارات هذي من ناحية التعديل
موستانغ
يوكون
لومينا
فايبر
E55
هلا أخوي
هذي المساحات تقدر تسوي فيها موقع أو تحط فيه الكليبات بس
يعني أنت براحتك عندك المساحه وتصرف فيها
ولا يحتاج أن الزائر يدخل رقم سري
Ferrari^_^love
21-12-2001, 03:52 PM
الكونتش سياره والديابلو سياره .. وكلهم غير عن الثانيه .. مافيه ديابلو كونتش .. شنو نوع السياره اللي عندك اخوي ؟
King_SS
21-12-2001, 08:35 PM
بالنسبة للموستانج فهي سيارة في غنى عن التعريف
خاصة في مجال التلغيم
بالنسبة لليوكون انا ولد خالتي عنده يوكون وملغمه بس اعتمد انت تبيه للسرعة او للبر ... ؟؟
لو كان للسرعة فانت قاعد تنفخ في كيس مخروم
لاكن لو انت تبيه للبر فهذا هو الخيار
اللومينا سيارة جيدة من بلدها واقل تلغيم فيها ما افرق معاك الفرق اللي انت تتوقعه لانو مهما كان فهيا ما زالت سيارة اربع ابوب
يعني اللومينا باختصار
كسيارة تروح وتجي بيها وقوية في نفس النوع فهي جدية جدا بس لا تطمح بيها السمه فهي غير مخصصة لهذا الشي
خاصة انو الومينا سيارة قطع تلغيمها قليلة في السوق نظرا لانها جديدة ومكينتها بعد جديدة
بالنسبة للفايبر فانا اقللك باختصار
سيارة قوية رغم عن انفها
انا واحد من اصحابي عنده فايبر القديمة مجرد تغيير الفلتر لواحد اخر رياضي السيارة سارت ما تمسك في الارض من كتر قوتها
والe55
سيارة قوية بحد ذاتها واعتقد انها جية جاهزة يعني ما تقدر تلعب فيها الا على خفيف
شوف بصراحة السيارة اللي تحظى بشعبية امريكية فهي افضل سيارة للتلغيم
Ferrari^_^love
21-12-2001, 08:53 PM
في مجال التلغيم ؟
شكرا على الرد
لكن عندي كم سؤال زيادة
- انتة ما غيرت اي شي في شكل الكابرس لية؟
- الشركات الي تتعامل معاها موجودة في السعودية؟
- ماهي الاشياء الي يجب اخذها في الاعتبار عند تلغيم السيارة
-وش سويت في الافلام,جهزة ولا بتطول
عارف اني طولت عليك لكن
استحملنا شوية
:D :D محد قالك تلغم الى690 حصان:D :D
L.O CUSTOMS
22-12-2001, 02:00 AM
والله شي ممتاز يا كنج اس اس
بس ما تصف بجانب سيارة واحد من اخوياي صدقني مهما عدلت وغيرت ما تقدر تجيبه
لاكن في البدايه انا ابي اتسابق معاك وسيارتي لن اخبرك عنها الا في وقت السباق!!
لذالك ارجو ان تقبل هذا التحدي لأني واثق من قدرات هذه السياره
وانا بالرياض ومتى ما فضيت عطنا خبر!!:o :o
اخوكم/ أســـــــــــــــيــــــــــــر الشمال
:D :D
King_SS
22-12-2001, 03:44 AM
عزيزي فيراري .. في عندنا هنا في جدة فيراري اف 355 لونها فضي وكشف وانا اعرف صاحبها
تلغيم الفيراري موجود بس محدود جدا جدا يعني الرجال كل اللي سواه انو
غير اكزوز السيارة وفلتر رياضي وكمبيوتر السيارة
والسيارة سار ادائها جدا ممتاز يعني سار اذا قام مع بورش توين تيربو من القديم 1996
في القومة اطلع الفيراري وفي المعدل المتوسط للسرعة ارجع اطلع البورش الى سرعة ال 280 تقريبا وبعد كدة الفيراري شوية شوية الحقه
علين اجيبه في الخط واتعداه بشويش
والله اعلم اذا كان هناك في شركات تعدل اكثر من اللي ذكرته
=========
حبيبي v8
شكل الكابرس ممكن اتغير بس الحفاظ على الكلاسيكية شي مميز في نظري
يعني انا في نظري كل اللي تحتاجه السيارو من لمسات جمال هو تهبيط السيارة وتغيير جنوطها
وصدقني هوا ذا اللي انا سويته وكثير من الناس حاسيين انو السيارة اتغيرت
لانو بالفعل كانت محتاجة لهذا الشي
وثاني شي تغيير في شكل السيارة راح الفت انظار الشطة وزي منت عارف يعني :|
ماهي مستاهلة
ثاني شي مافي ولا قطعة جبتها من السعودية يعني مافي ولا شركة من اليل اتعاملت معاها موجودة في السعودية
لاني باطلب القطع بنفسي
سؤال جدا مهم وذكي
======
الاشياء اللازم اخذها في الاعتبار في حالة الرغبة في التلغيم
اول شي : واهم شي انو انت لازم تكون مؤهل نفسيا وشخصيا لتلغيم سيارتك
اقصد انو في كثير من الشباب والله راحو في غمضة عين امام الاعين بسبب التلغيم
لانو انا اقللك ليش
الشارع اللي انت كنت تجيب فيه 140 بعد التلغيم اصبح 180
اذا كنت تجيب سعة 100 في 6 ثواني راح تصبح 5 او اقل
طبعا اذا انت مش مقدر حجم وخطر المسألة راح تتعرض لمشكلة
ثاني شي: التجارب والدعس والسباقات اللي في اي وقت اكبر مشكلة
الدعس المناسب في الوقت المناسب .
بالنسبة لمكينة السيارة فاعتمد على نوع المكينة ونوع القير اللي عندك
يعني انا اقللك شي السيارات اللي هي 6 سلندر او اقل القير العادي او الاتوماتيك
فانت ما عندك اي مشكلة لغم زي ما تبغ ولا تخاف على المكينة بس خللي بالك من تعليق السيارة
لانو عادة السيارات متوسطة الاحجام والغير مخصصة للسباقات راح تكون اول مشكلة تواجهك هي التعليق
فياريت تبدا بتجهيز تعليق السيارة اول شي
اما بالنسبة للسيارات الامريكي فانت مواجه مشكلة القير تبع السيارة اذا كان اوتو ... طبعا تعديل القير اولا ومن ثم تعديل التعليق وبعدين تخش على المكينة
=======
ياخي بالنسبة للافلام فهي جاهزة بس الشباب دلوني على صفحات واول ما اجي احط فيها الفايل تعطي مشكلة عشان الفايل اكبر من 1 ميجا
لاكن والله جاهزة من اول بس ابي الطريقة اللي احطها في النت
انتو دلوني ومالكم صلاح
في بعض الصفحات اجي معاها برنامج عشان تحط اللي انت تبيه في الصفحة من غير الرجوع للانترنت اكسبلورر لو تدلوني على وحدة زي كدة اكون شاكر
========
والله حياك يا LH
انا جاهز في اي وقت ومع اي سيارة اقوم بس ترى انا في جدة
وترى طلعاتي الرياض مررة كثير يعني في الشهر مرتين او اكثر
بس طبعا سيارتي هنا في جدة ..
=======
انت يوم تعال هنا جدة وانا اخليك تطلع معايا السيارة بس ترا لا تقللي خلاص نزلني اذا وصلنا فوق ال 260 لووووول
انت شوف سرعة السيارة واحكم بنفسك
:D
========
شكرا على ردك
وذا كان كلامك صحيح في (الشطة)
فالكبوت الجديد بيسويلك بلاوي
والافلام باحاول اشوف لها حل
-----------
----------
ولو سمحت بغيت اسمع رايك في.........
ولا اقول اضغط هنا (http://www.swalif.net/sforum1/showthread.php?postid=921424&t=9224#post921424)
متيم الهوندا
23-12-2001, 03:15 AM
حبيت أعرف الدودج كرفان من المديل الجديد
كم تجيب بعد التلغيم
وهل يزيد تسارعها والسرعة القصوى معاً
ولا واحد منهم
مع تحياتي
أخوك
King_SS
24-12-2001, 04:14 AM
حبيبي متيم
الكرفانات والفانات الصغيرة لا يوجد لهيا اي تعديل او تلغيم لانها في نظر شركة التعديل سيارة عائلية المفروض انها ما تتعدى سرعة 120
لاكن بالنسبة لسؤالك فانا اقللك حاجة لا سرعة من غير تسارع
وانت افهمها
supra
24-12-2001, 08:20 PM
يا كنج مشتاقين انشوف الفيدوات و القومات اروجو في اسرع وقت
تضعها صبرنا واجد يا بطل كل يوم ورا يوم في انتظار
اروجــــــــو ان تضعها....
مع تحيات سوبرا;)
ACCORD_559
25-12-2001, 12:47 PM
اخوي King_SS انت جربت مع الومينا ss بتاعة هشام الزهراني
ان كنت تعررررفو
واقولك الله يعطيك الف الف عافيه اصررراحه انا جالس الغم بس مو زي كذا التلغيم
تبي الصررراحه حمستنييي
والله
وعلى العموم
حبيت اسئلك
الاقوه البورش الي تطارحة
معها
واله الاودي tt:D :D :D :D :D
King_SS
26-12-2001, 03:29 AM
ياخي بالنسبة للفيديوهات انا ماعني مشكلة كبيرة في بطئ النت عندنا هنا وبصراحة عشان انزل كليب واحد جلست احوس اليوم كله
وشي تاني ترى ماني عارف ولا صفحة اقدر انزل فيها الفيديوهات وبعض الشباب هنا الله اعطيهم العافية اعطوني اسامي صفحات بس اول ما اجي انزل كليبات فيها يعطيني ايرور ماني عارف ليش
والنت جدا بطيئة
عاد ايش اسوي امري لله
بس ف ياقرب فرصة راح اعطيكم اللنكات تعملو داون لود باذن الله
======
وعلى فكرة يا لومينا ترى الاخ اللي ذكرته ما اعرفه
بس انا حصلت تجربة بيني وبين كابرس اس اس من الجديد وطبعا انا كنت جنبة بدون مبالغة الى سرعة ال 160 بنص الدعسة
ولما دعست للاخر طبعا ما راح اقللك ايش اللي سار :D
اما لومينا فانا جربت مع لومينا اس اس وفي اخر الخط كانت المسافة بيني وبينه تقريبا كيلو و 800 متر ولسة انا ما قفلت طبلوني
King_SS
26-12-2001, 03:33 AM
وعلى فكرة ترى البورش اقوى بكثير من ال تي تي والله اعلم
كيلو و800 متر
:D :D :D :D :D