سوالف للجميع - كشركات : تويوتا اقوى ولا نيسان ؟

View Full Version : كشركات : تويوتا اقوى ولا نيسان ؟

رزين

21-09-2001, 11:20 PM

انا فتحت هالموضوع وانا مافي بالي الا نقطه وحده والباقي عليكم

ليش نيسان انقطعت منها انواع كثيره بينما تويوتا ليس بنفس الدرجة ؟؟؟

يعني عندكم مثلا : 200L & 240L <<< انوع الغبار

هالنوعين انقطعن انقطاع نهائي

GT <<< هذي الظاهر منقطعه بس عن السعوديه وربما الشرق الأوسط بس مدري هي انقطعت نهائي ولا لا

التيما انقطعت عن اسواق الشرق الاوسط

بينما اذا جينا الى شركة تويوتا نلقا ما انقطع الا :

GTX هذي انقطعت من 88 ولكن طبعا نوعها اللي هو " كراسيدا " ما انقطع واستمر بعدها

وحتى لو انقطعت الكراسيدا فيه بديل قوي لها وهو الكامري

لكن في نيسان بديل الميتين ال ... والميتين واربعين ال .... هو الالتيما والالتيما انقطعت ومابقى في السوق الا المكسيما يقابهلها من جهة تويوتا : الكراسيدا والكامري

النقطة الثانيه ( جت في بالي الحين )

من وجهة نظركم هل تعتقدون ان الانفينتي ممكن تكون ند قوي للكزس ؟؟

النقطة الثالثه ( برضو هذي جت الحين )

الباترول هل تعتقدون انه يصف جمب اللاند كروزر ؟؟

على مستوى السيارات الصغيره مادري ... بس احس ان الصني تفوقت على الكورولا منذو مبطي لان حجمها اكبر

وننتظر الاضافات منكم وعساكم على القوة

ابو الشيماء

21-09-2001, 11:32 PM

اهلين اخوي رزين ......

اتوقع ان الامر يعود الى الشركة تنظر الى الامر من ناحية التجديد قيتم تغيير انواع على حساب انواع اخرى .

وعموما عادة يقطعون النوع الجيد وينزلون السيء الي يصرف قطع غيار مثل ما شفنا في الكرسيدا والكامري .

لان الشركة لما تنزل سيارة ما تخرب ولا تصرف قطع غيار تعتبر الشركة خسرانه .

كما تلاحظو ن الفرق بين السيارات القديمة والجديدة ؟؟؟

لان الشركة تعتمد بالدرجة الاولى على قطع الغيار بعد البيع كدخل مستمر على مدى السنين

هذي وجهة نظر مقتبسة من والدي الي يعد من وكلاء بعض انواع السيارات في المملكة ولزياراته المتكررة الى المصانع الام .

ابورشيد

21-09-2001, 11:40 PM

وليس شرط ان الشركه اذا قطعت سياره عن الخليج او الشرق الاوسط ان تكون سياره فاشله لا بس المسأله بالنسبه للشركه بزنس وتجاره وتتجنب تنزل سيارات تنافس بعضها البعض وهذا رأيي والله العالم

اذا بتقارن كل سياره نيسان بمنافستها من تايوتا بيكون موضوع طويل لان كل سياره من نيسان تتفوق من جوانب والعكس تايوتا تتفوق من جوانب اخرى فمثلا الباترول ارسى من الكروزر بالخط واحسن في التطعيس بينما الكروزر اقوى تحمل ويصبر اكثر
لكن الانفينيتي ممكن تكون ند للكزس وممكن تتفوق عليه لكن لحد الحين الى مديل 2001 اللكزس افضل عموما

فيه سياره لنيسان اسمها البريميرا وهي من افضل سيارات فئة اربعه سلندر نلاحظ انه بالنسبه لتايوتا مالها منافس والبريميرا ارقى من الصني واقل من الماكسيما

فنون

22-09-2001, 03:02 AM

التويوتا أقوى ولوبقليل من النيسان كشركة مثل ماقلت

SKYLINE GTR

22-09-2001, 03:23 PM

موضوع حلو

انا اتفق مع اخوي ابو الشيماء لان قطع الغيار لها سوقهاالكبير

وبانسبة لـ 200L و 240L موجودة لكن في اليابان فقط وهذي صورها

http://www.nissan.co.jp/LAUREL/C35/0105/EXTERIOR/IMAGES/09.jpg

http://www.nissan.co.jp/LAUREL/C35/0105/EXTERIOR/IMAGES/02.jpg

http://www.nissan.co.jp/LAUREL/C35/0105/EXTERIOR/IMAGES/07.jpg

والله حرام مثل السيارة هذي ما تجي عندنا

http://www.nissan.co.jp/LAUREL/C35/0105/INTERIOR/IMAGES/04.jpg

http://www.nissan.co.jp/LAUREL/C35/0105/INTERIOR/IMAGES/05.jpg

يا سلام على الفخامة

ابو الشيماء

22-09-2001, 05:58 PM

الحقيقة شيء يقهر انها ما تظهر عندنا
لكن اتوقع ان الجلوريا حلت محلها لان الشكل متقارب

وشكرا على المجهود المتميز :)

ساهر1

24-09-2001, 10:10 PM

مين يصدق
200L الخرابه هذا شكلها الجديد :D