مادري وش أسمي الموضوع بــس معلومات عن بداية الدراسه

[ذكي مجتهد]

تبدا في يوم من اروع الايام عندك طبعاً انت ما تدري ان اليوم وشو يعني ا الاحد والا الخميس

بس بتصير مفاجأه لك في يوم توك جاي من صلاة الفجر ومسفهل ورايح تلعب دوري ياباني

ومقوم اخوك الصغير علشان يلعب معك ....... وبعد اللعب حدود الساعه 6 ولا النوم

يداعب اطراف جفونك ثمن بتقول لأخوك الصغير انقلع رح نم ثمن بتروح تبي تنام

طبعاًانت بريء ما تدري وش القدر موزيه لك توك حاط راسك الساعه 6:04 ولاك متلقي

كاس مويه بااااااااااااااااااااارد ويقولك ابوك قم الناس قامو وانت نايم

يا حليله على نياته عاد انت بتناظره نص عين وتقوله وشفيكم خلوني انوم

عاد بتستقبل ارسال ثاني من نفس الجيك ويقولك قم مدرسه عاد انت بتفز من هول الصدمه

وتقول مدرسه وتبدا سلسلة اللعان على .....وعلى ....حتى وصولاً الى فراش المدرسه

ثمن بتقعد تفكر في العطله وانت في السرير والايام الزينه اللي راحت وتنعس عيونك شوي

وتقول خلني ارقد خمس دقايق وتوك حاط راسك على المخده اللي كلها مويه ولا الارسال

جايك من بعيد مع تهديد و وعيد وبتقوم انت والدمعه حايره في عينك وبتروح تلبس

وتروح تودي اخوانك وانت في الطريق بتجيك فكره شيطانيه وتروح تذب اخوانك

ثمن تمسك خط القصـيم وعند اول مقهى على اليمين لأن حالتك صراحه ما تأهل انك تسوق

وبتقول في نفسك اول يوم ما يحضرون خلني اغطها نومه الى الظهر ثمن اخذ اخواني

وارجع البيت ........

وبكذا يكون الاسبوع الاول من الدراسه الله فكنا منها ويعجل بفك قيودنا منها امييييين

يارب العالمين

:) :) :)

[مجودي 2002]

واللي يرحم والديك لا تذكّرني بهذي الأيّام ...... :(

انا عاد حالتي بالنسبة للنوم في أيّام المدارس مثل حالتك (لا

وأردى) .... انا حتّى في (الله يكرمكم) الحمّام اذا شفت لي فوطتين

أفرشهم على البانيو وأنام .... وليييييييين بغى الباب ينكسر

أقوم ...... :)

بس ان شاء الله هالأيّام تمر علينا شوي شوي ..... :(

:):):D ......

[ذكي مجتهد]

مـا لـقـيــت الا بالحــمـــام؟!!:)

:) :) :)

[عاشق الريال]

أخ ذكي مجتهد


تونا ( بدري الله يهداك خلنا مرتاحين شوي )


ههههههههههههههههههههههههههههههههههه

[ذكي مجتهد]

هههههههههههه

:) :) :)

[ذكي مجتهد]

لتجديد الاطــلاع

:) :) :)