ان شاء الله يوجد من لديه الحل

[صمت الكلام]

بسم الله الرحمن الرحيم

اولا السلام عليكم ورحمة الله وبركاته ..
هذي اول مشاركه لي هني وحبيت اشكركم على القسم هذا الله يشهد اني استفدت كثير منه ومن خبرة الاخوه فيه
وعندي مشكلتين اتمنى الاقي حل لهم
اولا ساعة الجهاز مخرفه وما نفع اي تعديل لها وهي مو بس مخرفه تخريف عادي لا هذي مخرفه بذمه وضمير يعني تخريف فرق ليل عن نهار من غير الساعات لا تعرف عصر من مغرب .. اتمنى يكون في دوا لها

والمشكله الثانيه ان السي دي درايف اول ما اشغل الجهاز ما الاقي مكانه يعني ما اقدر اشغل اي سيدي لانه يقولي انه مب موجود بالجهاز اصلا لكن لاحظت اني اذا سويت رستارت حق الجهاز
يشرف اللي ما يتسمى ويشتغل على سنجة عشره
مدري شو المشكله بالضبظ ..

وللجميع تحياتي

[Bent Eldeen]

بالنسبه للمشكله الأولى أعتقد إنك تحتاج إتغير البطاريه اللي موجوده في الوحه الأم (Motherboard). وبعدين إتعدل الساعه وإتشوف حظك.

أما بالنسبه للمشكله الثانيه صراحه مافهمتها زين ممكن إتوضح أكثر أخوي يعني إنت تقصد إنه يشتغل في الدوس ومايشتغل داخل الوندوز والا هو احيان يشتغل واحيان لا؟

وشكراً
أختك - بنت الدين

[صمت الكلام]

بالنسبه لموضوع السي دي درايف يشتغل بالوندوز بس لازم اسوي رستارت
يعني اول ما اشغل الجهاز ما الاقي ايقونة او الدرايف الخاص بالسيدي لكن اذا سويت رستارت للجهاز ودخلت عادي على الوويندوز الاقيه موجود وكان ما صار شي
ويشتغل عادي بس ابي اعرف ليش لازم رستارت علشان يشرف

اسفه تعبتك وياي
اختك صمت الكلام

[مهره]

اذكر مرت على هذه المشكله

وقمت بغير الاسلاك الموصله الى الهاردسك وضبط معى

حاول ان تتأكد من الاسلاك الداخليه أقصد شيك على الاسلاك

[Bent Eldeen]

أولا حابه أعتذر منك لأني كلمتك بصيغة التذكير بس السبب كان راجع لكون إسمك يحتمل الصيغتين ((التذكير والتأنيث)).

أما بالنسبه لمشكلتك فكلام مشرفتنا مهره منطقي وايد. واضح إن السي دي عندش مافيه مشكله وإلا ماكان أحيان يشتغل وأحيان لا. أجوف إن المشكله هي في تشبيك السي دي ونصيحتي لش إنك تفصلي السي دي من الهارد دسك إذا كان مشبوك وإياه وتشبكينه في Secondary Master أو Secondary slave ((بالعربي يعني شيلي الجمبر إللي ورا في السي دي وبعدين إوصليه في المكان إللي مكتوب عليه Secondary وياريت تجيبي IDE Cable جديد)) ولو ماكنتي متأكده من اللي يالسه إتسويه أو إنك مافهتي علي ((عادي ترى إنك ماتفهمي علي أنا معقده وأعقد كل شي :) :) )) روحي وديه لأقرب ورشه ترى الموضوع سهل وااااااااااااااااايد :)

أمزح معاج إنشاء الله إذا مافهمتي علي قوليلي وراح أحاول أوضحلج أكثر وبعد باقي الأعضاء ماراح إيقصرون معاج إنشاء الله.

يالله باي عيوني

بنت الدين

[صمت الكلام]

اشكركم على الاهتمام بالموضوع اختي بنت الدين ومهر

يمكن من السهوله على اني اوديه المحل ويعدله بس انا من النوع اللي يحب يتعمق بجهازه اكثر واكثر( ادري اخرتها خراب) بس شسوي ابي اعرف اسرار الجهاز وخاصه ان بعضها سهل وما يحتاج عبقرية
ان شالله راح اسوي اللي قلتولي عليه بس مو اليوم لاني اخاف اهبب واطين بالجهاز بس الصباح رباح ان شالله

واختي بنت الدين كنت اتصور اني لمن اشرح اعقد بس طلعتي اعقد مني بدرجتين :) المهم مشكورين وان شاءالله بنفذ المهمة اليوم
تحياتي للجميع

[صمت الكلام]

مـــــــــــــــــهـــــــــــــــره