حفلة عودة اعضاء سوالف جميعهم بدون ذكر اسماء .جميع من رجع..

[الدكتور ريان]

صباح الورد والياسمين والفل والنرجس .....

ويسعد صباحكم بكل خير اعضاء سوالف ....

خلونا نتجمع ونسوي حفلة معتبرة ...كبيرة .....لااعضاء سوالف الرائعين الي نورو سوالف بحضورهم ...(الله من زمان على الحفلات )وبليز شباب ساعدونا شوي ..وهمو شوية ...والاعضاء الي اشتقنا لهم كلهم ومنهم موزة والنابغة الطائي و فلونة وشمعة و الغرضون ونجمة المساء وفتو ومشتيم وسردال وجميع من نسيته , وان شاء الله يجي مدردش وجميع الغائبين وتكمل الفرحة ....وبيضو وجوهنا هذة المرة بالطبخ ....يلا بسم الله ...ياكريم ..فين القدور


وأبشرك كل حساب العشاء العزومة عندي ... كل مين يمسك ركن ونسوي الطبخ حسب التقسيم الاتي :

نوزع التخصصات
لحم غنم وشوي ديك رومي تخصصي-رز بأنواعه اربعة انظمة ومضغوط

وان تي سي وبال (تخصص اسير اليل) - سمبوسك (تخصص يعسوب )-

(سلطات: تخصص شاهيناز )- لحم جمل (حاشي ومفطح وجريش وكليجة :

تخصص سعودية ) ...(بيتزا :تخصص دكتور احمد )..(قهوة

عربي : تخصص زهر) ...(بطاطس همبرغر : تخصص بياع ) (حلويات

وكيك : تخصص توتة وهدى ومتاهة )( تمر وحيسة تمر : تخصص غريب

نجد وسامر )(ومكرونة وسباغيتي وفرني : تخصص شبوحة وفرفوشة

(مكبوس سمك وهامور : تخصص نجمة المساءواذ لم تكن موجودة يسويها هبة الرحمن ) (كريمة والماسية

وجلي:تخصص فلونة وعطر الندى وشمعة ووفاء )(وجمبري واستاكوزا

ومأكولات بحرية تخصص : احبها وطارق وزيزو وددسن وحبيب الكل

وبرابوس )(مشويات كباب وسكندر واوصال تخصص:بشرى ور حيل

والفارسة زمردة ) (مندى لحم ودجاج تخصص :

الحيران الفارس الحالم باربوس والتتبيل (البهارات للمندي )

تخصص الشيف هبة الرحمن وجرح السنين وميرانة ..(وملوخية خضراء

وناشفة تخصص : الهيكل واسير الصمت والغرضون ومعاهم حبيب

الكل ..(العصيرات بجميع انواعها تخصص :مدردش وسردال وحرف

ومعاهم موزة للاشراف على عصير الطبقات ومعاهم فارس )(سلطات

طعام حارة وباردة (مايونيز-سلطة فواكهة) تخصص : مستر سويت هارت والمهيب

وعزيز والبحر البعيد وجمان )

(ترتيب الملاعق والسفرة : اي واحد لم اذكر اسمه او من الاعضاء الجدد مرة (لم ارهم ) يجي ويساعد في

ترتيب السفر الكبيرة والطولات ونرتب المكان للاكل .....ولاتنسى الشطة وزجاجات الماء والشوكات والملاعق ...مثل المرة السابقة .

[تم تعديل الموضوع بواسطة الدكتور ريان يوم 27-04-2001 في 06:43 PM]

[mouza]

انااول وحده جاهزة وياك يالله نبدا

بس اريد كيكه مال فراوله

[فلونة]

شكرا لك ريان :)

http://www.harrythecat.com/graphics/k/bday1.gif


موزة تنفع هذه الكيكة :)

فلونة

[سعودية]

بالله هذا عدل :(:(

أنا كل هذا الطبخ والباقين على كيكات ودلعhttp://www.swalif.net/sforum/images/icons/icon8.gif

لحم حاشي وجريش ومفطح والحلى بعد كليجا والله سالفة :):):)


ما ودك بعد اطق الخيام واجيب بانزين حق الدبابات والبقيات والله ما صارت :):)

وايش بعد كل هذا القهر يقول متاهة تسوي كيك :):(

لازم يصير فيه عدل يا أخي :):)

تحياتي لك والحمدلله على سلامة الصيانة حقت سوالف :):)

[الدكتور ريان]

موزة :
عاد الحلى تخصص توتة ومتاهة ...اخر مرة سوو ..حلو ...الاعضاء اكل الصحون من لذاذة اكلهم ..وابشري الان يحضرون ..


فلونة : حمد الله على السلامة ...ونورتي بعد ...
يم ...يم .....والله الكيكة شكلها طعممممم مرررررة ..عندي فكرة فلونة اعطيني هذة الكيكة اكلها قبل ليجون الاعضاء كلهم ..وبعدين نسوي كيكة لموزة ههههههههه (معليش ياموزة ميت جوع )هههههههه :):):):):):

[الدكتور ريان]

صباح الخير ...

شوفي يامدام سعودية وام شيطوني ...انتي قصيمية وهذا تخصصك ...مالي دخل ...وانتي 24ساعة تسوين هذة الاكلات الحين ...صارت تعب هههههههههه :):):):) قولي نفسك تأكلي حلى فلونة بصراحة هههههههه وبعدين تسوين الطبخ ..هذة افضل من الاعتراض :):):):): ههههههه واياك اياك تتعبين متاهة ترى عندها حلى المسكينة :):):) وبعدين مافيها شيء سوي الخيام انتي أمرأة بمليون رجال ..وش اقول قصيمية ....:):):):): القوة لله .

[دكتور_احمد]

^1


شوف حبيب قلبي انا مره وحده ايام الدراسه طبخت بغيت اموت الشله الي معاي بالسكن...

فيوز عني لا اسدحكم اذا طبخت بيتزا ...

انا قهوه تركيه اي اعرف بطاطس اي امممممممم بيض...


هلشغلات اي...
بس شي ثاني لا...
زين جذي يا د.ريان فضحتنا علنا:)...



تحياتي وتقديري لك المحب لك د.احمد...

[الدكتور ريان]

يسعدلي ها الصباح بالوجوه الحلوة هذي ...

ولايهمك دكتور احمد ..اي شيء تطبخه العالم راح يأكلوه وانسى شيء يبقى والعالم هنا معدتهم حديديهم والحمد لله :):):):):) ولايهمك ..الان اجيب لك العجينة ونفردها ونسوي بيتزا بالخس ..يقولو طعمة .:):):):) وشوي شوي توصل معاك وتمشي معاك الدنيا ونفتح بيتزا الدكاترة هوت ...ونلعب بالفلوس لعب :):):):):):):):

[بشرى]

موضوع حلو جدا
والأحلى توزيع المهام ههههههه

مشاوي :(
أكلها ممكن بس أنا أشوى :( :(

المشكلة رحيل تختفي عدة أيام بعدين تطلع لنا
بس البركة في زمرده = والفارسة

بس دكتور شويعني " أوصال وسكندر " ؟؟؟؟؟
وهني وعافية المشاوي على الجميع

[متاهه]

http://www.arabiyat.com/images_apr/dicor21.jpg

http://www.arabiyat.com/images_apr/wed2.jpg

http://www.arabiyat.com/images_apr/wed4.jpg

http://www.arabiyat.com/images_apr/wed3.jpg

بالعافية..
وان شاء الله بس يعجبكمhttp://www.swalif.net/sforum/images/icons/icon11.gif

مشكور أخوي د.ريان على هالحفلة..
وان شاء الله على طول يا رب..

متاهـــه

[النابغة الطائي]

تسلم على هذه الحفلة .... وكثر الله خيرك

[mouza]

لا لا لا

شكرا علىالكيكه

اريد كيكه فراوله

[الدكتور ريان]

يسعد اوقاتكم بكل خير ....

بشرى :

ياهلا فيك ....هههههههه عادي الشوي سهل جدا ..تضعي الاسياخ على النار وتنتظري حتى تنضج المشويات ...ماعليك توتة تساعدك ايضا فيها هههههه:):):) واذا حبيتي تغيري تخصصك استأذني من اصحاب التخصصات الاخرى وقومي بالتبديل ...
الاوصال :هي القطع من الحم مفردة مع قطع مع الدجاج مفردة ..مشوية طبعا مثل الكباب للكن قطع مفردة ..وتأكل مع المتبل او الطحينة ....

الاسكندر : هو اكلة تركية (احب الاكل التركي جدا لاانه نظيف )
هو عبارة عن قطع من الدجاج داخل ايدام (خلطة حمراء )مخلوطة بخبز قطع وعلى طرف الصحن يوضع لبن زبادي ...وطريقة اكلها تتم بأخذ الخبز وخلطه جيد بزبادي (اوف احس انس جائع ماتغديت اليوم )ومن ثم اكلة ...هههه :):):) ادري هذة صعبة بس اكلها لذيذ جدا (باروح ادور مطعم تركي ..الجوع قتلني )


متاهة :

ماشاء الله ..ماشاء الله والله تعبانك معانا يامتاهة في العزومتين وفي كل مرة ..تتحفينا بالحلويات الرائعة (قولي للي جنبك سعودية الي بس تعترض :):):):):): وعلميها الطبخ مثلك :):):): الله يستر راح ترميني سعودية اليوم بالشارع :):):):)) وبصراحة يامتاهة ست بيت معتبره ...لازم تطليعن للعالم كتاب عن الحلويات ..تسلمين والله .


النابغة الطائي :

ياهلا والله نورت الحفلة بوجودك ..وتستاهل كل خير ...بس تأمر انت وماعليك بس تتزوج نسوي وحدة ثانية ..حاضرين من عيوني والله النابغة .

[جمان]

يا د. ريان عاذرينك هالمرة <=== زعلانة علشانك ما حطيت اسمها بس المسامح كريم

واقول سعودية ولا يهمك اختي انا معك بالطبخ تعرفين انا وانت من منطقة وحده :):) ولا وش رايك ؟؟؟


اهنئكم كلكم بهالحفلة الجميلة والكبيرة :):) واستمتعوا بوقتكم :):)

[الدكتور ريان]

ياهلا والله اشوف الحفلة زود نورها ...
يسعد اوقاتك بكل خير جمان ...مين قال انتي معنا قلبا وقالبا ..

:):):): كثرو القصمان هنا ههههههههههه :):):):):) وراكم ..ياقمنج :):):): على بالكم كشتة ..حياكم الله ..وجمان انت عليك الجريش والكليجا والباقي على سعودية وهي :) تضحك ..ماعندنا دلع بنات (رجال حمش ):):):):):):):):) والحين شافت مدردش راح تحترف بالطبخ ....وتسلمين جمان

[مدردش متقاعد]

أول شي حمدلله على سلامتك و سلامة الوالدة.. و الله لك وحشو صراحة.. (بآ كده تغيب و ما تؤلش لحد:))

كيف تخليني من طاقم الطبيخ و أنا أصلا متقاعد؟ و أريد حد يأكلني؟:)


لازم تغير التشكيلة يا دكتور.. لا و مخليني مسؤول العصيرات؟ هالي ناقص ههههه


تحياتي لك:)

[الدكتور ريان]

يسعد اوقاتك بكل خير ....

وابشرك الكل بخير والحمد لله ..تسلم عزيزي ..

ولايهمك اختار اي تخصص وانا موافق ........وهبالهناء والشفاء

[Huda76]

هلا وغلا أخوي الدكتور ريان

فعلا نحتاج هالحفلة لسببين :

1- عودة الغايبين الغاليين اللي حقيقي فقدناهم واشتقنا لهم ..

2- عودة موقع سوالف بعد ما كان معطل كم يوم ..

يعني الحفلة جات في وقتها .. وعاش من شافكم كلكم :)

تحياتي للجميع

[الدكتور ريان]

ياهلا والله هدى
يسعد اوقاتك بكل خير.....

وعاشت ايامك ...اشوف الموضوع اليوم نوره كل ماله بزيادة ..اتاريك هنا ...وفعلا هذة المناسبات تحتاج احتفال ...
تسلمين

[أسير الليل]

اهلين صديقي..دكتور ريان..صباح البرياني..

صراحه..الغايبين يستاهلون التعب..على قول خيرانا في جده

لاجل عين تكرم مدينه..

بس عاد ان انا مع الاخت سعودية..علينا الشغل الثقيل..

على فكره..الوالد..طب وانا مقابل النيران ومسوي فيها

قالي..اشوف نهار تعفس البيت انت وقدورك..

وزهمت اخواني والحارس..المهم سويت ربشه..ونزلت في الارض

المجاوره..فاضيه..عارف ليه..مسوي طباخ زي الكبار ومااعرف

اطبخ الا بالحطب..على بالي معلم..

المهم..اخوي الصغير..بداء في اللقافه..اصحابك متى بيجون؟؟؟

لا حبيبي اصحابي في الخبت..ياالله روح جيبلي كاسه مويه..انقلع..

نط الثاني..طيب لي ماتطبخون في الخبت..بدأت الصكصكه..

طالعت فيه..ليه ماتروح تتفرج برنامج أفكار احسن..


المره الجايه بجيب كاسات مويه بس..

كيف دكتور خليت السالفه..فيلم هندي..

تحياتي لك..وللضيوف اهل الدار..وللمشاركين..

[أصيل الجزيرة]

مساكم الله بالخير

طبعا أنا قديم في سوالف ولكن غائب وتوني جاي
صديق من الجلسة

ممكن

آخذ تخصصي


أنا تخصصي إني آكل كل أللي طبختوه............:)

تحياتي لكم جميعا

[توتة]

الحين كيف اسوي الحلو و متاهة غطت علي :(:)

متاهة ===> ما خليتي لي مجال :) ما شاء الله عليج خطيرة :)


علشان جذيه بقدم لكم هالاهداء ...
بمناسبة رجوعنا لسوالف ...

http://www.geocities.com/toota4u/ha2.html



و عسى الله يديم التواصل ... :)

تحياتي ,,,,,,
توتة :)

[الوفاء]

اهلين بالاخ الدكتور ريان انا سويت شغلي كله و ما علي الا احينه اروح اتجهز للحفلة

[دكتور_احمد]

تحيه عطره الي الشيف د.ريان


أعرفك بنفسي انا الجروح انا الام :)

انا المدير هني وياي اشوف الحفله يالله أشتغلو بسرعه :)




:)





تحياتي لك شيف :)

[شمعة]

الله يديـــــــــم أفــــــــــــراح سوالــــــــــــف .. يارب

موضوع واحتفال حلو ورائع .. وكأنه حقيقي ..
وبالنسبة لمهمتي فهي سهلة .. وحاضرين :)

والله حاسة بفرحة كبيرة ..
وعسى الله لايفرقنا ..

شكرا لك د . ريان

وتحياتي للجميع ..

[زهر الليالي]

قوووووم يا يعسوب صب القهوه
وخلك رجال نشمي ولا تكب القهوه على صدر الدكتور ريان :)
لا تفشلنا من الربع والا طقيتك بالمهراس على دماغك

http://www.arab-heritage.com/images/Dallah.jpg


وشوف عمك زهر تحت

http://www.arab-heritage.com/images/Produc2.jpg

[الدكتور ريان]

هاه ..تسوون عزومة ثانية ...

[فلونة]

د.سوالف

بالتأكيد

ويالها من حفلة مازلت أذكر طعم الفرح فيها لليوم

ذكرى رائعة بالفعل

شكرا لك.. ولكل السوالفية:)

[دعد]

انا بجيب المفطح..




وحده بدويه..ما تعرف غير العزايم..



امزح
اطلبوا وتمنوا وش تبون وانا اجيب لكم لاني بصراحه اول مره احضر حفله من حفلاتكم...

[فرفوشة]

هلا

فيكم

والله الحفلة حلوة مرررررة

اوووووووه نسيت اجيب السباغتي

نسيت يالله المرة االجاية

لوووووووول

:):):)

[moon cat]

أفا يادكتور يامراهق فى ألخمسين نسينا مون كات وين علب ألتونه !!!!!! وألسمك بسرعه تراني يوعان وبموت من أليوع بعزم صحابي ألقطاو في ألفريج حنعمل كرنفال ألقطط هنا أما صدعناك ماخليناك تنام !!! هاهاهاها mooncat