سوالف للجميع - ثلج.. ثلج يا ناس!!

مدردش متقاعد

02-03-2001, 02:38 PM

أخيرا ... نعم أخيرا... نزل ثلج عندنا:)

و أنا قاعد أكتب الحين الثلج يتساقط بغزارة..بالرغم من لإننا في أواخر الشتاء,.. و الدنيا مغطاة بطبقة ناصعة البياض:)

يا سلام اليوم ويكند بعد.. بروح أتزلح يا شباب.. تعرفون كيف؟:)

بقعد على لوح بلاستيكي.. و وواحد من الشباب بيربط حبل في سيارته و بيجرني:)
حد يريد يجرب؟:)

المشكلة.. كيف أروح الدوام؟ سارتي مدفونة تحت الثلج:(

النجدة:(

تحياتي
مدردش... متزلج:)

mouza

02-03-2001, 02:59 PM

والله ضحكتني
لا بقولك طرش لنا عرقوب من الثلج عشان نلعب عليه

هاهااههاهاهااهها

عاد كل ها وانت تدرس في الخارج تعلم كيف تتزحلق فضحتنا
هاهااهااها

http://fun.ohmygoodness.com/Cards/skiing.jpg

هذا انت وانت تتزحلق

عمروبن كلثوم

02-03-2001, 03:59 PM

^1

طيب ليش زعلان بالعكس وناسه :)

تدري حنا كيف نتزلج ؟!

مثلكم بالظبط ؟! واحد يجلس على لوح بلاستيكي والثاني يجره بسياره , وينتهي دورك أذا طحت .

بس مو على ثلج ؟!!!

على طعوس ونفود ( رمل ) :(

شفت وشلون .

اللي قاهرني أنك زعلان ؟!

أنا تدري وشلون أنتهى دوري ؟!؟!

بالمستشفى بعد ماطحت , والسياره تمشي 100 كيلو بالساعه :(

أفرح ياعمي ليش زعلان ؟!

أحد بنار واحد بوسط جنه *** والحظيظ اللي له الرب راضي .

تحيــــــــــــاتي ,,,,,

نجمة المساء

02-03-2001, 04:20 PM

حلوووووووووه التزلج على الرمال بس الاحلي التزلج علي الثلج

مدردش متقاعد

02-03-2001, 06:43 PM

و الله الثلج عجيب صراحة (مب شايف خير!!)

زين ما دعمت و أنا أسوق:) كنت بدعم الإشارة هههههه

ماشاء الله تبارك الله.. ثلج ببلاش..تصدقون بعد ما صلينا الجمعة.. برع المسجد.. الحين المفروض الناس يسبحون و يذكرون الله.. الشباب شو سووا؟

قعدوا يرمون بعض بالكرات الثلجية هههههه

صدق مب شايفين خير:)

مدردش متقاعد

02-03-2001, 07:39 PM

جد لعبتي بالثلج؟:)

أنا الحين بنزل و بسويلي كرة ثلج عودة.. جان تريدين.. تشاركيني حياج:)

mouza

02-03-2001, 08:14 PM

انا قلت لك طرش لي يعني شو وين ايك يا اني ايب الساحرة ام مكشه والحق ايك هناك :)

مدردش متقاعد

02-03-2001, 10:56 PM

ماشي ثلج:(

الجيوكندة

02-03-2001, 11:12 PM

توني ابي اشارك و يوقف الثلج

زين مافي الا ننطر ينزل مرة ثانية ..

مدردش متقاعد

02-03-2001, 11:50 PM

بس حلاته في الثلج.. و لا شو رايك:)

ياخي الرمل.. يسوي لك حكة:) لازم تاخذ دش.. بس الثلج.. عجيب صراحة:)

وش رايك تجرب؟

mouza

02-03-2001, 11:56 PM

احسن

هااهاههااهاهاهاهاهاه
عشان ما تمرض شو مب احسن احسن صح يا مدردشكو

مدردش متقاعد

03-03-2001, 01:08 AM

ز إنتي تعرفين تتزلجين في أي وحدة منهن؟ الثلج و للا الرمل؟:)

الفرزدق

03-03-2001, 04:12 AM

اللهم لك الحمد:)،،،

الجو مضبوط،،، وين البرد ،،،
ووين الثلج:)؟؟

مدردش متقاعد

03-03-2001, 04:17 AM

و أنا رايح قبل شوي.. غرزت السيارة؟ تمت تخفر عند البيت!:(

بس الله ستر.. و قدرت أطلعها:)

الفرزدق

03-03-2001, 04:23 AM

دعمته ،،، عرفناها:)،،،

لكن ،،،(( تخفر))

ممكن تترجمها عربي:)؟
ماأدري كيف جت هذه؟

عمروبن كلثوم

03-03-2001, 04:11 PM

^1

أكيد الثلج أحسن ؟‍ بدون سؤال .

المسأله ماهي مسألة حكه من رمل ؟!

المسأله مستشفى وترقيد :(

والسستر سرلانكيه ؟!

يعني مرض على مرض , الثلج أحسن ؟!

بس المشكله وين أجرب الثلج بوديان مهنا والحماد ؟!

ماعندنا ثلج ولاهم يحزنون عندنا شعبان عرعر ورضم الحره ؟!

بس :(

يالله نتمنالك التوفيق في رحلتك :) .

تحياتي ,,,

مدردش متقاعد

03-03-2001, 05:00 PM

أفا عليك ياخي.. نشحن لك ثلج.. و لا يهمك:)

قولي كم طن تريد:)

و غذا صار لك شي.. نعالجك في أمريكا و لا أوروبا:) كم عمرو بن كلثوم عندنا؟:)

تحياتي لك

نجمة المساء

03-03-2001, 11:10 PM

على الثلج ممكن يا مدردش

بس الرمل ما اعتقد بس اجرب :)

مدردش متقاعد

04-03-2001, 02:30 AM

.. اتدربي على الرمل كبداية.. في الثلج يمكن تطيحين و تتكسرين:)

تحياتي

عمروبن كلثوم

04-03-2001, 02:58 AM

^1

شكرا ياعزيزي مدردش والله أحرجتنيhttp://www.swalif.net/sforum/images/icons/icon11.gif

ياشباب نصيحه لوجه الله ألا الرمل ؟!

اللهم أني بلغت اللهم فاشهد ؟!

ياشباب يقولون أسئل مجرب ولا تسئل طبيب :( .

تحياتي ,,,,

مدردش متقاعد

04-03-2001, 06:24 AM

شكلك يا عمرو عندك ذكريات سيئة جدا مع الرمل.. قل لي وش صار لك بالضبط؟
اتكسرت؟ و لا دفنوك ربعك و إنت حي؟:)

ههههههه