قاعة امتحان وله قاعة مغششة

[بو حسن]

هلا :)
والله ما ادري ليش يغشون مع انه ماكو فايدة :)
بس القوطي عباله اذا بيغش بياخذ درجة زينة
عاد المشكلة ان فيه بعض الناس ما يعرفون يغشون
ولكم هذه الامثلة في القاعة اللي كنت انا فيها
والله كله غش في غش .. انبطت جبدي انا لازم بعلم عليهم
والمشكلة ان بعض الاساتذة يصيدونهم بس ما يرتبون اثر ولا شي ما ادري ليش .. بعضهم ينكسر خاطرهم عليهم وبعضهم (ماني ماني نايس نايس)
لا وفي واحد استاذ اهو بروحه يروح يعلم واحد طالب غشيم منكسر خاطره عليه ..
المهم
هذا اكو واحد يبي يغش مسكين توه مبتدأ ..
عاد يكتب حق اللي وراه على الجدار(غششني)
لووووووول
عاد الاستاد شكه .. مسكين صار وجهه طماطة
الصف يوم درو انفجرو والاستاد مات من الضحك .. قال يالله هالمرة عشانك ضحكت الشباب ماعليه مسامحة بس اياني وياك تعودها
بعدين شفنا واحد لايح حق اللي جبنه ورقة يقوله (شنو جواب هذه المسألة)
وهذا شكوه بس ما سوو شي
لا وفي واحد بعد اقوط (من قوطي) :)
شنو كاتب له موضوع انشاء وفاتح الورقة قدام الاستاذ وقاعد يكتب جان يجي له استاذ من ذاليك اللي كل يسبون
شكه .. وخذ منه الورقة
الطالب : والله استاذ..
الاستاذ : جب (يعني انطم)، يا جحش .. مو مربة
الطالب : بس ..
الاستاذ : لا وتتحجة بعد يا (كل...ب) .. والله حم..ار ما تستحي على وجهك
(انتهى المشهد ولا صار شي)

وانا شفت نفس الطالب يغش اليوم الثاني ..

لا ومسوين لهم عصابات
كل مجموعة يغششون بعض .. بس انا عرفتهم (انا اقعد في المقاعد الاخيرة) عشان جذية اعرف كل شي يصير في القاعة
في واحد مسكين بريء مو مال هالشغلات بس صابته عدوة .. انا قلت حق اخوه الكبير (اخوه رفيجي) وهو يتدبر الشغل ..

لا في اثنين يتشابهون خطهم .. قاعدين ورا بعض واحد منهم (كسول اشوي) و الثاني شاطر اشوي عاد شافوا في طالب الكسول ورقة مكتوب فيه (شجواب هالمسألة ، وشجواب الاصطلاحات) عاد الشباب على طول وجهو اصابع الاتهام حق الطالب الشاطر
بس انا قلت لهم لا .. هذا الطالب الكسول اهو اللي كاتب الورقة ، لان الطالب الشاطر مو مال هالشغلات بعدين هذا انا اعرفه واحد ذكي ما يسوي هالخطة الغبية بعد الشاطر ما يحتاج مساعدة من احد ، لا ومن واحد اكسل منه ..

لا هذا غيض من فيض .. واللي ما اعرفه اكثر
ما اقول الا الله يستر ..
بس انا اخاف اعلم عليهم وينفضحون ومساكين بعضهم طيبين ومؤمنين