والله محتار يا ناس!

[سردال]

محتار في شو؟! طبعاً هذه آخر سنة لي! وما بقى من العام الدراسي غير 4 شهور وبعدين امتحانات الثانوية العامة! محتار يا ناس في التخصص! وأنا اللي كنت أقول لغيري لازم تختار وتحدد التخصص من اليوم! أنا اليوم محتار! شوفو الخيارات اللي متاحة لي! ساعدوني! :)

إدارة الأعمال، وهذا التخصص الذي اخترته لأول مرة! وحقيقة تبحرت فيه لدرجة كبيرة، ونصف مكتبتي عبارة عن كتب إدارية، وقدمت بعض الدورات الإدارية، والحمدلله متمن في هذا المجال.

الحاسوب أو تقنية المعلومات: وهذا المجال لدي خبرة ممتازة فيه، ولدي استعداد للتبحر فيه، لكن يعوقني اللغة الإنجليزية!

التربية والإدارة التربوية، وهذا لأني أحب التدريس والمدارس، ولدي رغبة في العمل كأخصائي إجتماعي!

اللغة العربية!

الإعلام!!

شفتوا التخصصات! والله متحير بينهم! وكل واحد راح يقول لي خذ هذا ولا تاخذ هذا ويبقى القرار الأخير (30 حلقة!!) عفواً يبقى القرار الأخير أنا المسؤول عنه! :)

[bent_zayed]

اذا كنت تبي رايي فاقولك اختار الكمبيوتروترحم على نفسك يمكن تحتاج انجليزي ماشي حاله لكنك راح تحتاج صبر وحب للمعرفة والاطلاع ولكنك في نفس الوقن يمكن تستانس وراح تقدر تشتغل في ادارة الاعمال بعد ما تتخرج وانت بكامل قواك العقلية وبنص صحتك وتقدر ايضا تشتغل في التدريس يعني كل شي تريده لأن الكمبيوتر لغة العصر ولكن أحذرك من الأحين الكمبيوتر يحتاج شغل اسأل مجرب والله يوفقك وينور لك طريقك

[bent_zayed]

http://www.2ecards.com/scards/vgradboard_t.gif

[سردال]

جزاك الله خير وما قصرتي! :)

راح أفكر زين! :) وبعدين أقرر!

[الإمبراطور]

والله إذا تبغي رايي أقولك خذ إدارة أعمال

لأنك كما قلت خذت دورات وواثق من نفسك فيها.




.........الإمبراطور..........



مع تحياتي...................

[mouza]

ما خاب من استخار ولا ندم من استشار :)

[سردال]

صدقتي يا موزة! :) وأنا أبغي مشورتكم ألحين! قبل لا يجي الوقت اللي لازم أختار فيه! :) خبريني عن التدريس! شو يتطلب! هل لازم أدخل كلية معينة حق أكون مدرس! ولا ينفه أي كلية؟! :)

[BRABUS]

ممكن الهوتميل لو سمحت ؟؟

[سردال]

برابوس!! :) ليش تريد الهوتميل؟! أرسل لي على بريدي في سوالف serdal@swalif.com

أما إذا تريد تتكلم معاي فأنا واحد كثير يحكي! رغاي :) ما أريد أتعبك معاي! :)

[BRABUS]

معليه يا سردال

يمكن النقاش بيكون طويل شوي

هذا إذا سمحت يعني

أو تقدر ترسلي أي ايميل على ايميلي

brabus_v8@hotmail.com

[mouza]

لازم تدخل كلية التربية :)
لانها هي الكليه التي توهل الخريج للتدريس
والحين في الوزارة ما يقبلون غير خريجين كليه التربيه :)
والله يوفقك يارب:)

[سردال]

زين! عرفنا معلومة وجزاك الله خير :)...

شو رايك بشغلة الأخصائي؟! شو تحتاج من الإنسان؟!

[mouza]

والله الاخصائي
تدخل كليه العلوم الانسانيه والاجتماعيه
عفوا اخي سردال انت من الامارات ؟

وهي كليه الاداب سابقا وتختار تخصص خدمه اجتماعيه :)
وبالفعل مدارس الطلاب محتاجه الى اخصائيين اجتماعيين لانها تفتقر الى الكادر المواطن في ذلك المجال :)

[home alone83]

بس انشاء الله ... يسير خير ... شكلي بتخصص برمجة كومبيوتر أو إتصالات ؟؟؟؟

يقولون هذي هي الأشيا الماشية هالأيام ؟؟؟؟؟


بالتوفيق اخوي سردال لي ولك ...



تحياتي .. :)

[سردال]

هوم ألون! الله يوفقك! :) وأخوي استخير الله قبل :)